SAN JUAN 21:16 - Chatino Zona Alta Occidental

¹⁶ Loꞌo ykwiꞌ Jesús loꞌo yu xiyaꞌ bra kanꞌ: ―Simón, sñiꞌ Jona ―ndukwin―, ¿ta chañi ꞌiin chaꞌ suꞌwe nsuꞌwi tiyee ñaꞌan ꞌñaǎn a? ―Xꞌnaǎn, wa jlyo tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin ―ndukwin Tyu ꞌin Jesús. ―Ñaꞌansiin ꞌin nten ꞌñaǎn sikwa, ñaꞌan tiꞌ si ñaꞌansiin ꞌin slyaꞌ ꞌñaǎn ―ndukwin Jesús ꞌin yu bra kanꞌ.

SAN JUAN 21:16 Iomraidhean Croise

SAN MATEO 2:6

Kichen xuwe ti lka Belén nu ndiya seꞌen ndlo Judea tñan, ndukwin Ndiose. Kichen tyi ska nten nu tnun ꞌa chaꞌ ka ꞌin, ka kichen kanꞌ, ni siya kichen xuwe ti lka ni, ndukwin Ni. Ka yu kiꞌyu kanꞌ ska nu tyuun loo la ti, loꞌo ñaꞌansiin yu ꞌin neꞌ Israel ꞌñaǎn. Ngwañaꞌan ndukwa chaꞌ lo kityi kanꞌ.

SAN MATEO 25:32

Ska seꞌen ti tyoꞌ tiꞌin nchga nten ñaꞌaan chalyuu tloǔn bra kanꞌ, chaꞌ kuꞌni biyaǎnꞌ ꞌin neꞌ. Bra kanꞌ suꞌweěn ꞌin nten tukwa seꞌen, sa ñaꞌan nu ngiꞌni nten nu ñaꞌansiin ꞌin slyaꞌ, kwiꞌ ngwañaꞌan kuꞌniǐn; ska laꞌa tyiꞌin ska ta slyaꞌ ꞌin neꞌ, xka laꞌa tyiꞌin xka ta chivu ꞌin neꞌ.

SAN MATEO 26:72

Xiyaꞌ ykwiꞌ Tyu xka chaꞌ kwiñi, chaꞌ siꞌi kanꞌ lka yu: ―Ja siyaꞌ yuꞌwi lyoǔn ꞌin nu kiꞌyu kwa ―ndukwin Tyu ꞌin neꞌ bra kanꞌ.

SAN LUCAS 19:10

Wa msuꞌwa Ndiose ꞌñaǎn ndijyaǎn chaꞌ kaǎn nten chaꞌ tyaꞌan naǎn ꞌin nten nu mnaꞌ kasiya ꞌin neꞌ siꞌya chaꞌ kuxi, chaꞌ ka kulaǎn ꞌin nten kanꞌ.

SAN JUAN 18:17

Ykwiꞌ nu kunaꞌan nu nduun tunaꞌan kanꞌ loꞌo Tyu bra kanꞌ: ―¿Ta loꞌo nuꞌwin ngiꞌni xaꞌan chaꞌ ꞌin yu kwa sikwa a? ―ndukwin nu kunaꞌan kanꞌ ꞌin yu. ―Ja loꞌoǔn ―ndukwin Tyu.

SAN JUAN 18:25

Ti nduun Tyu tuꞌwa kiiꞌ chaꞌ katsun tiꞌ yu. Ykwiꞌ xka nten nu ndiꞌin nde kwa loꞌo yu bra kanꞌ: ―¿Ta ja loꞌo nuꞌwin ngiꞌni xaꞌaan chaꞌ ꞌin yu kwa a? Ja mslyaa Tyu katsaꞌ ñi ꞌin neꞌ. ―Ja loꞌoǔn ―ndukwin.

SAN JUAN 21:17

Wa mdaꞌa snan yaꞌ nu mnichaꞌ Jesús ꞌin yu ngwañaꞌan: ―¿Ta chañi ꞌiin chaꞌ suꞌwe nsuꞌwi tiyee ñaꞌaan ꞌñaǎn a? Ngwa xiꞌin tiꞌ Tyu chaꞌ snan yaꞌ mnichaꞌ Jesús ꞌin yu si chañi chaꞌ suꞌwe nsuꞌwi tiye yu ñaꞌan yu ꞌin, kanꞌ chaꞌ ykwiꞌ yu loꞌo Jesús xiyaꞌ: ―Siyaꞌ ti jlyo tiiꞌ nchga chaꞌ, Xꞌnaǎn ―ndukwin Tyu ꞌin yu―. Loꞌo jlyo ꞌa tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin. ―Kwaꞌuu lyaa chaꞌ ꞌñaǎn ꞌin nten ꞌñaǎn sikwa, ñaꞌan tiꞌ slyaꞌ ꞌñaǎn lka neꞌ ―ndukwin Jesús ꞌin yu―.

LOS HECHOS 20:28

Loꞌo ni, ndiꞌin chaꞌ ñaꞌansiin wan ꞌwan, ti ykwiꞌ ti wan; kwiꞌ ngwañaꞌan, ñaꞌansiin wan ꞌin nchga nten ꞌin Jesucristo nde kichen tyi wan, chaꞌ wa nda Tyiꞌi Ndiose tñan ꞌwan chaꞌ ka wan ndloo ꞌin nchga ta nten kanꞌ. Tnun ꞌa tñan yꞌni Xꞌnaan chaꞌ katin kiꞌya nu ndiꞌin ꞌñaan bra nu ngujwi yu lo wsi, ngalu tnen ykwiꞌ yu.

HEBREOS 13:20

Ndiose lka nu yꞌni tñan chaꞌ ndyuꞌu Jesucristo nu nka Xꞌnaan xiyaꞌ, xa wa ngujwi Ni. Loꞌo ni, lka Jesús ndloo la ti, chaꞌ kuꞌni Ni kwenta ꞌñaan nu lkaan nten ꞌin Ni, ñaꞌan tiꞌ si ngiꞌni Ni kwenta ꞌin slyaꞌ ꞌin Ni, chaꞌ ngujwi Ni chaꞌ ꞌñaan. Bra nu ngujwi Jesús ni, kanꞌ mskanꞌ Ni chaꞌ loꞌo nchga nten ꞌin Ni, ska chaꞌ kwi nu ja tsaa tii ꞌa siyaꞌ ti.

1 SAN PEDRO 2:25

Loꞌo ni, ja ndaꞌan yuꞌwi ꞌa wan, sa ñaꞌan ndaꞌan slyaꞌ nu mnaꞌ yuꞌwi; nan wa mxitukwi wan ndijyan wan seꞌen ndiꞌin Xꞌnan wan nu ñaꞌansiin kasiya ꞌwan.

1 SAN PEDRO 5:2

Ndiꞌin chaꞌ ñaꞌansiin suꞌwe wan ꞌin taꞌa wan, ska ta taꞌa wan nu ndiꞌin ska kichen seꞌen lka wan ndloo ꞌin neꞌ. Sa ñaꞌan ngiꞌni slyaꞌ, ngwañaꞌan ngiꞌni neꞌ kanꞌ; ñaꞌan tiꞌ nten nu ñaꞌansiin ꞌin slyaꞌ, kwiꞌ ngwañaꞌan lkaan, yu kula taꞌaan. Ndiꞌin chaꞌ tayaanꞌ ꞌin taꞌaan chaꞌ kanun tsaa chaꞌ ꞌin Krixtu niꞌ kasiya ꞌin neꞌ. Tyukwi ti tiye wan kuꞌni wan tñan kanꞌ, chaꞌ ngwañaꞌan nchka tiꞌ Ndiose chaꞌ kuꞌnian; ja ndiꞌin chaꞌ tatsaa taꞌa wan ꞌwan chaꞌ kuꞌni wan tñan kanꞌ. Kwiꞌ ngwañaꞌan, ja suꞌwe si kaꞌan ꞌa liyaꞌ xñi wan ꞌin neꞌ chaꞌ kuꞌni wan tñan kanꞌ, suꞌwe la si tyukwi ti tiye wan kuꞌni wan tñan kanꞌ chaꞌ ꞌin Ndiose.

EL APOCALIPSIS 7:17

Ñaꞌansiin nu lka ñaꞌan tiꞌ slyaꞌ kanꞌ ꞌin neꞌ kanꞌ, chaꞌ ndiꞌin Ni ti kwiꞌ seꞌen nka Ndiose ndloo; ti kwiꞌ Ni tsaa loꞌo Ni ꞌin neꞌ kanꞌ seꞌen kaja tyiꞌa koꞌo neꞌ chaꞌ kaja chalyuu nu kwi ꞌin neꞌ kanꞌ bra kanꞌ. Loꞌo ngwañaꞌan xtyi Ni tyiꞌa kiloo neꞌ kanꞌ, chaꞌ ja kunan ꞌa neꞌ bra kanꞌ.