SAN JUAN 15:26 - Chatino Zona Alta Occidental

²⁶ ’Chunꞌ ndiꞌin la suꞌwaǎn nu lka Tyiꞌi Ndiose chaꞌ kan Ni lo chalyuu, Tyiꞌi Ni ykwiꞌ, nu mdoꞌo seꞌen ndiꞌin Ndiose nde niꞌ kwan ―ndukwin Jesús―. Kanꞌ lka nu kwaꞌu ꞌwan nchga chaꞌ nu ñi, kanꞌ lka nu tayaꞌ ꞌwan nchga bra chabiyaꞌ ꞌñaǎn. Bra nu kan Ni kanꞌ lo chalyuu, bra kanꞌ kwaꞌu Ni nchga chaꞌ nu ñi ꞌwan, nchga chaꞌ nu nsuꞌwi ꞌñaǎn ―ndukwin Jesús―.

SAN JUAN 15:26 Iomraidhean Croise

SAN LUCAS 24:49

Loꞌo taǎn Tyiꞌiǐn ykwiǐnꞌ ꞌwan, chaꞌ wa ykwiꞌ Stiǐn chaꞌ ta Ni Tyiꞌi Ni ꞌwan; kanꞌ chaꞌ kanun wan nde Jerusalén re, sa ñaꞌan bra nu kaja jwersa ꞌin Tyiꞌi Ndiose ꞌwan, kanꞌ nu tyoꞌo nde niꞌ kwan chaꞌ kan kanun niꞌ kasiya ꞌwan.

SAN JUAN 14:26

Chunꞌ ndiꞌin la ka biyaꞌ la tiꞌ wan nchga chaꞌ kanꞌ; kwaꞌu Tyiꞌi Ndiose chaꞌ kanꞌ ꞌwan ―ndukwin Jesús―. Wa suꞌwa ti Stiǐn Ndiose Tyiꞌi Ni chaꞌ kan lo chalyuu chaꞌ tayaꞌ Ni ꞌwan nchga bra chabiyaꞌ ꞌñaǎn. Kuꞌni Ni chaꞌ tyuꞌwi tiꞌ wan nchga chaꞌ nu wa ykwiǐnꞌ loꞌo wan.

SAN JUAN 16:7

Ja kuwe ꞌa tiꞌ wan. Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―, chaꞌ suꞌwe la tyiꞌin wan lo chalyuu bra nu wa ndyaꞌaǎn. Ja ka kan Tyiꞌi Ndiose chaꞌ tayaꞌ Ni ꞌwan nchga tsan si ja tyaꞌaǎn, chaꞌ sa bra nu tyaꞌaǎn ni, bra kanꞌ suꞌwaǎn ꞌin Tyiꞌi Ni kanꞌ chaꞌ kan Ni seꞌen ndiꞌin wan.

SAN JUAN 8:42

―¿Ta kwiꞌ Ndiose lka Sti wan sikwa a? ¿Ni chaꞌ lka ja ndiya tiꞌ wan ꞌñaǎn sikwa a? ―ndukwin Jesús―. Seꞌen ndiꞌin Ndiose mdoꞌoǔn, loꞌo ndiꞌiǐn lo chalyuu re chabiyaꞌ ꞌin Ni ―ndukwin Jesús―. Siꞌi chaꞌ ꞌñaǎn ti ykwiǐnꞌ tiǎn ndijyaǎn lo chalyuu, Ndiose ykwiꞌ ngulo Ni tñan ꞌñaǎn chaꞌ kaǎn.

LOS HECHOS 1:4

Ja ya tyaa Jesús, bra nu ykwiꞌ yu loꞌo neꞌ kanꞌ, chaꞌ kanun neꞌ kichen Jerusalén: ―Kata wan chinꞌ kichen re ―ndukwin Jesús ꞌin neꞌ―, sa ñaꞌan bra nu kan Tyiꞌi Ndiose chaꞌ kanun niꞌ kasiya ꞌwan. Ngwañaꞌan ykwiꞌ Stiǐn nu ngwa sꞌni, kwiꞌ ngwañaꞌan ngwa chaꞌ nu ykwiǐnꞌ loꞌo wan nu ngwa xkanꞌ ti.

LOS HECHOS 15:8

Ñaꞌan Ndiose nchga chaꞌ nu ndiꞌin tiye nten, loꞌo mda Ni Tyiꞌi Ni chaꞌ kanun niꞌ kasiya ꞌin neꞌ kanꞌ, ni siya neꞌ xka laꞌa tsuꞌ lka neꞌ. Sa ñaꞌan nu yꞌni Ndiose loꞌoan, ti kwiꞌ ngwañaꞌan yꞌni Ni loꞌo neꞌ xka laꞌa tsuꞌ kanꞌ;

LOS HECHOS 5:32

Chañi chaꞌ nu ykwiꞌ ba loꞌo wan chaꞌ wa mdaꞌan ba loꞌo Jesús kanꞌ. Wa mda Ndiose Tyiꞌi Ni chaꞌ kanun niꞌ kasiya ꞌin nchga nten nu kuꞌni tñan nu ndlo Ni ꞌin neꞌ. Kwiꞌ ngwañaꞌan ngiꞌni Tyiꞌi Ndiose chaꞌ ka jlyo tiꞌ ba chaꞌ chañi lka chaꞌ ꞌin Jesucristo nu nduꞌu ba ꞌin nchga nten.

1 CORINTIOS 1:6

Tyun ꞌa nten nchka biyaꞌ tiꞌ chaꞌ chañi ꞌa chaꞌ wa yten wan chaꞌ ꞌin Jesús, xa nu naꞌan neꞌ nchga tñan nu ngiꞌni wan seꞌen ndiꞌin wan lo chalyuu.

HEBREOS 2:4

Kwiꞌ ngwañaꞌan, yꞌni Ndiose tñan chaꞌ ka biyaꞌ tianꞌ chaꞌ chañi ꞌa chaꞌ nu ykwiꞌ neꞌ kanꞌ, xa wa yꞌni Ni kaꞌan ꞌa chaꞌ tnun seꞌen ndiꞌian chaꞌ ñaꞌaan ꞌin ran. Tyun ꞌa chaꞌ tnun nu ja ka kuꞌni nten chalyuu yꞌni Ni bra kanꞌ, chaꞌ kuwe tianꞌ ꞌin Ndiose bra nu ñaꞌaan chaꞌ tnun kanꞌ bra kanꞌ. Loꞌo msuꞌwa Ndiose Tyiꞌi ykwiꞌ Ni chaꞌ kanun niꞌ kasiya ꞌñaan taꞌaan, sa ñaꞌan nka tiye Ni chaꞌ ta Ni ꞌñaan; kanꞌ chaꞌ nchka ꞌñaan kuꞌnian tyun loo tñan chaꞌ ꞌin Ndiose, nu ja nchka kuꞌni nten, ti ykwiꞌ ti neꞌ.

EL APOCALIPSIS 22:1

Chunꞌ ndiꞌin la ngwaꞌu angajle ꞌñaǎn la nde yaꞌ ndijin saꞌan chku ꞌin Ndiose, chku kanꞌ nu nda chalyuu nu ja tsaa tii ꞌa ꞌñaan bra kanꞌ. Luwi ꞌa tyiꞌa chku kanꞌ ñaꞌan tiꞌ xaa kunan. Nde kiyaꞌ yka xlya tnun seꞌen ndukwa Ndiose, kwiꞌ nde seꞌen ndukwa nu lka ñaꞌan tiꞌ slyaꞌ kanꞌ, la kwa ndiya suun seꞌen ndyukwa tyiꞌa chku kanꞌ.