SAN JUAN 3:29 - Chatino Zona Alta Occidental

²⁹ Ñaꞌan tiꞌ xa wa mjwi kwilyoꞌo neꞌ, ska ti yu kiꞌyu kanꞌ, kanꞌ nu lka kwilyoꞌo kuxiin; loꞌo taꞌa suꞌwe nsuꞌwi nu kiꞌyu kanꞌ, suꞌwe ꞌa nka tiye yu kunan yu chaꞌ nu nchkwiꞌ yu kanꞌ. Sa ñaꞌan suꞌwe nka tiye taꞌa suꞌwe nsuꞌwi yu ndiꞌin yu xa wa mjwi kwilyoꞌo neꞌ, ngwañaꞌan naꞌ suꞌwe ꞌa nka tiyeěn chaꞌ ñaꞌaǎn ꞌin neꞌ nu nnan chaꞌ nu nduꞌu Jesús ―ndukwin Xuwa―.

SAN JUAN 3:29 Iomraidhean Croise

SAN MATEO 22:2

―Chkwiǐnꞌ xka chaꞌ loꞌo wan chaꞌ ka biyaꞌ tiꞌ wan sa ñaꞌan lka bra nu ka Ndiose ndloo niꞌ kasiya ꞌin nten ―ndukwin Jesús bra kanꞌ―. Ngwa ska tsan ngwa taꞌa mjwi kwilyoꞌo sñiꞌ ree. Yꞌni ree taꞌa bra kanꞌ.

SAN MATEO 25:1

’Chkwiǐnꞌ ska chaꞌ tiya loꞌo wan chaꞌ ka biyaꞌ tiꞌ wan sa ñaꞌan ka bra nu ka Ndiose ndloo niꞌ kasiya ꞌin nten: Ndiya tii nu kunaꞌan kuneꞌ, ndyaa neꞌ naꞌan tyi ska nu kunaꞌan nu ka kuxiin ꞌin nten. Nsuꞌwi candil ꞌin taꞌa tii neꞌ, chaꞌ ndiꞌin ta neꞌ ꞌin nu kaja kwilyoꞌo neꞌ.

SAN MATEO 9:15

Mxkwen Jesús ꞌin neꞌ kanꞌ bra kanꞌ: ―Bra nu kaja kwilyoꞌo nten, nchku neꞌ nu ndaꞌan loꞌo yu kiꞌyu; ja xiꞌin tiꞌ neꞌ tsan nu ndiꞌin neꞌ loꞌo nu kiꞌyu nu mjwi kwilyoꞌo kanꞌ ―ndukwin Jesús ꞌin neꞌ bra kanꞌ―. Bra nu tiya tsan chaꞌ tyaa loꞌo nten ꞌin yu kiꞌyu kanꞌ, kuꞌni kuꞌnan neꞌ nu taꞌa suꞌwe nsuꞌwi yu kiꞌyu kanꞌ, chaꞌ ka xiꞌin tiꞌ neꞌ bra kanꞌ. Kwiꞌ ngwañaꞌan, suꞌwe nka tiye taꞌa suꞌwe nsuꞌwiǐn ni, loꞌo ka xiꞌin tiꞌ neꞌ chunꞌ ndiꞌin la ―ndukwin Jesús.

SAN LUCAS 15:6

tyaan loꞌo wan ꞌin iꞌ tuꞌ naꞌan tyi wan. Bra nu wa ngala wan naꞌan tyi wan, bra kanꞌ xoꞌ tiꞌin wan ꞌin nchga taꞌa suꞌwe nsuꞌwi wan loꞌo nchga nten nu ndiꞌin kwiꞌ seꞌen ti seꞌen ndiꞌin wan, chaꞌ chkwiꞌ wan loꞌo neꞌ: “Ka suꞌwe ꞌa ka tiye wan loꞌo ba ni, chaꞌ wa ndyija slyaꞌ nu wa mnaꞌ ꞌwa.”

SAN JUAN 15:11

’Ykwiǐnꞌ loꞌo wan ngwañaꞌan, chaꞌ ka biyaꞌ tiꞌ wan chaꞌ suꞌwe nka tiyeěn ngiꞌniǐn tñan ꞌin Stiǐn Ndiose; ti kwiꞌ ngwañaꞌan loꞌo wan, ja ndiꞌin chaꞌ tyii chaꞌ suꞌwe nka tiye wan.

SAN JUAN 16:24

Siꞌi chabiyaꞌ ꞌñaǎn mjñan wan chaꞌ ꞌin Stiǐn Ndiose ti kulo; loꞌo ni, chabiyaꞌ ꞌñaǎn jñan wan ska chaꞌ ꞌin Ni, chaꞌ kaja chaꞌ kanꞌ ꞌwan, chaꞌ xkwiꞌ ka suꞌwe ka tiye wan seꞌen ndiꞌin wan bra kanꞌ.

SAN JUAN 17:13

’Kanꞌ chaꞌ ni tyaǎn seꞌen ndiꞌiin, Stiǐn ―ndukwin Jesús ꞌin Ndiose Sti yu―. Bra nu ti ndiꞌiǐn lo chalyuu, nchkwiǐnꞌ nchga chaꞌ re loꞌo neꞌ, chaꞌ sa ñaꞌan nu nka suꞌwe ꞌa ka tiyeěn, ngwañaꞌan ka suꞌwe ka tiye neꞌ kanꞌ, tyukwi ti tiye neꞌ bra kanꞌ.

SAN JUAN 3:30

Kwiꞌ ngwañaꞌan, tiꞌ kwiꞌ yu ka yu tnun la, loꞌo naꞌ ndiꞌin chaꞌ kaǎn nu siyaꞌ la bra kanꞌ.

2 CORINTIOS 11:2

Ndiya ꞌa tiǎnꞌ ꞌwan. Loꞌo ja chan kwiꞌ ngwañaꞌan nka tiye Ndiose ñaꞌan Ni ꞌwan. Wa mskaǎnꞌ chaꞌ loꞌo Ni chaꞌ taǎn ꞌwan chaꞌ ka wan nten ꞌin Krixtu, nten nu luwi kasiya ꞌin, ñaꞌan tiꞌ ska nu kunaꞌan kuneꞌ nu kaja kwilyoꞌo loꞌo ska ti yu kiꞌyu;

FILIPENSES 2:2

Kanꞌ chaꞌ ni, si chañi chaꞌ ngwañaꞌan ngiꞌni wan, kuꞌni wan chaꞌ ka suꞌwe ka tiyeěn sikwa; ngwañaꞌan ka bra nu ñaꞌaǎn chaꞌ suꞌwa ꞌa ndiꞌin chaꞌ ꞌwan loꞌo taꞌa wan, chaꞌ ska ti chaꞌ nka tiye wan, chaꞌ ska ti chaꞌ ndaꞌan tiye wan, chaꞌ ska ti biyaꞌ suꞌwe ti ngiꞌni wan loꞌo taꞌa wan.

1 SAN JUAN 1:4

kanꞌ chaꞌ ndaꞌan ba kityi re, chaꞌ nchga tsan suꞌwe ꞌa ka tiyean.

2 SAN JUAN 1:12

Ti ndiꞌin ꞌa chaꞌ nu nchka tiǎnꞌ chkwiǐnꞌ loꞌo wan, loꞌo suꞌwe la ni siya ja loꞌo chaꞌ kanꞌ kwaꞌaǎn lo kityi re. Chunꞌ ndiꞌin la nchka tiǎnꞌ kaǎn seꞌen ndiꞌin wan, loꞌo bra kanꞌ ka chkwiǐnꞌ chaꞌ kanꞌ loꞌo wan; bra kanꞌ chañi ka chaꞌ suꞌwe ti xuꞌwi tiyean ñaꞌaan ꞌin taꞌaan.

EL APOCALIPSIS 21:9

Loꞌo kanꞌ mdiyan ska angajle seꞌen ndiꞌiǐn bra kanꞌ; ti kwiꞌ taꞌa ndaꞌan loꞌo taꞌa kati angajle nu ndiꞌya kaꞌnan oro seꞌen nsuꞌwi kati kicha kanꞌ, kicha nu kan xa wa tyii ti chalyuu. Ykwiꞌ angajle kanꞌ loꞌoǔn bra kanꞌ: ―Kaan lyaa nde re chaꞌ kwaꞌuǔn ꞌiin sa ñaꞌan ka kichen tnun kanꞌ, ti kwiꞌ nu suꞌwe ꞌa ngwa tkanꞌ ñaꞌan tiꞌ ska kuxiin. Kanꞌ lka seꞌen tyaa wan tyiꞌin wan loꞌo nu lka ñaꞌan tiꞌ slyaꞌ kanꞌ, ñaꞌan tiꞌ si lka wan kwilyoꞌo Ni, taꞌa wan nu ndiꞌin chaꞌ ꞌwan loꞌo Ni bra kanꞌ.