SAN JUAN 14:18 - Chatino Zona Alta Occidental

¹⁸ Ja kulaa yaǎnꞌ ꞌwan, ja kanun wan ykwiꞌ ti wan, sa ñaꞌan si lka wan nten nu ja tukwin ndiya ꞌin ―ndukwin―, ti kaǎn seꞌen ndiꞌin wan xiyaꞌ.

SAN JUAN 14:18 Iomraidhean Croise

SAN MATEO 18:20

Loꞌoǔn ndiꞌiǐn loꞌo wan nchga seꞌen nu ndyoꞌ tiꞌin tukwa snan ti wan chabiyaꞌ ꞌñaǎn.

SAN MATEO 28:20

Kwaꞌu wan ꞌin neꞌ kanꞌ, chaꞌ kuꞌni neꞌ nchga tñan nu wa ngwaꞌuǔn ꞌwan. Loꞌo tyuꞌwi tiꞌ wan chaꞌ nu ykwiǐnꞌ loꞌo wan, chaꞌ naꞌ lkaǎn nu tyiꞌiǐn loꞌo wan nchga tsan sa ñaꞌan yaꞌ nu tsaa tii chalyuu. Sa kwa ti chaꞌ ykwiꞌ Jesús.

SAN JUAN 14:16

Bra nu tyaꞌaǎn nde kwa, bra kanꞌ chkwiǐnꞌ loꞌo Stiǐn Ndiose chaꞌ ta Ni xka nu tayaꞌ ꞌwan; kanꞌ lka Tyiꞌi Ndiose nu lka suun nchga chaꞌ nu ñi. Kanun nu kanꞌ loꞌo wan sa ñaꞌan bra nu tyii chalyuu ―ndukwin―.

SAN JUAN 14:3

Tsaꞌaǎn chaꞌ kuꞌniǐn xuꞌweěn seꞌen tyiꞌin wan, kanꞌ kaǎn lo chalyuu xiyaꞌ, tyaǎn tiꞌiǐn ꞌwan chaꞌ tyiꞌin wan loꞌoǔn.

SAN JUAN 16:16

’Chunꞌ ndiꞌin la chinꞌ, ja ñaꞌan ꞌa wan ꞌñaǎn, chaꞌ tyaꞌaǎn seꞌen ndiꞌin Stiǐn Ndiose; nde loo la, kanꞌ ñaꞌan wan ꞌñaǎn xiyaꞌ ―ndukwin Jesús.

SAN JUAN 16:33

Nchkwiǐnꞌ nchga chaꞌ re loꞌo wan chaꞌ tiin ti tyiꞌin wan xa wa yten wan chaꞌ ꞌñaǎn ―ndukwin―. Lo chalyuu re ka tiꞌí tiꞌ nten ꞌwan. Loꞌo ja kuwe tiꞌ wan, kuꞌni tnun tiye wan; naꞌ lkaǎn ndloo la lo chalyuu, chaꞌ ska yaꞌ ti mdijiǐn lyoǔn ꞌin kuneꞌ xaꞌan.

2 TESALONICENSES 2:16

Ngwañaꞌan nchka tiǎnꞌ chaꞌ kuꞌni Ni loꞌo wan, ni siya Jesucristo nu nka Xꞌnaan, ni siya Ndiose Stian: kuꞌni Ni chaꞌ ka ngula la tiꞌ niꞌ kasiya wan, chaꞌ talo wan kuꞌni wan nchga chaꞌ suꞌwe, chaꞌ xkwiꞌ chaꞌ suꞌwe chkwiꞌ wan loꞌo taꞌa wan. Suꞌwe ꞌa nka tiye Ndiose ñaꞌan Ni ꞌñaan, kanꞌ chaꞌ suꞌwe ꞌa ngiꞌni Ni loꞌoan, chaꞌ tiin ti tyiꞌian nchga bra, bra nu ndiꞌin taan chaꞌ kan Jesús xiyaꞌ.

HEBREOS 2:18

Kanꞌ chaꞌ nchka ꞌin Jesús kulaa ꞌin nten nu ndatsaa ꞌa kuneꞌ xaꞌan ꞌin. Nchka ꞌin Ni kuꞌni Ni ngwañaꞌan, chaꞌ loꞌo ykwiꞌ Ni ngwa tiꞌ kuneꞌ xaꞌan kuꞌni kanan ꞌin Ni, loꞌo Ni mdijin Ni nu tiꞌí bra nu mdiꞌin Ni lo chalyuu re.