SAN JUAN 8:25 - Chatino Zona Alta Occidental

²⁵ ―¿Ti ka nu lkaa sikwa a? ―ndukwin neꞌ ꞌin Jesús bra kanꞌ. ―Ti xkanꞌ niǐn ꞌwan ti ka nu lkaǎn ―ndukwin Jesús bra kanꞌ―.

SAN JUAN 8:25 Iomraidhean Croise

SAN LUCAS 22:67

―Katsaaꞌ lya ꞌwa si lkaa Krixtu ―ndukwin neꞌ ꞌin yu. Mxkwen Jesús ꞌin neꞌ bra kanꞌ: ―Ni siya kuniǐn ꞌwan ngwañaꞌan, ja tsaa ñaꞌan tiꞌ wan ꞌñaǎn.

SAN JUAN 1:19

Loꞌo tyun sti joꞌo loꞌo neꞌ xta, mdoꞌo neꞌ kichen Jerusalén, mdiyan neꞌ seꞌen ndiꞌin Xuwa bra kanꞌ. Neꞌ judío nu ndiꞌin Jerusalén, kanꞌ nu ngulo tñan ꞌin neꞌ, chaꞌ tsaa neꞌ seꞌen ndiꞌin Xuwa chaꞌ kunichaꞌ neꞌ ꞌin Xuwa ti ka nu lka yu.

SAN JUAN 1:22

―¿Ti ka nu lkaa sikwa a? ―ndukwin neꞌ ꞌin yu―. Ndiꞌin chaꞌ xkwen ba chaꞌ ꞌin nten nu ngulo tñan ꞌwa chaꞌ kan ba nde re. ¿Ni sa ñaꞌan chaꞌ nchkwiiꞌ chaꞌ ꞌiin, ti ykwiiꞌ tii a?

SAN JUAN 10:24

Kanꞌ ndyoꞌ tiꞌin tyun neꞌ judío seꞌen ndiꞌin Jesús, mnichaꞌ neꞌ ꞌin yu bra kanꞌ: ―¿Ni ñaꞌan bra chkwiiꞌ ñi loꞌo ba, chaꞌ ka biyaꞌ tiꞌ ba si nuꞌwin lkaa nten nu tnun nchka nu suꞌwa Ndiose chaꞌ kaan? ―ndukwin neꞌ ꞌin Jesús―. Ja talo ba si ja katsaaꞌ nchga chaꞌ kanꞌ ꞌwa. Suꞌwe la si chkwiiꞌ chaꞌ nu ñi ni.

SAN JUAN 19:9

Xiyaꞌ mxituun yu ndyaa yu niꞌ ñaꞌan ꞌin yu, mnichaꞌ yu ꞌin Jesús: ―¿La nde yaꞌ mdoꞌoo ndijyaan a? Ja mxkwen ꞌa Jesús ꞌin yu siyaꞌ ti bra kanꞌ.

SAN JUAN 8:12

Xiyaꞌ ykwiꞌ Jesús loꞌo nten niꞌ lyaa kanꞌ: ―Naꞌ lkaǎn nu taǎn xaa nu xuꞌwi niꞌ kasiya ꞌin nten chalyuu ―ndukwin yu―. Kanun xaa luwi ꞌñaǎn niꞌ kasiya ꞌin nten nu tsaa ñaꞌan tiꞌ ꞌñaǎn, kwiꞌ ja tsaa tii ꞌa chalyuu ꞌin neꞌ kanꞌ bra kanꞌ. Ja sten yuꞌwi neꞌ kanꞌ loꞌo kuneꞌ xaꞌan nu ja nchka tiꞌ chaꞌ xuꞌwi xaa ꞌñaǎn niꞌ kasiya ꞌin nten.

SAN JUAN 8:24

Kanꞌ chaꞌ niǐn ꞌwan chaꞌ kaja wan loꞌo kiꞌya nu ndiꞌin ꞌwan. Loꞌo chañi chaꞌ kanꞌ. Kaja wan loꞌo kiꞌya nu ndiꞌin ꞌwan, chaꞌ ja ndyaa ñaꞌan tiꞌ wan ꞌñaǎn, chaꞌ lkaǎn ti kwiꞌ sa ñaꞌan nu niǐn ꞌwan chaꞌ lkaǎn.

SAN JUAN 8:26

Loꞌo ti kaꞌan la chaꞌ ka chkwiǐnꞌ loꞌo wan chaꞌ ꞌin kiꞌya nu ndiꞌin ꞌwan. Chañi ꞌa chaꞌ nu nchkwiꞌ Ndiose nu msuꞌwa ꞌñaǎn ndijyaǎn, loꞌo nchga chaꞌ nu nchkwiꞌ Ni loꞌoǔn, sa kanꞌ ti chaꞌ lka nu nchkwiǐnꞌ loꞌo nten chalyuu.