SAN JUAN 11:36 - Chatino Zona Alta Occidental

³⁶ ―Mdiya ꞌa tiꞌ Jesús ꞌin ayman kanꞌ, yuꞌwi ꞌa tiye yu ꞌin ayman kanꞌ ―ndukwin neꞌ judío bra kanꞌ.

SAN JUAN 11:36 Iomraidhean Croise

SAN JUAN 11:19

Kanꞌ chaꞌ kaꞌan neꞌ kichen tnun ndyaa neꞌ chaꞌ tayaꞌ neꞌ ꞌin Marta loꞌo Liya chaꞌ ngujwi taꞌa ngula neꞌ.

SAN JUAN 11:3

Taꞌa tyukwaa nu kunaꞌan kanꞌ msuꞌwa rsun ndyaa seꞌen ndiꞌin Jesús: ―Kuꞌnii chaꞌ tlyu tiꞌ ꞌwa, Xꞌnan ba ―ndukwin nu kunaꞌan kanꞌ―, nde ndijyan chaꞌ, chaꞌ ka biyaꞌ tiiꞌ chaꞌ tiꞌí ꞌa yu taꞌa suꞌwee nsuꞌwii, nskwa yu niꞌ ñaꞌan tyi ba.

EFESIOS 5:2

Suꞌwe ti xuꞌwi tiye wan ñaꞌan wan ꞌin taꞌa nten wan, chaꞌ kwiꞌ ngwañaꞌan suꞌwe ꞌa nka tiye Krixtu ñaꞌan ꞌñaan. Bra nu yan Jesús lo chalyuu, mslyaa yu mda yu tyukwi ñaꞌaan yu chaꞌ ngwa yu ska lomstan ꞌin Ndiose chaꞌ ꞌñaan. Suꞌwe ꞌa ngwa tiye Ndiose bra kanꞌ.

EFESIOS 5:25

ꞌWan yu kiꞌyu ni, suꞌwe xuꞌwi tiye wan ñaꞌan wan ꞌin kwilyoꞌo wan, chaꞌ kwiꞌ ngwañaꞌan suꞌwe ꞌa nka tiye Krixtu ñaꞌan Ni ꞌin nten ꞌin Ni lo chalyuu; kanꞌ chaꞌ mslyaa yu chaꞌ ngujwi yu lo wsi chaꞌ kulaa ꞌin nten nu xñi chaꞌ ꞌin Ni chunꞌ ndiꞌin la.

1 SAN JUAN 3:1

Tnun ꞌa chaꞌ suꞌwe lka chaꞌ suꞌwe ꞌa nka tiye Ndiose Stian ñaꞌan Ni ꞌin taꞌaan nu ndiꞌin chaꞌ ꞌñaan loꞌo Jesucristo; kanꞌ chaꞌ nchkwiꞌ Ndiose chaꞌ ꞌñaan chaꞌ lkaan sñiꞌ Ni, loꞌo chañi lka chaꞌ kanꞌ. Ja xlyaa nten chalyuu xuꞌwi lyo ꞌñaan chaꞌ sñiꞌ Ni lkaan; kwiꞌ ngwañaꞌan, bra nu mdiꞌin Jesucristo lo chalyuu, ja mslyaa neꞌ xuꞌwi lyo neꞌ ꞌin yu bra kanꞌ.

EL APOCALIPSIS 1:5

Suꞌwe ꞌa ykwiꞌ Jesucristo chaꞌ ꞌin Ndiose Sti yu sa yaꞌ nu mdiya bra nu yjwi nten ꞌin yu bra kanꞌ. Bra wa ndyuꞌu Jesús xiyaꞌ xa wa ngujwi yu, kanꞌ naꞌan nten chaꞌ tnun ꞌa tñan nu ngiꞌni yu bra kanꞌ. Loꞌo ni, lka Jesucristo ndloo la ti tyukwi ñaꞌaan chalyuu, chaꞌ lka yu ke nchga nu nka xꞌnan chalyuu. Suꞌwe ꞌa nka tiye Jesús loꞌoan, kanꞌ chaꞌ ngujwi yu lo wsi; wa ngalu tnen yu chaꞌ kulaa yu ꞌñaan, chaꞌ katin nchga kiꞌya nu ndiꞌin ꞌñaan.