SAN JUAN 10:35 - Chatino Zona Alta Occidental

³⁵ Loꞌo ni―ndukwin Jesús―, jlyo tianꞌ chaꞌ ja ka ꞌñaan tukuanꞌ ska chaꞌ nu wa ykwiꞌ Ndiose loꞌoan. Ndiya yaꞌ nchkwiꞌ kityi kanꞌ chaꞌ ñaꞌan tiꞌ ndiose, ngwañaꞌan lka nten nu kunan chaꞌ nu chkwiꞌ Ni loꞌo.

SAN JUAN 10:35 Iomraidhean Croise

SAN MATEO 24:35

Tyii nchga nan nu nsuꞌwi niꞌ kwan, tyii chalyuu re, loꞌo ja tyii siyaꞌ ti chaꞌ nu nchkwiǐnꞌ re, chaꞌ xkwiꞌ chañi lka chaꞌ nchkwiǐnꞌ ―ndukwin Jesús ꞌin neꞌ.

SAN MATEO 27:35

Xa wa mstya neꞌ ꞌin yu lo wsi loꞌo klavu, mdiꞌin jya sndaru chaꞌ yaa kanan taꞌa yu ti ka nu kuꞌni kanan steꞌ Jesús bra kanꞌ. Ti kwiꞌ chaꞌ ngwa chaꞌ nu wa ngwaꞌan ayman nu ykwiꞌ chaꞌ ꞌin Ndiose loꞌo nten nu ngwa sꞌni: “Mtsa neꞌ steěnꞌ loꞌo taꞌa neꞌ laja mdiꞌin jya neꞌ.”

SAN MATEO 5:18

Chañi chaꞌ nchkwiǐnꞌ loꞌo wan ni, chaꞌ ja ska chaꞌ nu ngwaꞌan ayman sꞌni chaꞌ ꞌin Ndiose, ja ka kuꞌni tyii nten chaꞌ kanꞌ sa ñaꞌan bra nu tsaa tii chalyuu; chañi chaꞌ ka nchga chaꞌ nu ndukwa lo kityi ꞌin Ndiose nu ngwa sꞌni.

SAN LUCAS 16:17

’Ja tlyu tñan tsaa tii nchga nan nu nsuꞌwi nde niꞌ kwan, kwiꞌ ngwañaꞌan, tsaa tii tyukwi ñaꞌaan lo chalyuu; loꞌo ja tsaa tii ꞌa nchga chaꞌ nu wa ykwiꞌ Ndiose loꞌo nten sꞌni, ni siya ska chaꞌ nu chinꞌ la.

SAN JUAN 10:34

Xiyaꞌ ykwiꞌ Jesús loꞌo neꞌ bra kanꞌ: ―Lo kityi seꞌen ndukwa chaꞌ kula nu ndyaa ñaꞌan ꞌa tiꞌ wan, ndiya chaꞌ re nu ykwiꞌ Ndiose: “Nchga wan lka wan ndiose”; ngwañaꞌan nchkwiꞌ kityi.

SAN JUAN 10:36

¿Ni chaꞌ lka mstya wan kiꞌya ꞌñaǎn tloo Ndiose sikwa a?, chaꞌ nu ndukwin wan chaꞌ kuxi ꞌa nchkwiǐnꞌ ꞌin Ndiose ―ndukwin Jesús―. Wa ngulo suwi Stiǐn ꞌñaǎn, msuꞌwa Ni ꞌñaǎn chaꞌ mdiyaǎn lo chalyuu. ¿Ni chaꞌ lka nxkeꞌ tiꞌ wan chaꞌ ja suꞌwe chaꞌ nu ykwiǐnꞌ, chaꞌ skaǎn tiǎn lkaǎn Sñiꞌ Ndiose a?

SAN JUAN 19:28

Ngwañaꞌan ngwa. Loꞌo mgii tiꞌ Jesús chaꞌ wa ngwa nchga chaꞌ nu ndiꞌin chaꞌ ka ꞌin yu bra kanꞌ, kanꞌ chaꞌ ykwiꞌ yu ska chaꞌ, ti kwiꞌ taꞌa chaꞌ nu ndukwa lo kityi kula: ―Ngityi ꞌa tiǎnꞌ ni ―ndukwin yu.

LOS HECHOS 1:16

―ꞌWan, taꞌa ndiꞌian re ―ndukwin Tyu ꞌin neꞌ kanꞌ―, nu ngwa sꞌni mdayaꞌ Tyiꞌi Ndiose ꞌin ayman David chaꞌ ngwaꞌan ayman kanꞌ kityi nu ykwiꞌ nde loo la sa ñaꞌan chaꞌ kuxi ka nu kuꞌni ayman Juda. Juda ngwa nu ngwaꞌu tuwiin ꞌin neꞌ xaꞌan chaꞌ msñi neꞌ ꞌin Jesús presu; sa ñaꞌan nu nganun chaꞌ ka ꞌin yu, ngwañaꞌan ngwa chaꞌ kanꞌ.

ROMANOS 13:1

ꞌWan nchga neꞌ taꞌaan, ndiꞌin chaꞌ tukwa wan chaꞌ nchkwiꞌ neꞌ nu nka tñan. Ndiose lka nu nda chabiyaꞌ ꞌin neꞌ kanꞌ, chaꞌ ka neꞌ ndloo la ꞌñaan; ja ndiya xka nu ka ta chabiyaꞌ kanꞌ ꞌin neꞌ.