SAN JUAN 13:19 - Chatino Zona Alta Occidental

¹⁹ Wa ykwiǐnꞌ chaꞌ re loꞌo wan ni, xa nu ti ji ka chaꞌ kanꞌ; bra wa ngwa ngwañaꞌan, bra kanꞌ ka tsaa ñaꞌan tiꞌ wan ꞌñaǎn, chaꞌ chañi chaꞌ lkaǎn skaǎn tiǎn nu lka Sñiꞌ Ndiose, chañi chaꞌ mdiyaǎn lo chalyuu, sa ñaꞌan nu niǐn ꞌwan.

SAN JUAN 13:19 Iomraidhean Croise

SAN MATEO 11:3

chaꞌ kunichaꞌ neꞌ kanꞌ chaꞌ re ꞌin Jesús chaꞌ ꞌin Xuwa: ―¿Ta chañi chaꞌ nuꞌwin lkaa ti kwiꞌ nu wa kan ti a? ―ndukwin neꞌ kanꞌ ꞌin Jesús bra kanꞌ―. ¿Ta kan la xka nu ka Krixtu ykwiꞌ a?

SAN MATEO 24:25

Wa ytsaǎnꞌ chaꞌ kanꞌ ꞌwan ni, xa nu ti ji ti ka chaꞌ kuxi kanꞌ,

SAN LUCAS 21:13

Ni siya kuxi ꞌa ka chaꞌ kanꞌ, kaja bra ꞌwan chaꞌ chkwiꞌ wan chaꞌ ꞌñaǎn loꞌo nten bra kanꞌ.

SAN JUAN 1:15

Nde lka chaꞌ nu ykwiꞌ Xuwa chaꞌ ꞌin Jesús kanꞌ. Kwen ykwiꞌ Xuwa bra kanꞌ: ―Kwiꞌ yu re lka nu niǐn ꞌwan chaꞌ kan lo chalyuu chunꞌ ndiꞌin la ꞌñaǎn ―ndukwin Xuwa―, ni siya tlyu la chaꞌ ndiꞌin ꞌin yu, siyaꞌ la ti chaꞌ ꞌñaǎn. Ngwañaꞌan niǐn ꞌwan, ni siya bra nu ja ya kalaǎn, wa luꞌu ykwiꞌ yu.

SAN JUAN 14:29

Ngwañaꞌan niǐn ꞌwan xa nu ti ji ka chaꞌ kanꞌ; bra nu wa ndyaꞌaǎn, bra kanꞌ ka tsaa ñaꞌan la tiꞌ wan chaꞌ kanꞌ.

SAN JUAN 16:4

Nchkwiǐnꞌ nchga chaꞌ re loꞌo wan ni, chaꞌ xa nu tiya tyempu kuxi kanꞌ, bra kanꞌ ka tyuꞌwi tiꞌ wan nchga chaꞌ nu ykwiǐnꞌ loꞌo wan ni. ’Nu ngwa ti kulo ja ykwiǐnꞌ chaꞌ re loꞌo wan, chaꞌ ti tyiꞌiǐn laǎn loꞌo wan ―ndukwin Jesús―.

SAN JUAN 4:26

Mxkwen Jesús ꞌin nu kunaꞌan kanꞌ bra kanꞌ: ―Ti kwiǐnꞌ lkaǎn nu nchkwiǐnꞌ loꞌoo ni.

SAN JUAN 8:28

Kanꞌ chaꞌ ti nchkwiꞌ la Jesús loꞌo neꞌ bra kanꞌ: ―Chunꞌ ndiꞌin la, bra nu skwen wan ꞌñaǎn lo wsi, ka biyaꞌ tiꞌ wan chaꞌ lkaǎn ti kwiꞌ sa ñaꞌan nu niǐn ꞌwan chaꞌ lkaǎn, naꞌ nu ndijyaǎn lo chalyuu chaꞌ kaǎn nten ―ndukwin Jesús―. Ja ska tñan ngiꞌniǐn chabiyaꞌ ꞌñaǎn, ti ykwiǐnꞌ tiǎn; Stiǐn Ndiose, kanꞌ lka nu ngwaꞌu ꞌñaǎn nchga chaꞌ nu chkwiǐnꞌ ―ndukwin―.

SAN JUAN 8:58

―Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―. Wa nsuꞌwiǐn xa nu ngula ayman Abraham kanꞌ.