SAN JUAN 5:22 - Chatino Zona Alta Occidental

²² Ja ngiꞌni biyaꞌ Stiǐn ꞌin nten chalyuu; wa mda Ni chabiyaꞌ ꞌñaǎn, chaꞌ Sñiꞌ Ni lkaǎn, chaꞌ kuꞌni biyaǎnꞌ ꞌin nchga nten.

SAN JUAN 5:22 Iomraidhean Croise

SAN MATEO 11:27

Ti ngwaꞌu la Jesús ꞌin neꞌ bra kanꞌ: ―Nchga chabiyaꞌ ꞌin Stiǐn Ndiose nganun ꞌñaǎn. Ja tukwin jlyo tiꞌ sa ñaꞌan lka chaꞌ nu nsuꞌwi niꞌ kasiya ꞌñaǎn, chaꞌ naꞌ lkaǎn ska ti nu lka Sñiꞌ Ndiose; ska ti Stiǐn Ndiose jlyo tiꞌ Ni sa ñaꞌan lka chaꞌ nu nsuꞌwi niꞌ kasiya ꞌñaǎn. Kwiꞌ ngwañaꞌan, ja tukwin jlyo tiꞌ sa ñaꞌan chaꞌ nu nsuꞌwi niꞌ kasiya ꞌin Stiǐn; skaǎn tiǎn nu lkaǎn Sñiꞌ Ni jlyo tiǎnꞌ, loꞌo kwaꞌuǔn chaꞌ kanꞌ ꞌin nten nu kuloǔn suwiǐn ꞌin chaꞌ kuꞌni xaꞌan neꞌ chaꞌ ꞌñaǎn.

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

SAN MATEO 28:18

Mdiyan Jesús kwiꞌ seꞌen la, ykwiꞌ loꞌo neꞌ bra kanꞌ: ―Wa mda Stiǐn Ndiose nchga chabiyaꞌ ꞌñaǎn chaꞌ lkaǎn ndloo ꞌin nchga nan, ni siya nchga nan nu nsuꞌwi seꞌen ndiꞌin Ni nde niꞌ kwan, ni siya nchga nan nu nsuꞌwi lo chalyuu ―ndukwin Jesús ꞌin neꞌ―.

SAN JUAN 17:2

Nan wa ndaa chabiyaꞌ ꞌñaǎn chaꞌ kaǎn ndloo ꞌin nchga nten, chaꞌ taǎn xka chalyuu kwi ꞌin nchga nten nu taa ꞌñaǎn, ska chalyuu nu ja tsaa tii ꞌa ꞌin neꞌ ―ndukwin Jesús ꞌin Ndiose Sti yu―.

SAN JUAN 3:35

Ndiya ꞌa tiꞌ Ndiose Sti yu ñaꞌan Ni ꞌin Sñiꞌ, ti kwiꞌ Jesús kanꞌ; loꞌo nchga chabiyaꞌ nu ndiya yaꞌ Ndiose, msuꞌwa Ni ꞌin Sñiꞌ Ni chaꞌ ndijyan yu.

SAN JUAN 5:27

Kwiꞌ ngwañaꞌan, ndiya chabiyaꞌ ꞌñaǎn chaꞌ kuꞌni biyaǎnꞌ ꞌin nten chalyuu, chunꞌ wa ndijyaǎn lo chalyuu chaꞌ kaǎn nten.

SAN JUAN 9:39

Ykwiꞌ Jesús loꞌo bra kanꞌ: ―Wa ndijyaǎn lo chalyuu chaꞌ kuꞌni biyaǎnꞌ ꞌin nten, ti ka nu xñi chaꞌ ꞌñaǎn, ti ka nu ja xlyaa xñi chaꞌ ꞌñaǎn ―ndukwin Jesús―. Taǎn xaa nu xuꞌwi niꞌ kasiya ꞌin nten nu xñi chaꞌ ꞌñaǎn, ni siya sa ñaꞌan kwityiinꞌ ti neꞌ ndiꞌin neꞌ lo chalyuu; loꞌo tukuǔnꞌ kiloo nten nu ja xlyaa xñi chaꞌ ꞌñaǎn, ni siya suꞌwe ꞌa ngiꞌni neꞌ, nxkeꞌ tiꞌ neꞌ.

LOS HECHOS 10:42

Ti bra kanꞌ ngulo Jesús tñan ꞌwa chaꞌ katsaꞌ ba chaꞌ nu ñi ꞌin Ni ꞌin nten, chaꞌ wa ngulo Ndiose Sti yu tñan ꞌin Jesús, chaꞌ kuꞌni biyaꞌ ꞌin nchga nten chalyuu, ni siya wa ngujwi neꞌ, ni siya ti luꞌu neꞌ.

LOS HECHOS 17:31

chunꞌ wa mstya Ni ska tsan chaꞌ kuꞌni biyaꞌ Ni ꞌin nchga nten chalyuu, loꞌo ngwañaꞌan wa ngulo suwi Ni ꞌin ska nu ka wse. (Jesucristo lka nu kanꞌ.) Suꞌwe ꞌa yꞌni Ndiose chaꞌ kanun tsaa chaꞌ kanꞌ ꞌin nten chalyuu, chaꞌ wa yꞌni Ni chaꞌ ndyuꞌu Jesucristo kanꞌ xiyaꞌ xa wa yjwi neꞌ ꞌin yu.

ROMANOS 2:16

Ngwañaꞌan ka sikwa, bra nu kuꞌni biyaꞌ Ni ꞌin nchga nten. Tyoꞌo loo nchga chaꞌ nu nsuꞌwi mnan niꞌ kasiya ꞌin neꞌ, bra kanꞌ kulo Ni tñan ꞌin Jesucristo chaꞌ kuꞌni biyaꞌ Ni ꞌin neꞌ. Ngwañaꞌan lka chaꞌ nu nchkwiǐnꞌ loꞌo nten laja nu nduꞌuǔn chaꞌ suꞌwe ꞌin Ndiose ꞌin neꞌ.

2 CORINTIOS 5:10

Taꞌaan ndiꞌin chaꞌ tsaan nde seꞌen ndukwa Krixtu chaꞌ kuꞌni biyaꞌ Ni ꞌñaan. Loꞌo bra kanꞌ kaja chaꞌ ꞌñaan kwenta skaan, nchga chaꞌ nu ndiꞌin chaꞌ kaja ꞌñaan chunꞌ tñan nu wa yꞌnian kwenta skaan lo chalyuu, ni siya chaꞌ nu suꞌwe, ni siya chaꞌ nu kuxi.

2 TIMOTEO 4:1

Kuloǔn tñan ꞌiin chabiyaꞌ ꞌin Ndiose, kwiꞌ ngwañaꞌan chabiyaꞌ ꞌin Jesucristo nu kuꞌni biyaꞌ ꞌin nchga nten nu ti luꞌu, loꞌo ꞌin nchga nten nu wa ngujwi. Ti kan Jesucristo xiyaꞌ chaꞌ ka ndloo Ni ꞌin nchga nten.

1 SAN PEDRO 4:5

Ja kuwe tiꞌ wan, ja kaja chaꞌ chkwiꞌ neꞌ kanꞌ loꞌo Ndiose siꞌya chaꞌ kuxi nu yꞌni neꞌ chalyuu. Loꞌo ndla ti tiya tsan nu kuꞌni biyaꞌ Ni ꞌin nchga nten, ni siya ayman, ni siya nten nu ti ndiꞌin lo chalyuu.