SAN JUAN 4:25 - Chatino Zona Alta Occidental

²⁵ Xiyaꞌ ykwiꞌ nu kunaꞌan kanꞌ loꞌo Jesús bra kanꞌ: ―Ndiꞌyaǎn kwenta chaꞌ wa kan ti ska nten nu tnun chka, kwiꞌ nu suꞌwa Ndiose ꞌin chaꞌ kan lo chalyuu; Krixtu ka naan yu kanꞌ ―ndukwin―. Bra nu kan yu kanꞌ, kwaꞌu ñi yu nchga chaꞌ tukwi ꞌñaan bra kanꞌ.

SAN JUAN 4:25 Iomraidhean Croise

SAN MATEO 1:16

Loꞌo sñiꞌ ayman Jacob ni, kanꞌ ngwa Se nu ngwa kwilyoꞌo Liya jyaꞌan Jesús bra kanꞌ. Kwiꞌ ngwañaꞌan, Krixtu naan Jesús kanꞌ.

SAN MATEO 27:17

Loꞌo kaꞌan ꞌa neꞌ judío ni, ndyoꞌ tiꞌin neꞌ tuꞌ naꞌan ꞌin gobierno, loꞌo mnichaꞌ Pilato ꞌin neꞌ bra kanꞌ: ―¿Ti lka nchka tiꞌ wan chaꞌ kulaǎn ni a? ¿Ta suꞌwe la lyaa Barrabás a? ¿O ta suꞌwe la lyaa Jesús nu nchkwiꞌ wan chaꞌ lka Krixtu a? ―ndukwin Pilato ꞌin neꞌ.

SAN MATEO 27:22

―¿Ni ñaꞌan kuꞌniǐn loꞌo Jesús nu nchkwiꞌ wan chaꞌ nka Krixtu sikwa a? ―ndukwin Pilato bra kanꞌ. ―¡Jwiꞌin kaꞌan wan ꞌin yu lo wsi! ―ndukwin nchga nten bra kanꞌ.

SAN LUCAS 2:11

Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN JUAN 4:29

―Nde kwa ti nduun ska nten nu nsuꞌwi ꞌa chaꞌ tiya ꞌin ―ndukwin nu kunaꞌan kanꞌ―. Nchga lo tñan nu yꞌniǐn bra nu mdiyaǎn lo chalyuu, nchga chaꞌ kanꞌ wa ytsaꞌ yu kula kanꞌ ꞌñaǎn. ¿Ta siꞌi yu kanꞌ lka Krixtu, nten nu tnun nchka nu wa kan ti, xkeꞌ tiꞌ wan a?

SAN JUAN 4:39

Loꞌo tyun neꞌ Samaria, neꞌ kwa tyi ni, msñi neꞌ chaꞌ ꞌin Jesús chunꞌ chaꞌ nu ytsaꞌ nu kunaꞌan kanꞌ ꞌin neꞌ: “Nchga chaꞌ kuxi nu yꞌniǐn ti bra nu mdiyaǎn lo chalyuu sa la ni, nchga chaꞌ kanꞌ ykwiꞌ yu kula kanꞌ loꞌoǔn” ndukwin nu kunaꞌan kanꞌ ꞌin neꞌ.

SAN JUAN 4:42

Kanꞌ ykwiꞌ neꞌ loꞌo nu kunaꞌan kanꞌ: ―Siꞌi chunꞌ chaꞌ ykwiꞌ nuꞌwin msñi ba chaꞌ ꞌin yu ni; ti ykwiꞌ ti yu, ykwiꞌ yu loꞌo ba, kanꞌ chaꞌ ndyaa ñaꞌan tiꞌ ba chaꞌ nu ykwiꞌ yu. Ndiꞌya ba kwenta chaꞌ chañi chaꞌ yu kula re lka Krixtu, nten nu tnun nchka nu wa mdiyan chaꞌ kulaa ꞌin nchga nten chalyuu ꞌin chaꞌ xaꞌan.