HEBREOS 5:2 - Chatino Zona Alta Occidental

² Nten chalyuu ti lka sti joꞌo kanꞌ; loꞌo ykwiꞌ yu ndukwi yu kiꞌya, kanꞌ chaꞌ ka chka tꞌnan tiꞌ yu ꞌin nten nu ja nnan siyaꞌ ti, nu ngiꞌni ꞌa chaꞌ xaꞌan.

HEBREOS 5:2 Iomraidhean Croise

SAN LUCAS 22:32

Bra kanꞌ wa mjñaǎn ꞌin Ndiose Stiǐn chaꞌ ꞌiin, Tyu, chaꞌ ja tsaa tii chaꞌ tsaa ñaꞌan tiiꞌ ꞌñaǎn. Bra wa mdijin chaꞌ kuxi kanꞌ ꞌiin, chaꞌ xiyaꞌ chkwiiꞌ chaꞌ ꞌñaǎn, bra kanꞌ ka tayaaꞌ ꞌin xka la taꞌa wan chaꞌ suꞌwe la xñi neꞌ chaꞌ ꞌñaǎn.

2 CORINTIOS 11:30

Bra nu nchkwiǐnꞌ ꞌñaǎn ti ykwiǐnꞌ tiǎn, suꞌwe la si chkwiǐnꞌ chaꞌ ꞌin nchga chaꞌ nu ngiꞌni chaꞌ ja ndaloǔn seꞌen ndiꞌiǐn skaǎn tiǎn.

2 CORINTIOS 12:5

Suꞌwe si chkwiǐnꞌ chinꞌ loꞌo wan, chaꞌ ngwañaꞌan ngwa ꞌñaǎn ti bra kanꞌ; ja suꞌwe chkwiǐnꞌ xka la chaꞌ ꞌñaǎn, ti ykwiǐnꞌ tiǎn, ska ti si chkwiǐnꞌ chinꞌ chaꞌ ꞌin nchga chaꞌ seꞌen nu ja ndaloǔn seꞌen ndiꞌiǐn ykwiǐnꞌ tiǎn.

GÁLATAS 4:13

Wa jlyo tiꞌ wan sa ñaꞌan ngwa ꞌñaǎn bra nu ykwiǐnꞌ loꞌo wan ti kulo, chaꞌ ka kulaa Krixtu ꞌñaan ꞌin chaꞌ kuxi; tiꞌiǐn ꞌaǎn bra kanꞌ, kanꞌ chaꞌ mdoꞌo laja ꞌñaǎn chaꞌ chkwiǐnꞌ chaꞌ kanꞌ loꞌo wan.

EFESIOS 4:18

tla ꞌa chalyuu ꞌin neꞌ siyaꞌ ti; kanꞌ chaꞌ ja nchka ka biyaꞌ tiꞌ neꞌ. Ja ndiꞌin chaꞌ ꞌin neꞌ kanꞌ loꞌo chalyuu kwi nu wa nda Ndiose ꞌñaan chaꞌ tyiꞌiin suꞌween tian, chunꞌ chaꞌ ja jlyo tiꞌ neꞌ kanꞌ siyaꞌ ti, chaꞌ ja xlyaa neꞌ xñi neꞌ ska chaꞌ nu ñi.

1 TIMOTEO 1:13

Wa ngulo suwi Ni ꞌñaǎn, ni siya kuxi ꞌa ykwiǐnꞌ chaꞌ ꞌin Ni nu ngwa sꞌni, bra nu lye ꞌa ndaǎn nu tiꞌí ꞌin nten ꞌin Jesucristo; tláǎn ꞌaǎn nu ngwa bra kanꞌ. Sa kanꞌ ti chaꞌ, ja ska chaꞌ jlyo tiǎnꞌ bra kanꞌ, chaꞌ ja ya sñiǐn chaꞌ suꞌwe ꞌin Ndiose, kanꞌ chaꞌ ngwa tꞌnan ꞌa tiꞌ Ni ꞌñaǎn.

HEBREOS 12:13

Tsaa naan la wan tuwiin nu ñi seꞌen tsaa wan, chaꞌ ja ka ñuꞌun la tuwiin ꞌin xka ta neꞌ taꞌa wan nu naꞌan la tiꞌ niꞌ kasiya ꞌin neꞌ; kuꞌni wan chaꞌ ka tyukwi la ti tiye nten kanꞌ, chaꞌ ja ka ñuꞌun la tiꞌ neꞌ.

HEBREOS 2:17

Kanꞌ chaꞌ yꞌni suꞌwa Jesús chaꞌ loꞌo nten ꞌin Ni lo chalyuu re, chunꞌ ngujwi Ni lo wsi siꞌyaan. Loꞌo ni, ndukwa Ni ti kwiꞌ seꞌen tnun seꞌen ndiꞌin Ndiose chaꞌ chkwiꞌ Ni loꞌo Sti Ni, chaꞌ kuꞌni tyii Ni nchga kiꞌya nu ndukwian. Loꞌo ni, wa lka Jesús ñaꞌan tiꞌ ska sti joꞌo nu ndloo la ti, nu ndyuꞌwi ꞌa tiꞌ ꞌñaan, nu lye ꞌa nchka tꞌnan tiꞌ ꞌñaan.

HEBREOS 2:18

Kanꞌ chaꞌ nchka ꞌin Jesús kulaa ꞌin nten nu ndatsaa ꞌa kuneꞌ xaꞌan ꞌin. Nchka ꞌin Ni kuꞌni Ni ngwañaꞌan, chaꞌ loꞌo ykwiꞌ Ni ngwa tiꞌ kuneꞌ xaꞌan kuꞌni kanan ꞌin Ni, loꞌo Ni mdijin Ni nu tiꞌí bra nu mdiꞌin Ni lo chalyuu re.

HEBREOS 4:15

Wa nka Jesús ñaꞌan tiꞌ xꞌnan sti joꞌo chaꞌ ꞌñaan, kwiꞌ ngwañaꞌan nchka tꞌnan ꞌa tiꞌ Jesús ꞌñaan. Wa jlyo tiꞌ Ni chaꞌ tyun yaꞌ wa kuꞌni ti kuneꞌ xaꞌan kanan ꞌñaan; ti kwiꞌ ti chaꞌ, lye ꞌa yꞌni lyoꞌo kuneꞌ xaꞌan ꞌin yu, ngwa ꞌa tiꞌ kuneꞌ xaꞌan chaꞌ kuꞌni Jesús chaꞌ kuxi, bra nu ti mdiꞌin yu lo chalyuu re. Loꞌo Jesús ni, ja ska chaꞌ xaꞌan yꞌni yu, kanꞌ chaꞌ lka yu xꞌnan sti joꞌo chaꞌ ꞌñaan ni, chaꞌ jlyo tiꞌ yu chaꞌ kwiñi ꞌa kuneꞌ xaꞌan.

HEBREOS 7:28

Xkwiꞌ nten chalyuu lka xꞌnan sti joꞌo nu ngiꞌni tñan nu ykwiꞌ ayman Moisés chaꞌ ka, nten nu ndukwi kiꞌya lka neꞌ kanꞌ; loꞌo Jesús ska ti nu lka Sñiꞌ ykwiꞌ Ndiose ni, luwi Ni siyaꞌ ti. Bra wa tsaa tii ti tyempu kula, xa nu ndukwa ꞌa neꞌ tñan nu ngulo ayman Moisés, bra kanꞌ ngulo Ndiose tñan ꞌin Sñiꞌ ykwiꞌ Ni, nu lka Jesús, chaꞌ ka Ni sti joꞌo chaꞌ ꞌñaan. “Naꞌ taǎn chabiyaꞌ chaꞌ ka nuꞌwin sti joꞌo” ndukwin Ndiose ꞌin Jesús bra kanꞌ.

HEBREOS 9:7

Ska ti xꞌnan sti joꞌo ndaꞌan yu seꞌen nu kti ꞌa kanꞌ ꞌin neꞌ, ska yaꞌ ti ndaꞌan yu ska yijan. Loꞌo tnen ꞌni ndaꞌan sti joꞌo kanꞌ bra kanꞌ, chaꞌ skwin tnen kanꞌ seꞌen ndiꞌin Ndiose nde seꞌen kti kanꞌ, chaꞌ ngwañaꞌan katin kiꞌya nu ndukwi sti joꞌo kanꞌ; kwiꞌ ngwañaꞌan, katin nchga kiꞌya nu ndukwi nten kichen, ni siya kiꞌya nu ja jlyo tiꞌ neꞌ si wa yꞌni neꞌ. Chaꞌ ꞌin Ndiose yꞌni xꞌnan sti joꞌo tñan kanꞌ.

SANTIAGO 5:19

ꞌWan taꞌa msñian chaꞌ ꞌin Jesús, bra nu ndiya ska neꞌ taꞌa wan nu wa xiꞌin chunꞌ ti yu nchga chaꞌ suꞌwe nu ꞌin Jesús, suꞌwe ꞌa ka si ndiya ska wan nu ka chkwiꞌ suꞌwe wan loꞌo yu, chaꞌ xñi yu chaꞌ ꞌin Ndiose xiyaꞌ.

1 SAN PEDRO 2:25

Loꞌo ni, ja ndaꞌan yuꞌwi ꞌa wan, sa ñaꞌan ndaꞌan slyaꞌ nu mnaꞌ yuꞌwi; nan wa mxitukwi wan ndijyan wan seꞌen ndiꞌin Xꞌnan wan nu ñaꞌansiin kasiya ꞌwan.