SAN JUAN 12:35 - Chatino Zona Alta Occidental

³⁵ Mxkwen Jesús ꞌin neꞌ bra kanꞌ: ―Ti chinꞌ ti tsan ti tyiꞌiǐn seꞌen ndiꞌin wan, naꞌ nu taǎn xaa nu xuꞌwi niꞌ kasiya ꞌin nten ―ndukwin Jesús―. Kanꞌ chaꞌ ni, tsaa wan seꞌen ndiꞌin chaꞌ tsaa wan bra nu ti xaa, chaꞌ ja kuꞌni nu xaꞌan kanan ꞌwan, ti kwiꞌ kuneꞌ xaꞌan nu nsuꞌwa tla lo chalyuu. Bra nu nchka tla seꞌen ndaꞌaan, ja jlyo ꞌa tianꞌ la nde yaꞌ ndaꞌaan bra kanꞌ.

SAN JUAN 12:35 Iomraidhean Croise

SAN LUCAS 18:37

Bra kanꞌ ytsaꞌ neꞌ ꞌin yu chaꞌ Jesús Nazaret kanꞌ ndijyan tuwiin kwa.

SAN JUAN 11:10

Loꞌo bra nu ndaꞌaan tla, ya ñaꞌan ti nan nu nsu tuwiin tyukwa kiyaanꞌ, chaꞌ ja nsuꞌwi xaa ñaꞌaan ꞌin ran bra kanꞌ.

SAN JUAN 11:9

Kanꞌ ykwiꞌ Jesús loꞌo neꞌ bra kanꞌ: ―¿Ta siꞌi tii tyukwa bra nsuꞌwi ska tsan a? Bra nu tyaꞌaan tikeeꞌ kwan ni, ja ska nan tyukwa kiyaanꞌ, chaꞌ ka ñaꞌaan seꞌen ndaꞌaan chaꞌ ti xaa ―ndukwin―.

SAN JUAN 12:36

Loꞌo ꞌwan ―ndukwin Jesús ꞌin neꞌ―, suꞌwe la sten wan chaꞌ ꞌñaǎn laja nu ti ndiꞌiǐn lo chalyuu, naꞌ nu taǎn xaa nu xuꞌwi niꞌ kasiya ꞌwan, nten chalyuu. Loꞌo tyukwi ti tiye wan ka wan nten ꞌin Ndiose bra kanꞌ. Mdyii ykwiꞌ Jesús ngwañaꞌan loꞌo neꞌ, mdoꞌo yu ndyaa yu ska seꞌen nu ja tyija lyo yu ꞌin neꞌ bra kanꞌ.

SAN JUAN 12:46

Wa ndijyaǎn lo chalyuu chaꞌ kaǎn ñaꞌan tiꞌ ska xaa nu xuꞌwi niꞌ kasiya ꞌin nten. Bra nu xñi nten chaꞌ ꞌñaǎn, ja tyiꞌin ꞌa neꞌ kanꞌ lo chalyuu tla, sa ñaꞌan lka si ja nsuꞌwi xaa niꞌ kasiya ꞌin neꞌ siꞌya chaꞌ xaꞌan nu ngiꞌni neꞌ.

SAN JUAN 16:16

’Chunꞌ ndiꞌin la chinꞌ, ja ñaꞌan ꞌa wan ꞌñaǎn, chaꞌ tyaꞌaǎn seꞌen ndiꞌin Stiǐn Ndiose; nde loo la, kanꞌ ñaꞌan wan ꞌñaǎn xiyaꞌ ―ndukwin Jesús.

SAN JUAN 7:33

Ykwiꞌ Jesús loꞌo nten nu ndiꞌin niꞌ lyaa tnun kanꞌ bra kanꞌ: ―Ti tyiꞌiǐn laǎn ti chinꞌ loꞌo wan lo chalyuu re ―ndukwin yu―, loꞌo bra kanꞌ tyaꞌaǎn seꞌen ndiꞌin Stiǐn nu ngwaꞌan tñan ꞌñaǎn chaꞌ ndijyaǎn nde re ―ndukwin yu―.

SAN JUAN 8:12

Xiyaꞌ ykwiꞌ Jesús loꞌo nten niꞌ lyaa kanꞌ: ―Naꞌ lkaǎn nu taǎn xaa nu xuꞌwi niꞌ kasiya ꞌin nten chalyuu ―ndukwin yu―. Kanun xaa luwi ꞌñaǎn niꞌ kasiya ꞌin nten nu tsaa ñaꞌan tiꞌ ꞌñaǎn, kwiꞌ ja tsaa tii ꞌa chalyuu ꞌin neꞌ kanꞌ bra kanꞌ. Ja sten yuꞌwi neꞌ kanꞌ loꞌo kuneꞌ xaꞌan nu ja nchka tiꞌ chaꞌ xuꞌwi xaa ꞌñaǎn niꞌ kasiya ꞌin nten.

2 CORINTIOS 3:14

Wa ngwa tla ꞌa ke neꞌ Israel bra kanꞌ, chaꞌ ja ngwa biyaꞌ tiꞌ neꞌ chaꞌ ꞌin Ndiose siyaꞌ ti. Ni siya chalyuu ni, kwiꞌ ngwañaꞌan lka loꞌo kityi chaꞌ joꞌo nu ngwaꞌan ayman Moisés, ti kwiꞌ tñan nu ngulo Ndiose ꞌin nten nu ngwa sꞌni lka kanꞌ; xa nu chkwiꞌ neꞌ judío lo kityi chaꞌ joꞌo kanꞌ, ja nchka kiꞌya chaꞌ kanꞌ ke neꞌ. Siyaꞌ ti ka kiꞌya chaꞌ kanꞌ ke neꞌ bra nu sten neꞌ chaꞌ ꞌin Jesús; bra kanꞌ kalaa ke neꞌ chaꞌ kunan suꞌwe neꞌ chaꞌ ꞌin Ni.

GÁLATAS 6:10

Kanꞌ chaꞌ suꞌwe si nchga bra nu ñaꞌaan sa ñaꞌan ka tayaanꞌ ꞌin ska nten, bra kanꞌ ndla tian tayaanꞌ ꞌin yu kanꞌ. Loꞌo kulo ndukwa la tayaanꞌ ꞌin taꞌaan, neꞌ nu ndiꞌin chaꞌ ꞌin loꞌo Krixtu.

EFESIOS 5:8

Nu ngwa sꞌni, siyaꞌ ti tla chalyuu ꞌwan; loꞌo ni, wa ndiya xka chalyuu ꞌwan, ti bra nu msñi wan chaꞌ ꞌin Xꞌnaan Jesús. Sa ñaꞌan ngiꞌni nten nu ndiꞌin lo xaa ꞌin Krixtu, ngwañaꞌan ndiꞌin chaꞌ kuꞌni wan seꞌen ndiꞌin wan lo chalyuu ni.