SAN JUAN 6:41 - Chatino Zona Alta Occidental

⁴¹ Loꞌo ja ndiya ꞌa tiꞌ neꞌ judío chaꞌ re nu ykwiꞌ Jesús: “Sa ñaꞌan nu ngiꞌni tyaja, ngwañaꞌan kuꞌniǐn loꞌo nten; ka kalaꞌ tiꞌ neꞌ niꞌ kasiya ꞌin neꞌ xa nu xñi neꞌ chaꞌ ꞌñaǎn. Skaǎn tiǎn nu mdoꞌoǔn seꞌen ndiꞌin Ndiose, skaǎn tiǎn ka kuꞌniǐn chaꞌ kalaꞌ tiꞌ nten” ndukwin Jesús. Lye ꞌa ykwiꞌ neꞌ judío loꞌo taꞌa neꞌ chaꞌ ja suꞌwe chaꞌ kanꞌ:

SAN JUAN 6:41 Iomraidhean Croise

SAN LUCAS 15:2

Kanꞌ chaꞌ mdyisnan neꞌ fariseo, loꞌo mstru nu nduꞌu chaꞌ joꞌo, mxichaꞌ neꞌ ꞌin Jesús: ―Ndiya tiꞌ yu re ka suꞌwa chaꞌ ꞌin yu loꞌo neꞌ kwa nu ngiꞌni ꞌa chaꞌ kuxi. Suꞌwa ti nchku yu tyaja loꞌo neꞌ kuxi kwa ―ndukwin neꞌ kanꞌ.

SAN LUCAS 19:7

Bra nu naꞌan nten chaꞌ ndyaa Jesús seꞌen ndiꞌin Zaqueo kanꞌ, nchga neꞌ lye ꞌa nchkwiꞌ neꞌ ni chaꞌ ndyaa Jesús niꞌ ñaꞌan tyi ska neꞌ kuxi, ska nten nu ndiꞌin ꞌa kiꞌya ꞌin.

SAN LUCAS 5:30

Bra kanꞌ mdyisnan neꞌ fariseo nu kti ꞌa ngiꞌni neꞌ, nxkeꞌ tiꞌ neꞌ, loꞌo mstru nu nduꞌu chaꞌ joꞌo kanꞌ, ykwiꞌ neꞌ loꞌo neꞌ nu ngiꞌni xaꞌan chaꞌ ꞌin Jesús. ―¿Ni chaꞌ lka chaꞌ suꞌwa ti nchku wan loꞌo neꞌ kuxi kwa a? ¿Ni chaꞌ suꞌwa ti ndiꞌin wan loꞌo neꞌ kwa a? ―ndukwin neꞌ―. Msu ꞌin neꞌ xka laꞌa tsuꞌ lka neꞌ kwa. Kwiñi ꞌa neꞌ kwa chaꞌ ndlo neꞌ kaꞌan ꞌa tñi ꞌin nten. Loꞌo ti ndiꞌin la xka ta nten nu ngiꞌni ꞌa chaꞌ kuxi.

SAN JUAN 1:19

Loꞌo tyun sti joꞌo loꞌo neꞌ xta, mdoꞌo neꞌ kichen Jerusalén, mdiyan neꞌ seꞌen ndiꞌin Xuwa bra kanꞌ. Neꞌ judío nu ndiꞌin Jerusalén, kanꞌ nu ngulo tñan ꞌin neꞌ, chaꞌ tsaa neꞌ seꞌen ndiꞌin Xuwa chaꞌ kunichaꞌ neꞌ ꞌin Xuwa ti ka nu lka yu.

SAN JUAN 6:33

Ta Stiǐn ska lo chaꞌ nu kiꞌya niꞌ kasiya ꞌwan, nu chañi kuꞌni chaꞌ kalaꞌ tiꞌ wan xa wa mjwi chaꞌ kanꞌ ꞌwan, sa ñaꞌan lka bra nu nchkuan tyaja. Ndyoꞌo chaꞌ suꞌwe kanꞌ seꞌen ndiꞌin Ndiose nde niꞌ kwan, ndijyan ran lo chalyuu, nda ran chalyuu nu ja tsaa tii ꞌa ꞌin nten nu xñi chaꞌ ꞌñaǎn.

SAN JUAN 6:43

Kanꞌ chaꞌ ykwiꞌ Jesús chaꞌ re: ―Ja chkwiꞌ wan chaꞌ kuxi loꞌo taꞌa wan ꞌin chaꞌ nu ykwiǐnꞌ loꞌo wan tsan ―ndukwin yu―.

SAN JUAN 6:48

Taǎn ska lo chalyuu nu suꞌwe ꞌin neꞌ seꞌen kalaꞌ suꞌwe tiꞌ neꞌ.

SAN JUAN 6:58

Ti kwiꞌ naꞌ lkaǎn chaꞌ suꞌwe kanꞌ nu ku neꞌ kanꞌ ―ndukwin Jesús―, chaꞌ wa mdoꞌoǔn seꞌen ndiꞌin Ndiose ndijyaǎn lo chalyuu; ja lka chaꞌ suꞌwe kanꞌ ti kwiꞌ nan nu yku ayman ꞌñaan lo ntenꞌ wtyi nu ngwa sꞌni ―ndukwin yu―. Ja luꞌu ꞌa neꞌ kanꞌ ni, ni siya wa yku neꞌ nan kanꞌ nu ngwa sꞌni; loꞌo ꞌwan ni, xa nu kaja chaꞌ suꞌwe kanꞌ ꞌwan chaꞌ ku wan―ndukwin yu―, ja tsaa tii ꞌa chalyuu ꞌwan bra kanꞌ.

SAN JUAN 6:60

Bra wa ynan tyun nten nu ngiꞌni xaꞌan chaꞌ ꞌin Jesús chaꞌ nu ykwiꞌ yu, ykwiꞌ neꞌ loꞌo taꞌa neꞌ bra kanꞌ: ―Tnun ꞌa chaꞌ nchkwiꞌ yu kula re loꞌoan. Suꞌwe la ja kunaan ꞌaan chaꞌ kanꞌ.

SAN JUAN 6:66

Ti bra kanꞌ tyun ꞌa nten nu ngiꞌni xaꞌan chaꞌ ꞌin yu ngulaa yaꞌ neꞌ chaꞌ kanꞌ, ja mslyaa ꞌa neꞌ kanꞌ tyaꞌan neꞌ loꞌo yu bra kanꞌ.

SAN JUAN 7:12

Kaꞌan ꞌa chaꞌ nchkwiꞌ neꞌ kichen kanꞌ loꞌo taꞌa neꞌ chaꞌ ꞌin Jesús. Ndiya neꞌ nu nchkwiꞌ: “Suꞌwe ꞌa nten lka yu kwa.” Loꞌo ndiya xka ta nten nu nchkwiꞌ: “Siꞌi. Xkwiꞌ chaꞌ kwiñi nchkwiꞌ yu kwa, nñi lyoꞌo ti yu ꞌin nten.”

1 CORINTIOS 10:10

Ti kwiꞌ ti chaꞌ, ja ndiꞌin chaꞌ chkwianꞌ chaꞌ kuxi ꞌin Ndiose. Wa mdiya chinꞌ ayman kanꞌ nu yꞌni ngwañaꞌan, loꞌo kanꞌ mdyii neꞌ yjwi Ni ꞌin neꞌ kanꞌ, chaꞌ msuꞌwa Ni ska angajle nu mdoꞌo nde niꞌ kwan chaꞌ yaa yjwi ꞌin neꞌ kanꞌ.

SAN JUDAS 1:16

Loꞌo neꞌ kwiñi kanꞌ, xkwiꞌ chen ñaꞌan nka tiye neꞌ kanꞌ ndiꞌin neꞌ lo chalyuu; ja ska nan ndiya tiꞌ neꞌ kanꞌ siyaꞌ ti, chaꞌ kuxi nchkwiꞌ neꞌ ꞌin nchga chaꞌ. Xkwiꞌ ndiya la tiꞌ neꞌ kanꞌ nchga loo chaꞌ kuxi nu ndaꞌan chaꞌ tiye neꞌ. Siyeꞌ ꞌa neꞌ kanꞌ loꞌo taꞌa neꞌ, xkwiꞌ suꞌwe ꞌa nchkwiꞌ neꞌ kanꞌ chaꞌ ꞌin nten si xlyaa nten tayaꞌ ꞌin neꞌ kanꞌ loꞌo ska chaꞌ kuxi nu ngiꞌni neꞌ.