SAN JUAN 14:26 - Chatino Zona Alta Occidental

²⁶ Chunꞌ ndiꞌin la ka biyaꞌ la tiꞌ wan nchga chaꞌ kanꞌ; kwaꞌu Tyiꞌi Ndiose chaꞌ kanꞌ ꞌwan ―ndukwin Jesús―. Wa suꞌwa ti Stiǐn Ndiose Tyiꞌi Ni chaꞌ kan lo chalyuu chaꞌ tayaꞌ Ni ꞌwan nchga bra chabiyaꞌ ꞌñaǎn. Kuꞌni Ni chaꞌ tyuꞌwi tiꞌ wan nchga chaꞌ nu wa ykwiǐnꞌ loꞌo wan.

SAN JUAN 14:26 Iomraidhean Croise

SAN MATEO 1:18

Nde ndaꞌaǎn sa ñaꞌan ngwa bra nu ngula Jesucristo. Wa mskanꞌ chaꞌ ꞌin Liya kanꞌ, chaꞌ kaja kwilyoꞌo loꞌo Se nu lka sñiꞌ Jacob kanꞌ. Ja ya tyiꞌin Liya seꞌen ndiꞌin Se loꞌo mgii tiꞌ Liya kanꞌ, chaꞌ wa nsuꞌwi sñiꞌ; kanꞌ lka tñan nu wa yꞌni Tyiꞌi Ndiose ykwiꞌ, chaꞌ ngwa tnan Liya kanꞌ.

SAN MATEO 1:20

Bra nu mdaꞌan chaꞌ tiye yu, ni chaꞌ ngwa ngwañaꞌan, bra kanꞌ mdoꞌo tukwa ska angajle seꞌen ndiꞌin yu, ykwiꞌ sla yu bra kanꞌ. Ykwiꞌ angajle kanꞌ loꞌo yu: ―Se ―ndukwin angajle kanꞌ ꞌin yu―, neꞌ taꞌa ayman David lka nuꞌwin ―ndukwin―. Ja kutseen kaja kwilyoꞌoo loꞌo Liya, chaꞌ kan Liya tyiꞌin naꞌan tyii. Siꞌi tñan kuxi yꞌni Liya siyaꞌ ti, tñan nu yꞌni Tyiꞌi Ndiose lka chaꞌ tyiꞌin sñiꞌ Liya ni.

SAN MATEO 28:19

Yaa wan nchga kichen lo chalyuu chaꞌ kuꞌni xaꞌan nchga nten chaꞌ ꞌñaǎn. Kwiꞌ tukwatya wan ꞌin neꞌ chabiyaꞌ ꞌin Stiǐn Ndiose, ngwañaꞌan chabiyaꞌ nu ndiꞌin ꞌñaǎn chaꞌ lkaǎn Sñiꞌ Ni, kwiꞌ ngwañaꞌan chabiyaꞌ ꞌin Tyiꞌi Ndiose tukwatya wan ꞌin neꞌ bra kanꞌ.

SAN MATEO 3:11

Loꞌoǔn ni, ndukwatyaǎn ꞌwan loꞌo tyiꞌa chku re, si chañi chaꞌ wa ngwa jyuꞌu tiꞌ wan ꞌin kiꞌya nu ndukwi wan; loꞌo wa kan ti xka nu tnun la chaꞌ nchka ꞌin ke naꞌ. Loꞌoǔn, kuꞌni tnuǔn ꞌin yu kanꞌ; suꞌwe ꞌa ka tiyeěn, ni siya xtiǐnꞌ tiǎn ti ndukwa snan yu kanꞌ. Loꞌo yu kanꞌ ni, ja tukwatya yu ꞌin nten loꞌo tyiꞌa ti; kuꞌni yu chaꞌ kanun Tyiꞌi Ndiose niꞌ kasiya ꞌin nten xa nu tukwatya yu ꞌin neꞌ. Kwiꞌ ngwañaꞌan, kuꞌni luwi yu kasiya ꞌin neꞌ loꞌo xaa ꞌin yu.

SAN MARCOS 12:36

Ti kwiꞌ ayman David wa ykwiꞌ yu nu ngwa sꞌni chaꞌ Xꞌnan yu lka Krixtu. Wa ngwaꞌu Tyiꞌi Ndiose chaꞌ kanꞌ ꞌin David, kanꞌ chaꞌ ngwañaꞌan ngwaꞌan yu lo kityi: Ndiose nu lka Xꞌnaan ykwiꞌ loꞌo Krixtu nu lka Xꞌnaǎn: “Tyukwaa nde laꞌa seꞌen kwin ꞌñaǎn” ndukwin Ni, “sa ñaꞌan yaꞌ nu kuꞌni tyiǐn chaꞌ ꞌin nchga nu nxuun loꞌoo, chaꞌ kaa ndloo ꞌin nchga chaꞌ” ndukwin Ndiose nu lka Xꞌnaan ꞌin Krixtu.

SAN MARCOS 13:11

Ja kutsen wan bra nu xñi nten ꞌwan chaꞌ tsaa loꞌo neꞌ ꞌwan seꞌen ndiꞌin neꞌ wsiya, chaꞌ ka biyaꞌ ꞌwan tloo neꞌ kanꞌ; ja tyaꞌan ꞌa chaꞌ tiye wan sa ñaꞌan ka chaꞌ nu xkwen wan ꞌin neꞌ kanꞌ; ta Ndiose nchga chaꞌ nu ndiꞌin chaꞌ chkwiꞌ wan tsan kanꞌ. Siꞌi wan, ti ykwiꞌ ti wan, nu chkwiꞌ wan loꞌo neꞌ kanꞌ, chaꞌ loꞌo tyukwi chabiyaꞌ ꞌin Tyiꞌi Ndiose chkwiꞌ wan.

SAN LUCAS 1:15

chaꞌ nu kanꞌ ka ska nten nu tnun nchka tloo Ndiose. Ja koꞌo Xuwa kanꞌ xalyu, ja ska loo xalyu koꞌo yu. Ti bra nu kala yu, bra kanꞌ kanun Tyiꞌi Ndiose niꞌ kasiya ꞌin yu.

SAN LUCAS 1:35

Bra kanꞌ ytsaꞌ angajle ska chaꞌ ꞌin Liya: ―Ta Ndiose Tyiꞌi ykwiꞌ Ni chaꞌ tiyan seꞌen ndiꞌiin, chaꞌ xuꞌwi tyukwi ñaꞌaan; ska chaꞌ tnun nu kuꞌni Ndiose nu lka ndloo la ti ka chaꞌ kanꞌ. Bra nu kala sñiiꞌ, ska nten nu luwi ꞌa chaꞌ ꞌin Ndiose ka kuwiꞌ nu kala kanꞌ, ti kwiꞌ kanꞌ lka nu ka naan ykwiꞌ Sñiꞌ Ndiose.

SAN LUCAS 1:41

Bra nu ynan neꞌ kula kanꞌ chaꞌ nu ykwiꞌ Liya loꞌo, bra ti mgii tiꞌ chaꞌ mñan chinꞌ kuwiꞌ. Bra kanꞌ msaꞌan tiye neꞌ kula Sabe nsuꞌwi Tyiꞌi Ndiose,

SAN LUCAS 1:67

Wa msaꞌan tiye Zacarías nsuꞌwi Tyiꞌi Ndiose. Bra kanꞌ mdyisnan yu kula kanꞌ ykwiꞌ yu nchga chaꞌ nu wa ytsaꞌ Ndiose ꞌin yu:

SAN LUCAS 11:13

Kanꞌ chaꞌ sikwa, si jlyo tiꞌ wan chaꞌ ta wan nan suꞌwe nu ku sñiꞌ wan, ni siya xaꞌan tiye wan, kwiꞌ ngwañaꞌan jlyo la tiꞌ Ndiose Sti wan nu ndiꞌin nde niꞌ kwan, loꞌo suꞌwe la ngiꞌni Ni. Chka tꞌnan tiꞌ Ndiose ꞌwan, ta Ni Tyiꞌi ykwiꞌ Ni nu kanun niꞌ kasiya ꞌwan bra nu jñan wan ꞌin Ni.

SAN LUCAS 2:25

Bra kanꞌ nde kichen Jerusalén ndiꞌin ska yu kula nu naan Simeón; nten suꞌwe ꞌa lka yu, ndukwa ꞌa yu tñan ꞌin Ndiose. Ndaloo ꞌa yu ndiꞌin ta yu ꞌin ska nten nu tnun nchka, nu suꞌwa Ndiose ꞌin chaꞌ kan lo chalyuu, kanꞌ lka Krixtu nu kan chaꞌ kulaa ꞌin neꞌ Israel ꞌin nchga chaꞌ kuxi. Loꞌo ndiꞌin Tyiꞌi Ndiose loꞌo Simeón kanꞌ;

SAN LUCAS 24:49

Loꞌo taǎn Tyiꞌiǐn ykwiǐnꞌ ꞌwan, chaꞌ wa ykwiꞌ Stiǐn chaꞌ ta Ni Tyiꞌi Ni ꞌwan; kanꞌ chaꞌ kanun wan nde Jerusalén re, sa ñaꞌan bra nu kaja jwersa ꞌin Tyiꞌi Ndiose ꞌwan, kanꞌ nu tyoꞌo nde niꞌ kwan chaꞌ kan kanun niꞌ kasiya ꞌwan.

SAN LUCAS 3:22

Ngwiꞌya Tyiꞌi Ndiose seꞌen ndiꞌin Jesús; sa ñaꞌan ndukwi ska kiñi cha kuun, ngwañaꞌan ngwiꞌya Tyiꞌi Ndiose lo jlyuꞌwe Jesús. Bra kanꞌ ynan neꞌ ykwiꞌ Ndiose nde niꞌ kwan: ―Sñiěnꞌ, suꞌwe ꞌa nka tiyeěn ñaꞌaǎn ꞌiin. Ndiya ꞌa tiǎnꞌ ꞌiin ―ndukwin Ndiose ꞌin Jesús.

SAN JUAN 1:33

Ndiose lka nu ngulo tñan ꞌñaǎn chaꞌ tukwatyaǎn ꞌin nten, loꞌo Ndiose lka nu ytsaꞌ ꞌñaǎn chunꞌ ja yuꞌwi lyoǔn ꞌin Jesús ti kulo la. “Bra nu ñaꞌaan chaꞌ ndijyan ndiꞌya Tyiꞌiǐn ykwiǐnꞌ ke ska nten” ndukwin Ndiose ꞌñaǎn, “bra kanꞌ ka biyaꞌ tiiꞌ chaꞌ yu kanꞌ lka nu tukwatya ꞌin nten loꞌo Tyiꞌiǐn ykwiǐnꞌ, siꞌi loꞌo tyiꞌa ti” ndukwin Ni.

SAN JUAN 12:16

Nu ngwa bra kanꞌ, ja ngwa biyaꞌ tiꞌ neꞌ chaꞌ kanꞌ. Ti ji ka chaꞌ tnun kanꞌ ꞌin Jesús, ti ji tyaa yu la seꞌen tlyu seꞌen ndiꞌin Ndiose niꞌ kwan. Xa wa ngwa chaꞌ tnun kanꞌ, ndyuꞌwi tiꞌ neꞌ nu yꞌni xaꞌan chaꞌ ꞌin yu chaꞌ nu ndukwa lo kityi kula ti sꞌni. Ngwa biyaꞌ tiꞌ neꞌ bra kanꞌ, chaꞌ sa ñaꞌan nu nchkwiꞌ kityi, kwiꞌ ngwañaꞌan ngwa chaꞌ nu yꞌni nten kaꞌan kanꞌ loꞌo Jesús.

SAN JUAN 14:16

Bra nu tyaꞌaǎn nde kwa, bra kanꞌ chkwiǐnꞌ loꞌo Stiǐn Ndiose chaꞌ ta Ni xka nu tayaꞌ ꞌwan; kanꞌ lka Tyiꞌi Ndiose nu lka suun nchga chaꞌ nu ñi. Kanun nu kanꞌ loꞌo wan sa ñaꞌan bra nu tyii chalyuu ―ndukwin―.

SAN JUAN 14:25

’Wa ytsaǎnꞌ nchga chaꞌ kanꞌ laja nu ti ndiꞌiǐn loꞌo wan.

SAN JUAN 15:26

’Chunꞌ ndiꞌin la suꞌwaǎn nu lka Tyiꞌi Ndiose chaꞌ kan Ni lo chalyuu, Tyiꞌi Ni ykwiꞌ, nu mdoꞌo seꞌen ndiꞌin Ndiose nde niꞌ kwan ―ndukwin Jesús―. Kanꞌ lka nu kwaꞌu ꞌwan nchga chaꞌ nu ñi, kanꞌ lka nu tayaꞌ ꞌwan nchga bra chabiyaꞌ ꞌñaǎn. Bra nu kan Ni kanꞌ lo chalyuu, bra kanꞌ kwaꞌu Ni nchga chaꞌ nu ñi ꞌwan, nchga chaꞌ nu nsuꞌwi ꞌñaǎn ―ndukwin Jesús―.

SAN JUAN 16:7

Ja kuwe ꞌa tiꞌ wan. Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―, chaꞌ suꞌwe la tyiꞌin wan lo chalyuu bra nu wa ndyaꞌaǎn. Ja ka kan Tyiꞌi Ndiose chaꞌ tayaꞌ Ni ꞌwan nchga tsan si ja tyaꞌaǎn, chaꞌ sa bra nu tyaꞌaǎn ni, bra kanꞌ suꞌwaǎn ꞌin Tyiꞌi Ni kanꞌ chaꞌ kan Ni seꞌen ndiꞌin wan.

SAN JUAN 2:22

Kanꞌ chaꞌ bra nu wa ndyuꞌu Jesús xiyaꞌ, kanꞌ ndyuꞌwi tiꞌ neꞌ nu ngiꞌni xaꞌan chaꞌ ꞌin yu nchga chaꞌ nu ykwiꞌ yu loꞌo neꞌ tsan kanꞌ; ndyaa ñaꞌan tiꞌ neꞌ chaꞌ kanꞌ, kwiꞌ ndyaa ñaꞌan tiꞌ neꞌ chaꞌ nu ngwaꞌan ayman lo kityi ꞌin Ndiose nu ngwa sꞌni.

SAN JUAN 20:22

Ngwaꞌa Jesús tloo neꞌ kanꞌ bra kanꞌ. ―Kanun Tyiꞌi Ndiose niꞌ kasiya ꞌwan ni ―ndukwin yu ꞌin neꞌ kanꞌ―.

SAN JUAN 6:45

Nde ndiya ska chaꞌ nu ngwaꞌan ska ayman lo kityi nu ngwa sꞌni: “Ndiose lka nu kwaꞌu chaꞌ nu ñi ꞌin nten” ndukwin kityi kanꞌ. Kanꞌ chaꞌ nten ꞌñaǎn ka nchga nten nu kunan chaꞌ nu nchkwiꞌ Stiǐn Ndiose, nchga nten nu kuꞌni xaꞌan chaꞌ nu kwaꞌu Ni ꞌin neꞌ.

SAN JUAN 7:39

Ngwañaꞌan ykwiꞌ Jesús loꞌo neꞌ kwa, chaꞌ wa ta ti Ndiose Tyiꞌi Ni chaꞌ kanun niꞌ kasiya ꞌin nchga nten nu xñi chaꞌ ꞌin Ni. Ja ya ta Ndiose Tyiꞌi Ni kan lo chalyuu, chunꞌ ja ya tyaa Jesús seꞌen ndiꞌin Ndiose nu lka Sti yu.

LOS HECHOS 1:2

nchga chaꞌ nu yꞌni yu xa nu mdiꞌin yu lo chalyuu re. Ja ya tyaa Jesús nde seꞌen ndiꞌin Ndiose, bra nu ngulo suwi yu ꞌin tii tyukwa nten nu tsaa chkwiꞌ chaꞌ ꞌin yu tyukwi ñaꞌaan chalyuu. Mdayaꞌ Tyiꞌi Ndiose ꞌin Jesús chaꞌ ngulo yu tñan ꞌin tii tyukwa yu kanꞌ, sa ñaꞌan tñan ndiꞌin chaꞌ kuꞌni yu kanꞌ.

LOS HECHOS 1:4

Ja ya tyaa Jesús, bra nu ykwiꞌ yu loꞌo neꞌ kanꞌ, chaꞌ kanun neꞌ kichen Jerusalén: ―Kata wan chinꞌ kichen re ―ndukwin Jesús ꞌin neꞌ―, sa ñaꞌan bra nu kan Tyiꞌi Ndiose chaꞌ kanun niꞌ kasiya ꞌwan. Ngwañaꞌan ykwiꞌ Stiǐn nu ngwa sꞌni, kwiꞌ ngwañaꞌan ngwa chaꞌ nu ykwiǐnꞌ loꞌo wan nu ngwa xkanꞌ ti.

LOS HECHOS 1:8

Xka chaꞌ chkwiǐnꞌ loꞌo wan ni, chaꞌ kaja chabiyaꞌ ꞌwan kuꞌni wan tñan ꞌñaǎn xa nu kanun Tyiꞌi Ndiose niꞌ kasiya ꞌwan, chaꞌ ka chkwiꞌ wan chaꞌ suꞌwe re loꞌo nchga nten, chaꞌ ꞌñaǎn bra kanꞌ. Chkwiꞌ wan loꞌo neꞌ kichen Jerusalén, kwiꞌ ngwañaꞌan chkwiꞌ wan loꞌo neꞌ nde lo yuu ꞌin Judea, kwiꞌ ngwañaꞌan chkwiꞌ wan loꞌo neꞌ lo yuu kwiꞌ seꞌen ti nu naan Samaria kanꞌ, kwiꞌ ngwañaꞌan chkwiꞌ wan loꞌo neꞌ nchga kichen seꞌen ndiꞌin nten chalyuu.

LOS HECHOS 11:16

Ndyuꞌwi tiǎnꞌ bra kanꞌ, chaꞌ ti ngwa sꞌni la ykwiꞌ Xꞌnaan chaꞌ re loꞌoǔn: “Nu ngwa sꞌni la mdukwatya Xuwa ꞌin nten loꞌo tyiꞌa ti” ndukwin Ni, “loꞌo ni, xka ñaꞌan kuꞌni Ndiose. Kuꞌni Ni chaꞌ ka luwi niꞌ kasiya ꞌwan bra nu kanun Tyiꞌi Ndiose niꞌ kasiya ꞌwan.”

LOS HECHOS 13:2

Wa mdiya ska tsan nu tyukwi tsan ja yku neꞌ kanꞌ tyija, chunꞌ chaꞌ ngiꞌni tnun neꞌ ꞌin Xꞌnaan Ndiose. Loꞌo ykwiꞌ Tyiꞌi Ndiose loꞌo neꞌ bra kanꞌ: ―Ta wan chabiyaꞌ ꞌin Bernabé loꞌo Saulo, chaꞌ tsaa neꞌ kichen xka laꞌa tsuꞌ chaꞌ kuꞌni neꞌ tñan nu taǎn ꞌin neꞌ chaꞌ kuꞌni neꞌ ―ndukwin Ndiose ꞌin neꞌ.

LOS HECHOS 13:4

Bra kanꞌ ndyaa Bernabé loꞌo Saulo nde kichen Seleucia. Yten neꞌ ska niꞌ yka naꞌan nde kwa chaꞌ tsaa neꞌ xka laꞌa tsuꞌ tujoꞌo nde lo yuu nu kwenta ꞌin Chipre. La kanꞌ yꞌni neꞌ tñan nu ngulo Tyiꞌi Ndiose ꞌin neꞌ.

LOS HECHOS 15:28

Wa mdayaꞌ Tyiꞌi Ndiose ꞌware xa nu ykwiꞌ ba loꞌo taꞌa ba, kanꞌ chaꞌ chkwiꞌ ba chaꞌ re ti loꞌo wan ni, chaꞌ ja suꞌwe si ti kulo la ba xka tñan nu tukwi la ꞌwan:

LOS HECHOS 15:8

Ñaꞌan Ndiose nchga chaꞌ nu ndiꞌin tiye nten, loꞌo mda Ni Tyiꞌi Ni chaꞌ kanun niꞌ kasiya ꞌin neꞌ kanꞌ, ni siya neꞌ xka laꞌa tsuꞌ lka neꞌ. Sa ñaꞌan nu yꞌni Ndiose loꞌoan, ti kwiꞌ ngwañaꞌan yꞌni Ni loꞌo neꞌ xka laꞌa tsuꞌ kanꞌ;

LOS HECHOS 16:6

Loꞌo ja mda ꞌa Tyiꞌi Ndiose chabiyaꞌ ꞌin neꞌ chaꞌ kwaꞌu neꞌ chaꞌ ꞌin Jesucristo nde kichen lo yuu nu kwenta ꞌin Asia, kanꞌ chaꞌ mdijin neꞌ lo yuu ꞌin Frigia, loꞌo lo yuu ꞌin Galacia,

LOS HECHOS 2:33

Bra kanꞌ mdiyan yꞌya Ndiose ꞌin Jesús, ndyaa yu seꞌen ndiꞌin Ni bra kanꞌ. Nde kwa ndiꞌin Jesús laꞌa seꞌen kwin seꞌen ndukwa Ndiose ni. Wa mda Ndiose Sti yu Tyiꞌi Ni nu tyuꞌwi niꞌ kasiya ꞌin yu, chaꞌ kwiꞌ ngwañaꞌan ykwiꞌ Ni nu ngwa sꞌni; loꞌo ni, wa msuꞌwa Jesús Tyiꞌi Ndiose kanꞌ, chaꞌ kan Ni lo chalyuu re. Nchga chaꞌ nu ynan wan, nchga chaꞌ nu naꞌan wan tsan ni, kanꞌ lka tñan nu yꞌni ykwiꞌ Jesús.

LOS HECHOS 2:4

Ngwañaꞌan ngwa chaꞌ nganun Tyiꞌi Ndiose niꞌ kasiya ꞌin nchga neꞌ kanꞌ. Kanꞌ chaꞌ ngwa ꞌin neꞌ ykwiꞌ neꞌ chaꞌ nu nchkwiꞌ nten nu mdoꞌo tyun kichen tijyuꞌ la, chunꞌ Tyiꞌi Ndiose yꞌni loꞌo neꞌ chaꞌ ngwañaꞌan ngwa ꞌin neꞌ bra kanꞌ.

LOS HECHOS 20:28

Loꞌo ni, ndiꞌin chaꞌ ñaꞌansiin wan ꞌwan, ti ykwiꞌ ti wan; kwiꞌ ngwañaꞌan, ñaꞌansiin wan ꞌin nchga nten ꞌin Jesucristo nde kichen tyi wan, chaꞌ wa nda Tyiꞌi Ndiose tñan ꞌwan chaꞌ ka wan ndloo ꞌin nchga ta nten kanꞌ. Tnun ꞌa tñan yꞌni Xꞌnaan chaꞌ katin kiꞌya nu ndiꞌin ꞌñaan bra nu ngujwi yu lo wsi, ngalu tnen ykwiꞌ yu.

LOS HECHOS 20:35

Yꞌniǐn ngwañaꞌan chaꞌ ka biyaꞌ tiꞌ wan sa ñaꞌan nu suꞌwe kuꞌni wan loꞌo nten nu ndiꞌin ꞌa chaꞌ nu lyiji ꞌin. Ndiꞌin chaꞌ tyuꞌwi tianꞌ ska chaꞌ nu wa ykwiꞌ Jesús nu nka Xꞌnaan loꞌoan: “Ni siya suꞌwe nka tiye wan bra nu ta xuꞌwe ti nten ska nan ꞌwan, tlyu la chaꞌ suꞌwe lka bra nu ta xuꞌwe ti wan ska nan ꞌin taꞌa nten wan” ndukwin Jesús ꞌñaan.

LOS HECHOS 28:25

loꞌo ja ngwa suꞌwa tiye neꞌ. Bra wa tyaa ti neꞌ, xiyaꞌ ykwiꞌ Palyu loꞌo neꞌ: ―Ñi ꞌa chaꞌ nu ytsaꞌ Tyiꞌi Ndiose ꞌin ayman Isaías nu ykwiꞌ loꞌo nten chabiyaꞌ ꞌin Ndiose nu ngwa sꞌni, xa nu ykwiꞌ Ni loꞌo ayman Isaías kanꞌ bra kanꞌ:

LOS HECHOS 5:3

Ykwiꞌ Tyu loꞌo yu bra kanꞌ: ―Ananías ―ndukwin Tyu―, ¿ni nan lka ngwa ꞌiin a? ¿Ni chaꞌ mdaa chabiyaꞌ ꞌin kuneꞌ xaꞌan nu naan Satanás chaꞌ ka ndloo la niꞌ kasiya ꞌiin a? Kanꞌ lka nu mdatsaa ꞌiin chaꞌ mñi lyoꞌoo ꞌin Tyiꞌi Ndiose ―ndukwin Tyu ꞌin yu kanꞌ―. Ndukwiin chaꞌ nde lka nchga tñi nu mjwi ꞌiin loꞌo yuu kanꞌ, loꞌo siꞌi nchga tñi lka re.

LOS HECHOS 7:51

Ti ykwiꞌ la Steba loꞌo neꞌ kula bra kanꞌ: ―Ja xlyaa wan kunan wan chaꞌ nu nchkwiꞌ Ndiose loꞌo wan. Tla ꞌa ke wan, chaꞌ ja nnan wan chaꞌ nu nchkwiꞌ Ni siyaꞌ ti; loꞌo nchga tsan chen ꞌa ñaꞌan ngiꞌni wan chaꞌ ndukunꞌ wan chaꞌ ꞌin Tyiꞌi Ndiose. Sa ñaꞌan nu yꞌni ayman kula ꞌñaan chaꞌ kuxi nu ngwa sꞌni, kwiꞌ ngwañaꞌan ngiꞌni wan ni.

LOS HECHOS 7:55

Naꞌan Steba nde niꞌ kwan bra kanꞌ, naꞌan yu ska xaa tlyu ꞌa nu yꞌni Tyiꞌi Ndiose chaꞌ ñaꞌan yu; xaa ꞌin Ndiose ngwa ran. Loꞌo naꞌan yu ꞌin Jesús nduun laꞌa seꞌen kwin nde seꞌen ndukwa Ndiose.

ROMANOS 14:17

Bra nu Ndiose lka ndloo la ꞌñaan, siꞌi ska nan nu nchkuan, ska nan nu koꞌoan nu ndloo la ꞌñaan; nu ndloo la ꞌñaan lka chaꞌ kanun Tyiꞌi Ndiose niꞌ kasiya ꞌñaan, chaꞌ ka suꞌwe kasiya ꞌñaan chabiyaꞌ ꞌin Jesús. Kanꞌ chaꞌ ka tyiꞌin tiin tian lo chalyuu, ka suꞌwe ka tiyean loꞌo Ndiose; nchga chaꞌ kanꞌ ka bra nu Ndiose ka ndloo la ꞌñaan.

ROMANOS 15:13

Kanꞌ chaꞌ ni, nchka tiǎnꞌ chaꞌ kuꞌni Ndiose chaꞌ sten suꞌwe la wan chaꞌ ꞌin Ni, chaꞌ ka suꞌwe ꞌa ka tiye wan, chaꞌ ka tyiꞌin tiin wan bra kanꞌ. Bra nu kanun Tyiꞌi Ndiose niꞌ kasiya ꞌñaan, bra kanꞌ ja ka ndaja ꞌa tianꞌ chaꞌ tyiꞌin taan sa ñaꞌan bra nu tiyan Ndiose.

ROMANOS 15:16

Wa ngulo suwi Ndiose ꞌñaǎn chaꞌ kuꞌniǐn tñan ꞌin Jesucristo; tñan kanꞌ lka chaꞌ tsaꞌaǎn chkwiǐnꞌ chaꞌ suꞌwe ꞌin Ndiose loꞌo neꞌ xka laꞌa tsuꞌ, nchga seꞌen ndiꞌin neꞌ. Ngwañaꞌan ngiꞌniǐn, chaꞌ tyukwi ti tiye neꞌ kanꞌ ka neꞌ nten ꞌin Ndiose chunꞌ nu ngiꞌni Tyiꞌi Ndiose tñan niꞌ kasiya ꞌin neꞌ. Bra kanꞌ xlyaa Ndiose kuꞌni suꞌwa Ni chaꞌ ꞌin Ni loꞌo neꞌ kanꞌ chunꞌ tñan nu yꞌniǐn.

ROMANOS 5:5

Loꞌo ngwañaꞌan, siꞌi ska chaꞌ nu ndloun keen tian lka chaꞌ kanꞌ, ska chaꞌ chañi lka chaꞌ kanꞌ; kuꞌni Ni chaꞌ kanꞌ. Loꞌo ngiꞌni Ni chaꞌ ndii tianꞌ niꞌ kasiya ꞌñaan, chaꞌ suꞌwe ꞌa nka tiye Ndiose ñaꞌan Ni ꞌñaan; ngwañaꞌan ngiꞌni Ndiose bra nu nda Ni Tyiꞌi ykwiꞌ Ni ꞌñaan.

1 CORINTIOS 12:3

Kanꞌ chaꞌ nchka ꞌa tiǎnꞌ chaꞌ ka biyaꞌ tiꞌ wan chaꞌ re. Siꞌi Tyiꞌi Ndiose nu ngiꞌni chaꞌ chkwiꞌ nten: “¡Kuneꞌ xaꞌan lka Jesús kanꞌ!” Ja ka chkwiꞌ nten ngwañaꞌan chabiyaꞌ ꞌin Tyiꞌi Ndiose. Loꞌo bra nu chkwiꞌ nten: “¡Xꞌnaan lka Jesús!”, Tyiꞌi Ndiose lka nu ngiꞌni chaꞌ chkwiꞌ neꞌ ngwañaꞌan bra kanꞌ.

1 CORINTIOS 6:19

¿Ja ndiꞌya wan kwenta chaꞌ ndiya ꞌa tiꞌ Ndiose ꞌwan, chunꞌ wa nda Ni Tyiꞌi Ni chaꞌ kanun Ni niꞌ kasiya ꞌwan a? Loꞌo ni, siꞌi ti ykwiꞌ ti wan ndlo wan tñan ꞌwan, Ndiose ndlo Ni tñan ꞌwan. Kaꞌan ꞌa chaꞌ suꞌwe yꞌni Ni loꞌo wan chaꞌ mdoꞌo laa wan ꞌin chaꞌ kuxi, chaꞌ lka wan nten ꞌin Ndiose; kanꞌ chaꞌ kuꞌni tnun wan ꞌin Ndiose nchga seꞌen ndiꞌin wan, tyuꞌwi tiꞌ wan ꞌin Ni, kwiꞌ ngwañaꞌan tyukwi ti tiye wan kuꞌni wan nchga tñan nu kulo Ndiose ꞌwan.

2 CORINTIOS 13:14

Loꞌo ni, nchka ꞌa tiǎnꞌ chaꞌ ja tsaa tii chaꞌ suꞌwa yaꞌ Jesucristo nu nka Xꞌnaan ꞌin nchga wan, chaꞌ kaꞌan ꞌa chaꞌ suꞌwe ngiꞌni Ni loꞌoan nchga tsan. Kwiꞌ ngwañaꞌan nchka tiǎnꞌ chaꞌ nchga tsan kuwe tiꞌ wan chaꞌ suꞌwe ꞌa nka tiye Ni ñaꞌan Ni ꞌñaan. Kwiꞌ ngwañaꞌan, nchka tiǎnꞌ chaꞌ kanun Tyiꞌi Ndiose niꞌ kasiya ꞌwan, chaꞌ kwiꞌ Ni ngiꞌni Ni chaꞌ suꞌwa ndiꞌin chaꞌ ꞌñaan loꞌo Ni, loꞌo xka ta nten taꞌa msñian chaꞌ ꞌin Ndiose. Ngwañaꞌan ka sikwa.

2 CORINTIOS 6:6

Loꞌo ka biyaꞌ tiꞌ nten chaꞌ tñan ꞌin Ndiose lka nu ndaꞌan ba xa nu ñaꞌan neꞌ: chaꞌ wa ngwa luwi kasiya ꞌwa chunꞌ tñan nu yꞌni Jesús, chaꞌ nu chañi ꞌa nchka biyaꞌ tiꞌ ba chaꞌ ꞌin Ndiose, chaꞌ ndalo ꞌa ba ꞌin nten, chaꞌ nganun Tyiꞌi Ndiose niꞌ kasiya ꞌwa, chaꞌ chañi chaꞌ suꞌwe ꞌa nka tiye ba ñaꞌan ba ꞌin taꞌa nten ba,

EFESIOS 1:13

Loꞌo ti kwiꞌ ngwañaꞌan ngwa ꞌwan bra kanꞌ. Ti kulo ynan wan chaꞌ nu ñi nu ndiꞌin ꞌin Krixtu; suꞌwe ꞌa ngwa tiye wan xa nu ytsaꞌ neꞌ chaꞌ kanꞌ ꞌwan, chaꞌ wa ngulaa Ni ꞌwan ꞌin chaꞌ kuxi. Msñi wan chaꞌ ꞌin Krixtu, bra kanꞌ mda Ndiose Tyiꞌi ykwiꞌ chaꞌ kanun niꞌ kasiya ꞌwan, ñaꞌan tiꞌ si wa mjiꞌin kaꞌan Ni biyaꞌ nu ꞌin ykwiꞌ Ni chunꞌ wan chaꞌ lka wan nten ꞌin Ni; ti kwiꞌ tñan nu ndukwin Ni chaꞌ kuꞌni Ni, kwiꞌ kanꞌ yꞌni Ni bra kanꞌ.

EFESIOS 1:17

Tlyu ꞌa chaꞌ suꞌwe ndiꞌin ꞌin Ndiose Stian, ti kwiꞌ Ndiose nu lka Sti Xꞌnaan Jesucristo. Njnaǎn ꞌin Ni chaꞌ ta Ni Tyiꞌi ykwiꞌ Ni ꞌwan, chaꞌ ngwañaꞌan ka biyaꞌ tiꞌ wan nchga chaꞌ bra kanꞌ; kwaꞌu Tyiꞌi Ni ꞌwan sa ñaꞌan lka Ndiose, loꞌo kanꞌ ka xuꞌwi lyo suꞌwe la wan ꞌin Ni.

EFESIOS 4:30

Ja kuꞌni wan chaꞌ ka xiꞌin tiꞌ Tyiꞌi Ndiose; nu lka Tyiꞌi Ndiose ni, sa ñaꞌan lka si wa mstya Ndiose biyaꞌ ꞌin Ni chuanꞌ, chaꞌ lkaan nten ꞌin Ni, ngwañaꞌan ndyoꞌo chaꞌ kanꞌ. Loꞌo kanun chaꞌ kanꞌ chuanꞌ sa ñaꞌan bra nu tsaa tii chalyuu ꞌñaan, bra nu tiya tsan nu kulaa ji Ni ꞌñaan.

1 TESALONICENSES 4:8

Siꞌi ska chaꞌ nu nchkwiꞌ nten chalyuu ti lka chaꞌ nu nchkwiǐnꞌ loꞌo wan ni; ska chaꞌ nu ñi nu wa ykwiꞌ Ndiose loꞌoan lka chaꞌ re; kanꞌ chaꞌ si ja tukwa wan chaꞌ re, kulaa yaꞌ wan ꞌin Ndiose nu nda Tyiꞌi ykwiꞌ Ni chaꞌ kanun niꞌ kasiya ꞌñaan.

2 TIMOTEO 1:14

Xñii suꞌwe kwenta ꞌin chaꞌ suꞌwe nu wa ykwiꞌ Ndiose loꞌoan; loꞌo Tyiꞌi Ni tayaꞌ Ni ꞌiin chaꞌ kuꞌnii tñan kanꞌ, kanꞌ chaꞌ nganun Tyiꞌi Ni niꞌ kasiya ꞌñaan.

TITO 3:5

Loꞌo ngulaa Ni ꞌñaan chunꞌ nchka tꞌnan ꞌa tiꞌ Ni ꞌñaan bra kanꞌ; nchka tꞌnan tiꞌ Ni ꞌñaan ni, siꞌi chunꞌ ska chaꞌ suꞌwe nu wa yꞌnian, siꞌi chunꞌ ska tñan kti nu wa yꞌnian. Ndiose yꞌni tñan kanꞌ, Ndiose yꞌni luwi kasiya ꞌñaan, kanꞌ chaꞌ ka chkwianꞌ chaꞌ wa ngula kwian xiyaꞌ; wa ngwa kwi kasiya ꞌñaan ni, chunꞌ tñan nu wa yꞌni Tyiꞌi Ndiose loꞌoan.

HEBREOS 10:15

Ska ti loꞌo Tyiꞌi Ndiose ka biyaꞌ tianꞌ sa ñaꞌan tñan yꞌni Krixtu nu ngwa bra kanꞌ, kanꞌ chaꞌ yꞌni Tyiꞌi Ni chaꞌ ndukwa chaꞌ re lo kityi:

HEBREOS 2:4

Kwiꞌ ngwañaꞌan, yꞌni Ndiose tñan chaꞌ ka biyaꞌ tianꞌ chaꞌ chañi ꞌa chaꞌ nu ykwiꞌ neꞌ kanꞌ, xa wa yꞌni Ni kaꞌan ꞌa chaꞌ tnun seꞌen ndiꞌian chaꞌ ñaꞌaan ꞌin ran. Tyun ꞌa chaꞌ tnun nu ja ka kuꞌni nten chalyuu yꞌni Ni bra kanꞌ, chaꞌ kuwe tianꞌ ꞌin Ndiose bra nu ñaꞌaan chaꞌ tnun kanꞌ bra kanꞌ. Loꞌo msuꞌwa Ndiose Tyiꞌi ykwiꞌ Ni chaꞌ kanun niꞌ kasiya ꞌñaan taꞌaan, sa ñaꞌan nka tiye Ni chaꞌ ta Ni ꞌñaan; kanꞌ chaꞌ nchka ꞌñaan kuꞌnian tyun loo tñan chaꞌ ꞌin Ndiose, nu ja nchka kuꞌni nten, ti ykwiꞌ ti neꞌ.

HEBREOS 3:7

Lo kityi kula ndukwa ska chaꞌ nu ykwiꞌ Tyiꞌi Ndiose loꞌo nten nu ngwa sꞌni. Nde nchkwiꞌ chaꞌ kanꞌ: Loꞌo ni, kunan suꞌwe wan chaꞌ nu chkwiǐnꞌ loꞌo wan:

HEBREOS 9:8

Laja nu nchkwianꞌ chaꞌ ꞌin teꞌ naꞌan nu ngwa laa kanꞌ, ngiꞌni Tyiꞌi Ndiose chaꞌ ka biyaꞌ tianꞌ, chaꞌ ti ji stean seꞌen nu kti ꞌa ꞌin Ndiose, si ti ndiꞌin chaꞌ ꞌñaan loꞌo chaꞌ kula kanꞌ; ti ji tsaan tuwiin seꞌen ndiꞌin Ndiose, si ti ngiꞌni tnuan ꞌin Ndiose sa ñaꞌan nu yꞌni neꞌ kula kanꞌ nu ngwa sꞌni.

1 SAN PEDRO 1:12

Loꞌo ja ngwa biyaꞌ tiꞌ neꞌ bra kanꞌ; ska ti chaꞌ ykwiꞌ Ndiose loꞌo neꞌ, chaꞌ siꞌi ykwiꞌ neꞌ nu ndiꞌin chaꞌ ka biyaꞌ suꞌwe tiꞌ neꞌ sa ñaꞌan ka chaꞌ kanꞌ nu ndyaa nde loo la. ꞌWan ni, nu ndijyan chalyuu chunꞌ ndiꞌin la ꞌin ayman kanꞌ, nchka biyaꞌ tiꞌ wan ni, chaꞌ wa ynan wan nchga chaꞌ tnun nu yꞌni Jesucristo. Wa ytsaꞌ ñi ba chaꞌ kanꞌ ꞌwan; chabiyaꞌ ꞌin Tyiꞌi Ndiose ngwaꞌu ba chaꞌ kanꞌ ꞌwan, chaꞌ wa nda Ndiose Tyiꞌi ykwiꞌ Ni mdiyan niꞌ kasiya ꞌwa lo chalyuu re. Kwiꞌ ngwañaꞌan nchga angajle nu ndiꞌin seꞌen ndiꞌin Ndiose, nchka ꞌa tiꞌ ka biyaꞌ tiꞌ sa ñaꞌan ngwa nchga chaꞌ ꞌin Krixtu xa nu yan Ni lo chalyuu.

2 SAN PEDRO 1:21

Nchga nten nu ykwiꞌ chaꞌ ꞌin Ndiose loꞌo nten nu ngwa sꞌni, ja ykwiꞌ neꞌ ya ñaꞌan ti chaꞌ nu ndiya ti tiꞌ neꞌ, bra nu ykwiꞌ neꞌ chabiyaꞌ ꞌin Ni; xkwiꞌ chaꞌ nu ngwaꞌu Tyiꞌi ykwiꞌ Ni ꞌin neꞌ kanꞌ, kanꞌ lka chaꞌ nu ykwiꞌ neꞌ chabiyaꞌ ꞌin Ni.

1 SAN JUAN 2:20

Wa nda Krixtu Tyiꞌi Ndiose chaꞌ kanun niꞌ kasiya ꞌin nchga neꞌ taꞌa msñi wan chaꞌ ꞌin Ni, kanꞌ chaꞌ wa nchka biyaꞌ suꞌwe tiꞌ taꞌa wan nchga chaꞌ nu nduꞌu Ndiose ꞌñaan.

1 SAN JUAN 2:27

ꞌWan ni, wa nganun Tyiꞌi Ndiose niꞌ kasiya ꞌwan, kanꞌ chaꞌ ja ndiꞌin chaꞌ kwaꞌu xka ta nten ꞌwan; Tyiꞌi Ndiose, kanꞌ lka nu kwaꞌu ꞌwan nchga chaꞌ nu ti ji kuꞌni xaꞌan wan chaꞌ ꞌin Ni. Bra nu nduꞌu Tyiꞌi Ndiose ꞌwan, ñi ꞌa lka chaꞌ kanꞌ; siꞌi chaꞌ kwiñi nduꞌu Ni. Kanꞌ chaꞌ sikwa, sa ñaꞌan nu nduꞌu Tyiꞌi Ndiose ꞌwan chaꞌ xñi wan chaꞌ ꞌin Jesús, kwiꞌ ngwañaꞌan ndiꞌin chaꞌ kuꞌni wan.

1 SAN JUAN 5:7

Nde niꞌ kwan ndukwa snan nu nchkwiꞌ chaꞌ chañi lka Jesús sñiꞌ ykwiꞌ Ni: Ndiose Sti Ni lka ska; loꞌo Jesucristo nu ndiꞌin tyukwi chaꞌ ꞌin Ndiose ꞌin, kanꞌ lka xka; loꞌo Tyiꞌi Ndiose, kanꞌ lka xka. Loꞌo suꞌwa nchkwiꞌ taꞌa snan, chaꞌ chañi lka chaꞌ kanꞌ.

SAN JUDAS 1:20

ꞌWan neꞌ taꞌa suꞌwe nsuꞌwiǐn, xka ñaꞌan kuꞌni wan; ndiꞌin chaꞌ tayaꞌ wan ꞌin taꞌa wan chaꞌ nchga wan ka talo wan kuꞌni wan tñan ꞌin Ndiose lo chalyuu. Ka talo wan chunꞌ wa msñi suꞌwe wan chaꞌ ꞌin Ni. Kwiꞌ ngwañaꞌan, ta Tyiꞌi Ni jwersa ꞌwan chaꞌ ka chkwiꞌ wan loꞌo Ni.

EL APOCALIPSIS 2:11

Kunan suꞌwe wan nchga chaꞌ nu nchkwiꞌ Tyiꞌi Ndiose loꞌo taꞌa nten nu wa msñi chaꞌ ꞌin Ni skaa kichen, si xlyaa wan kunan wan: Suꞌwe ti kuꞌniǐn loꞌo nchga nten nu tyijin lyo ꞌin kuneꞌ xaꞌan tyukwi bra nu xuꞌwi neꞌ chalyuu; ja ska ka ꞌin neꞌ kanꞌ siyaꞌ ti tsan nu kulo Ndiose tñan ꞌin nten kuxi nu ndiꞌin lo kiiꞌ jwlyaa chaꞌ tyaa neꞌ niꞌ ñaꞌan chkwan tla” ndukwin Jesús.