SAN JUAN 13:33 - Chatino Zona Alta Occidental

³³ Sñiěnꞌ ―ndukwin Jesús ꞌin neꞌ kanꞌ―, ti tyiꞌiǐn loꞌo wan lo chalyuu xa chinꞌ ti tsan. Sa ñaꞌan nu niǐn ꞌin neꞌ judío nu ngwa xkanꞌ, ti kwiꞌ chaꞌ chkwiǐnꞌ loꞌo wan ni: Tsaa naan wan ꞌñaǎn nde seꞌen mdaꞌaǎn, loꞌo ja ka ꞌa ꞌwan tsaa wan seꞌen tyiꞌiǐn bra kanꞌ ―ndukwin yu―.

SAN JUAN 13:33 Iomraidhean Croise

SAN JUAN 13:36

Ykwiꞌ Tyu Simón loꞌo Jesús bra kanꞌ: ―Xꞌnaǎn ―ndukwin―, ¿la nde yaꞌ tsaa ni a? ―Ja kaja chabiyaꞌ ꞌiin bra nu ni chaꞌ tsaa loꞌoǔn la seꞌen nu tsaꞌaǎn ―ndukwin Jesús―. Chunꞌ ndiꞌin la tsaa nuꞌwin tuwiin la kanꞌ.

SAN JUAN 14:19

Wa ndla ti ja ñaꞌan ꞌa nten chalyuu ꞌñaǎn bra kanꞌ; loꞌo ꞌwan ni, ti ñaꞌan wan ꞌñaǎn. Bra kanꞌ ka suꞌwe tiye wan, chaꞌ nu wa tyuꞌuǔn xiyaꞌ.

SAN JUAN 14:2

Kaꞌan ꞌa seꞌen suꞌwe ndiya seꞌen ndiꞌin Ndiose Stiǐn. Tlyu naꞌan ndiya seꞌen tyiꞌin wan nde kwa. Tsaꞌaǎn la kanꞌ chaꞌ kuꞌniǐn xuꞌweěn seꞌen tyiꞌin wan. Ja chkwiǐnꞌ loꞌo wan ngwañaꞌan, si siꞌi chaꞌ nu ñi nchkwiǐnꞌ loꞌo wan ―ndukwin Jesús―.

SAN JUAN 7:36

¿Ni sa ñaꞌan chaꞌ ndaꞌan tiye yu kwa chaꞌ nchkwiꞌ yu chaꞌ re a?: “Tsaa naan wan ꞌñaǎn la seꞌen ndiꞌiǐn, loꞌo ja tyija lyoǔn ꞌwan, chaꞌ ja kaja chabiyaꞌ tsaa wan seꞌen tyiꞌiǐn bra kanꞌ” ndukwin yu tsan.

GÁLATAS 4:19

Xiyaꞌ tiꞌí ꞌa nka tiyeěn chaꞌ ꞌwan, chaꞌ sa ñaꞌan nchka tiǎnꞌ loꞌo sñiěnꞌ, ngwañaꞌan ndaꞌan chaꞌ tiyeěn chaꞌ ꞌwan; ñaꞌan tiꞌ ska nu kunaꞌan nu tiꞌí ꞌa chaꞌ kala sñiꞌ, ngwañaꞌan ndaꞌan chaꞌ tiyeěn. Taloǔn nchga nu tiꞌí kanꞌ sa ñaꞌan yaꞌ nu kanun tyukwi chaꞌ ꞌin Krixtu niꞌ kasiya wan.

1 SAN JUAN 2:1

Ñaꞌan tiꞌ si lka wan sñiěnꞌ, ngwañaꞌan lka wan, nxkeꞌ tiǎnꞌ, chaꞌ ndiya ꞌa tiǎnꞌ ꞌwan; kanꞌ chaꞌ ndaꞌaǎn kityi re chaꞌ tsaa seꞌen ndiꞌin wan, chaꞌ ja nchka tiǎnꞌ chaꞌ xtya Ndiose kiꞌya ꞌwan. Ni siya ndiꞌin chaꞌ xtya Ni kiꞌya ꞌñaan xa wa msñian chaꞌ ꞌin Jesucristo, ti kwiꞌ Jesucristo lka nu wa mdijin nu tiꞌí chaꞌ ꞌñaan, loꞌo ska nten nu luwi ꞌa lka Jesucristo.

1 SAN JUAN 4:4

ꞌWan sñiěnꞌ, wa ndiꞌin chaꞌ ꞌwan loꞌo Ndiose, loꞌo ngwañaꞌan, wa ngula la tiꞌ niꞌ kasiya ꞌwan chunꞌ nu nganun Tyiꞌi Ni niꞌ kasiya ꞌwan ni; kanꞌ chaꞌ nchka ꞌwan tyijin lyo wan ꞌin neꞌ kwiñi nu ndiꞌin chaꞌ ꞌin loꞌo kuneꞌ xaꞌan. Ti kwiꞌ kuneꞌ xaꞌan lka nu ndlo tñan ꞌin nten kuxi lo chalyuu.

1 SAN JUAN 5:21

ꞌWan sñiěnꞌ, ndii ti tiꞌ wan tyiꞌin wan lo chalyuu, chaꞌ ja sten yuꞌwi wan loꞌo xka ta joꞌo. Ngwañaꞌan ka sikwa.