SAN JUAN 18:33 - Chatino Zona Alta Occidental

³³ Mxituun Pilato bra kanꞌ, ndyaa yu niꞌ ñaꞌan ꞌin yu, msiꞌya yu ꞌin Jesús chaꞌ kan seꞌen ndiꞌin yu: ―¿Ta nuꞌwin lkaa ree nu lka ndloo la ꞌin neꞌ judío a? ―ndukwin Pilato ꞌin Jesús.

SAN JUAN 18:33 Iomraidhean Croise

SAN MATEO 27:11

Chunꞌ ndiꞌin la mdiyan loꞌo neꞌ ꞌin Jesús tloo nu nka gobernador kanꞌ, mnichaꞌ nu lka ndloo kanꞌ ꞌin Jesús bra kanꞌ: ―¿Ti kwiiꞌ lkaa ree ꞌin neꞌ judío a? ―ndukwin nu lka ndloo ꞌin Jesús. ―Ti kwiǐnꞌ lkaǎn ti kwiꞌ sa ñaꞌan nu ndukwiin chaꞌ lkaǎn ―ndukwin Jesús bra kanꞌ.

SAN MATEO 27:27

Loꞌo sndaru nu nduun kwan seꞌen ndiꞌin gobernador kanꞌ, msñi neꞌ ꞌin Jesús bra kanꞌ, ndyaa loꞌo neꞌ ꞌin yu niꞌ ñaꞌan ꞌin gobierno; ytsaꞌ neꞌ ꞌin nchga sndaru nu ndiꞌin niꞌ ñaꞌan kanꞌ, chaꞌ tyoꞌ tiꞌin neꞌ seꞌen nduun Jesús.

SAN MARCOS 15:2

―¿Ta nuꞌwin lkaa ree ꞌin neꞌ judío a? ― ―Kwiꞌ sa ñaꞌan nu ndukwiin, ti kwiǐnꞌ lkaǎn ―ndukwin Jesús ꞌin gobernador kanꞌ.

SAN LUCAS 23:2

Mdyisnan neꞌ mstya neꞌ kiꞌya ꞌin Jesús bra kanꞌ: ―Wa msñi ba ꞌin yu kiꞌyu re, chaꞌ ndatsaa ꞌa yu ꞌin neꞌ judío taꞌa kichen tyi ba. Ndukwin yu chaꞌ ja nsuꞌwi chabiyaꞌ ta ba tñi nu ndlo neꞌ nu lka tñan ꞌwan, neꞌ romano; loꞌo lye ꞌa nchkwiꞌ yu chaꞌ ykwiꞌ yu lka yu Krixtu, sa ñaꞌan si lka yu ree nu lka ndloo la ꞌwa ―ndukwin neꞌ ꞌin Pilato.

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN JUAN 12:13

Ndyaa loꞌo neꞌ lkaꞌ kiñan, loꞌo kwen ꞌa msiꞌya neꞌ bra kanꞌ: ―¡Kuꞌni tnuan ꞌin Stian Ndiose! ―ndukwin neꞌ ꞌin Jesús―. ¡Ndukwan ba ꞌiin chaꞌ ndijyaan loꞌo chabiyaꞌ ꞌin ti kwiꞌ Ni nu nka Xꞌnaan! ¡Ni siya ni ti, ndukwan Ndiose ꞌiin chaꞌ lkaa Ree nu nka ndloo ꞌin neꞌ Israel!

SAN JUAN 12:15

Ja kutsen wan, neꞌ kwa tyi kichen Sión; ndijyan yu nu nka Xꞌnan wan, ndukwa yu chunꞌ ska buru.

SAN JUAN 18:34

Ykwiꞌ Jesús loꞌo yu kula bra kanꞌ: ―¿Ta ska chaꞌ nu ngwiꞌya kee tii ykwiiꞌ tii lka chaꞌ kwa a? ¿O ta xka nten ytsaꞌ ꞌiin chaꞌ ngwañaꞌan lkaǎn a? ―ndukwin Jesús ꞌin Pilato.

SAN JUAN 18:37

―¿Ta ree lkaa sikwa a? ―ndukwin Pilato. Mxkwen Jesús ꞌin yu kula kanꞌ xiyaꞌ bra kanꞌ: ―Nuꞌwin ndukwiin chaꞌ lkaǎn ree. Nde lka tñan nu nsuꞌwi ꞌñaǎn, chaꞌ chkwiǐnꞌ ñi loꞌo nten chaꞌ ꞌin nchga chaꞌ nu nsuꞌwi seꞌen ndiꞌin Ndiose; kanꞌ chaꞌ ngulaǎn lo chalyuu, kanꞌ chaꞌ mdiyaǎn chaꞌ chkwiǐnꞌ ñi nchga chaꞌ ꞌin Ndiose loꞌo nten. Loꞌo nchga nten nu ndukwa chaꞌ nu ñi, nnan neꞌ chaꞌ nu nchkwiǐnꞌ loꞌo neꞌ.

SAN JUAN 18:38

Kanꞌ ykwiꞌ Pilato loꞌo Jesús: ―Ja jlyo tiǎnꞌ. ¿Ta ndiya chaꞌ nu ñi ngwañaꞌan lo chalyuu a? ―ndukwin. Loꞌo mdoꞌo Pilato nde chunꞌ naꞌan bra kanꞌ, ndyaa yu seꞌen nduun neꞌ judío kanꞌ xiyaꞌ. ―Kwenta ꞌñaǎn, ja ndukwi yu kwa kiꞌya, ja ndiꞌin chaꞌ taǎn nu tiꞌí ꞌin yu ―ndukwin Pilato ꞌin neꞌ judío―.

SAN JUAN 19:12

Mdyisnan Pilato, lye ꞌa yꞌni yu tñan bra kanꞌ, si kaja ñaꞌan kuꞌni yu chaꞌ kulaa yu ꞌin Jesús. Ñaꞌan ti kwen msiꞌya loꞌo neꞌ judío ꞌin Pilato: ―¡Si kulaa ꞌin yu kwa ni, ja ka suꞌwe nuꞌwin loꞌo César nu lka xꞌnan wan neꞌ romano bra kanꞌ! ―ndukwin neꞌ―. ¡Wa ndukwin yu kwa chaꞌ lka yu ska ree, kanꞌ chaꞌ lka yu kontra ꞌin César nu nka xꞌnan wan!

SAN JUAN 19:3

Bra kanꞌ taꞌa ti, taꞌa ti ndyaa neꞌ kwiꞌ seꞌen ndiꞌin yu chaꞌ chkwiꞌ neꞌ loꞌo yu; chaꞌ kwiñi ti chaꞌ ngiꞌni tnun neꞌ ꞌin yu. ―¡Suꞌwe ti tyiꞌiin, yu kula, chaꞌ nuꞌwin lkaa ree nu nka ndloo la ꞌin neꞌ judío! ―ndukwin neꞌ ꞌin Jesús bra kanꞌ. Loꞌo ykwanꞌ neꞌ tloo Jesús bra kanꞌ.

SAN JUAN 19:4

Xiyaꞌ mdoꞌo Pilato niꞌ ñaꞌan ndyaa seꞌen nduun neꞌ judío kanꞌ. ―Nde kwa ndijyan yu ―ndukwin Pilato―. Wa mdiyaǎn loꞌoǔn ꞌin yu kwa seꞌen ndiꞌin wan xiyaꞌ, chaꞌ ka biyaꞌ tiꞌ wan chaꞌ ja ndukwi yu kiꞌya kwenta ꞌñaǎn.

SAN JUAN 19:9

Xiyaꞌ mxituun yu ndyaa yu niꞌ ñaꞌan ꞌin yu, mnichaꞌ yu ꞌin Jesús: ―¿La nde yaꞌ mdoꞌoo ndijyaan a? Ja mxkwen ꞌa Jesús ꞌin yu siyaꞌ ti bra kanꞌ.

1 TIMOTEO 6:13

Kuloǔn tñan ꞌiin ni chabiyaꞌ ꞌin Ndiose nu ngiꞌni kuꞌu nchga nan luꞌu nu nsuꞌwi lo chalyuu; kwiꞌ ngwañaꞌan, kuloǔn tñan ꞌiin chabiyaꞌ ꞌin Jesucristo nu suꞌwe ꞌa mxkwen ꞌin Poncio Pilato bra nu ngwa biyaꞌ ꞌin yu tloo nu nka ndloo kanꞌ. Ja ytsen yu mxkwen yu tñan nu ngiꞌni yu chaꞌ lka yu ska ti nu lka ykwiꞌ Sñiꞌ Ndiose.