Krixtu kwiñi ka neꞌ kanꞌ. Kwiꞌ ngwañaꞌan, kan la chinꞌ nten kwiñi nu chkwiꞌ chaꞌ ntsaꞌ neꞌ chaꞌ nu ykwiꞌ Ndiose loꞌo nten; chaꞌ kwiñi ti kuꞌni neꞌ kanꞌ chaꞌ tnun, chaꞌ kuwe ꞌa tiꞌ nten. Kuꞌni neꞌ kwiñi kanꞌ ngwañaꞌan, chaꞌ kwiñi lyoꞌo neꞌ ꞌwan, chaꞌ nchka tiꞌ neꞌ kwiñi lyoꞌo neꞌ ꞌin nchga nten nu wa ngulo suwi Ndiose chaꞌ ka neꞌ nten ꞌin Ni.
SAN JUAN 10:28 - Chatino Zona Alta Occidental28 Ja tsaa tii ꞌa chalyuu nu taǎn ꞌin neꞌ kanꞌ, ja kanaꞌ kasiya ꞌin neꞌ kanꞌ. Loꞌo ja tukwin ꞌa ka kulaa ꞌin neꞌ nu nsuꞌwi yaǎnꞌ, chaꞌ suꞌwe ꞌa ñaꞌansiǐn ꞌin neꞌ kanꞌ ―ndukwin Jesús―. Faic an caibideil |
SAN JUAN 10:28
60 Iomraidhean Croise
’Chañi ꞌa chaꞌ nu nchkwiǐnꞌ loꞌo wan ni: Nchga nten nu kunan chaꞌ nu chkwiǐnꞌ loꞌo neꞌ, nchga nten nu tsaa ñaꞌan tiꞌ ꞌin Stiǐn Ndiose nu msuꞌwa ꞌñaǎn ndijyaǎn lo chalyuu, ja tsaa tii ꞌa chalyuu kwi nu ta Ndiose ꞌin neꞌ kanꞌ. Ja kuꞌni biyaꞌ Ni ꞌin neꞌ kanꞌ, chaꞌ ja ndiꞌin ꞌa chaꞌ kaja neꞌ kanꞌ; nchga bra tyiꞌin neꞌ kanꞌ loꞌo Ni ―ndukwin Jesús ꞌin neꞌ―.
Suꞌwe la kuꞌni wan tñan chaꞌ kaja ska chaꞌ nu talo la ꞌwan ―ndukwin Jesús bra kanꞌ―. Chañi chaꞌ kalaꞌ tiꞌ wan, bra nu kaja chalyuu nu ja tsaa tii ꞌa ꞌwan. Ska nan nu nchkuan ni, chinꞌ ti bra ngalaꞌ tianꞌ loꞌo ran, bra ti ngiteꞌ tianꞌ xiyaꞌ. Loꞌo ni, naꞌ nu ndijyaǎn chaꞌ kaǎn nten, taǎn ska chaꞌ suꞌwe ꞌwan nu kuꞌni chaꞌ kalaꞌ tiꞌ wan, loꞌo ja tsaa tii ꞌa chaꞌ kanꞌ ꞌwan ―ndukwin yu―. Nan wa nda Stiǐn Ndiose chabiyaꞌ ꞌñaǎn chaꞌ taǎn chaꞌ suꞌwe kanꞌ ꞌwan.
Ndiꞌin chaꞌ kajaan siꞌya kiꞌya ndukwi ska ti Adán kanꞌ, ni siya ska ti chaꞌ kuxi nu yꞌni yu; loꞌo tlyu la tñan yꞌni Ndiose chaꞌ ꞌñaan ni loꞌo Jesús, bra nu yꞌni luwi Ni kasiya ꞌñaan. Kaꞌan ꞌa tñan xuꞌwe ti yꞌni Ni loꞌoan; ngwañaꞌan kaja chalyuu kwi ꞌñaan ni, chabiyaꞌ ꞌin Jesucristo, ni siya ska ti nten lka yu kanꞌ.
Suꞌwe ꞌa ngiꞌni Ndiose loꞌoan chabiyaꞌ ꞌin Krixtu, chunꞌ nu msñian chaꞌ ꞌin Krixtu kanꞌ. Loꞌo ni, ndiꞌin chaꞌ ꞌñaan loꞌo Ndiose, kanꞌ chaꞌ ja ndiꞌin chaꞌ kulaa yaanꞌ ꞌin Ni. Suꞌwe ꞌa nka tiyean, chaꞌ jlyo tianꞌ chaꞌ chunꞌ ndiꞌin la kaja ska seꞌen nu suꞌwe la seꞌen tyiꞌian nde seꞌen ndiꞌin Ndiose, chaꞌ ngwañaꞌan xkwiꞌ suꞌwe ti ngiꞌni Ni loꞌoan.
Loꞌo yꞌni ꞌa Jesucristo chaꞌ tlyu tiꞌ ꞌñaǎn bra nu yꞌni tyii Ni kiꞌya nu ndiꞌin ꞌñaǎn; ngwañaꞌan ngwaꞌu Ndiose ꞌin xka ta nten sa ñaꞌan ka xñi neꞌ chaꞌ ꞌin Ni. Sa ñaꞌan nu ngwa tꞌnan tiꞌ Jesús ꞌñaǎn ti kulo, kwiꞌ ngwañaꞌan chka tꞌnan tiꞌ Ni ꞌin nchga nten nu xñi chaꞌ ꞌin Jesús nde loo la, chaꞌ nu ja tsaa tii ꞌa chalyuu ꞌin neꞌ bra kanꞌ, si tsaa ñaꞌan tiꞌ neꞌ ꞌin Ni.
Kanꞌ chaꞌ ndijiǐn nu tiꞌí ni. Loꞌo ja jyuꞌu tiǎnꞌ, chaꞌ naꞌ wa jlyo tiǎnꞌ chaꞌ Ndiose ka nu mda chaꞌ re ꞌñaǎn. Jlyo tiǎnꞌ chaꞌ nchka ꞌin Ni kuꞌni kuwe tiꞌ Ni ꞌñaǎn; nchka ꞌin Ni tayaꞌ Ni ꞌñaǎn bra nu ngiꞌniǐn tñan nu nda Ni ꞌñaǎn, chaꞌ ka tsaa toꞌo suꞌwe tñan ꞌñaǎn bra nu tiya tsan nu kan Jesús lo chalyuu xiyaꞌ.
Wa msñi wan chaꞌ ꞌin Ndiose, kanꞌ chaꞌ ngiꞌni Ni kwan ꞌwan ni, ñaꞌansiin Ni ꞌwan. Loꞌo ja tukwin nsuꞌwi nu ngula la jwersa ꞌin, ja tukwin ka tyijin lyo ꞌin Ndiose. Ja ta Ni chabiyaꞌ chaꞌ tyukwa wan chaꞌ kuxi, loꞌo bra kanꞌ kulaa Ni ꞌwan xa wa tyii chalyuu re, chaꞌ wa ndyaa Ni kuꞌni xuꞌwe Ni seꞌen tyiꞌin wan nde seꞌen ndiꞌin Ndiose Sti yu.
Ngula Jesucristo lo chalyuu seꞌen ndiꞌin ba, wa naꞌan ba ꞌin yu; kanꞌ lka chaꞌ nu ngitsaꞌ ba ꞌwan ni, chaꞌ chañi ꞌa lka chaꞌ kanꞌ. Nduꞌu ba ꞌwan sa ñaꞌan lka chaꞌ tyukwi tyempu luꞌu Jesucristo, chaꞌ ti kulo ndiꞌin yu loꞌo Ndiose Stian; loꞌo nduꞌu ba ꞌwan sa ñaꞌan ngwa chaꞌ naꞌan ba ꞌin yu lo chalyuu re.
Ti kulo ndyoꞌ tiꞌin neꞌ kwiñi kanꞌ loꞌoan, loꞌo bra kanꞌ mdoꞌo neꞌ kanꞌ ndyaa neꞌ; siꞌi nten taꞌa ndiꞌin chaꞌ ꞌñaan loꞌo Jesucristo lka neꞌ kanꞌ. Si chañi chaꞌ taꞌa ndaꞌaan lka neꞌ kanꞌ, wa nganun neꞌ loꞌoan nu ngwa xkanꞌ; loꞌo ni, wa mdoꞌo neꞌ kanꞌ, chaꞌ ka biyaꞌ tianꞌ chaꞌ siꞌi nchga nten nu ndyoꞌ tiꞌin loꞌoan msñi chaꞌ ꞌin Jesucristo.
Juda naǎn, ti kwiꞌ taꞌa Santiago lkaǎn; ndaꞌaǎn lo tñan ꞌin Jesucristo. Ndaꞌaǎn kityi re chaꞌ tsaa seꞌen ndiꞌin nchga wan nu ndyaa ñaꞌan tiꞌ wan chaꞌ nchkwiꞌ Ndiose Stian, chunꞌ wa ngulo suwi Ni ꞌwan. Ndiose lka nu yꞌni luwi kasiya ꞌwan, loꞌo ñaꞌan ti ngiꞌni Ni kwenta ꞌwan ni, chabiyaꞌ ꞌin Jesucristo.
Kanꞌ chaꞌ sikwa, xñi wan kwenta ꞌwan, ti ykwiꞌ ti wan; kiꞌya wan kwenta sa ñaꞌan nu kuꞌni wan lo chalyuu, chaꞌ wa jlyo tiꞌ wan chaꞌ suꞌwe ꞌa nka tiye Ni ñaꞌan Ni ꞌwan. Kata wan sa ñaꞌan bra nu tiya tsan nu ta Jesucristo nu nka Xꞌnaan chalyuu nu ja tsaa tii ꞌa ꞌñaan, chaꞌ lye ꞌa nchka tꞌnan tiꞌ Ni ꞌñaan.
Ska ti Ndiose nsuꞌwi lo chalyuu. Loꞌo kulaa Ni ꞌñaan chabiyaꞌ ꞌin Jesucristo nu nka Xꞌnaan; ska ti Ndiose nchka ꞌin Ni xñi Ni kwenta ꞌñaan, bra nu ndaꞌaan tuwiin suꞌwe nu ngwaꞌu Ni ꞌñaan. Tayaꞌ Ni ꞌñaan chaꞌ ja tyijin snan kiyaanꞌ, chaꞌ ja tyoꞌo tsuanꞌ tuꞌwa tuwiin kanꞌ, sa ñaꞌan bra nu kalaan suꞌwe ti seꞌen luwi ꞌa xaa, seꞌen ndiꞌin Ndiose. Luwi siyaꞌ ti ka kasiya ꞌñaan bra nu wa ngalaan seꞌen ndiꞌin Ni; kwiꞌ ngwañaꞌan, suꞌwe ꞌa ka tiyean bra kanꞌ. Kanꞌ chaꞌ ni, kuꞌniin tnuan ꞌin Ndiose nu ndukwa seꞌen tlyu la nde niꞌ kwan, chaꞌ ska ti Ndiose nsuꞌwi nu tlyu ꞌa lka; ska ti Ndiose lka ndloo la ꞌin nchga loo nan nu nsuꞌwi lo chalyuu, kwiꞌ ngwañaꞌan ska ti Ndiose nchka ꞌin Ni kuꞌni Ni nchga loo chaꞌ tnun siyaꞌ ti. Luꞌu Ndiose ti bra nu ja ya tyaꞌ chalyuu, kwiꞌ ngwañaꞌan ti luꞌu Ni sa bra ni; loꞌo ja tsaa tii ꞌa chaꞌ luꞌu Ni nde loo la. Ngwañaꞌan ka sikwa.
Sanasan