SAN JUAN 12:45 - Chatino Zona Alta Occidental

⁴⁵ Bra nu ñaꞌan nten ꞌñaǎn, bra kanꞌ ñaꞌan neꞌ kanꞌ ꞌin Ndiose nu ndlo tñan ꞌñaǎn.

SAN JUAN 12:45 Iomraidhean Croise

SAN JUAN 12:41

Ngwañaꞌan ngwaꞌan ayman Isaías, chaꞌ wa mgii tiꞌ yu ni sa ñaꞌan chaꞌ tnun nu ka ꞌin Jesús; chaꞌ ꞌin Jesús kanꞌ ykwiꞌ ayman Isaías bra kanꞌ.

SAN JUAN 15:24

Ja ndukwi neꞌ kanꞌ kiꞌya ti kulo, loꞌo ni, wa mdiꞌiǐn seꞌen ndiꞌin neꞌ kanꞌ, wa yꞌniǐn tñan nu ja ka ꞌin xka la nten kuꞌni; wa naꞌan neꞌ nchga chaꞌ tnun nu ngiꞌniǐn, kanꞌ chaꞌ tiꞌí tiꞌ neꞌ ꞌñaǎn. Kwiꞌ ngwañaꞌan tiꞌí tiꞌ neꞌ ꞌin Stiǐn, kanꞌ chaꞌ wa nganun yuweꞌ chunꞌ neꞌ kanꞌ ―ndukwin Jesús―.

SAN JUAN 6:40

Loꞌo Stiǐn Ndiose nu ngwaꞌan tñan ꞌñaǎn ndijyaǎn, nde lka tñan nu nchka tiꞌ Ni chaꞌ ka: Nchka tiꞌ Ni chaꞌ ja tsaa tii ꞌa chalyuu kwi nu wa nda Ni ꞌin nten, nchga neꞌ nu tsaa ñaꞌan tiꞌ ꞌñaǎn chaꞌ lkaǎn Sñiꞌ Ni, nchga neꞌ nu xñi chaꞌ ꞌñaǎn. Kwiꞌ ngwañaꞌan, chañi chaꞌ kuꞌniǐn chaꞌ tyuꞌu neꞌ xiyaꞌ xa wa tyii ti chalyuu.

2 CORINTIOS 4:6

Ti kwiꞌ Ndiose lka nu msuꞌwa xaa luwi ꞌin Ni nu nganun niꞌ kasiya ꞌñaan; kanꞌ chaꞌ ka biyaꞌ tianꞌ nchga chaꞌ tnun nu suꞌwe ꞌa nu nsuꞌwi seꞌen ndiꞌin Ni, ti kwiꞌ ti chaꞌ ndii tianꞌ chaꞌ ngiꞌni Ni tñan niꞌ kasiya ꞌñaan bra nu stean chaꞌ ꞌin Krixtu. Ti kwiꞌ Ndiose lka nu ngulo tñan chaꞌ xuꞌwi xaa la seꞌen ngwa chalyuu tla nu ngwa ti sꞌni.

COLOSENSES 1:15

Ja nchka ꞌñaan ñaꞌaan ꞌin Ndiose siyaꞌ ti; bra nu yan Krixtu Sñiꞌ Ndiose lo chalyuu, bra kanꞌ mjwi chabiyaꞌ ꞌñaan ñaꞌaan ꞌin Ndiose. Ti kwiꞌ Krixtu kanꞌ lka nu mdiꞌin ti kulo la loꞌo Ndiose, loꞌo kwiꞌ Ni lka Ni ndloo ꞌin nchga lo nan nu ngwiñan Ni lo chalyuu.

HEBREOS 1:3

Nchga xaa tnun nu nsuꞌwi seꞌen ndiꞌin Ndiose nganun loꞌo Krixtu nu nka Sñiꞌ Ni xa nu mdiꞌin Ni lo chalyuu. Sa ñaꞌan lka Ndiose, kwiꞌ ngwañaꞌan lka Krixtu Ndiose; suꞌwe ꞌa ndlo Krixtu tñan ꞌin nchga chaꞌ nu ndiꞌin lo chalyuu siyaꞌ ti, kanꞌ chaꞌ suꞌwe ndiꞌin nchga nan bra kanꞌ. Bra wa mdyii yꞌni Krixtu tñan nu mdiꞌin chaꞌ kuꞌni Ni lo chalyuu re, chaꞌ yꞌni tyii Ni nchga kiꞌya nu ndukwi nten chalyuu, xiyaꞌ ndyaa Ni seꞌen ndiꞌin Ndiose Sti Ni, ndyaa tukwa Ni nde laꞌa seꞌen kwin seꞌen ndukwa Ndiose nde niꞌ kwan bra kanꞌ.

1 SAN JUAN 5:20

Ngwa jlyo tianꞌ chaꞌ wa yan nu lka ska ti Sñiꞌ ykwiꞌ Ndiose lo chalyuu, loꞌo ngwañaꞌan wa mda Ni chabiyaꞌ chaꞌ ka xuꞌwi chaꞌ ꞌñaan loꞌo Ndiose. Loꞌo chañi chaꞌ suꞌwa ka tiyean loꞌo Ndiose ni, chunꞌ chaꞌ suꞌwa nka tiyean loꞌo Jesucristo nu lka Sñiꞌ ykwiꞌ Ni. Chañi chaꞌ Ndiose siyaꞌ ti lka Jesús, kwiꞌ ngwañaꞌan chañi chaꞌ ja tsaa tii ꞌa chalyuu kwi nu ta Ni ꞌñaan.