SAN JUAN 13:22 - Chatino Zona Alta Occidental

²² Nduwe ꞌa tiꞌ neꞌ nu ngiꞌni xaꞌan chaꞌ ꞌin yu, naꞌan tloo taꞌa ti neꞌ bra kanꞌ; ja ndiꞌya neꞌ kwenta siyaꞌ ti sa ñaꞌan chaꞌ nu ykwiꞌ yu.

SAN JUAN 13:22 Iomraidhean Croise

SAN MATEO 26:21

Mdyisnan ykwiꞌ Jesús loꞌo neꞌ bra kanꞌ: ―Chañi chaꞌ nu nchkwiǐnꞌ loꞌo wan ni, chaꞌ ndiya ska yu taꞌa wan nu kuꞌni trisiyun ꞌñaǎn yaꞌ neꞌ xaꞌan ―ndukwin Jesús ꞌin neꞌ kanꞌ.

SAN MATEO 26:22

Xiꞌin ꞌa tiꞌ neꞌ bra nu ynan neꞌ chaꞌ kanꞌ. Bra ti mdyisnan neꞌ mnichaꞌ neꞌ ꞌin Jesús: ―Xꞌnaǎn, ¿ta naꞌ nu tyaǎn ꞌiin yaꞌ neꞌ xaꞌan a? ―ndukwin ska yu ꞌin Jesús. ―¿Ta naꞌ a? ―ndukwin xka yu bra kanꞌ. Loꞌo ngwañaꞌan ndukwin xka ta neꞌ kanꞌ.

SAN MARCOS 14:18

Laja nu ndiꞌin neꞌ nchku neꞌ, bra kanꞌ ykwiꞌ Jesús loꞌo neꞌ: ―Chañi chaꞌ nu nchkwiǐnꞌ loꞌo wan ―ndukwin Jesús―. Ndiya ska nten taꞌa wan nu suꞌwa ti nchku loꞌoǔn ni, nu wa kujwiꞌ xuꞌwa ti ꞌñaǎn yaꞌ nten xaꞌan.

SAN MARCOS 14:19

Xiꞌin chinꞌ tiꞌ neꞌ ndiꞌin neꞌ bra kanꞌ. Bra ti mdyisnan taꞌa neꞌ ykwiꞌ neꞌ loꞌo Jesús: ―¿Ta naꞌ nu taǎn ꞌiin yaꞌ nten xaꞌan a? ―ndukwin ska yu ꞌin Jesús. ―¿Ta naꞌ a? ―ndukwin xka yu bra kanꞌ.

SAN LUCAS 22:21

’Loꞌo ni, ndiya yu nu kujwiꞌ xuꞌwa ꞌñaǎn yaꞌ neꞌ xaꞌan; suꞌwa ti ndukwaǎn loꞌo yu kanꞌ tuꞌwa msaa re ―ndukwin Jesús bra kanꞌ―.

SAN LUCAS 22:23

Bra kanꞌ mdyisnan neꞌ nchkwiꞌ neꞌ loꞌo taꞌa ndukwa neꞌ kanꞌ: ―¿Ti ka lka nu ta ꞌin mstru ꞌñaan yaꞌ neꞌ xaꞌan a? ―ndukwin neꞌ.

SAN JUAN 13:18

’Ja nchkwiǐnꞌ chaꞌ ꞌin nchga wan. Jlyo tiǎnꞌ ti nten ka nu ngulo suwiǐn chaꞌ kuꞌni xaꞌan neꞌ chaꞌ ꞌñaǎn ―ndukwin Jesús―. Ti sꞌni ndukwa ska chaꞌ ꞌin Ndiose lo kityi kula nu nchkwiꞌ: “Ti kwiꞌ yu kanꞌ nu suꞌwa nchku tyaja loꞌoǔn, kanꞌ lka nu nxuun loꞌoǔn ni” ngwañaꞌan ndukwin kityi kanꞌ; loꞌo jlyo tiǎnꞌ chaꞌ ndiꞌin chaꞌ ka chaꞌ kanꞌ ―ndukwin Jesús―.

SAN JUAN 13:21

Bra nu wa ykwiꞌ Jesús ngwañaꞌan, tiꞌí niꞌ kasiya ꞌin yu chaꞌ xiꞌin ꞌa tiꞌ yu. Ykwiꞌ yu loꞌo neꞌ kanꞌ: ―Chañi ꞌa chaꞌ nu chkwiǐnꞌ loꞌo wan ni, chaꞌ ndiya ska yu taꞌa ndaꞌan wan nu kuꞌni trisiyun ꞌñaǎn yaꞌ yu xaꞌan ―ndukwin Jesús bra kanꞌ.