Ngwaꞌu Jesús xka chaꞌ tiya ꞌin neꞌ bra kanꞌ: ―¿Ni sa ñaꞌan kuꞌni ska nu kunaꞌan nu nsuꞌwi tii tñi plata ꞌin a? Si kanaꞌ ska tñi plata kanꞌ ꞌin neꞌ, ¿ni sa ñaꞌan kuꞌni neꞌ bra kanꞌ a? Ja chan kwaꞌan nu kunaꞌan kanꞌ kiiꞌ chaꞌ xuꞌwi xaa chaꞌ ykwa suꞌwe neꞌ niꞌ ñaꞌan kanꞌ, sa ñaꞌan yaꞌ nu tyija tñi kanꞌ ꞌin neꞌ.
SAN JUAN 11:52 - Chatino Zona Alta Occidental52 kaja yu chaꞌ ꞌin nchga nten chalyuu, chaꞌ suꞌwa ti ka tiye nchga nten nu ndyaa ñaꞌan tiꞌ ꞌin Ndiose, ti kwiꞌ nten nu ngulo suwi Ndiose ꞌin chaꞌ ka sñiꞌ Ni. Faic an caibideil |
SAN JUAN 11:52
40 Iomraidhean Croise
La xka tsan naꞌan Xuwa chaꞌ ndijyan Jesús seꞌen ndiꞌin yu, kanꞌ chaꞌ ykwiꞌ yu loꞌo nten nu nduun nde kwa: ―Ñaꞌan kwiꞌya wan ꞌin yu kula kwa ―ndukwin Xuwa―. Wa ngulo suwi Ndiose ꞌin yu kwa chaꞌ kaja yu siꞌyaan. Ñaꞌan tiꞌ ska slyaꞌ kuneꞌ nu liye tiꞌ, nu ndujwi nten tloo Ndiose, ngwañaꞌan nchka tiꞌ yu kwa, chunꞌ nu suwi yu nchga kiꞌya nu ndiꞌin ꞌin nten chalyuu ―ndukwin Xuwa―.
Ti ndiya tyun ꞌa ta nten ꞌñaǎn nu ndiꞌin kaꞌan ꞌa kichen, nu ja suꞌwa ndiꞌin loꞌo ñaꞌaan ta nten re; ndiꞌin chaꞌ tsaꞌaǎn tiꞌiǐn ꞌin neꞌ kanꞌ, chaꞌ loꞌo neꞌ kanꞌ kan neꞌ niꞌ lyoꞌoo re. Chunꞌ ndiꞌin la kunan neꞌ kanꞌ chaꞌ nu chkwiǐnꞌ loꞌo neꞌ. Kanꞌ ka nchga nten ꞌñaǎn ska ta ti neꞌ, loꞌo naꞌ kaǎn skaǎn tiǎn nu nka Xꞌnan neꞌ ―ndukwin Jesús―.
Ngwañaꞌan ndyoꞌo chaꞌ re nu ykwiꞌ Ndiose loꞌo Abraham nu ngwa sꞌni, nu ndukwa lo kityi kula: “Wa ndaǎn chabiyaꞌ chaꞌ nuꞌwin kaa sti tyun lo nten nu kan lo chalyuu nde loo la” ndukwin Ndiose ꞌin Abraham bra kanꞌ. Wa mskanꞌ Ndiose chaꞌ kanꞌ loꞌo ayman Abraham, chunꞌ msñi yu chaꞌ nu ykwiꞌ Ndiose loꞌo yu, ti kwiꞌ Ndiose nu ngiꞌni chaꞌ tyuꞌu ayman xiyaꞌ. Kwiꞌ ngwañaꞌan, ndlo Ni tñan chaꞌ ka nchga chaꞌ nu ka nde loo la.
Kwiꞌ Tyu lkaǎn nu ndaꞌaǎn kityi re chaꞌ tsaa seꞌen ndiꞌin taꞌa wan nu msñi wan chaꞌ ꞌin Jesús, ꞌwan nu ndiꞌin tijyuꞌ. Ndiya wan nu ngala wan lo yuu ꞌin Ponto; loꞌo ti ndiya la taꞌa wan nu ngala nde lo yuu ꞌin Galacia, loꞌo ndiya wan lo yuu ꞌin Capadocia, ndiya wan lo yuu ꞌin Asia, ndiya wan lo yuu ꞌin Bitinia; lye ꞌa nganen yuꞌwi wan lo chalyuu. Tñan nu nda Jesucristo ꞌñaǎn ni, kanꞌ lka chaꞌ tsaꞌaǎn chkwiǐnꞌ chaꞌ ꞌin Ni loꞌo nchga nten nu ndiꞌin kichen tijyuꞌ.
Tnun ꞌa chaꞌ suꞌwe lka chaꞌ suꞌwe ꞌa nka tiye Ndiose Stian ñaꞌan Ni ꞌin taꞌaan nu ndiꞌin chaꞌ ꞌñaan loꞌo Jesucristo; kanꞌ chaꞌ nchkwiꞌ Ndiose chaꞌ ꞌñaan chaꞌ lkaan sñiꞌ Ni, loꞌo chañi lka chaꞌ kanꞌ. Ja xlyaa nten chalyuu xuꞌwi lyo ꞌñaan chaꞌ sñiꞌ Ni lkaan; kwiꞌ ngwañaꞌan, bra nu mdiꞌin Jesucristo lo chalyuu, ja mslyaa neꞌ xuꞌwi lyo neꞌ ꞌin yu bra kanꞌ.
ꞌWan neꞌ taꞌaan nu ndiya ꞌa tiǎnꞌ ꞌwan, wa lkaan sñiꞌ Ndiose ni, ni siya ja ya ka biyaꞌ tianꞌ sa ñaꞌan ka suꞌwe la chaꞌ ꞌñaan, bra nu tyiꞌian loꞌo Ndiose nde loo la. Sa ñaꞌan lka ykwiꞌ Jesucristo, kwiꞌ ngwañaꞌan kaan bra nu kwaꞌu tloo Jesucristo ꞌñaan xa wa mdyii chalyuu re; bra kanꞌ ka ñaꞌaan ꞌin Jesucristo sa ñaꞌan nu lka ykwiꞌ Ni. Sa kanꞌ ti chaꞌ nchka biyaꞌ tianꞌ ni.
Loꞌo ngala tuꞌwa nchga nu nduun xtyinꞌ kanꞌ ska kantu chaꞌ kuꞌni tnun neꞌ ꞌin nu lka ñaꞌan tiꞌ slyaꞌ kanꞌ bra kanꞌ. Loꞌo ja ya kunaǎn kantu re nu ngala tuꞌwa neꞌ kanꞌ: Wa nda Ndiose chabiyaꞌ ꞌin nuꞌwin chaꞌ xñii kityi nchkunꞌ kwa, ndukwin neꞌ, chaꞌ xtuun kiñaꞌ nu nchkunꞌ tuꞌwa kityi kwa. Nan wa yjwi nten ꞌiin ska yaꞌ; loꞌo chunꞌ chaꞌ ngujwii ni, wa yꞌnii tñan chaꞌ ꞌwa, chaꞌ ka ba nten ꞌin Ndiose Sti ba bra kanꞌ. Ndiya nten nu ndyoꞌo nchga kichen tyi neꞌ, ndiya nten nu nchkwiꞌ nchga lo chaꞌ nu nchkwiꞌ nten chalyuu, ndiya nten nu ndyoꞌo tyukwi ñaꞌaan chalyuu seꞌen ndiꞌin nten, kanꞌ lka nten nu nguloo suwii ꞌin bra kanꞌ.
Sanasan