SAN JUAN 14:7 - Chatino Zona Alta Occidental

⁷ Nsuꞌwi lyo wan ꞌñaǎn, kanꞌ chaꞌ loꞌo Stiǐn nsuꞌwi lyo wan ꞌin Ni; ni siya ni, nsuꞌwi lyo wan ꞌin Ni, chaꞌ wa naꞌan wan ꞌin Ndiose xa nu naꞌan wan ꞌñaǎn.

SAN JUAN 14:7 Iomraidhean Croise

SAN MATEO 11:27

Ti ngwaꞌu la Jesús ꞌin neꞌ bra kanꞌ: ―Nchga chabiyaꞌ ꞌin Stiǐn Ndiose nganun ꞌñaǎn. Ja tukwin jlyo tiꞌ sa ñaꞌan lka chaꞌ nu nsuꞌwi niꞌ kasiya ꞌñaǎn, chaꞌ naꞌ lkaǎn ska ti nu lka Sñiꞌ Ndiose; ska ti Stiǐn Ndiose jlyo tiꞌ Ni sa ñaꞌan lka chaꞌ nu nsuꞌwi niꞌ kasiya ꞌñaǎn. Kwiꞌ ngwañaꞌan, ja tukwin jlyo tiꞌ sa ñaꞌan chaꞌ nu nsuꞌwi niꞌ kasiya ꞌin Stiǐn; skaǎn tiǎn nu lkaǎn Sñiꞌ Ni jlyo tiǎnꞌ, loꞌo kwaꞌuǔn chaꞌ kanꞌ ꞌin nten nu kuloǔn suwiǐn ꞌin chaꞌ kuꞌni xaꞌan neꞌ chaꞌ ꞌñaǎn.

SAN LUCAS 10:22

Bra kanꞌ ykwiꞌ yu loꞌo neꞌ nu mdiyan seꞌen ndiꞌin yu: ―Wa mda Stiǐn nchga nan ꞌñaǎn. Loꞌo ja tukwin jlyo tiꞌ chaꞌ lkaǎn Sñiꞌ Ndiose; ska ti ykwiꞌ Stiǐn, kanꞌ nu jlyo tiꞌ. Ja tukwin la jlyo tiꞌ ti ka nu lka Stiǐn; skaǎn tiǎnꞌ, jlyo tiǎnꞌ ti ka nu lka Stiǐn. Loꞌo ka jlyo tiꞌ xka ta nten, ñaꞌan nten nu xlyaǎn chaꞌ kwaꞌuǔn ꞌin neꞌ ti ka nu lka Stiǐn, loꞌo neꞌ kanꞌ ka biyaꞌ tiꞌ neꞌ bra kanꞌ.

SAN JUAN 1:18

Ja tukwin naꞌan ꞌin Ndiose; ska ti Jesús naꞌan ꞌin Ni, kanꞌ nu nduꞌu sa ñaꞌan lka Ndiose ꞌñaan, neꞌ nten chalyuu. Loꞌo Jesús kanꞌ ni, kanꞌ lka ska ti nu lka Sñiꞌ Ndiose, loꞌo ndiya ꞌa tiꞌ Ni ꞌin yu.

SAN JUAN 15:24

Ja ndukwi neꞌ kanꞌ kiꞌya ti kulo, loꞌo ni, wa mdiꞌiǐn seꞌen ndiꞌin neꞌ kanꞌ, wa yꞌniǐn tñan nu ja ka ꞌin xka la nten kuꞌni; wa naꞌan neꞌ nchga chaꞌ tnun nu ngiꞌniǐn, kanꞌ chaꞌ tiꞌí tiꞌ neꞌ ꞌñaǎn. Kwiꞌ ngwañaꞌan tiꞌí tiꞌ neꞌ ꞌin Stiǐn, kanꞌ chaꞌ wa nganun yuweꞌ chunꞌ neꞌ kanꞌ ―ndukwin Jesús―.

SAN JUAN 16:3

Kuꞌni neꞌ kanꞌ ngwañaꞌan, chaꞌ ja nsuꞌwi lyo neꞌ ꞌin Stiǐn Ndiose; kwiꞌ ngwañaꞌan, ja nsuꞌwi lyo neꞌ ꞌñaǎn ―ndukwin Jesús―.

SAN JUAN 17:21

Njñaǎn ꞌiin chaꞌ ka suꞌwa kasiya ꞌin neꞌ kanꞌ loꞌo taꞌa neꞌ. Stiǐn, sa ñaꞌan nu suꞌwa ndiꞌin chaꞌ ꞌiin loꞌoǔn, sa ñaꞌan nu suꞌwa nka tiyeěn loꞌoo, kwiꞌ ngwañaꞌan kuꞌnii chaꞌ ka suꞌwa ka tiye neꞌ kanꞌ loꞌoan; bra kanꞌ ka tsaa ñaꞌan tiꞌ kaꞌan nten ñaꞌaan chalyuu chaꞌ nuꞌwin msuꞌwaa ꞌñaǎn chaꞌ mdiyaǎn ―ndukwin Jesús―.

SAN JUAN 17:23

Suꞌwa lka tiyeěn loꞌo neꞌ kanꞌ, loꞌo suꞌwa lka tiyee loꞌoǔn ―ndukwin―, kanꞌ chaꞌ chañi chaꞌ ka suꞌwa kasiya ꞌin neꞌ loꞌo taꞌa neꞌ. Ngwañaꞌan ka biyaꞌ tiꞌ nchga nten chalyuu chaꞌ nuꞌwin wa msuꞌwaa ꞌñaǎn chaꞌ mdiyaǎn lo chalyuu, chaꞌ sa ñaꞌan nu ndiya ꞌa tiiꞌ ꞌñaǎn, ngwañaꞌan ndiya ꞌa tiiꞌ ꞌin nten nu wa yten chaꞌ ꞌñaǎn.

SAN JUAN 17:26

Wa ngwaꞌuǔn ꞌin neꞌ kanꞌ nchga chaꞌ nu ykwiiꞌ loꞌoǔn, loꞌo ti kuꞌniǐn laǎn chaꞌ ka biyaꞌ suꞌwe tiꞌ neꞌ kanꞌ ti ka nu lka nuꞌwin. Kanꞌ chaꞌ nka suꞌwe ꞌa ka tiye neꞌ loꞌo taꞌa nten neꞌ, sa ñaꞌan nu suꞌwe ꞌa nsuꞌwi tiyee ꞌñaǎn, chaꞌ kanun Tyiꞌiǐn niꞌ kasiya ꞌin neꞌ bra kanꞌ.

SAN JUAN 17:3

Chalyuu kwi nu taǎn ꞌin neꞌ kanꞌ ni, kanꞌ lka chaꞌ xuꞌwi lyo neꞌ ꞌiin, chaꞌ nuꞌwin lkaa ska ti nu nka Ndiose ykwiꞌ nu ndiꞌin niꞌ kwan; kwiꞌ ngwañaꞌan, xuꞌwi lyo neꞌ ꞌñaǎn, chaꞌ lkaǎn Jesucristo nu msuꞌwaa ꞌñaǎn bra nu mdiyaǎn lo chalyuu.

SAN JUAN 17:6

’Nchga chaꞌ, kwiꞌ sa ñaꞌan nu nchka nuꞌwin ni, wa mdyii ykwiǐnꞌ chaꞌ kanꞌ loꞌo nten chalyuu ꞌñaǎn, ti kwiꞌ nten nu wa nguloo suwii chaꞌ ka nten ꞌñaǎn. Wa ytsaǎnꞌ chaꞌ kanꞌ ꞌin neꞌ sa ñaꞌan yaꞌ nu nsuꞌwi lyo suꞌwe neꞌ ꞌiin ni ―ndukwin―. Nten nu ꞌiin lka neꞌ kanꞌ; loꞌo nuꞌwin wa mdaa neꞌ kanꞌ, chaꞌ ka neꞌ nten ꞌñaǎn. Loꞌo wa mdukwa neꞌ nchga chaꞌ nu nchkwiiꞌ loꞌo neꞌ.

SAN JUAN 17:8

Wa ngwaꞌuǔn ꞌin neꞌ nchga chaꞌ nu ngwaꞌuu ꞌñaǎn ―ndukwin Jesús―, loꞌo ndukwa ꞌa neꞌ chaꞌ kanꞌ ni. Jlyo ꞌa tiꞌ neꞌ chaꞌ nde seꞌen ndiꞌiin, kwiꞌ nde kwa mdoꞌoǔn mdiyaǎn; ndyaa ñaꞌan tiꞌ neꞌ chaꞌ nuꞌwin lkaa nu msuꞌwaa ꞌñaǎn mdiyaǎn.

SAN JUAN 6:46

’Ja ndiya nten chalyuu nu wa naꞌan ꞌin Stiǐn Ndiose ―ndukwin Jesús―. Skaǎn tiǎn wa naꞌaǎn ꞌin Ni, chaꞌ wa mdoꞌoǔn seꞌen ndiꞌin Ni.

SAN JUAN 8:19

―¿La nde yaꞌ ndiꞌin Stii sikwa a? ―ndukwin neꞌ ꞌin Jesús bra kanꞌ. ―Ja siyaꞌ yuꞌwi lyo wan ꞌñaǎn, loꞌo ti kwiꞌ ti chaꞌ, ja la nsuꞌwi lyo wan ꞌin Stiǐn ―ndukwin Jesús ꞌin neꞌ―. Si nsuꞌwi lyo wan ꞌñaǎn, kwiꞌ ngwañaꞌan nsuꞌwi lyo wan ꞌin Stiǐn bra kanꞌ.

2 CORINTIOS 4:6

Ti kwiꞌ Ndiose lka nu msuꞌwa xaa luwi ꞌin Ni nu nganun niꞌ kasiya ꞌñaan; kanꞌ chaꞌ ka biyaꞌ tianꞌ nchga chaꞌ tnun nu suꞌwe ꞌa nu nsuꞌwi seꞌen ndiꞌin Ni, ti kwiꞌ ti chaꞌ ndii tianꞌ chaꞌ ngiꞌni Ni tñan niꞌ kasiya ꞌñaan bra nu stean chaꞌ ꞌin Krixtu. Ti kwiꞌ Ndiose lka nu ngulo tñan chaꞌ xuꞌwi xaa la seꞌen ngwa chalyuu tla nu ngwa ti sꞌni.

HEBREOS 1:3

Nchga xaa tnun nu nsuꞌwi seꞌen ndiꞌin Ndiose nganun loꞌo Krixtu nu nka Sñiꞌ Ni xa nu mdiꞌin Ni lo chalyuu. Sa ñaꞌan lka Ndiose, kwiꞌ ngwañaꞌan lka Krixtu Ndiose; suꞌwe ꞌa ndlo Krixtu tñan ꞌin nchga chaꞌ nu ndiꞌin lo chalyuu siyaꞌ ti, kanꞌ chaꞌ suꞌwe ndiꞌin nchga nan bra kanꞌ. Bra wa mdyii yꞌni Krixtu tñan nu mdiꞌin chaꞌ kuꞌni Ni lo chalyuu re, chaꞌ yꞌni tyii Ni nchga kiꞌya nu ndukwi nten chalyuu, xiyaꞌ ndyaa Ni seꞌen ndiꞌin Ndiose Sti Ni, ndyaa tukwa Ni nde laꞌa seꞌen kwin seꞌen ndukwa Ndiose nde niꞌ kwan bra kanꞌ.

1 SAN JUAN 2:13

Ndaꞌaǎn kityi re chaꞌ tsaa seꞌen ndiꞌin wan, ꞌwan yu kula, chaꞌ wa mjwi ñaꞌan tyiꞌin chaꞌ ꞌwan loꞌo Jesucristo nu suꞌwa ndiꞌin loꞌo Ndiose Sti yu ti bra nu mdyisnan chalyuu. Kwiꞌ ngwañaꞌan, ndaꞌaǎn kityi re chaꞌ tsaa seꞌen ndiꞌin wan, ꞌwan yu kuneꞌ, chaꞌ wa mdijin lyo wan ꞌin kuneꞌ xaꞌan. ꞌWan sñiěnꞌ, wa mjwi ñaꞌan nu tyiꞌin chaꞌ ꞌwan loꞌo Ndiose Stian, kanꞌ chaꞌ ndaꞌaǎn kityi re chaꞌ tsaa seꞌen ndiꞌin wan.