SAN JUAN 17:25 - Chatino Zona Alta Occidental

²⁵ Stiǐn ―ndukwin Jesús―, xkwiꞌ tñan nu ñi ngiꞌnii. Nsuꞌwi lyoǔn ꞌiin, ni siya ja nsuꞌwi lyo nten chalyuu ꞌiin. Jlyo tiꞌ neꞌ nu yten chaꞌ ꞌñaǎn chaꞌ ti kwiꞌ nuꞌwin msuꞌwaa ꞌñaǎn chaꞌ mdiyaǎn lo chalyuu.

SAN JUAN 17:25 Iomraidhean Croise

SAN MATEO 11:27

Ti ngwaꞌu la Jesús ꞌin neꞌ bra kanꞌ: ―Nchga chabiyaꞌ ꞌin Stiǐn Ndiose nganun ꞌñaǎn. Ja tukwin jlyo tiꞌ sa ñaꞌan lka chaꞌ nu nsuꞌwi niꞌ kasiya ꞌñaǎn, chaꞌ naꞌ lkaǎn ska ti nu lka Sñiꞌ Ndiose; ska ti Stiǐn Ndiose jlyo tiꞌ Ni sa ñaꞌan lka chaꞌ nu nsuꞌwi niꞌ kasiya ꞌñaǎn. Kwiꞌ ngwañaꞌan, ja tukwin jlyo tiꞌ sa ñaꞌan chaꞌ nu nsuꞌwi niꞌ kasiya ꞌin Stiǐn; skaǎn tiǎn nu lkaǎn Sñiꞌ Ni jlyo tiǎnꞌ, loꞌo kwaꞌuǔn chaꞌ kanꞌ ꞌin nten nu kuloǔn suwiǐn ꞌin chaꞌ kuꞌni xaꞌan neꞌ chaꞌ ꞌñaǎn.

SAN MATEO 16:16

Bra ti mxkwen Tyu Simón ꞌin Jesús bra kanꞌ: ―Krixtu lka nuꞌwin. Sñiꞌ Ndiose nu luꞌu lkaa nuꞌwin.

SAN LUCAS 10:22

Bra kanꞌ ykwiꞌ yu loꞌo neꞌ nu mdiyan seꞌen ndiꞌin yu: ―Wa mda Stiǐn nchga nan ꞌñaǎn. Loꞌo ja tukwin jlyo tiꞌ chaꞌ lkaǎn Sñiꞌ Ndiose; ska ti ykwiꞌ Stiǐn, kanꞌ nu jlyo tiꞌ. Ja tukwin la jlyo tiꞌ ti ka nu lka Stiǐn; skaǎn tiǎnꞌ, jlyo tiǎnꞌ ti ka nu lka Stiǐn. Loꞌo ka jlyo tiꞌ xka ta nten, ñaꞌan nten nu xlyaǎn chaꞌ kwaꞌuǔn ꞌin neꞌ ti ka nu lka Stiǐn, loꞌo neꞌ kanꞌ ka biyaꞌ tiꞌ neꞌ bra kanꞌ.

SAN JUAN 1:18

Ja tukwin naꞌan ꞌin Ndiose; ska ti Jesús naꞌan ꞌin Ni, kanꞌ nu nduꞌu sa ñaꞌan lka Ndiose ꞌñaan, neꞌ nten chalyuu. Loꞌo Jesús kanꞌ ni, kanꞌ lka ska ti nu lka Sñiꞌ Ndiose, loꞌo ndiya ꞌa tiꞌ Ni ꞌin yu.

SAN JUAN 10:15

Sa ñaꞌan nu nsuꞌwi lyo Stiǐn ꞌñaǎn, kwiꞌ ngwañaꞌan nsuꞌwi lyoǔn ꞌin Stiǐn; sa ñaꞌan nu ndiꞌin chaꞌ ꞌñaǎn loꞌo Stiǐn, ngwañaꞌan ndiꞌin chaꞌ ꞌñaǎn loꞌo nten ꞌñaǎn. Loꞌo naꞌ, xlyaǎn kajaǎn chaꞌ ja kanaꞌ kasiya ꞌin nten ꞌñaǎn ―ndukwin Jesús ꞌin neꞌ―.

SAN JUAN 15:21

Kuꞌni neꞌ ngwañaꞌan loꞌo wan chaꞌ ꞌñaǎn ―ndukwin Jesús―, chaꞌ ja nsuꞌwi lyo neꞌ ti ka nu msuꞌwa ꞌñaǎn chaꞌ ndijyaǎn lo chalyuu.

SAN JUAN 16:27

Ti kwiꞌ Stiǐn Ndiose suꞌwe ꞌa nsuꞌwi tiye Ni ñaꞌan Ni ꞌwan chunꞌ suꞌwe ꞌa nsuꞌwi tiye wan ñaꞌan wan ꞌñaǎn; jlyo tiꞌ Ni chaꞌ ndyaa ñaꞌan tiꞌ wan chaꞌ nde seꞌen ndiꞌin Ndiose mdoꞌoǔn, kanꞌ chaꞌ suꞌwe ꞌa nsuꞌwi tiye Ni ñaꞌan Ni ꞌwan ―ndukwin―.

SAN JUAN 16:3

Kuꞌni neꞌ kanꞌ ngwañaꞌan, chaꞌ ja nsuꞌwi lyo neꞌ ꞌin Stiǐn Ndiose; kwiꞌ ngwañaꞌan, ja nsuꞌwi lyo neꞌ ꞌñaǎn ―ndukwin Jesús―.

SAN JUAN 16:30

kanꞌ chaꞌ ja ska la chaꞌ ndiya chaꞌ kunichaꞌ nten ꞌiin. Suꞌwe ꞌa nchka biyaꞌ tiꞌ ba chaꞌ jlyo tiꞌ nuꞌwin nchga chaꞌ, kanꞌ chaꞌ ndyaa ñaꞌan tiꞌ ba chaꞌ nu mdoꞌoo nde seꞌen ndiꞌin Ndiose bra nu mdiyaan lo chalyuu re.

SAN JUAN 17:11

’Ja tyiꞌiǐn ꞌaǎn lo chalyuu ―ndukwin Jesús―, chaꞌ wa tyaꞌaǎn nde seꞌen ndiꞌiin; loꞌo neꞌ kanꞌ ni, ti tyiꞌin la neꞌ lo chalyuu. Nuꞌwin Stiǐn, luwii ꞌa lkaa, luwii ꞌa ngiꞌnii, kanꞌ chaꞌ njñaǎn chaꞌ tlyu tiꞌ ꞌiin chaꞌ ꞌin neꞌ nu wa mdaa ꞌñaǎn. Nchka tiǎnꞌ chaꞌ nuꞌwin ñaꞌansiin ꞌin neꞌ kanꞌ loꞌo yaaꞌ ti ykwiiꞌ ti, chaꞌ ja ñuꞌun tiye neꞌ. Nuꞌwin kuꞌnii chaꞌ sa ñaꞌan nu suꞌwa chaꞌ ꞌiin loꞌoǔn ―ndukwin―, ngwañaꞌan ka suꞌwa kasiya ꞌin neꞌ kanꞌ loꞌo taꞌa neꞌ nu msñi chaꞌ ꞌiin.

SAN JUAN 17:18

Sa ñaꞌan nu msuꞌwaa ꞌñaǎn chaꞌ mdiyaǎn lo chalyuu re ―ndukwin Jesús ꞌin Ndiose Sti yu―, ngwañaꞌan wa nguloǔn tñan ꞌin neꞌ kanꞌ, chaꞌ tsaa neꞌ kwaꞌu neꞌ chaꞌ ꞌiin ꞌin nten ñaꞌaan chalyuu.

SAN JUAN 17:21

Njñaǎn ꞌiin chaꞌ ka suꞌwa kasiya ꞌin neꞌ kanꞌ loꞌo taꞌa neꞌ. Stiǐn, sa ñaꞌan nu suꞌwa ndiꞌin chaꞌ ꞌiin loꞌoǔn, sa ñaꞌan nu suꞌwa nka tiyeěn loꞌoo, kwiꞌ ngwañaꞌan kuꞌnii chaꞌ ka suꞌwa ka tiye neꞌ kanꞌ loꞌoan; bra kanꞌ ka tsaa ñaꞌan tiꞌ kaꞌan nten ñaꞌaan chalyuu chaꞌ nuꞌwin msuꞌwaa ꞌñaǎn chaꞌ mdiyaǎn ―ndukwin Jesús―.

SAN JUAN 17:23

Suꞌwa lka tiyeěn loꞌo neꞌ kanꞌ, loꞌo suꞌwa lka tiyee loꞌoǔn ―ndukwin―, kanꞌ chaꞌ chañi chaꞌ ka suꞌwa kasiya ꞌin neꞌ loꞌo taꞌa neꞌ. Ngwañaꞌan ka biyaꞌ tiꞌ nchga nten chalyuu chaꞌ nuꞌwin wa msuꞌwaa ꞌñaǎn chaꞌ mdiyaǎn lo chalyuu, chaꞌ sa ñaꞌan nu ndiya ꞌa tiiꞌ ꞌñaǎn, ngwañaꞌan ndiya ꞌa tiiꞌ ꞌin nten nu wa yten chaꞌ ꞌñaǎn.

SAN JUAN 17:3

Chalyuu kwi nu taǎn ꞌin neꞌ kanꞌ ni, kanꞌ lka chaꞌ xuꞌwi lyo neꞌ ꞌiin, chaꞌ nuꞌwin lkaa ska ti nu nka Ndiose ykwiꞌ nu ndiꞌin niꞌ kwan; kwiꞌ ngwañaꞌan, xuꞌwi lyo neꞌ ꞌñaǎn, chaꞌ lkaǎn Jesucristo nu msuꞌwaa ꞌñaǎn bra nu mdiyaǎn lo chalyuu.

SAN JUAN 17:8

Wa ngwaꞌuǔn ꞌin neꞌ nchga chaꞌ nu ngwaꞌuu ꞌñaǎn ―ndukwin Jesús―, loꞌo ndukwa ꞌa neꞌ chaꞌ kanꞌ ni. Jlyo ꞌa tiꞌ neꞌ chaꞌ nde seꞌen ndiꞌiin, kwiꞌ nde kwa mdoꞌoǔn mdiyaǎn; ndyaa ñaꞌan tiꞌ neꞌ chaꞌ nuꞌwin lkaa nu msuꞌwaa ꞌñaǎn mdiyaǎn.

SAN JUAN 3:17

Wa msuꞌwa Ni ꞌñaǎn ndijyaǎn lo chalyuu chaꞌ suwiǐn kiꞌya nu ndukwi nten chalyuu. Ja nchka tiꞌ Stiǐn Ndiose chaꞌ xkwiꞌ nan xtya Ni kiꞌya ꞌin nten; ja ndijyaǎn lo chalyuu chaꞌ kuꞌniǐn ngwañaꞌan ―ndukwin Jesús―.

SAN JUAN 6:19

Wa ndyaa yka naꞌan ꞌin neꞌ nu ngiꞌni xaꞌan chaꞌ ꞌin yu ta kiꞌyu o ta skwa kilómetro biyaꞌ tijyuꞌ lo tyiꞌa, loꞌo naꞌan neꞌ chaꞌ ndijyan Jesús seꞌen ndiꞌin neꞌ bra kanꞌ; ndaꞌan yu ndijyan yu lo tyiꞌa. Ytsen ꞌa neꞌ xa nu naꞌan neꞌ ꞌin yu.

SAN JUAN 7:29

Naꞌ nsuꞌwi lyoǔn ꞌin Ndiose, chaꞌ seꞌen ndiꞌin Ni mdoꞌoǔn ndijyaǎn; Ndiose lka nu ngulo tñan ꞌñaǎn chaꞌ kaǎn nde re.

SAN JUAN 8:19

―¿La nde yaꞌ ndiꞌin Stii sikwa a? ―ndukwin neꞌ ꞌin Jesús bra kanꞌ. ―Ja siyaꞌ yuꞌwi lyo wan ꞌñaǎn, loꞌo ti kwiꞌ ti chaꞌ, ja la nsuꞌwi lyo wan ꞌin Stiǐn ―ndukwin Jesús ꞌin neꞌ―. Si nsuꞌwi lyo wan ꞌñaǎn, kwiꞌ ngwañaꞌan nsuꞌwi lyo wan ꞌin Stiǐn bra kanꞌ.

SAN JUAN 8:55

ni siya ja nsuꞌwi lyo wan ꞌin Ni. Naꞌ nsuꞌwi lyoǔn ꞌin Ni. Ja ka chkwiǐnꞌ chaꞌ ja nsuꞌwi lyoǔn ꞌin Ni; kwiñiǐn si ngwañaꞌan nchkwiǐnꞌ, wa lkaǎn sa ñaꞌan lka wan, chaꞌ kwiñi ꞌa wan. Chañi chaꞌ nsuꞌwi lyoǔn ꞌin Stiǐn Ndiose, kwiꞌ ngwañaꞌan, ndukwaǎn nchga chaꞌ nu nchkwiꞌ Ni loꞌoǔn ―ndukwin Jesús ꞌin neꞌ judío kanꞌ.

LOS HECHOS 17:23

Wa yiꞌaǎn naꞌaǎn chinꞌ lo kichen re, loꞌo naꞌaǎn nchga joꞌo nu ꞌwan bra kanꞌ. Loꞌo kanꞌ naꞌaǎn ska msaa laja lo, loꞌo ndiya ska chaꞌ nu ngaꞌan siꞌ msaa, kanꞌ nu nchkwiꞌ: “Nde lka msaa ꞌin joꞌo nu ja ya xuꞌwi lyo ba ꞌin.” Chaꞌ ꞌin Ndiose nu ja ya xuꞌwi lyo wan, kanꞌ lka chaꞌ nu chkwiǐnꞌ loꞌo wan ni ―ndukwin yu―.

LOS HECHOS 26:18

chunꞌ ñaꞌan tiꞌ nten nu kwityiinꞌ, ngwañaꞌan ndiꞌin neꞌ kanꞌ lo chalyuu; ñaꞌan tiꞌ si xkwiꞌ tla ꞌa seꞌen ndiꞌin neꞌ, ngwañaꞌan ngiꞌni neꞌ kanꞌ chaꞌ xaꞌan. Kanꞌ chaꞌ ndiꞌin chaꞌ kwaꞌuu chaꞌ ꞌñaǎn ꞌin neꞌ kanꞌ, chaꞌ sten neꞌ chaꞌ ꞌñaǎn. Ja tyiꞌin ꞌa neꞌ seꞌen tla bra kanꞌ, sa ñaꞌan lka si kwityiinꞌ neꞌ; ka tyaꞌan neꞌ tuwiin ꞌin Ndiose seꞌen nu xaa ꞌa, ka biyaꞌ tiꞌ neꞌ nchga chaꞌ ꞌin Ni bra kanꞌ. Satanás lka nu ndlo tñan ꞌin neꞌ kanꞌ ni, loꞌo chunꞌ ndiꞌin la ka neꞌ kanꞌ nten ꞌin Ndiose. Ndiꞌin chaꞌ sten neꞌ kanꞌ chaꞌ ꞌñaǎn, chaꞌ ka kuꞌni Ndiose chaꞌ tlyu tiꞌ ꞌin neꞌ ꞌin chaꞌ kuxi nu ndiꞌin ꞌin neꞌ kanꞌ. Bra kanꞌ ka suꞌwa chaꞌ ꞌin neꞌ kanꞌ loꞌo nchga nten nu ka luwi kasiya ꞌin neꞌ chunꞌ ngujwiǐn lo wsi” ndukwin Jesús kanꞌ ꞌñaǎn.

ROMANOS 1:28

Ngwañaꞌan ndiꞌin chaꞌ ꞌin nten chalyuu, chaꞌ ja nchka tiꞌ neꞌ xuꞌwi lyo neꞌ ꞌin Ndiose; kanꞌ chaꞌ ngulaa yaꞌ Ndiose ꞌin neꞌ chaꞌ kuꞌni neꞌ chaꞌ xaꞌan kanꞌ, nda Ni chinꞌ tyempu ꞌin neꞌ chaꞌ kuꞌni neꞌ ñaꞌaan chaꞌ kuxi nu nchka tiꞌ neꞌ kuꞌni neꞌ.

ROMANOS 3:11

ja ndiya nten nu nchka biyaꞌ tiꞌ chaꞌ ꞌin Ndiose, ja tukwin ndaꞌan naan chaꞌ ꞌin Ndiose.

ROMANOS 3:26

Ngwañaꞌan ngwaꞌu Jesús ꞌñaan chaꞌ ñi ꞌa ngiꞌni Ndiose; kwiꞌ ngwañaꞌan ka kuꞌni luwi Ni kasiya ꞌin nchga nten, si xlyaa neꞌ xñi neꞌ chaꞌ ꞌin Jesús.

1 CORINTIOS 1:21

Yꞌni Ndiose chaꞌ ja ka xuꞌwi lyo nten chalyuu ꞌin Ni chaꞌ ke ti neꞌ, loꞌo jlyo ꞌa tiꞌ Ndiose. Loꞌo ni, ndlaa Ni ꞌin nten nu sten chaꞌ ꞌin Ni, ti kwiꞌ chaꞌ nu ngitsaꞌ ba ꞌin neꞌ, ni siya chaꞌ tintu nchkwiꞌ ba, ndukwin nten bra kanꞌ.

1 CORINTIOS 15:34

Ndiꞌin chaꞌ kulaa yaꞌ wan chaꞌ kuxi nu ngiꞌni wan, chaꞌ tyisnan wan tyaꞌan chaꞌ suꞌwe tiye wan bra kanꞌ, chaꞌ suꞌwe ti kuꞌni wan loꞌo taꞌa nten wan. Wa jlyo tiǎnꞌ chaꞌ ndiya chinꞌ taꞌa wan nu ja ya ka biyaꞌ suꞌwe tiꞌ chaꞌ ꞌin Ndiose, kanꞌ chaꞌ nchkwiǐnꞌ loꞌo wan ngwañaꞌan chaꞌ ka jyuꞌu tiꞌ wan.

2 CORINTIOS 4:4

Ja xlyaa nten nu kuxi kanꞌ xñi chaꞌ kanꞌ siꞌya kuneꞌ xaꞌan nu nñi lyoꞌo ꞌin nten chalyuu. Ndukunꞌ nu kuxi kanꞌ chaꞌ ꞌin neꞌ chaꞌ ja kunan ꞌa neꞌ chaꞌ suꞌwe nu ꞌin Krixtu, kanꞌ chaꞌ ja nchka kanun xaa luwi ꞌin Krixtu niꞌ kasiya ꞌin neꞌ kanꞌ. Tnun ꞌa chaꞌ lka chaꞌ nu ꞌin Krixtu; nchga chaꞌ nu ndiꞌin ꞌin Ni, suꞌwa ndiꞌin chaꞌ ꞌin Ni loꞌo Ndiose Sti Ni nde seꞌen ndiꞌin Ni.

2 TESALONICENSES 1:8

Bra kanꞌ ta Ndiose nu tiꞌí ꞌin nchga nten nu ja xlyaa kunan chaꞌ nchkwiꞌ Ni. Kwiꞌ ngwañaꞌan, ta Ndiose nu tiꞌí ꞌin nten nu ja xlyaa xñi chaꞌ suꞌwe ꞌin Xꞌnaan Jesús.

HEBREOS 8:11

Nchga neꞌ kanꞌ ka xuꞌwi lyo neꞌ ꞌñaǎn bra kanꞌ, taꞌa neꞌ tnun loꞌo xuwe, nchga neꞌ xuꞌwi lyo neꞌ ꞌñaan bra kanꞌ. Tyempu kanꞌ ja nꞌni chaꞌ kunichaꞌ neꞌ ꞌin taꞌa neꞌ ti ka nu lkaǎn; ti kwiꞌ ti chaꞌ, ja nꞌni chaꞌ kwaꞌu neꞌ ꞌin taꞌa kichen tyi neꞌ chaꞌ naꞌ lkaǎn Ndiose Xꞌnan neꞌ.

1 SAN JUAN 1:9

Loꞌo ni, ka tsaa ñaꞌan tianꞌ ꞌin Ndiose chaꞌ kuꞌni Ni chaꞌ tlyu tiꞌ ꞌñaan ꞌin kiꞌya nu ndiꞌin ꞌñaan, bra nu katsaanꞌ ñian ꞌin Ni chaꞌ ndukwian kiꞌya. Suꞌwe ꞌa kuꞌni Ni loꞌoan bra kanꞌ; loꞌo kuꞌni tyii Ni nchga chaꞌ kuxi nu ndiꞌin niꞌ kasiya ꞌñaan, chunꞌ ngujwi Jesús lo wsi.

EL APOCALIPSIS 13:8

Loꞌo nchga nten tyukwi ñaꞌaan chalyuu yꞌni tnun neꞌ ꞌin ꞌni kanꞌ bra kanꞌ, nchga nten nu ja ndukwa nin lo kityi ꞌin Ndiose. Nu ngwa ti kulo, bra nu ti ji kwiñan Ni chalyuu, ti bra kanꞌ ngwaꞌan Ni nin nten nu ja tsaa tii ꞌa chalyuu ꞌin. Loꞌo wa nganun kityi kanꞌ chaꞌ ꞌin nu lka ñaꞌan tiꞌ slyaꞌ kanꞌ nu wa yjwi nten ꞌin ska yaꞌ nu ngwa sꞌni bra kanꞌ.

EL APOCALIPSIS 16:5

Kwiꞌ ñaꞌan bra ynaǎn ykwiꞌ angajle nu nka ndloo ꞌin tyiꞌa: ―Nuꞌwin nu nkaa Xꞌnan ba, ñi ꞌa tñan ngiꞌnii chaꞌ ndaa nu tiꞌí ꞌin nten kuxi kanꞌ ―ndukwin ꞌin Ndiose―, chaꞌ luwi ꞌa kasiya ꞌiin. Nan luꞌuu ni, kwiꞌ ngwañaꞌan luꞌuu nu ngwa ti kulo.