SAN JUAN 14:23 - Chatino Zona Alta Occidental

²³ ―Nten nu chañi chaꞌ suꞌwe nsuꞌwi tiye neꞌ ñaꞌan neꞌ ꞌñaǎn, kunan neꞌ nchga chaꞌ nu chkwiǐnꞌ loꞌo neꞌ ―ndukwin Jesús―. Bra kanꞌ ka suꞌwe ꞌa ka tiye Stiǐn Ndiose ñaꞌan Ni ꞌin neꞌ kanꞌ. Ti kwiꞌ naꞌ loꞌo Stiǐn kan ba chaꞌ kanun ba loꞌo neꞌ kanꞌ bra kanꞌ ―ndukwin Jesús―.

SAN JUAN 14:23 Iomraidhean Croise

SAN JUAN 10:30

Kwiꞌ ngwañaꞌan suꞌwa ndiꞌin chaꞌ ꞌin Stiǐn Ndiose loꞌoǔn ―ndukwin Jesús.

SAN JUAN 14:15

’Tukwa wan nchga chaꞌ nu nchkwiǐnꞌ loꞌo wan, si chañi chaꞌ suꞌwe nsuꞌwi tiye wan ñaꞌan wan ꞌñaǎn ―ndukwin Jesús―.

SAN JUAN 14:17

Ja ka kanun Tyiꞌi Ndiose niꞌ kasiya ꞌin nten xaꞌan, chaꞌ ja nchka ñaꞌan neꞌ kanꞌ ꞌin Ni, ja nsuꞌwi lyo neꞌ ti ka nu lka Ndiose. Loꞌo ꞌwan, nsuꞌwi lyo wan ꞌin Ni chunꞌ chaꞌ ndiꞌin Tyiꞌi Ni loꞌo wan, loꞌo ngwañaꞌan wa kanun ti Ni niꞌ kasiya ꞌwan ―ndukwin Jesús ꞌin neꞌ―.

SAN JUAN 14:21

Nchga nten nu chañi chaꞌ suꞌwe nsuꞌwi tiye neꞌ ñaꞌan neꞌ ꞌñaǎn, ti kwiꞌ neꞌ kanꞌ lka nu kunan suꞌwe nchga chaꞌ nu chkwiǐnꞌ loꞌo neꞌ; tukwa suꞌwe neꞌ chaꞌ kanꞌ ―ndukwin―. Xa nu suꞌwe nsuꞌwi tiye neꞌ ñaꞌan neꞌ ꞌñaǎn, loꞌo Stiǐn, suꞌwe ꞌa nsuꞌwi tiye Ni ñaꞌan Ni ꞌin neꞌ kanꞌ. Loꞌoǔn, suꞌwe ꞌa ka tiyeěn ñaꞌaǎn ꞌin neꞌ kanꞌ, kwaꞌuǔn ꞌin neꞌ kanꞌ nchga chaꞌ sa ñaꞌan nu lkaǎn, ti ykwiǐnꞌ tiǎn bra kanꞌ.

SAN JUAN 14:24

Nten nu ja suꞌwe nsuꞌwi tiye ñaꞌan ꞌñaǎn, ja kunan neꞌ kanꞌ siyaꞌ ti ska chaꞌ nu chkwiǐnꞌ loꞌo neꞌ. Wa ynan wan chaꞌ nu ytsaꞌ Stiǐn ꞌñaǎn chaꞌ kwaꞌuǔn ꞌwan, loꞌo siꞌi chaꞌ nu nguloǔn keěn ti ykwiǐnꞌ tiǎn lka chaꞌ nu nchkwiǐnꞌ loꞌo wan.

SAN JUAN 15:10

Nchga tsan tyuꞌwi tiꞌ wan seꞌen ndiꞌin wan chaꞌ suꞌwe ꞌa nsuꞌwi tiyeěn naꞌaǎn ꞌwan. Loꞌo ka suꞌwe ꞌa ka tiyeěn ñaꞌaǎn ꞌwan si kunan wan nchga chaꞌ nu nchkwiǐnꞌ loꞌo wan ―ndukwin Jesús―. Loꞌo naꞌ, wa yꞌniǐn ngwañaꞌan, nchga tñan nu ngulo Stiǐn ꞌñaǎn wa ndukwaǎn ꞌin ran. Kanꞌ chaꞌ jlyo tiǎnꞌ chaꞌ suꞌwe ꞌa nsuꞌwi tiye Ni ñaꞌan Ni ꞌñaǎn nchga seꞌen ndiꞌiǐn.

SAN JUAN 16:27

Ti kwiꞌ Stiǐn Ndiose suꞌwe ꞌa nsuꞌwi tiye Ni ñaꞌan Ni ꞌwan chunꞌ suꞌwe ꞌa nsuꞌwi tiye wan ñaꞌan wan ꞌñaǎn; jlyo tiꞌ Ni chaꞌ ndyaa ñaꞌan tiꞌ wan chaꞌ nde seꞌen ndiꞌin Ndiose mdoꞌoǔn, kanꞌ chaꞌ suꞌwe ꞌa nsuꞌwi tiye Ni ñaꞌan Ni ꞌwan ―ndukwin―.

SAN JUAN 6:56

Loꞌo nchga nten nu ngwañaꞌan ku neꞌ, nu ngwañaꞌan koꞌo neꞌ chaꞌ nu taǎn ꞌin neꞌ ―ndukwin Jesús―, nchga tsan tyiꞌin neꞌ kanꞌ loꞌoǔn; loꞌo naꞌ ni, tyiꞌiǐn loꞌo neꞌ kanꞌ bra kanꞌ.

SAN JUAN 8:51

Chañi ꞌa chaꞌ nu nchkwiǐnꞌ loꞌo wan ni: Bra nu kunan nten chaꞌ nu ngwaꞌuǔn ꞌin neꞌ, ja tsaa tii ꞌa chalyuu suꞌwe nu taǎn ꞌin neꞌ kanꞌ, ni siya kaja neꞌ.

SAN JUAN 8:52

Loꞌo ykwiꞌ neꞌ judío kanꞌ loꞌo Jesús xiyaꞌ bra kanꞌ: ―Jlyo tiꞌ bare chaꞌ ñaꞌan tiꞌ ska kuneꞌ xaꞌan, ngwañaꞌan ngiꞌnii ―ndukwin neꞌ―. Sꞌni ngujwi ayman Abraham, sꞌni ngujwi xka ta ayman nu ykwiꞌ chaꞌ ꞌin Ndiose loꞌo nten. ¿Ni sa ñaꞌan ndaꞌan chaꞌ tiyee chaꞌ nu tka ndukwiin ti, chaꞌ: “Ja tsaa tii ꞌa chalyuu ꞌin nten nu kunan chaꞌ nu kwaꞌuǔn ꞌin neꞌ” a? ―ndukwin neꞌ―.

2 CORINTIOS 6:16

Ñaꞌan tiꞌ ꞌwan nu ndiya ꞌa tiꞌ Ndiose ꞌwan, ja ka suꞌwa chaꞌ ꞌwan loꞌo xka ta nten nu msñi chaꞌ ꞌin ya ñaꞌan ti joꞌo; kwiꞌ Ndiose nu luꞌu ndiya ꞌa tiꞌ ꞌñaan chunꞌ nganun Tyiꞌi Ni niꞌ kasiya ꞌñaan. Nde ndiya ska chaꞌ nu ykwiꞌ Ndiose: Tyiꞌiǐn nde seꞌen ndiꞌin nten kanꞌ, ndukwin Ni, kwiꞌ ngwañaꞌan tyaꞌaǎn loꞌo nten kanꞌ; kaǎn Ndiose chaꞌ ꞌin neꞌ kanꞌ, kanꞌ chaꞌ ka neꞌ kanꞌ nten ꞌñaǎn. Ngwañaꞌan ndukwin Ni.

EFESIOS 3:17

njñaǎn ꞌin Ni chaꞌ ka biyaꞌ tiꞌ wan chaꞌ nganun Tyiꞌi ykwiꞌ Jesús niꞌ kasiya ꞌwan, bra nu msñi suꞌwe wan chaꞌ ꞌin Ndiose; njñaǎn ꞌin Ni chaꞌ suꞌwe xuꞌwi tiye wan siyaꞌ ti ꞌin taꞌa nten wan, chaꞌ suꞌwe ꞌa xñi suun chaꞌ kanꞌ niꞌ kasiya ꞌwan;

1 SAN JUAN 2:24

Kanꞌ chaꞌ ndiꞌin chaꞌ kanun tsaa chaꞌ kanꞌ niꞌ kasiya ꞌwan, chaꞌ nu wa ynan wan chaꞌ ꞌin Jesús ti bra nu msñi wan chaꞌ ꞌin Ni ti kulo. Si ti nganun chaꞌ kanꞌ niꞌ kasiya ꞌwan, suꞌwa ꞌa ka tiye wan loꞌo Jesucristo ni siya ti ndiꞌin wan lo chalyuu; kwiꞌ ngwañaꞌan, suꞌwa ka tiye wan loꞌo Ndiose Stian bra kanꞌ.

1 SAN JUAN 2:5

Si chañi chaꞌ ndukwaan nchga chaꞌ nu nchkwiꞌ Jesucristo loꞌoan, bra kanꞌ chañi chaꞌ suꞌwe ꞌa nka tiyean ñaꞌaan ꞌin Ndiose Sti yu; ngwañaꞌan ka biyaꞌ tianꞌ chaꞌ chañi chaꞌ lkaan nten ꞌin Jesucristo ni siya ti ndiꞌian lo chalyuu re.

1 SAN JUAN 4:4

ꞌWan sñiěnꞌ, wa ndiꞌin chaꞌ ꞌwan loꞌo Ndiose, loꞌo ngwañaꞌan, wa ngula la tiꞌ niꞌ kasiya ꞌwan chunꞌ nu nganun Tyiꞌi Ni niꞌ kasiya ꞌwan ni; kanꞌ chaꞌ nchka ꞌwan tyijin lyo wan ꞌin neꞌ kwiñi nu ndiꞌin chaꞌ ꞌin loꞌo kuneꞌ xaꞌan. Ti kwiꞌ kuneꞌ xaꞌan lka nu ndlo tñan ꞌin nten kuxi lo chalyuu.

1 SAN JUAN 5:3

Si chañi chaꞌ suꞌwe nka tiyean ñaꞌaan ꞌin Ni, tukwaan nchga chaꞌ nu chkwiꞌ Ni loꞌoan bra kanꞌ, chaꞌ siꞌi ska tñan nu tukwi ꞌa lka chaꞌ tukwaan ska chaꞌ nu nchkwiꞌ Ni.

2 SAN JUAN 1:6

Ndiꞌin chaꞌ tukwaan nchga tñan nu ndlo Ndiose ꞌñaan. Bra nu msñi wan chaꞌ ꞌin Jesucristo ti kulo, wa ynan wan chaꞌ ndiꞌin chaꞌ suꞌwe ti ka tiye wan loꞌo taꞌa nten wan. Kanꞌ chaꞌ, kwiꞌ ngwañaꞌan ndiꞌin chaꞌ kuꞌnian ni

EL APOCALIPSIS 21:22

Loꞌo ja ska laa ndukwa lo kichen kanꞌ, chaꞌ ja naꞌaǎn ndukwa ran siyaꞌ ti. Suꞌwe chaꞌ ndiꞌin Ndiose nu nka Xꞌnaan lo kichen kanꞌ, Ndiose nu ka kuꞌni nchga lo tñan; kwiꞌ ngwañaꞌan, ndiꞌin nu lka ñaꞌan tiꞌ slyaꞌ kanꞌ. Kanꞌ chaꞌ ja ska laa kunanjoꞌo ꞌin neꞌ kichen kanꞌ bra kanꞌ.

EL APOCALIPSIS 21:3

Kanꞌ nu ynaǎn ykwiꞌ ska nu nduun kwiꞌ seꞌen ti seꞌen ndiꞌin Ndiose nde niꞌ kwan. Kwen ꞌa ykwiꞌ yu bra kanꞌ: ―Bra nu ni wa ndiꞌin Ndiose kwiꞌ seꞌen ndiꞌin nten nu wa msñi chaꞌ ꞌin Ni lo chalyuu. Tyiꞌin Ndiose seꞌen ndiꞌin nten ꞌin Ni bra kanꞌ; kwiꞌ ngwañaꞌan, ka neꞌ kanꞌ chaꞌ ꞌin Ni, ka Ni ndloo la ꞌin neꞌ kanꞌ bra kanꞌ.

EL APOCALIPSIS 22:3

Lo kichen kanꞌ, ja ndiꞌin ꞌa nan nu ndiꞌin yuweꞌ ꞌin siyaꞌ ti. Nde kichen kanꞌ suꞌwa ti ka Ndiose ndloo loꞌo nu lka ñaꞌan tiꞌ slyaꞌ kanꞌ bra kanꞌ; nde kwa ndukwa Ni lo yka xlya tnun ꞌin Ni, loꞌo nchga nten nu ngiꞌni tñan ꞌin Ni, kuꞌni tnun neꞌ ꞌin Ni bra kanꞌ.