SAN JUAN 7:4 - Chatino Zona Alta Occidental

⁴ Ja kuꞌnii tñan kanꞌ mnan ti xa nu nchka tiiꞌ chaꞌ xuꞌwi lyo nchga nten ꞌiin; ti ykwiiꞌ tii katsaaꞌ ꞌin nchga nten kwa chaꞌ ka ꞌiin kuꞌnii chaꞌ tnun bra kanꞌ.

SAN JUAN 7:4 Iomraidhean Croise

SAN MATEO 23:5

Nchga chaꞌ nu ngiꞌni neꞌ kanꞌ, ngiꞌni neꞌ ꞌin ran chaꞌ ñaꞌan nten ꞌin neꞌ; kanꞌ chaꞌ nskanꞌ neꞌ kanꞌ kityi chaꞌ ꞌin Ndiose ke neꞌ, kwiꞌ skun neꞌ, chaꞌ nchka tiꞌ neꞌ chaꞌ chkwiꞌ nten chaꞌ ꞌin neꞌ chaꞌ kti ꞌa ngiꞌni neꞌ. Kwiꞌ nxiin neꞌ kanꞌ piyun nu tnun ꞌa su, chaꞌ ñaꞌan nten ꞌin neꞌ.

SAN MATEO 4:6

―¿Ta chañi chaꞌ nuꞌwin lkaa ska ti nu lka Sñiꞌ Ndiose a? ―ndukwin kuneꞌ xaꞌan ꞌin Jesús―. Suꞌwe si xtyuu loo lo yuu sikwa, chaꞌ ndukwa ska chaꞌ lo kityi ꞌin Ndiose nu nchkwiꞌ: Kulo Ndiose tñan ꞌin angajle ꞌin Ni chaꞌ ñaꞌansiin ꞌiin, ndukwin kityi. Kwiꞌ ngwañaꞌan ndukwa xka chaꞌ: Loꞌo yaꞌ ti angajle ꞌin Ni xituun ꞌiin, chaꞌ ja ka tiꞌí kiyaaꞌ seꞌen tyukwa kee kiyaaꞌ. Ngwañaꞌan ndukwa chaꞌ lo kityi ―ndukwin kuneꞌ xaꞌan.

SAN MATEO 6:16

’Xka chaꞌ ni: Bra nu tiya tsan ꞌwan chaꞌ ja ku wan chunꞌ ngiꞌni tnun wan ꞌin Ndiose, ja suꞌwe si xkwiꞌ chaꞌ xiꞌin tiye wan, sa ñaꞌan ngiꞌni nten nu tukwa chaꞌ nsuꞌwi tiye. Nchka tiꞌ neꞌ kanꞌ, chaꞌ ñaꞌan nten ꞌin neꞌ chaꞌ xkwiꞌ ngiꞌni kti neꞌ, chunꞌ ja nchku neꞌ tsan kanꞌ. Chañi chaꞌ nchkwiǐnꞌ loꞌo wan: Wa lka mjwi chaꞌ ꞌin neꞌ, sa kwa ti chaꞌ suꞌwe nu ta Ndiose ꞌin neꞌ nde loo la.

SAN MATEO 6:5

’Xka chaꞌ ni: Bra nu chkwiꞌ wan loꞌo Ndiose, ja kuꞌni wan sa ñaꞌan nu ngiꞌni nten nu tukwa chaꞌ nsuꞌwi tiye. Nduun neꞌ kwiñi kanꞌ seꞌen ndiꞌin nten niꞌ lyaa ꞌin neꞌ judío taꞌaan, chaꞌ nchka tiꞌ neꞌ chkwiꞌ neꞌ loꞌo Ndiose bra nu ñaꞌan nten ꞌin neꞌ; ti kwiꞌ ti chaꞌ, nduun neꞌ jluꞌwe tuwiin chaꞌ chkwiꞌ neꞌ loꞌo Ndiose. Chañi chaꞌ nchkwiǐnꞌ loꞌo wan: Nchga chaꞌ suꞌwe nu kaja ꞌin neꞌ kanꞌ nde loo la seꞌen ndiꞌin Ndiose, wa lka mjwi chaꞌ kanꞌ ꞌin neꞌ lo chalyuu ni, chaꞌ wa naꞌan nten chalyuu ꞌin neꞌ.

SAN LUCAS 6:45

Nchga nten nu suꞌwe tiye, suꞌwe ꞌa nchkwiꞌ neꞌ kanꞌ; loꞌo nchga nten nu kuxi tiye, kuxi ti nchkwiꞌ neꞌ kanꞌ bra kanꞌ. Sa ñaꞌan chaꞌ nu nsuꞌwi niꞌ kasiya ꞌin skaa nten, ngwañaꞌan nchkwiꞌ neꞌ.

SAN JUAN 18:20

Mxkwen Jesús ꞌin sti joꞌo bra kanꞌ: ―Ya ñaꞌan ti seꞌen mdaꞌaǎn, ñi ykwiǐnꞌ loꞌo nten sa ñaꞌan yaꞌ nu kunan nchga neꞌ―ndukwin yu―. Ni siya niꞌ lyaa xuwe ti, ni siya niꞌ lyaa tnun, nchga seꞌen nu ndyoꞌ tiꞌin neꞌ judío, la kanꞌ ngwaꞌuǔn ꞌin neꞌ; ja siyaꞌ chkwiǐnꞌ mnan ti loꞌo neꞌ.

SAN JUAN 7:3

Ykwiꞌ taꞌa Jesús loꞌo yu bra kanꞌ: ―Tyoꞌoo lyaa seꞌen ndiꞌian re, yaa lyaa nde lo yuu ꞌin Judea suꞌwe la ―ndukwin taꞌa Jesús ꞌin yu―. Ndiꞌin ꞌa neꞌ nu ngiꞌni xaꞌan chaꞌ ꞌiin nde kwa; suꞌwe la kwaꞌuu la chinꞌ chaꞌ tnun nu ngiꞌnii ꞌin neꞌ kanꞌ.

SAN JUAN 7:5

Ngwañaꞌan ykwiꞌ neꞌ, chaꞌ loꞌo taꞌa Jesús, ja ndyaa ñaꞌan tiꞌ neꞌ ꞌin yu.