SAN JUAN 6:66 - Chatino Zona Alta Occidental

⁶⁶ Ti bra kanꞌ tyun ꞌa nten nu ngiꞌni xaꞌan chaꞌ ꞌin yu ngulaa yaꞌ neꞌ chaꞌ kanꞌ, ja mslyaa ꞌa neꞌ kanꞌ tyaꞌan neꞌ loꞌo yu bra kanꞌ.

SAN JUAN 6:66 Iomraidhean Croise

SAN MATEO 19:22

Bra wa ynan yu kuneꞌ kanꞌ chaꞌ nu ykwiꞌ Jesús loꞌo yu, mdoꞌo yu ndyaa yu bra kanꞌ; xiꞌin ꞌa tiꞌ yu chaꞌ ykwiꞌ Jesús chaꞌ kanꞌ, chunꞌ kuliyaꞌ ꞌa yu.

SAN LUCAS 9:62

Bra kanꞌ mxkwen Jesús ꞌin yu kiꞌyu kanꞌ: ―Bra wa mdyisnan nten kuꞌni ska tñan, ja ka tyoꞌo suꞌwe tñan kanꞌ ꞌin neꞌ si tyaꞌan chunꞌ neꞌ ꞌin ran. Sa ñaꞌan lka nten nu ndaꞌa yuu, ja ka kwaꞌa suꞌwe neꞌ yuu si xkwiꞌ ñaꞌan neꞌ nde chunꞌ neꞌ; kwiꞌ ngwañaꞌan lka bra nu lka Ndiose ndloo niꞌ kasiya ꞌin nten chalyuu wan ni, ja ta Ni tñan kuꞌni wan chaꞌ ꞌin Ni si xkwiꞌ nchka tiꞌ wan tyaꞌan chunꞌ wan ꞌin ran.

SAN JUAN 6:60

Bra wa ynan tyun nten nu ngiꞌni xaꞌan chaꞌ ꞌin Jesús chaꞌ nu ykwiꞌ yu, ykwiꞌ neꞌ loꞌo taꞌa neꞌ bra kanꞌ: ―Tnun ꞌa chaꞌ nchkwiꞌ yu kula re loꞌoan. Suꞌwe la ja kunaan ꞌaan chaꞌ kanꞌ.

SAN JUAN 6:64

Loꞌo ti ndiya neꞌ taꞌa ndaꞌan wan nu ja ya tsaa ñaꞌan tiꞌ ꞌñaǎn ―ndukwin Jesús bra kanꞌ. Ti bra nu wa mdyisnan ti chaꞌ, ti kwiꞌ bra kanꞌ mgii tiꞌ Jesús ti ka ka nu ja tsaa ñaꞌan tiꞌ ꞌin yu, ti ka ka nu kuꞌni trisiyun ꞌin yu chunꞌ ndiꞌin la.

SAN JUAN 7:3

Ykwiꞌ taꞌa Jesús loꞌo yu bra kanꞌ: ―Tyoꞌoo lyaa seꞌen ndiꞌian re, yaa lyaa nde lo yuu ꞌin Judea suꞌwe la ―ndukwin taꞌa Jesús ꞌin yu―. Ndiꞌin ꞌa neꞌ nu ngiꞌni xaꞌan chaꞌ ꞌiin nde kwa; suꞌwe la kwaꞌuu la chinꞌ chaꞌ tnun nu ngiꞌnii ꞌin neꞌ kanꞌ.

SAN JUAN 8:31

Kanꞌ chaꞌ ti ngwaꞌu la Jesús chaꞌ ꞌin neꞌ judío nu msñi ke ti neꞌ chaꞌ nu nchkwiꞌ yu: ―Bra nu kanun chaꞌ nu nduꞌuǔn ꞌwan niꞌ kasiya ꞌwan, ti kwiꞌ chaꞌ ꞌin Ndiose kanꞌ, chañi chaꞌ ka wan nten nu ngiꞌni xaꞌan ꞌñaǎn bra kanꞌ ―ndukwin Jesús ꞌin neꞌ―.

2 TIMOTEO 1:15

Ja chan jlyo tiiꞌ chaꞌ kaꞌan nten ꞌin Jesucristo wa ngulaa yaꞌ neꞌ ꞌñaǎn; ni siya nchga neꞌ nu ndiꞌin lo yuu ꞌin Asia, loꞌo Figelo, loꞌo Hermógenes, wa ngulaa yaꞌ neꞌ kanꞌ ꞌñaǎn.

2 TIMOTEO 4:10

Wa ngulaa yaꞌ Dema ꞌñaǎn chunꞌ ndiya la tiꞌ yu chaꞌ kuxi nu nsuꞌwi chalyuu, ndyaa yu kichen Tesalónica. Wa msuꞌwaǎn ꞌin Crescente ndyaa yu nde Galacia, kwiꞌ ngwañaꞌan wa msuꞌwaǎn ꞌin Tito ndyaa yu nde Dalmacia;

HEBREOS 10:38

Loꞌo nten nu ka luwi kasiya ꞌin chabiyaꞌ ꞌñaǎn ni, bra nu xñi neꞌ chaꞌ ꞌñaǎn, kanꞌ nu kaja chalyuu nu ja tsaa tii ꞌa ꞌin neꞌ, ndukwin Ni. Loꞌo ja suꞌwe nka tiyeěn ñaꞌaǎn ꞌin nten nu xiꞌin chunꞌ ꞌin chaꞌ ꞌñaǎn.

1 SAN JUAN 2:19

Ti kulo ndyoꞌ tiꞌin neꞌ kwiñi kanꞌ loꞌoan, loꞌo bra kanꞌ mdoꞌo neꞌ kanꞌ ndyaa neꞌ; siꞌi nten taꞌa ndiꞌin chaꞌ ꞌñaan loꞌo Jesucristo lka neꞌ kanꞌ. Si chañi chaꞌ taꞌa ndaꞌaan lka neꞌ kanꞌ, wa nganun neꞌ loꞌoan nu ngwa xkanꞌ; loꞌo ni, wa mdoꞌo neꞌ kanꞌ, chaꞌ ka biyaꞌ tianꞌ chaꞌ siꞌi nchga nten nu ndyoꞌ tiꞌin loꞌoan msñi chaꞌ ꞌin Jesucristo.