SAN JUAN 13:36 - Chatino Zona Alta Occidental

³⁶ Ykwiꞌ Tyu Simón loꞌo Jesús bra kanꞌ: ―Xꞌnaǎn ―ndukwin―, ¿la nde yaꞌ tsaa ni a? ―Ja kaja chabiyaꞌ ꞌiin bra nu ni chaꞌ tsaa loꞌoǔn la seꞌen nu tsaꞌaǎn ―ndukwin Jesús―. Chunꞌ ndiꞌin la tsaa nuꞌwin tuwiin la kanꞌ.

SAN JUAN 13:36 Iomraidhean Croise

SAN JUAN 13:33

Sñiěnꞌ ―ndukwin Jesús ꞌin neꞌ kanꞌ―, ti tyiꞌiǐn loꞌo wan lo chalyuu xa chinꞌ ti tsan. Sa ñaꞌan nu niǐn ꞌin neꞌ judío nu ngwa xkanꞌ, ti kwiꞌ chaꞌ chkwiǐnꞌ loꞌo wan ni: Tsaa naan wan ꞌñaǎn nde seꞌen mdaꞌaǎn, loꞌo ja ka ꞌa ꞌwan tsaa wan seꞌen tyiꞌiǐn bra kanꞌ ―ndukwin yu―.

SAN JUAN 14:2

Kaꞌan ꞌa seꞌen suꞌwe ndiya seꞌen ndiꞌin Ndiose Stiǐn. Tlyu naꞌan ndiya seꞌen tyiꞌin wan nde kwa. Tsaꞌaǎn la kanꞌ chaꞌ kuꞌniǐn xuꞌweěn seꞌen tyiꞌin wan. Ja chkwiǐnꞌ loꞌo wan ngwañaꞌan, si siꞌi chaꞌ nu ñi nchkwiǐnꞌ loꞌo wan ―ndukwin Jesús―.

SAN JUAN 16:17

Loꞌo ndiꞌin chinꞌ nten nu ngiꞌni xaꞌan chaꞌ ꞌin yu nu ykwiꞌ loꞌo taꞌa bra kanꞌ: ―Ndukwin yu kula kwa chaꞌ ndse ti ja ñaꞌan ꞌaan ꞌin yu ―ndukwin neꞌ kanꞌ―. Bra kanꞌ ndukwin yu chaꞌ chunꞌ ndiꞌin la chinꞌ ñaꞌaan ꞌin yu xiyaꞌ. Kwiꞌ ngwañaꞌan, xka chaꞌ ndukwin yu kula kwa, chaꞌ tsaa yu nde seꞌen ndiꞌin Ndiose Sti yu.

SAN JUAN 16:5

Loꞌo ni, wa tyaꞌaǎn tiǎn nde seꞌen ndiꞌin Stiǐn Ndiose, ti kwiꞌ nu msuꞌwa ꞌñaǎn chaꞌ mdiyaǎn lo chalyuu, ni siya ja ya kunichaꞌ wan ꞌñaǎn la nde yaꞌ tsaꞌaǎn.

2 SAN PEDRO 1:14

chaꞌ ndii tiǎnꞌ chaꞌ wa tyii ti chaꞌ ꞌñaǎn lo chalyuu; wa ytsaꞌ Jesucristo nu nka Xꞌnaan ꞌñaǎn chaꞌ wa ndla ti kajaǎn.