SAN JUAN 17:7 - Chatino Zona Alta Occidental

⁷ Kwiꞌ ngwañaꞌan, ngwa biyaꞌ tiꞌ neꞌ ni, chaꞌ nuꞌwin, Stiǐn Ndiose, wa ngulo nchga tñan nu ngiꞌniǐn, chaꞌ ti kwiꞌ nuꞌwin ndaa nchga chaꞌ nu nchkwiǐnꞌ.

SAN JUAN 17:7 Iomraidhean Croise

SAN JUAN 14:20

Ngwañaꞌan ka biyaꞌ tiꞌ wan chaꞌ suꞌwa chaꞌ ꞌñaǎn loꞌo Stiǐn, loꞌo ti kwiꞌ suꞌwa chaꞌ ꞌwan loꞌoǔn ―ndukwin Jesús―, kwiꞌ ngwañaꞌan, suꞌwa chaꞌ ꞌñaǎn loꞌo wan.

SAN JUAN 16:15

Nchga chaꞌ nu nsuꞌwi ꞌin Stiǐn Ndiose, wa nda Ni chaꞌ kanꞌ ꞌñaǎn; kanꞌ chaꞌ niǐn ꞌwan ni, chaꞌ nchga chaꞌ nu kwaꞌu Tyiꞌi Ndiose ꞌwan, chaꞌ ꞌñaǎn lka chaꞌ kanꞌ.

SAN JUAN 17:10

Nchga nten nu msñi chaꞌ ꞌñaǎn, lka neꞌ kanꞌ nten ꞌiin ―ndukwin―. Ti kwiꞌ ti chaꞌ, nuꞌwin yꞌnii chaꞌ lka neꞌ kanꞌ nten ꞌñaǎn, chunꞌ lka neꞌ nten ꞌiin. Bra nu ñaꞌan xka ta nten chalyuu ꞌin neꞌ kanꞌ, bra ti ka biyaꞌ tiꞌ neꞌ chaꞌ tlyu ꞌa chaꞌ suꞌwe nsuꞌwi ꞌñaǎn.

SAN JUAN 17:6

’Nchga chaꞌ, kwiꞌ sa ñaꞌan nu nchka nuꞌwin ni, wa mdyii ykwiǐnꞌ chaꞌ kanꞌ loꞌo nten chalyuu ꞌñaǎn, ti kwiꞌ nten nu wa nguloo suwii chaꞌ ka nten ꞌñaǎn. Wa ytsaǎnꞌ chaꞌ kanꞌ ꞌin neꞌ sa ñaꞌan yaꞌ nu nsuꞌwi lyo suꞌwe neꞌ ꞌiin ni ―ndukwin―. Nten nu ꞌiin lka neꞌ kanꞌ; loꞌo nuꞌwin wa mdaa neꞌ kanꞌ, chaꞌ ka neꞌ nten ꞌñaǎn. Loꞌo wa mdukwa neꞌ nchga chaꞌ nu nchkwiiꞌ loꞌo neꞌ.

SAN JUAN 17:8

Wa ngwaꞌuǔn ꞌin neꞌ nchga chaꞌ nu ngwaꞌuu ꞌñaǎn ―ndukwin Jesús―, loꞌo ndukwa ꞌa neꞌ chaꞌ kanꞌ ni. Jlyo ꞌa tiꞌ neꞌ chaꞌ nde seꞌen ndiꞌiin, kwiꞌ nde kwa mdoꞌoǔn mdiyaǎn; ndyaa ñaꞌan tiꞌ neꞌ chaꞌ nuꞌwin lkaa nu msuꞌwaa ꞌñaǎn mdiyaǎn.

SAN JUAN 8:28

Kanꞌ chaꞌ ti nchkwiꞌ la Jesús loꞌo neꞌ bra kanꞌ: ―Chunꞌ ndiꞌin la, bra nu skwen wan ꞌñaǎn lo wsi, ka biyaꞌ tiꞌ wan chaꞌ lkaǎn ti kwiꞌ sa ñaꞌan nu niǐn ꞌwan chaꞌ lkaǎn, naꞌ nu ndijyaǎn lo chalyuu chaꞌ kaǎn nten ―ndukwin Jesús―. Ja ska tñan ngiꞌniǐn chabiyaꞌ ꞌñaǎn, ti ykwiǐnꞌ tiǎn; Stiǐn Ndiose, kanꞌ lka nu ngwaꞌu ꞌñaǎn nchga chaꞌ nu chkwiǐnꞌ ―ndukwin―.