SAN JUAN 14:13 - Chatino Zona Alta Occidental

¹³ Kanꞌ chaꞌ ni, nchga chaꞌ nu jñan wan ꞌin Ndiose chabiyaꞌ ꞌñaǎn, kuꞌniǐn chaꞌ kanꞌ ―ndukwin―. Loꞌo kuꞌni nten chalyuu chaꞌ tlyu la ka chaꞌ ꞌin Stiǐn Ndiose xa nu kuꞌni tnun neꞌ ꞌñaǎn, skaǎn tiǎn nu lkaǎn Sñiꞌ Ni.

SAN JUAN 14:13 Iomraidhean Croise

SAN MATEO 21:22

Nchga lo chaꞌ nu jñan wan ꞌin Ndiose, bra nu chañi chaꞌ ndyaa ñaꞌan tiꞌ wan ꞌin Ni, kaja chaꞌ kanꞌ ꞌwan bra kanꞌ.

SAN MATEO 7:7

’Xka chaꞌ ni: Jñan wan ska chaꞌ ꞌin Ndiose, loꞌo ta Ni chaꞌ kanꞌ ꞌwan bra kanꞌ; tsaa naan wan ꞌin Ndiose, loꞌo tyija lyo Ni ꞌwan bra kanꞌ; tyukwi ti tiye wan chkwiꞌ wan loꞌo Ndiose, kunan Ni chaꞌ nu chkwiꞌ wan loꞌo Ni bra kanꞌ.

SAN MARCOS 11:24

Kwiꞌ ngwañaꞌan, nchga lo chaꞌ nu jñan wan ꞌin Ndiose laja nu chkwiꞌ wan loꞌo Ni, chañi chaꞌ ta Ni chaꞌ kanꞌ ꞌwan, si chañi chaꞌ ndyaa ñaꞌan tiꞌ wan ꞌin Ni.

SAN LUCAS 11:9

Loꞌo ni, chkwiǐnꞌ chaꞌ re loꞌo wan: Bra nu jñan wan ska chaꞌ ꞌin Ndiose, ta Ni chaꞌ kanꞌ ꞌwan bra kanꞌ; loꞌo bra nu tsaa naan wan ꞌin Ndiose, tyija lyo Ni ꞌwan bra kanꞌ; si tyukwi ti tiye wan chkwiꞌ wan loꞌo Ndiose, kunan Ni chaꞌ nu chkwiꞌ wan loꞌo bra kanꞌ.

SAN JUAN 10:30

Kwiꞌ ngwañaꞌan suꞌwa ndiꞌin chaꞌ ꞌin Stiǐn Ndiose loꞌoǔn ―ndukwin Jesús.

SAN JUAN 12:44

Loꞌo kwen ꞌa ykwiꞌ Jesús loꞌo neꞌ bra kanꞌ: ―Bra nu xñi nten chaꞌ ꞌñaǎn ni, siꞌi chaꞌ skaǎn tiǎn ndyaa ñaꞌan tiꞌ neꞌ kanꞌ ꞌñaǎn; loꞌo xñi neꞌ chaꞌ ꞌin Ndiose nu msuꞌwa ꞌñaǎn mdiyaǎn lo chalyuu bra kanꞌ ―ndukwin yu―.

SAN JUAN 13:31

Xa nu wa mdoꞌo Juda ndyaa yu, bra kanꞌ ykwiꞌ Jesús loꞌo nten nu nganun kanꞌ: ―Bra nu ni kuꞌni Ndiose chaꞌ ka tlyu laǎn chaꞌ ꞌñaǎn, naꞌ nu wa ndijyaǎn lo chalyuu chaꞌ kaǎn nten ―ndukwin yu―. Loꞌo kuꞌni tnun nten ꞌin Ndiose chunꞌ chaꞌ tnun nu ka ꞌñaǎn ―ndukwin yu―.

SAN JUAN 14:14

Nchga chaꞌ nu jñan wan ꞌin Stiǐn chabiyaꞌ ꞌñaǎn, kuꞌniǐn chaꞌ kanꞌ bra kanꞌ.

SAN JUAN 14:6

―Naꞌ lkaǎn nu nduꞌuǔn tuwiin kanꞌ ―ndukwin Jesús bra kanꞌ―, naꞌ nduꞌuǔn nchga chaꞌ nu ñi lka; naꞌ ndaǎn chalyuu suꞌwe ꞌin nten, chalyuu nu ja tsaa tii ꞌa ꞌin neꞌ. Ja ka ꞌin nten chalyuu kala neꞌ nde seꞌen ndiꞌin Ndiose si ja loꞌoǔn ―ndukwin Jesús―.

SAN JUAN 15:16

Siꞌi chaꞌ ngulo suwi wan ꞌñaǎn chaꞌ tyaꞌan wan loꞌoǔn ―ndukwin Jesús―, naꞌ lkaǎn nu wa ykwiǐnꞌ loꞌo wan kulo ndukwa la. Ti bra kanꞌ nguloǔn tñan ꞌwan chaꞌ xkwiꞌ chaꞌ suꞌwe xuꞌwi niꞌ kasiya ꞌwan, chaꞌ ja tsaa tii ꞌa tñan suꞌwe nu ngiꞌni wan ngwañaꞌan; kuꞌni Stiǐn nchga chaꞌ nu jñan wan ꞌin Ni chabiyaꞌ ꞌñaǎn bra kanꞌ.

SAN JUAN 15:7

’Xa nu suꞌwa ti nka tiye wan loꞌoǔn ―ndukwin Jesús―, xa nu kanun chaꞌ nu nchkwiǐnꞌ niꞌ kasiya ꞌwan, bra kanꞌ ka jñan wan ska chaꞌ ꞌin Stiǐn, loꞌo ta Ni chaꞌ kanꞌ ꞌwan.

SAN JUAN 16:23

’Xa nu wa ndiya tsan kanꞌ chaꞌ nu kaǎn xiyaꞌ, ja nꞌni ꞌa chaꞌ jñan wan ska chaꞌ ꞌñaǎn ―ndukwin Jesús―. Ñi ꞌa chaꞌ nu chkwiǐnꞌ loꞌo wan ni, chaꞌ nchga chaꞌ nu jñan wan ꞌin Stiǐn Ndiose chabiyaꞌ ꞌñaǎn, kuꞌni Ni chaꞌ kanꞌ chaꞌ ꞌwan ―ndukwin―.

SAN JUAN 16:26

Xa nu tiya tsan kanꞌ ―ndukwin―, bra kanꞌ ka jñan wan ska chaꞌ ꞌin Stiǐn Ndiose chabiyaꞌ ꞌñaǎn. Loꞌo ja niǐn ꞌwan chaꞌ chkwiǐnꞌ loꞌo Stiǐn chaꞌ ꞌwan, chaꞌ chañi kuꞌni Ni nchga chaꞌ nu jñan wan ꞌin Ni.

SAN JUAN 16:7

Ja kuwe ꞌa tiꞌ wan. Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―, chaꞌ suꞌwe la tyiꞌin wan lo chalyuu bra nu wa ndyaꞌaǎn. Ja ka kan Tyiꞌi Ndiose chaꞌ tayaꞌ Ni ꞌwan nchga tsan si ja tyaꞌaǎn, chaꞌ sa bra nu tyaꞌaǎn ni, bra kanꞌ suꞌwaǎn ꞌin Tyiꞌi Ni kanꞌ chaꞌ kan Ni seꞌen ndiꞌin wan.

SAN JUAN 4:10

Loꞌo mxkwen Jesús ꞌin nu kunaꞌan kanꞌ: ―¿Ja jlyo tiiꞌ nchga chaꞌ suꞌwe nu nda Ndiose ꞌin nten a? ―ndukwin Jesús―. Si jlyo tiiꞌ ti ka nu lka nu njñan tyiꞌa koꞌo ꞌiin, ja chan nuꞌwin chkwiiꞌ loꞌoǔn chaꞌ taǎn tyiꞌa koꞌoo bra kanꞌ ―ndukwin yu―, loꞌo taǎn tyiꞌa koꞌoo nu chañi kuꞌni kuꞌu kasiya ꞌiin.

SAN JUAN 4:14

Loꞌo ni, xa nu koꞌo neꞌ tyiꞌa nu taǎn, ja kityi ꞌa tiꞌ neꞌ xiyaꞌ bra kanꞌ ―ndukwin―. Taǎn ska lo tyiꞌa koꞌo neꞌ nu kuꞌni kuꞌu kasiya ꞌin neꞌ. Sa ñaꞌan lka si tyukwa tyiꞌa niꞌ kasiya ꞌin neꞌ, ngwañaꞌan lka chaꞌ kanꞌ, loꞌo ja tsaa tii ꞌa chalyuu nu taǎn ꞌin neꞌ bra kanꞌ.

SAN JUAN 5:19

Loꞌo mxkwen Jesús ꞌin neꞌ judío bra kanꞌ: ―Chañi chaꞌ nu chkwiǐnꞌ loꞌo wan ni ―ndukwin yu―. Ja ska tñan ka kuꞌniǐn ti ykwiǐnꞌ tiǎn, skaǎn tiǎn nu lkaǎn Sñiꞌ Ndiose. Ti kwiꞌ tñan nu naꞌaǎn chaꞌ ngiꞌni Stiǐn, ti kwiꞌ tñan kanꞌ ngiꞌniǐn nde re ―ndukwin yu―.

SAN JUAN 7:37

Xa wa tyii ti taꞌa, tsan ykwiꞌ taꞌa, ti nduun Jesús niꞌ lyaa tnun bra kanꞌ. Kwen ykwiꞌ yu loꞌo nten nu ndiꞌin nde kwa: ―Bra nu kityi tiꞌ wan tyiꞌa, kan wan seꞌen ndiꞌiǐn chaꞌ taǎn tyiꞌa koꞌo wan ―ndukwin yu―.

1 CORINTIOS 14:13

Suꞌwe sikwa, ni siya nchka nchkwianꞌ chaꞌ nu nchkwiꞌ neꞌ xka kichen, suꞌwe la si jñaan chabiyaꞌ ꞌin Ndiose chaꞌ ka biyaꞌ tianꞌ ni chaꞌ lka nu nchkwianꞌ loꞌo neꞌ.

EFESIOS 2:18

Loꞌo ni, ja nꞌni chaꞌ ni siya neꞌ judío lka ba, ni siya xka ta nten lka wan, ska ti nten lkaan loꞌo nchga taꞌaan chabiyaꞌ ꞌin Krixtu, ska ti Tyiꞌi Ndiose ngiꞌni chaꞌ xuꞌwi lyoan ꞌin Ni;

EFESIOS 3:12

Loꞌo ni, wa nsuꞌwi chabiyaꞌ ꞌñaan chaꞌ xuꞌwi chaꞌ ꞌñaan loꞌo Ndiose chabiyaꞌ ꞌin Jesucristo; tyukwi ti kasiya ꞌñaan ka chkwianꞌ loꞌo Ndiose chaꞌ wa msñian chaꞌ ꞌin Jesucristo nu lka Sñiꞌ Ni. Loꞌo ngwañaꞌan, ja ndiꞌin chaꞌ kutsean bra nu chkwianꞌ loꞌo Ndiose.

EFESIOS 3:14

Ndyuǔn xtyiǐnꞌ chaꞌ chkwiǐnꞌ loꞌo Ndiose nu lka Sti Xꞌnaan Jesucristo sikwa.

FILIPENSES 4:13

Kwiꞌ Krixtu nda jwersa ꞌñaǎn chaꞌ taloǔn ꞌin nchga chaꞌ, nan lka nu kaja ꞌñaǎn.

COLOSENSES 3:17

Nchga tñan nu nchka tiꞌ wan kuꞌni wan, nchga chaꞌ nu nchka tiꞌ wan chkwiꞌ wan loꞌo nten, chabiyaꞌ ꞌin Jesús nu nka Xꞌnaan kuꞌni wan ꞌin ran sikwa. Loꞌo ngwañaꞌan, ti kwiꞌ bra kanꞌ tya wan xuꞌwe ꞌin Ndiose Stian chaꞌ ꞌin Jesús.

HEBREOS 13:15

Kanꞌ chaꞌ nchga tsan kuꞌniin tnuan ꞌin Ndiose chaꞌ ꞌin Jesús; ñaꞌan tiꞌ si taan lomstan ꞌin Ni, kwiꞌ ngwañaꞌan lka xa nu tyukwi ti tiyean kuꞌniin tnuan ꞌin Ni. Loꞌo ngwañaꞌan, ¡suꞌwe ꞌa si nchga tsan chkwianꞌ chaꞌ tnun ꞌa chaꞌ nu ndiꞌin ꞌin Ndiose Stian!

HEBREOS 4:15

Wa nka Jesús ñaꞌan tiꞌ xꞌnan sti joꞌo chaꞌ ꞌñaan, kwiꞌ ngwañaꞌan nchka tꞌnan ꞌa tiꞌ Jesús ꞌñaan. Wa jlyo tiꞌ Ni chaꞌ tyun yaꞌ wa kuꞌni ti kuneꞌ xaꞌan kanan ꞌñaan; ti kwiꞌ ti chaꞌ, lye ꞌa yꞌni lyoꞌo kuneꞌ xaꞌan ꞌin yu, ngwa ꞌa tiꞌ kuneꞌ xaꞌan chaꞌ kuꞌni Jesús chaꞌ kuxi, bra nu ti mdiꞌin yu lo chalyuu re. Loꞌo Jesús ni, ja ska chaꞌ xaꞌan yꞌni yu, kanꞌ chaꞌ lka yu xꞌnan sti joꞌo chaꞌ ꞌñaan ni, chaꞌ jlyo tiꞌ yu chaꞌ kwiñi ꞌa kuneꞌ xaꞌan.

HEBREOS 7:25

Nchga bra, ni siya ni, ni siya nde loo la, ka ꞌin Ni kulaa Ni ꞌin nchga nten nu xñi chaꞌ ꞌin Ndiose. Nchga tyempu ndiꞌin Jesús nde seꞌen ndiꞌin Ndiose, chaꞌ chkwiꞌ Ni loꞌo Sti Ni chaꞌ ꞌñaan.

SANTIAGO 1:5

Si ndiya yaꞌ nu ja jlyo tiꞌ wan siyaꞌ ti sa ñaꞌan kuꞌni wan, bra kanꞌ jñan wan xuꞌwe ꞌin Ndiose, chaꞌ ta Ni ska chaꞌ tiya nu kiꞌya ke wan sa ñaꞌan kuꞌni wan bra kanꞌ. Suꞌwe ꞌa chaꞌ xuꞌwe ti nda Ni nchga chaꞌ ꞌin nten, loꞌo ja ngiꞌni tlá Ni ꞌñaan xa nu nda Ni ska chaꞌ suꞌwe ꞌñaan.

SANTIAGO 5:16

Kanꞌ chaꞌ sikwa, katsaꞌ wan kiꞌya ꞌwan ꞌin taꞌa wan xa nu ndiꞌin kiꞌya ꞌwan, jñan wan chaꞌ tlyu tiꞌ ꞌin neꞌ taꞌa wan loꞌo Ndiose, chaꞌ ka suꞌwe wan tyukwi ñaꞌaan wan xiyaꞌ. Kaꞌan ꞌa tñan ka ꞌin ska nten nu luwi kasiya ꞌin loꞌo Ndiose, bra nu jñan yu ska xuꞌwe ꞌin Ni.

1 SAN PEDRO 2:5

chaꞌ loꞌo wan ka wan ñaꞌan tiꞌ tyuu chaꞌ tyaꞌ ska naꞌan ꞌin Ndiose, ni siya ñaꞌan luꞌu ti wan. Bra kanꞌ xñi Ndiose tyuu kanꞌ, chaꞌ kwiñan Ni ska naꞌan nu kti ꞌa chaꞌ ꞌin Ni. Ti kwiꞌ ti chaꞌ, nchga wan lka wan ñaꞌan tiꞌ sti joꞌo nu luwi ꞌa kasiya ꞌin, chaꞌ ka ꞌwan xtya wan lomstan tloo Ndiose seꞌen ndukwa Ni nde niꞌ kwan chunꞌ Jesucristo; lomstan kanꞌ lka wan, ti ykwiꞌ ti wan, si chañi chaꞌ tyukwi ti tiye wan nchka tiꞌ wan tukwa wan chaꞌ nu nchkwiꞌ Ni.

1 SAN JUAN 3:22

Nchga chaꞌ nu jñaan ꞌin Ndiose, kaja ran ꞌñaan si tukwaan tñan nu wa ngulo Ni ꞌñaan, si kuꞌnian tñan nu ndiya la tiꞌ Ni.

1 SAN JUAN 5:14

Tyukwi ti tiyean ka chkwianꞌ loꞌo Ndiose sikwa. Bra nu jñaan ska chaꞌ ꞌin Ndiose nu suꞌwa ti loꞌo ska chaꞌ nu nchka tiꞌ Ni, bra kanꞌ ka jlyo tianꞌ chaꞌ kunan Ni chaꞌ nu chkwianꞌ loꞌo Ni.