SAN JUAN 13:18 - Chatino Zona Alta Occidental18 ’Ja nchkwiǐnꞌ chaꞌ ꞌin nchga wan. Jlyo tiǎnꞌ ti nten ka nu ngulo suwiǐn chaꞌ kuꞌni xaꞌan neꞌ chaꞌ ꞌñaǎn ―ndukwin Jesús―. Ti sꞌni ndukwa ska chaꞌ ꞌin Ndiose lo kityi kula nu nchkwiꞌ: “Ti kwiꞌ yu kanꞌ nu suꞌwa nchku tyaja loꞌoǔn, kanꞌ lka nu nxuun loꞌoǔn ni” ngwañaꞌan ndukwin kityi kanꞌ; loꞌo jlyo tiǎnꞌ chaꞌ ndiꞌin chaꞌ ka chaꞌ kanꞌ ―ndukwin Jesús―. Faic an caibideil |
SAN JUAN 13:18
27 Iomraidhean Croise
Siꞌi chaꞌ ngulo suwi wan ꞌñaǎn chaꞌ tyaꞌan wan loꞌoǔn ―ndukwin Jesús―, naꞌ lkaǎn nu wa ykwiǐnꞌ loꞌo wan kulo ndukwa la. Ti bra kanꞌ nguloǔn tñan ꞌwan chaꞌ xkwiꞌ chaꞌ suꞌwe xuꞌwi niꞌ kasiya ꞌwan, chaꞌ ja tsaa tii ꞌa tñan suꞌwe nu ngiꞌni wan ngwañaꞌan; kuꞌni Stiǐn nchga chaꞌ nu jñan wan ꞌin Ni chabiyaꞌ ꞌñaǎn bra kanꞌ.
Si kuꞌni wan ti kwiꞌ sa ñaꞌan nu ngiꞌni nten kuxi lo chalyuu nde, chkwiꞌ suꞌwe neꞌ loꞌo wan bra kanꞌ, ñaꞌan tiꞌ si lka wan taꞌa neꞌ. Loꞌo ni, ja ndiꞌin ꞌa chaꞌ ꞌwan loꞌo chaꞌ kuxi nu ndiꞌin lo chalyuu, chaꞌ wa ngulo suwiǐn ꞌwan chaꞌ ka wan nten ꞌñaǎn; kanꞌ chaꞌ ka tiꞌí tiꞌ nten ꞌwan ―ndukwin Jesús―.
Xa nu ti mdiꞌiǐn loꞌo nten nu mdaa ꞌñaǎn ―ndukwin Jesús―, bra kanꞌ suꞌwe ꞌa yꞌniǐn kwan ꞌin neꞌ kanꞌ loꞌo chabiyaꞌ ꞌiin. Ja mdaǎn ꞌaǎn chabiyaꞌ tyukwa neꞌ chaꞌ kuxi; ja ska neꞌ kanꞌ mnaꞌ kasiya ꞌin neꞌ. Ska ti yu nu ndukwa chaꞌ ꞌin yu ti sꞌni la chaꞌ kanaꞌ kasiya ꞌin yu, kanꞌ lka yu nu mdyii chaꞌ ꞌin yu siyaꞌ ti, chaꞌ ndiꞌin chaꞌ ka nchga chaꞌ nu ngwaꞌan ayman kula chaꞌ ꞌin yu lo kityi nu ngwa sꞌni.
Kanꞌ chaꞌ ykwiꞌ yu loꞌo taꞌa yu: ―Ja kusaanꞌ teꞌ re. Tyiꞌin jyaan loꞌo taꞌaan chaꞌ tyija lyo chaꞌ ꞌñaan ti ka nu kanun teꞌ re ꞌin. Ngwañaꞌan nchka biyaꞌ tianꞌ chaꞌ chañi chaꞌ nu ngwaꞌan neꞌ lo kityi kula nu ngwa sꞌni, seꞌen nchkwiꞌ: “Wa msuꞌwe neꞌ steěnꞌ loꞌo taꞌa neꞌ, wa mdiꞌin jya neꞌ loꞌo taꞌa neꞌ chaꞌ tyija lyo chaꞌ ꞌin neꞌ ti ka nu kanun teꞌ kanꞌ ꞌin.” Ngwañaꞌan ndukwa chaꞌ lo kityi kanꞌ, loꞌo ti kwiꞌ ngwañaꞌan yꞌni neꞌ sndaru kanꞌ bra kanꞌ.
Wa mdaꞌa snan yaꞌ nu mnichaꞌ Jesús ꞌin yu ngwañaꞌan: ―¿Ta chañi ꞌiin chaꞌ suꞌwe nsuꞌwi tiyee ñaꞌaan ꞌñaǎn a? Ngwa xiꞌin tiꞌ Tyu chaꞌ snan yaꞌ mnichaꞌ Jesús ꞌin yu si chañi chaꞌ suꞌwe nsuꞌwi tiye yu ñaꞌan yu ꞌin, kanꞌ chaꞌ ykwiꞌ yu loꞌo Jesús xiyaꞌ: ―Siyaꞌ ti jlyo tiiꞌ nchga chaꞌ, Xꞌnaǎn ―ndukwin Tyu ꞌin yu―. Loꞌo jlyo ꞌa tiiꞌ chaꞌ suꞌwe ꞌa nsuꞌwi tiyeěn naꞌaǎn ꞌiin. ―Kwaꞌuu lyaa chaꞌ ꞌñaǎn ꞌin nten ꞌñaǎn sikwa, ñaꞌan tiꞌ slyaꞌ ꞌñaǎn lka neꞌ ―ndukwin Jesús ꞌin yu―.
―ꞌWan, taꞌa ndiꞌian re ―ndukwin Tyu ꞌin neꞌ kanꞌ―, nu ngwa sꞌni mdayaꞌ Tyiꞌi Ndiose ꞌin ayman David chaꞌ ngwaꞌan ayman kanꞌ kityi nu ykwiꞌ nde loo la sa ñaꞌan chaꞌ kuxi ka nu kuꞌni ayman Juda. Juda ngwa nu ngwaꞌu tuwiin ꞌin neꞌ xaꞌan chaꞌ msñi neꞌ ꞌin Jesús presu; sa ñaꞌan nu nganun chaꞌ ka ꞌin yu, ngwañaꞌan ngwa chaꞌ kanꞌ.
Chaꞌ nu nchkwiꞌ ba loꞌo nten ni, siꞌi chaꞌ ꞌwa ti ykwiꞌ ti ba nchkwiꞌ ba. Nde ndiya chaꞌ nu nchkwiꞌ ba loꞌo neꞌ: Jesucristo lka Xꞌnan tyukwi ñaꞌaan nde niꞌ kwan, kwiꞌ ngwañaꞌan nka Ni ndloo tyukwi ñaꞌaan lo chalyuu. Kanꞌ chaꞌ nchkwiꞌ ba chaꞌ chabiyaꞌ ꞌin Jesús nu nka Xꞌnaan ngiꞌni ba tñan chaꞌ ꞌwan.
Ja ka xuꞌwi kutsiꞌ ska chaꞌ nu ndaꞌan tiyean, ska chaꞌ nu ndiꞌin ꞌñaan ꞌin Ndiose. Ndiose jlyo tiꞌ nchga chaꞌ kanꞌ. Ñaꞌan Ni nchga nten nu wa ngwiñan Ni, nu wa msuꞌwa Ni lo chalyuu; jlyo tiꞌ Ni nchga chaꞌ nu ndiꞌin ꞌñaan. Ja ska tñan ka kuꞌnian mnan tloo Ndiose, chaꞌ ndiꞌin chaꞌ taan kwenta ꞌin Ndiose chaꞌ ꞌin nchga tñan nu yꞌnian kwenta skaan lo chalyuu, bra nu tsaa tii chalyuu ꞌñaan.
kwiꞌ ngwañaꞌan, kujwiǐn ꞌin nchga nten nu wa msñi chaꞌ ꞌin nu kunaꞌan kwa” ndukwin Ni. “Loꞌo bra kanꞌ taꞌa nten ꞌin Jesucristo nde nchga kichen ni, ka biyaꞌ tiꞌ neꞌ chaꞌ wa jlyo tiǎnꞌ nchga chaꞌ nu ndaꞌan tiye nten chalyuu bra kanꞌ. Loꞌo ka biyaꞌ tiꞌ nchga wan chaꞌ sa ñaꞌan nu ngiꞌni wan chaꞌ kuxi bra nu mdiyan wan lo chalyuu, kwiꞌ ngwañaꞌan taǎn nu tiꞌí ꞌwan” ndukwin Jesús.
Sanasan