SAN JUAN 8:53 - Chatino Zona Alta Occidental

⁵³ ¿Nxkeꞌ tiiꞌ chaꞌ chinꞌ la chaꞌ jlyo tiꞌ ayman Abraham ꞌwa, kaꞌan la chaꞌ jlyo tiꞌ nuꞌwin sikwa a? ¿Ta ngwañaꞌan nxkeꞌ tiiꞌ a? Loꞌo ayman Abraham, loꞌo xka ta ayman kanꞌ, wa ngujwi nchga neꞌ kanꞌ. ¿Ti ka nu lka nuꞌwin, nxkeꞌ tiiꞌ a?

SAN JUAN 8:53 Iomraidhean Croise

SAN MATEO 12:6

Chañi chaꞌ naꞌ nu ndijyaǎn re, tnun la ti chaꞌ ꞌñaǎn ke laa tnun kanꞌ.

SAN MATEO 3:9

Ja xkeꞌ ꞌa tiꞌ wan chaꞌ ka suꞌwe ꞌwan tloo Ndiose si xkwiꞌ ndyuꞌwi tiꞌ wan ꞌin ayman kula ꞌwan, ñaꞌan tiꞌ ayman kula Abraham kanꞌ. Ja talo Ndiose ꞌin chaꞌ kuxi nu ngiꞌni wan siyaꞌ ti, ni siya nten taꞌa ayman Abraham lka wan, nchkwiꞌ wan. Nan kwiñi wan. Si nchka tiꞌ Ndiose, ka ꞌin Ni kwiñan Ni xka ta nten loꞌo kee ndiꞌin tuꞌwa chku re, chaꞌ ka neꞌ taꞌa ayman Abraham; ka ꞌin Ni si nchka tiꞌ Ni. Loꞌo ja tukwa Ndiose chaꞌ ꞌwan bra kanꞌ.

SAN JUAN 10:33

Mxkwen neꞌ judío kanꞌ ꞌin Jesús bra kanꞌ: ―Ja kujwi ba ꞌiin loꞌo kee siꞌya ska tñan suꞌwe nu yꞌnii ―ndukwin neꞌ―; siꞌya chaꞌ kuxi nu nchkwiiꞌ ꞌin Ndiose, kanꞌ chaꞌ kuun kee ba ꞌiin. Sñiꞌ nten chalyuu lkaa, loꞌo nuꞌwin ngiꞌnii chaꞌ Ndiose lkaa.

SAN JUAN 12:34

Mxkwen neꞌ ꞌin Jesús bra kanꞌ: ―Wa ynan ba chaꞌ nu ngwaꞌan neꞌ lo kityi kula ꞌñaan, chaꞌ ja tsaa tii ꞌa chalyuu ꞌin Krixtu, nten nu tnun nchka kanꞌ nu ta Ndiose chaꞌ kan lo chalyuu ―ndukwin neꞌ―. ¿Ni sa ñaꞌan ndyoꞌo chaꞌ nu tka ykwiiꞌ ti, chaꞌ ndiꞌin chaꞌ jwiꞌin kaꞌan neꞌ ꞌin Krixtu lo wsi a? ¿Ta ti kwiꞌ Krixtu nu kan lo chalyuu chaꞌ ka nten a? ¿Ni sa ñaꞌan nten lka nu lka Krixtu kanꞌ a?

SAN JUAN 19:7

Mxkwen neꞌ judío ꞌin Pilato bra kanꞌ: ―Ndiꞌin ska chaꞌ ꞌware ―ndukwin neꞌ―. Sa ñaꞌan nchkwiꞌ ti ba ndukwi yu kiꞌya, chaꞌ ndukwin yu chaꞌ lka yu ska ti nu lka Sñiꞌ Ndiose; siꞌya chaꞌ kanꞌ ndiꞌin chaꞌ kaja yu.

SAN JUAN 4:12

¿Ta kaꞌan la nsuꞌwi lyo nuꞌwin ke ayman Jacob ꞌñaan nu nda chku tiyuu re ꞌwa a? ―ndukwin―. Yiꞌo ayman kanꞌ tyiꞌa chku re, kwiꞌ ngwañaꞌan yiꞌo sñiꞌ yu, loꞌo skunꞌ neꞌ yiꞌo tyiꞌa re.

SAN JUAN 5:18

Kanꞌ chaꞌ chen ꞌa nka tiye neꞌ judío kanꞌ ñaꞌan neꞌ ꞌin Jesús, nsuꞌwi ꞌa neꞌ kanꞌ nu nchka tiꞌ kujwi ꞌin Jesús bra kanꞌ. Tiꞌí tiꞌ neꞌ kanꞌ ꞌin yu, chaꞌ yꞌni yu tñan tsan taꞌa ꞌin neꞌ, ndukwin neꞌ. Ja ndiya tiꞌ neꞌ siyaꞌ ti chaꞌ ndukwin Jesús chaꞌ Ndiose lka Sti yu, chaꞌ suꞌwa ti ngiꞌni yu loꞌo Ndiose.

SAN JUAN 8:58

―Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―. Wa nsuꞌwiǐn xa nu ngula ayman Abraham kanꞌ.

ROMANOS 9:5

Sñiꞌ ayman kula ꞌñaan lka neꞌ kanꞌ. Bra nu ngula Krixtu lo chalyuu chaꞌ ngwa Ni nten, ti kwiꞌ taꞌa neꞌ Israel ngwa yu bra kanꞌ. Kwiꞌ ngwañaꞌan, lka Krixtu Ndiose nu nka ndloo la ti ꞌin nchga nan siyaꞌ ti, kanꞌ chaꞌ nchga bra ngiꞌni tnun nten ꞌin Ni. Ngwañaꞌan lka chaꞌ kanꞌ.