SAN JUAN 1:50 - Chatino Zona Alta Occidental

⁵⁰ Mxkwen Jesús ꞌin Natanael bra kanꞌ: ―¿Ta ska ti chunꞌ chaꞌ nu wa ykwiǐnꞌ loꞌoo chaꞌ wa naꞌaǎn ꞌiin kiyaꞌ yka kityi kanꞌ, kanꞌ chaꞌ ndyaa ñaꞌan tiiꞌ ꞌñaǎn a? ―ndukwin yu―. Chinꞌ ti chaꞌ lka kanꞌ, chaꞌ tnun la ti ñaꞌaan nde loo la.

SAN JUAN 1:50 Iomraidhean Croise

SAN MATEO 13:12

Nten nu ndyaa ñaꞌan tiꞌ chaꞌ nu ynan neꞌ ꞌin Ndiose, ti kwaꞌu la Ndiose chaꞌ ꞌin neꞌ kanꞌ, chaꞌ ngwañaꞌan suꞌwe la sten neꞌ chaꞌ ꞌin Ndiose; nten nu ja ndyaa ñaꞌan tiꞌ chaꞌ kanꞌ, neꞌ nu ja xlyaa kunan chaꞌ kanꞌ, kuꞌni Ndiose chaꞌ ja ka ꞌin neꞌ sten neꞌ chaꞌ ꞌin Ndiose siyaꞌ ti.

SAN MATEO 21:19

Kanꞌ naꞌan yu ska yka kwiñii nu nduun tuꞌwa tuwiin. Ndyaa naꞌan yu ꞌin yka kanꞌ si kaja nan ku yu lo ran, loꞌo ja nsuꞌwi nan lo ran, xkwiꞌ lkaꞌ ti nsuꞌwi lo ran. Ykwiꞌ Jesús chaꞌ ꞌin yka bra kanꞌ: ―Ja tyoꞌo ꞌa nan lo yka kwa xka yijan ―ndukwin yu. Bra ti mtyi yka kanꞌ.

SAN MATEO 25:29

Ngwañaꞌan lka loꞌo nten nu wa nsuꞌwi chinꞌ chaꞌ ꞌin, ti taǎn kaꞌan la ꞌin nten kanꞌ si ngiꞌni neꞌ tñan loꞌo chaꞌ kanꞌ, chaꞌ kaꞌan la chaꞌ suꞌwe xuꞌwi ꞌin neꞌ kanꞌ; loꞌo nten nu chinꞌ ꞌa chaꞌ nsuꞌwi ꞌin, si ja xlyaa neꞌ kuꞌni neꞌ tñan loꞌo chaꞌ kanꞌ, kulaǎn jiǐn ti chaꞌ nu ti nsuꞌwi ꞌin neꞌ kanꞌ.

SAN LUCAS 1:45

Suꞌwe ꞌa nka tiyee chaꞌ wa ndyaa ñaꞌan tiiꞌ chaꞌ ꞌin Ndiose, chaꞌ kuꞌni Ni nchga chaꞌ nu wa ykwiꞌ Ni loꞌoo. Ngwañaꞌan ndukwin neꞌ kula Sabe ꞌin Liya.

SAN LUCAS 7:9

Bra wa ynan Jesús chaꞌ nu ykwiꞌ neꞌ loꞌo, nduwe ꞌa tiꞌ yu. Bra kanꞌ mxitukwi Jesús seꞌen ndijyan tuwiin, ykwiꞌ yu loꞌo nten nu ndaꞌan loꞌo yu: ―Chañi chaꞌ nu nchkwiǐnꞌ loꞌo wan ni ―ndukwin Jesús―, chaꞌ ja ya ñaꞌaǎn ꞌin ska nten nu suꞌwe ꞌa ndyaa ñaꞌan tiꞌ ꞌin Ndiose sa ñaꞌan nu ndyaa ñaꞌan tiꞌ capitán kanꞌ. Tyukwi ñaꞌaan nasiyun Israel re, ja nsuꞌwi nten nu ndyaa ñaꞌan tiꞌ ꞌñaǎn ngwañaꞌan ―ndukwin Jesús ꞌin neꞌ.

SAN JUAN 1:49

―Mstru ―ndukwin Natanael―, chañi chaꞌ nuꞌwin lkaa ska ti nu lka Sñiꞌ Ndiose, nuꞌwin lkaa ree nu nka ndloo ꞌin neꞌ Israel.

SAN JUAN 1:51

Xiyaꞌ ykwiꞌ Jesús loꞌo neꞌ bra kanꞌ: ―Chañi chaꞌ nu nchkwiǐnꞌ loꞌo wan ni ―ndukwin yu―. Nde loo la ñaꞌan wan chaꞌ tyukwa laa seꞌen ndiꞌin Ndiose niꞌ kwan. Ka biyaꞌ tiꞌ wan bra kanꞌ chaꞌ wa msuꞌwa Ndiose ꞌñaǎn ndijyaǎn lo chalyuu chaꞌ kaǎn nten. Loꞌo seꞌen tyiꞌiǐn, la kanꞌ ñaꞌan wan ꞌin angajle nu ndiꞌin seꞌen ndiꞌin Ndiose; tyaꞌan angajle kanꞌ, skwen angajle kanꞌ niꞌ kwan, kiꞌya angajle kanꞌ seꞌen tyiꞌiǐn.

SAN JUAN 11:40

Loꞌo ykwiꞌ Jesús bra kanꞌ: ―¿Ta siꞌi wa niǐn ꞌwan chaꞌ bra nu tsaa ñaꞌan tiꞌ wan ꞌin Ndiose, bra kanꞌ ñaꞌan wan chaꞌ tnun nu kuꞌni Ni a?

SAN JUAN 20:29

―Ndyaa ñaꞌan tiiꞌ ꞌñaǎn ni, chaꞌ wa naꞌaan ꞌñaǎn ―ndukwin Jesús ꞌin Toma―, suꞌwe la ka tiye nten nu tsaa ñaꞌan tiꞌ ꞌñaǎn ni siya ja ya ñaꞌan neꞌ ꞌñaǎn.