SAN JUAN 4:1 - Chatino Zona Alta Occidental

¹ Chunꞌ ndiꞌin la ynan neꞌ fariseo, ngwa biyaꞌ tiꞌ neꞌ chaꞌ kaꞌan la nten ndaꞌan loꞌo Jesús chaꞌ kuꞌni xaꞌan neꞌ chaꞌ ꞌin yu bra kanꞌ, kwiꞌ ndukwatya yu ꞌin neꞌ; chinꞌ la nten ndiꞌin nu ngiꞌni xaꞌan ꞌin Xuwa bra kanꞌ.

SAN JUAN 4:1 Iomraidhean Croise

SAN LUCAS 1:76

Loꞌo ni, sñiěnꞌ, ndukwin yu ꞌin kuwiꞌ kanꞌ, chkwiꞌ neꞌ chaꞌ nuꞌwin lkaa nu taa chaꞌ tiya ꞌin nten chaꞌ ꞌin Ndiose nu lka ndloo la. Tyaꞌaan kulo ndukwa la ꞌin ykwiꞌ nu ka Xꞌnaan, chaꞌ xñii suꞌwee tuwiin seꞌen nu kan ykwiꞌ Xꞌnaan.

SAN LUCAS 19:31

Si ndiya nu chkwiꞌ loꞌo wan: “¿Ni chaꞌ nxtiꞌ wan buru kwa a?”, bra kanꞌ xkwen wan ꞌin neꞌ kanꞌ: “Jesús nu lka Xꞌnan wan nchka tiꞌ ꞌin iꞌ”.

SAN LUCAS 19:34

Bra kanꞌ mxkwen neꞌ ꞌin nten kanꞌ: ―Ndiya tñan kunanjoꞌo iꞌ ꞌin Xꞌnaan.

SAN LUCAS 2:11

Wa ndijyaǎn katsaǎnꞌ ꞌwan chaꞌ nu ni, wa ngula ska kuwiꞌ kichen tyi wan, chaꞌ ti kwiꞌ kichen tyi ayman David lka kanꞌ; kuwiꞌ kanꞌ lka nu kuꞌni tyii kiꞌya nu ndukwi wan. Kanꞌ lka Krixtu nu nka Xꞌnaan, nu wa msuꞌwa Ndiose ꞌin chaꞌ ndijyan lo chalyuu ―ndukwin―.

SAN LUCAS 7:13

Bra nu naꞌan Jesús nu nka Xꞌnaan ꞌin ayman kanꞌ, ngwa tꞌnan ꞌa tiꞌ yu ꞌin nu kunaꞌan tiꞌi jyaꞌan ayman kanꞌ. Bra kanꞌ ykwiꞌ yu loꞌo: ―Ja kunaan ―ndukwin yu.

SAN LUCAS 7:19

Bra kanꞌ msiꞌya Xuwa ꞌin tukwa yu kuneꞌ taꞌa ndaꞌan yu kanꞌ. Ngulo yu tñan ꞌin neꞌ chaꞌ tsaa kunichaꞌ neꞌ ꞌin Jesús si chañi chaꞌ ykwiꞌ yu lka yu Krixtu, nten nu tnun nchka nu wa suꞌwa ti Ndiose chaꞌ kan lo chalyuu; o ta ti ndiꞌin chaꞌ kata la chinꞌ neꞌ sa ñaꞌan bra nu kan xka nten nu tnun la chaꞌ ndiꞌin ꞌin.

SAN JUAN 3:22

Chunꞌ ndiꞌin la ndyaa Jesús, ndyaa yu loꞌo nten nu ngiꞌni xaꞌan chaꞌ ꞌin yu, mdiꞌin neꞌ chinꞌ nde lo yuu ꞌin Judea. Mdukwatya Jesús ꞌin nten la kanꞌ.

SAN JUAN 3:26

Kanꞌ chaꞌ mdiyan neꞌ seꞌen ndiꞌin Xuwa chaꞌ chkwiꞌ neꞌ loꞌo yu: ―Mstru ―ndukwin neꞌ―, ti kwiꞌ yu nu yaa seꞌen mdiꞌiin xka laꞌa tsuꞌ chku Jordán ti ngwa xkanꞌ, ti kwiꞌ nu ndukwiin chaꞌ ndloo la lka yu, wa ngala yu kanꞌ ndukwatya yu ꞌin nten laꞌa tsuꞌ re ni. Kaꞌan ꞌa nten ndaꞌan seꞌen ndiꞌin yu.

LOS HECHOS 10:36

Wa ytsaꞌ Ndiose ꞌwa nu lka ba neꞌ Israel, chaꞌ ka tyiꞌin tiin ti nten chalyuu chunꞌ tñan nu yꞌni Jesucristo, nu lka Xꞌnan nchga nten.

1 CORINTIOS 1:17

Siꞌi chaꞌ tukwatyaǎn ꞌin nten ngulo Krixtu tñan ꞌñaǎn ndijyaǎn lo chalyuu, wa ngulo Ni tñan ꞌñaǎn chaꞌ tsaꞌaǎn chkwiǐnꞌ chaꞌ suꞌwe nu ykwiꞌ Jesús loꞌo nten. Ja ndijyaǎn loꞌo kaꞌan ꞌa chaꞌ nu ngulo keěn tiǎn, sa ñaꞌan nu nchkwiꞌ nten chalyuu nu nchka ꞌa nchkwiꞌ; si ngwañaꞌan, ja ka biyaꞌ tiꞌ nten nchga chaꞌ tnun nu yꞌni Krixtu chaꞌ ngujwi Ni lo wsi.

1 CORINTIOS 15:47

Loꞌo yuu ti ngwiñan Ni ꞌin Adán nu mdiꞌin lo chalyuu ti kulo. Loꞌo nde seꞌen ndiꞌin Ndiose mdoꞌo xka nten kanꞌ nu yan lo chalyuu chunꞌ ndiꞌin la, ti kwiꞌ Jesucristo nu nka Xꞌnaan.

1 CORINTIOS 2:8

Ja ngwa biyaꞌ tiꞌ nten nu nka ndloo chalyuu chaꞌ kanꞌ. Si ngwa jlyo tiꞌ neꞌ chaꞌ kanꞌ, sa ñaꞌan nu mdaꞌan chaꞌ tiye Ndiose chaꞌ kuꞌni Ni, ja mjiꞌin kaꞌan neꞌ kanꞌ ꞌin Jesús lo wsi bra kanꞌ, ti kwiꞌ Xꞌnaan Jesús, nu tlyu ꞌa chaꞌ suꞌwe nsuꞌwi ꞌin Ni.

2 CORINTIOS 4:5

Chaꞌ nu nchkwiꞌ ba loꞌo nten ni, siꞌi chaꞌ ꞌwa ti ykwiꞌ ti ba nchkwiꞌ ba. Nde ndiya chaꞌ nu nchkwiꞌ ba loꞌo neꞌ: Jesucristo lka Xꞌnan tyukwi ñaꞌaan nde niꞌ kwan, kwiꞌ ngwañaꞌan nka Ni ndloo tyukwi ñaꞌaan lo chalyuu. Kanꞌ chaꞌ nchkwiꞌ ba chaꞌ chabiyaꞌ ꞌin Jesús nu nka Xꞌnaan ngiꞌni ba tñan chaꞌ ꞌwan.

SANTIAGO 2:1

ꞌWan taꞌa msñian chaꞌ ꞌin Jesucristo, ti kwiꞌ Xꞌnaan nu ndiꞌin seꞌen nu suꞌwe ꞌa ñaꞌan niꞌ kwan, ja suꞌwe si ska ñaꞌan nka tiye wan ñaꞌan wan ꞌin ska nten; suꞌwa ndiꞌin chaꞌ kuꞌni wan loꞌo nchga nten, kanꞌ nu suꞌwe la.

EL APOCALIPSIS 19:16

Ska ti nin ndukwa kiyaꞌ steꞌ Ni loꞌo kiyaꞌ teꞌ kichanꞌ ꞌin Ni, kwiꞌ nu nchkwiꞌ: “Nu nde lka Ree nu chañi ka, nu nde lka Xꞌnan nten nu chañi ka.” Ngwañaꞌan nchkwiꞌ chaꞌ nu ndukwa kiyaꞌ steꞌ Ni bra kanꞌ.