HEBREOS 2:3 - Chatino Zona Alta Occidental

³ Kwiꞌ ngwañaꞌan ka ꞌñaan ni, ja kaja ñaꞌan lyaan ꞌin Ndiose xa wa mdyii chalyuu, bra nu kuꞌni biyaꞌ Ni ꞌin nchga nten, si ja kunaan chaꞌ nu wa ykwiꞌ Ni, chaꞌ nu tyoꞌo laan ꞌin chaꞌ kuxi. Kulo ndukwa la ytsaꞌ ykwiꞌ Jesús nu nka Xꞌnaan chaꞌ kanꞌ ꞌin nten nu yꞌni xaꞌan chaꞌ ꞌin yu. Ynan neꞌ chaꞌ nu ykwiꞌ yu bra kanꞌ; chunꞌ ndiꞌin la loꞌoan ytsaꞌ neꞌ kanꞌ ꞌñaan. Kanꞌ chaꞌ jlyo tianꞌ chaꞌ chañi lka chaꞌ kanꞌ.

HEBREOS 2:3 Iomraidhean Croise

SAN MATEO 23:33

’¡Ñaꞌan tiꞌ kunan, ngwañaꞌan nchka tiꞌ wan! Sa ꞌa ngiꞌni wan chaꞌ kuxi. ¿Ta nxkeꞌ tiꞌ wan chaꞌ kulaa Ndiose ꞌwan, chaꞌ ja kaja nu tiꞌí ꞌwan lo jwlyaa a? Ja ka ꞌwan ngwañaꞌan.

SAN MATEO 4:17

Loꞌo mdyisnan ykwiꞌ Jesús loꞌo neꞌ nu ndaꞌan seꞌen ndiꞌin yu bra kanꞌ: ―Ka jyuꞌu tiꞌ wan ―ndukwin Jesús ꞌin neꞌ―, kulaa yaꞌ wan nchga chaꞌ kuxi nu ngiꞌni wan, chaꞌ wa tiya ti bra chaꞌ ka Ndiose ndloo niꞌ kasiya ꞌwan.

SAN MARCOS 1:14

Chunꞌ ndiꞌin la msuꞌwa neꞌ ꞌin Xuwa niꞌ ñaꞌan chkwan. Bra kanꞌ yan Jesús nde lo yuu ꞌin Galilea, ngwaꞌu yu ꞌin neꞌ sa ñaꞌan lka chaꞌ suꞌwe ꞌin Ndiose.

SAN LUCAS 1:2

Wa mdiya neꞌ nu ngwaꞌu chaꞌ kanꞌ ꞌñaan. Neꞌ kanꞌ, wa naꞌan neꞌ chaꞌ kanꞌ ti kulo, ti bra mdyisnan Jesús yꞌni yu tñan; loꞌo kanꞌ yaa neꞌ ykwiꞌ neꞌ chaꞌ ꞌin Jesús loꞌo nchga nten.

SAN LUCAS 1:69

Tka msuꞌwa Ndiose ndijyan ska nu suꞌwe ꞌa chaꞌ nchka ꞌin, nu kulaa ꞌñaan ꞌin nchga chaꞌ kuxi nu ndiꞌin ꞌñaan; kanꞌ lka ska nten nu ti kwiꞌ taꞌa ayman David nu yꞌni tñan ꞌin Ndiose nu ngwa sꞌni.

SAN LUCAS 24:19

―¿Nan lka ngwa a? ―ndukwin Jesús ꞌin yu. Bra kanꞌ mxkwen yu ꞌin Jesús: ―Chaꞌ ꞌin Jesús Nazaret ―ndukwin yu―, ska nten nu ykwiꞌ chaꞌ ꞌin Ndiose loꞌo nten ngwa yu. Ngwa ꞌa ꞌin yu chkwiꞌ yu, loꞌo ngwa ꞌa ꞌin yu kuꞌni yu kaꞌan ꞌa chaꞌ tnun chabiyaꞌ ꞌin Ndiose; kaꞌan ꞌa nten naꞌan ꞌin chaꞌ tnun kanꞌ.

SAN JUAN 15:27

Loꞌo ꞌwan, wa mdiꞌin wan loꞌoǔn ti kulo, kanꞌ chaꞌ ka ꞌwan chkwiꞌ ñi wan chaꞌ ꞌñaǎn loꞌo ya ñaꞌan ti nten.

LOS HECHOS 2:22

’ꞌWan, neꞌ Israel ―ndukwin yu―, kunan suꞌwe wan chaꞌ nu chkwiǐnꞌ loꞌo wan ni. Neꞌ Nazaret ngwa Jesús. Mdayaꞌ Ndiose ꞌin yu chaꞌ nu yꞌni yu xkwiꞌ chaꞌ tnun seꞌen ndiꞌin wan. Kaꞌan ꞌa chaꞌ mdaꞌan tiye wan chaꞌ naꞌan wan chaꞌ tnun kanꞌ, loꞌo ngwa biyaꞌ tiꞌ wan chaꞌ xkwiꞌ tñan ꞌin Ndiose ngwa bra kanꞌ.

LOS HECHOS 4:12

kanꞌ chaꞌ nchka ꞌin Ni kulaa Ni ꞌñaan ꞌin nchga chaꞌ kuxi nu ndiꞌin ꞌñaan. Ja ndiya xka nten ñaꞌaan chalyuu nu nchka la ꞌin, chaꞌ ska ti ꞌin Jesús nda Ndiose chabiyaꞌ kuꞌni tñan kanꞌ.

ROMANOS 11:14

Nchka ꞌa tiǎnꞌ chaꞌ loꞌo chinꞌ neꞌ judío taꞌaǎn jñan neꞌ ꞌin Ndiose, chaꞌ ta Ni nchga chaꞌ suꞌwe nu ndiꞌin ꞌwan ꞌin neꞌ, chaꞌ ka lyaa neꞌ ꞌin chaꞌ xaꞌan.

ROMANOS 2:3

¿Ni chaꞌ nxkeꞌ tiꞌ wan chaꞌ ja suꞌwa ka nu tiꞌí ꞌwan loꞌo nu ka ꞌin neꞌ xaꞌan kanꞌ? Kwiñi ꞌa wan, ja ka ꞌa xnan wan ꞌin Ndiose bra nu kuꞌni biyaꞌ Ni ꞌin nchga nten; nan nxtya wan kiꞌya ꞌin nten, ni siya ngiꞌni wan ti kwiꞌ ti chaꞌ kuxi nu ngiꞌni neꞌ kanꞌ.

1 CORINTIOS 1:21

Yꞌni Ndiose chaꞌ ja ka xuꞌwi lyo nten chalyuu ꞌin Ni chaꞌ ke ti neꞌ, loꞌo jlyo ꞌa tiꞌ Ndiose. Loꞌo ni, ndlaa Ni ꞌin nten nu sten chaꞌ ꞌin Ni, ti kwiꞌ chaꞌ nu ngitsaꞌ ba ꞌin neꞌ, ni siya chaꞌ tintu nchkwiꞌ ba, ndukwin nten bra kanꞌ.

1 TESALONICENSES 5:3

“Tiin ti ndiꞌian lo chalyuu, suꞌwe ti ndiꞌian” ndukwin nten; loꞌo ti kwiꞌ bra kanꞌ tyii chaꞌ ꞌin nchga nten chalyuu, ja kaja ñaꞌan xnan neꞌ bra kanꞌ. Sa ñaꞌan lka ska nu kunaꞌan tnan, ja jlyo tiꞌ ñaꞌan bra kala sñiꞌ, ñaꞌan bra nu tiyan tiꞌí ꞌin; ngwañaꞌan ka xa wa tiya bra kanꞌ, chaꞌ ja jlyo tianꞌ ni tsan ka kanꞌ.

1 TIMOTEO 1:15

Chañi chaꞌ ka xñiin suꞌwean chaꞌ re: Wa yan Jesucristo lo chalyuu chaꞌ kulaa Ni ꞌin nten chalyuu nu ndiꞌin kiꞌya ꞌin. Loꞌoǔn, tnun la kiꞌya ndukwiǐn ke xka ta nten, chaꞌ kuxi ꞌa tñan nu yꞌniǐn loꞌo nten ꞌin Jesucristo nu ngwa sꞌni.

TITO 2:11

Suꞌwe ꞌa ngiꞌni Ndiose loꞌo nten chalyuu chaꞌ nchka tiꞌ Ni kulaa Ni ꞌñaan ꞌin chaꞌ kuxi;

HEBREOS 1:1

Nu ngwa sꞌni ni, wa tyun ꞌa yaꞌ ykwiꞌ Ndiose loꞌo ayman kula ꞌñaan, ngwañaꞌan ti ñaꞌan ytsaꞌ Ni chaꞌ ꞌin ayman kanꞌ, chaꞌ kwaꞌu neꞌ ꞌin nchga taꞌa kichen tyi neꞌ bra kanꞌ.

HEBREOS 1:14

Nchga angajle nu ndiya nde niꞌ kwan ni, nchga tsan ngiꞌni angajle kanꞌ tñan nu ndlo Ndiose; kwiꞌin nu suꞌwe ꞌa lka angajle kanꞌ. Ndlo Ndiose tñan ꞌin angajle kanꞌ ndijyan lo chalyuu, chaꞌ tayaꞌ ꞌin nchga nten chalyuu nu wa tyoꞌo laa ꞌin chaꞌ kuxi chunꞌ Jesús, chaꞌ nu wa tsaa tii chalyuu re.

HEBREOS 1:2

Bra wa ni, xa nu wa tyii ti chalyuu re, wa ykwiꞌ Ndiose loꞌoan xka tuꞌwa, chaꞌ wa yan Krixtu lo chalyuu re seꞌen ndiꞌian, ti kwiꞌ ska ti kanꞌ nu lka Sñiꞌ Ni. Wa ndiꞌin Krixtu loꞌo Ndiose Sti Ni bra nu ngwiñan Ni chalyuu ti kulo; bra nu ti nñan Ni nchga loo nan nu nsuꞌwi nde niꞌ kwan loꞌo nchga loo nan nu nsuꞌwi lo chalyuu, ndiꞌin Krixtu loꞌo Ndiose Sti Ni bra kanꞌ. Kwiꞌ ngwañaꞌan, wa nda Ndiose chabiyaꞌ ꞌin Krixtu chaꞌ ka Ni ndloo ꞌin nchga chaꞌ kanꞌ bra kanꞌ.

HEBREOS 12:25

Kiꞌya wan kwenta sikwa, chaꞌ kunan suꞌwe wan nchga chaꞌ nu wa ykwiꞌ Krixtu loꞌo wan. Lye ꞌa mda Ndiose nu tiꞌí ꞌin ayman kula ꞌñaan, chunꞌ ja mslyaa neꞌ kunan neꞌ chaꞌ nu ykwiꞌ ayman Moisés loꞌo neꞌ lo chalyuu re chabiyaꞌ ꞌin Ndiose; ja ngwa xnan neꞌ kanꞌ ꞌin Ndiose. Loꞌo tnun la chaꞌ ka ꞌñaan ni, si ja kunaan chaꞌ nchkwiꞌ Krixtu nu mdoꞌo seꞌen ndiꞌin Ndiose nde niꞌ kwan mdiyan lo chalyuu re; loꞌo ni, wa ndyaa tukwa Ni xiyaꞌ nde seꞌen ndiꞌin Ndiose.

HEBREOS 4:1

Wa ykwiꞌ Ndiose ska chaꞌ loꞌoan sikwa, chaꞌ ka tsaan seꞌen ndiꞌin Ni, chaꞌ tyiꞌiin suꞌwean la kanꞌ. Kanꞌ chaꞌ ndiꞌin chaꞌ kuwe tianꞌ ꞌin nchga neꞌ taꞌaan, chaꞌ ja ska neꞌ kanꞌ tyoꞌo ntan neꞌ tuwiin nu ñi nu tsaa seꞌen tyiꞌian loꞌo Ni.

HEBREOS 4:11

Nchga tsan lye kuꞌnian tñan sikwa, chaꞌ ti xuꞌwi chaꞌ ꞌñaan loꞌo Ndiose, chaꞌ ka tyiꞌiin suꞌwean bra kanꞌ. Ja kuꞌnian sa ñaꞌan nu yꞌni ayman kula kanꞌ, nu ja mdukwa chaꞌ nu ykwiꞌ Ndiose siyaꞌ ti, loꞌo ja ngwa ꞌa ꞌin neꞌ tsaa neꞌ seꞌen ndukwin Ni chaꞌ tsaa neꞌ bra kanꞌ.

HEBREOS 5:9

Chunꞌ ndiꞌin la, xa wa mdijin nchga chaꞌ ꞌin Jesús, xa wa yꞌni yu tñan nu ngulo Ndiose ꞌin yu chaꞌ kuꞌni yu, bra kanꞌ mdyisnan ndlaa Jesús ꞌin nchga nten chalyuu nu ngiꞌni chaꞌ nu ykwiꞌ yu bra kanꞌ. Kwiꞌ ngwañaꞌan ja tsaa tii ꞌa chaꞌ kulaa Ni ꞌin nten ꞌin chaꞌ kuxi nu ngiꞌni neꞌ.

HEBREOS 9:28

kwiꞌ ngwañaꞌan Krixtu, ska yaꞌ ti ngujwi yu lo wsi, chaꞌ ngwañaꞌan yꞌni tyii Ni kiꞌya nu ndukwi kaꞌan ꞌa nten. Loꞌo ti kan Krixtu xiyaꞌ chunꞌ ndiꞌin la; ja kan ꞌa Ni chaꞌ kuꞌni tyii Ni kiꞌya nu ndukwi nten bra kanꞌ, chaꞌ nu ngwa sꞌni mdyii yꞌni Ni tñan kanꞌ. Kan Ni chaꞌ kulaa Ni ꞌin nchga nten nu ndiꞌin ta ꞌin Ni, sa ñaꞌan bra nu kan Ni xiyaꞌ.

1 SAN JUAN 1:1

Wa lka ndiꞌin Jesús loꞌo Ndiose Sti yu bra nu mdyisnan chalyuu ti kulo; ti kwiꞌ Ni lka nu nchkwiꞌ ba chaꞌ ꞌin, seꞌen ndaꞌan ba lo kityi ti ka nu lka Jesucristo. Wa jlyo suꞌwe tiꞌ ba chaꞌ kanꞌ, chaꞌ wa naꞌan suꞌwe ba ꞌin yu loꞌo kiloo ba, chaꞌ suꞌwa mdaꞌan ba loꞌo yu; wa yuꞌwi lyo ba ꞌin yu loꞌo wa mꞌni kaꞌan yaꞌ ba ꞌin ykwiꞌ yu. Nchkwiꞌ ba loꞌo wan chaꞌ Jesucristo lka nu nda xka chalyuu kwi ꞌin nten.

SAN JUDAS 1:17

ꞌWan neꞌ taꞌa suꞌwe nsuꞌwiǐn nu ndiya ꞌa tiǎnꞌ ꞌwan, ndiꞌin chaꞌ tyaa yuꞌwi tiꞌ wan chaꞌ nu wa ykwiꞌ nten loꞌoan, ti kwiꞌ nten nu wa yꞌni xaꞌan chaꞌ ꞌin Jesucristo nu nka Xꞌnaan ti kulo.

EL APOCALIPSIS 7:10

Kwen nchkwiꞌ neꞌ kanꞌ bra kanꞌ: Kuꞌniin tnuun ꞌin Ndiose nu nka Xꞌnaan, ndukwin neꞌ ꞌin taꞌa neꞌ, kwiꞌ nu ndukwa lo yka xlya tnun, ti kwiꞌ Ni kanꞌ lka Ni ndloo ꞌñaan; kwiꞌ ngwañaꞌan nu lka ñaꞌan tiꞌ slyaꞌ kanꞌ nduun loo la Ni ꞌñaan, ndukwin neꞌ.