SAN JUAN 9:16 - Chatino Zona Alta Occidental

¹⁶ Loꞌo ndiya chinꞌ neꞌ fariseo nu ykwiꞌ chaꞌ re: ―Siꞌi seꞌen ndiꞌin Ndiose mdoꞌo yu kanꞌ, kanꞌ chaꞌ ja nduwe tiꞌ yu ni siya kti ꞌa tsan taꞌa ni. Loꞌo ndiya xka ta nten nu ykwiꞌ chaꞌ re ꞌin yu: ―¿Ni ñaꞌan ka ra ꞌin yu kanꞌ kuꞌni yu chaꞌ tnun chabiyaꞌ ꞌin Ndiose si ndukwi ꞌa yu kiꞌya ngwañaꞌan a? Ja suꞌwa ykwiꞌ neꞌ kanꞌ chaꞌ ꞌin Jesús.

SAN JUAN 9:16 Iomraidhean Croise

SAN MATEO 12:10

Naꞌan yu chaꞌ ndiꞌin ska yu kiꞌyu nu tiꞌí yaꞌ, chaꞌ wa nchkunꞌ tyukwin ska laꞌa yaꞌ yu. Loꞌo mnichaꞌ neꞌ judío kanꞌ ꞌin Jesús bra kanꞌ: ―¿Ta ndiya chabiyaꞌ ꞌñaan chaꞌ kuꞌnian joꞌó ꞌin nu tiꞌí tsan taꞌa a?, xa nu ndiꞌin chaꞌ xitñaanꞌ ―ndukwin neꞌ ꞌin Jesús. Nchka ꞌa tiꞌ neꞌ kanꞌ xtya neꞌ kiꞌya ꞌin Jesús.

SAN MATEO 12:2

Naꞌan neꞌ fariseo chaꞌ ngiꞌni neꞌ ngwañaꞌan, ykwiꞌ neꞌ fariseo kanꞌ loꞌo Jesús bra kanꞌ: ―¿Ja jlyo tiꞌ wan chaꞌ ja ndiya chabiyaꞌ kuꞌnian tñan ni, chaꞌ tsan nu nxitñaanꞌ lka a? ―ndukwin neꞌ fariseo ꞌin Jesús―. Neꞌ kwa nu ngiꞌni xaꞌan chaꞌ ꞌiin ni, ¿ni chaꞌ lka ngiꞌni neꞌ tñan kanꞌ ni sikwa?

SAN LUCAS 13:14

Loꞌo ni, nten nu lka ndloo la niꞌ lyaa kanꞌ, msinꞌ ꞌa tiꞌ neꞌ kanꞌ ꞌin yu, chaꞌ wa yꞌni Jesús joꞌó ꞌin nten tsan taꞌa. ―Skwa tsan suꞌwe chaꞌ kuꞌnian tñan ―ndukwin nu lka ndloo la kanꞌ―, kanꞌ tsan suꞌwe chaꞌ kan wan chaꞌ ka joꞌó ꞌwan; ja kan ꞌa wan tsan taꞌa chaꞌ ka joꞌó ꞌwan bra kanꞌ ―ndukwin yu ꞌin neꞌ.

SAN JUAN 10:19

Xiyaꞌ ja ngwa kuꞌni suꞌwa neꞌ judío chaꞌ loꞌo taꞌa neꞌ, chaꞌ nu ykwiꞌ Jesús ngwañaꞌan.

SAN JUAN 14:11

Xñi wan chaꞌ ꞌñaǎn sikwa, chaꞌ nu niǐn ꞌwan chaꞌ suꞌwa ndiꞌin chaꞌ ꞌñaǎn loꞌo Stiǐn Ndiose. Ni siya ja tsaa ñaꞌan tiꞌ wan ꞌñaǎn ngwañaꞌan ti, suꞌwe si tsaa ñaꞌan tiꞌ wan ꞌñaǎn xa nu ñaꞌan wan chaꞌ tnun nu ngiꞌniǐn ―ndukwin Jesús―.

SAN JUAN 15:24

Ja ndukwi neꞌ kanꞌ kiꞌya ti kulo, loꞌo ni, wa mdiꞌiǐn seꞌen ndiꞌin neꞌ kanꞌ, wa yꞌniǐn tñan nu ja ka ꞌin xka la nten kuꞌni; wa naꞌan neꞌ nchga chaꞌ tnun nu ngiꞌniǐn, kanꞌ chaꞌ tiꞌí tiꞌ neꞌ ꞌñaǎn. Kwiꞌ ngwañaꞌan tiꞌí tiꞌ neꞌ ꞌin Stiǐn, kanꞌ chaꞌ wa nganun yuweꞌ chunꞌ neꞌ kanꞌ ―ndukwin Jesús―.

SAN JUAN 2:11

Kichen Caná nde lo yuu ꞌin Galilea ngwa chaꞌ kanꞌ, bra nu mdyisnan yꞌni Jesús chaꞌ tnun chabiyaꞌ ꞌin Ndiose Sti yu. Loꞌo chaꞌ tnun kanꞌ ngwaꞌu tloo Jesús ꞌin nten, chaꞌ ñaꞌan neꞌ chaꞌ tlyu ꞌa tñan nka yu. Kanꞌ chaꞌ mdyisnan neꞌ nu ngiꞌni xaꞌan chaꞌ ꞌin yu, ndyaa ñaꞌan tiꞌ neꞌ ꞌin Jesús bra kanꞌ.

SAN JUAN 3:2

Bra nu ngwiꞌya tla yaa yu kula kanꞌ seꞌen ndiꞌin Jesús: ―Mstru Jesús ―ndukwin yu―, jlyo tiꞌ nten chaꞌ nuꞌwin lkaa ska mstru nu msuꞌwa Ndiose ꞌiin ndijyaan lo chalyuu, chaꞌ ja ka ꞌiin kuꞌnii skaa chaꞌ tnun si ja loꞌo Ndiose ndayaꞌ ꞌiin. Jlyo tiꞌ ba chaꞌ ja ka ꞌin nten chalyuu kuꞌni neꞌ ngwañaꞌan ―ndukwin Nicodemo ꞌin Jesús.

SAN JUAN 5:10

Kanꞌ chaꞌ ykwiꞌ neꞌ judío loꞌo nu ngwa tiꞌí kanꞌ tuwiin: ―Tsan nu nxitñaꞌ nten lka ni ―ndukwin neꞌ kanꞌ ꞌin yu ―. Ja nsuꞌwi ꞌa chabiyaꞌ ꞌiin chaꞌ tyaꞌan loꞌoo jaaꞌ kwa ꞌiin ni.

SAN JUAN 5:36

Loꞌo chinꞌ ꞌa chaꞌ ꞌñaǎn ykwiꞌ Xuwa loꞌo wan; wa kaꞌan la chaꞌ ñaꞌan wan ni, chunꞌ chaꞌ mdiyaǎn lo chalyuu, xa nu ñaꞌan wan tñan tnun nu ngulo Stiǐn ꞌñaǎn chaꞌ kuꞌniǐn. Ti kuꞌniǐn tñan kanꞌ sa ñaꞌan yaꞌ tyii ran. Loꞌo tñan kanꞌ ka jlyo tiꞌ wan chaꞌ Stiǐn lka nu ngulo tñan ꞌñaǎn chaꞌ mdiyaǎn lo chalyuu re ―ndukwin Jesús―.

SAN JUAN 6:52

Loꞌo mdyisnan neꞌ judío kanꞌ, lye ꞌa ykwiꞌ neꞌ loꞌo taꞌa neꞌ bra kanꞌ. ―¿Ni sa ñaꞌan kuꞌni yu kwa chaꞌ ta yu kunaꞌ yu chaꞌ kuan? ― ndukwin neꞌ ꞌin taꞌa neꞌ.

SAN JUAN 7:12

Kaꞌan ꞌa chaꞌ nchkwiꞌ neꞌ kichen kanꞌ loꞌo taꞌa neꞌ chaꞌ ꞌin Jesús. Ndiya neꞌ nu nchkwiꞌ: “Suꞌwe ꞌa nten lka yu kwa.” Loꞌo ndiya xka ta nten nu nchkwiꞌ: “Siꞌi. Xkwiꞌ chaꞌ kwiñi nchkwiꞌ yu kwa, nñi lyoꞌo ti yu ꞌin nten.”

SAN JUAN 7:23

Xa wa mdaꞌa snuꞌ tsan nu ngula sñiꞌ wan, ngiꞌni wan tñan kanꞌ, ni siya nxitñaꞌ neꞌ chaꞌ taꞌa, chunꞌ ndukwa ꞌa wan nchga chaꞌ nu wa ytsaꞌ Moisés ꞌñaan chaꞌ kuꞌnian. Kanꞌ chaꞌ ni, ¿ni chaꞌ lka msinꞌ ꞌa tiꞌ wan ꞌñaǎn sikwa? ―ndukwin Jesús―. ¿Ta chunꞌ chaꞌ nu yꞌniǐn chaꞌ nchkaa ska nten, ni siya ska tsan nxitñaꞌ neꞌ ngwa kanꞌ, kanꞌ chaꞌ msinꞌ tiꞌ wan ꞌñaǎn a?

SAN JUAN 7:43

Ja ngwa suꞌwa chaꞌ ꞌin neꞌ loꞌo taꞌa neꞌ chaꞌ ꞌin Jesús.

SAN JUAN 9:24

Ti msiꞌya neꞌ fariseo kanꞌ ꞌin nu ngwa kwityiinꞌ kanꞌ xiyaꞌ. Kanꞌ lye ykwiꞌ neꞌ loꞌo: ―Chabiyaꞌ ꞌin Ndiose, chkwiiꞌ ska chaꞌ nu ñi loꞌo ba ni ―ndukwin neꞌ ꞌin yu―. Wa jlyo tiꞌ ba chaꞌ ndukwi ꞌa Jesús kanꞌ kiꞌya.

LOS HECHOS 14:4

Loꞌo ja suꞌwa chaꞌ ꞌin neꞌ kichen loꞌo taꞌa kichen tyi neꞌ bra kanꞌ. Mdiya neꞌ nu ynan chaꞌ nu nchkwiꞌ neꞌ judío nu xaꞌan tiye kanꞌ, loꞌo mdiya neꞌ nu wa yten chaꞌ nu nchkwiꞌ Palyu loꞌo Bernabé, chaꞌ ꞌin Jesucristo kanꞌ.