GÁLATAS 4:6 - Chatino Zona Alta Occidental

⁶ Kanꞌ chaꞌ nda Ndiose Tyiꞌi ykwiꞌ Ni nu kanun niꞌ kasiya ꞌñaan, chaꞌ kwaꞌu Ni ꞌñaan chaꞌ wa lkaan sñiꞌ Ni. Tyiꞌi Ndiose ngiꞌni chaꞌ ka chkwianꞌ loꞌo Ni chañi chaꞌ lka Ni: “¡Papa! ¡Stian!” nchkwian.

GÁLATAS 4:6 Iomraidhean Croise

SAN MARCOS 14:36

―Stiǐn ―ndukwin Jesús ꞌin Ndiose―, nchga lo tñan nchka ꞌiin kuꞌnii. Kanꞌ chaꞌ ni, ja taa chabiyaꞌ tyukwaǎn chaꞌ kuxi re, si kaja xka ñaꞌan nu ka kuꞌniǐn tñan re ―ndukwin Jesús ꞌin Ndiose Sti yu―. Loꞌo siꞌi sa ñaꞌan nu nchka tiǎnꞌ chaꞌ ka; nuꞌwin kuꞌnii loꞌoǔn sa ñaꞌan nu nchka tiiꞌ.

SAN LUCAS 11:13

Kanꞌ chaꞌ sikwa, si jlyo tiꞌ wan chaꞌ ta wan nan suꞌwe nu ku sñiꞌ wan, ni siya xaꞌan tiye wan, kwiꞌ ngwañaꞌan jlyo la tiꞌ Ndiose Sti wan nu ndiꞌin nde niꞌ kwan, loꞌo suꞌwe la ngiꞌni Ni. Chka tꞌnan tiꞌ Ndiose ꞌwan, ta Ni Tyiꞌi ykwiꞌ Ni nu kanun niꞌ kasiya ꞌwan bra nu jñan wan ꞌin Ni.

SAN LUCAS 11:2

Bra kanꞌ ngwaꞌu Jesús ꞌin neꞌ: ―Bra nu chkwiꞌ wan loꞌo Ndiose, nde ñaꞌan chkwiꞌ wan: Ndiose Sti ba nu ndiꞌin nde niꞌ kwan, ska ti nuꞌwin ngiꞌni tnun nten chalyuu ꞌiin. Kaan lo chalyuu re chaꞌ ka ndloo la ꞌwa. Nchka tiꞌ ba chaꞌ ka nchga chaꞌ nu nchka tiiꞌ chaꞌ ka lo chalyuu re, sa ñaꞌan nu nchka nde niꞌ kwan seꞌen ndiꞌiin.

SAN JUAN 14:16

Bra nu tyaꞌaǎn nde kwa, bra kanꞌ chkwiǐnꞌ loꞌo Stiǐn Ndiose chaꞌ ta Ni xka nu tayaꞌ ꞌwan; kanꞌ lka Tyiꞌi Ndiose nu lka suun nchga chaꞌ nu ñi. Kanun nu kanꞌ loꞌo wan sa ñaꞌan bra nu tyii chalyuu ―ndukwin―.

SAN JUAN 15:26

’Chunꞌ ndiꞌin la suꞌwaǎn nu lka Tyiꞌi Ndiose chaꞌ kan Ni lo chalyuu, Tyiꞌi Ni ykwiꞌ, nu mdoꞌo seꞌen ndiꞌin Ndiose nde niꞌ kwan ―ndukwin Jesús―. Kanꞌ lka nu kwaꞌu ꞌwan nchga chaꞌ nu ñi, kanꞌ lka nu tayaꞌ ꞌwan nchga bra chabiyaꞌ ꞌñaǎn. Bra nu kan Ni kanꞌ lo chalyuu, bra kanꞌ kwaꞌu Ni nchga chaꞌ nu ñi ꞌwan, nchga chaꞌ nu nsuꞌwi ꞌñaǎn ―ndukwin Jesús―.

SAN JUAN 16:7

Ja kuwe ꞌa tiꞌ wan. Chañi ꞌa chaꞌ nu nchkwiǐnꞌ loꞌo wan ni ―ndukwin Jesús―, chaꞌ suꞌwe la tyiꞌin wan lo chalyuu bra nu wa ndyaꞌaǎn. Ja ka kan Tyiꞌi Ndiose chaꞌ tayaꞌ Ni ꞌwan nchga tsan si ja tyaꞌaǎn, chaꞌ sa bra nu tyaꞌaǎn ni, bra kanꞌ suꞌwaǎn ꞌin Tyiꞌi Ni kanꞌ chaꞌ kan Ni seꞌen ndiꞌin wan.

SAN JUAN 3:34

Wa msuꞌwa Ndiose ꞌin Jesucristo ndijyan yu lo chalyuu, loꞌo xkwiꞌ chaꞌ ꞌin Ndiose nchkwiꞌ yu loꞌoan chabiyaꞌ ꞌin Tyiꞌi Ndiose nu nsuꞌwi ꞌin yu. Loꞌo Ndiose ni, ja tsaa tii ꞌa chaꞌ nda Ni Tyiꞌi Ni ꞌin Sñiꞌ Ni.

SAN JUAN 7:39

Ngwañaꞌan ykwiꞌ Jesús loꞌo neꞌ kwa, chaꞌ wa ta ti Ndiose Tyiꞌi Ni chaꞌ kanun niꞌ kasiya ꞌin nchga nten nu xñi chaꞌ ꞌin Ni. Ja ya ta Ndiose Tyiꞌi Ni kan lo chalyuu, chunꞌ ja ya tyaa Jesús seꞌen ndiꞌin Ndiose nu lka Sti yu.

LOS HECHOS 16:7

mdiyan neꞌ tuwiin nu tsaa nde lo yuu ꞌin Misia bra kanꞌ. Ngwa tiꞌ neꞌ chaꞌ ti tsaa la neꞌ nde lo yuu ꞌin Bitinia, loꞌo ja mda ꞌa Tyiꞌi Jesús chabiyaꞌ chaꞌ tsaa neꞌ nde kwa;

ROMANOS 5:5

Loꞌo ngwañaꞌan, siꞌi ska chaꞌ nu ndloun keen tian lka chaꞌ kanꞌ, ska chaꞌ chañi lka chaꞌ kanꞌ; kuꞌni Ni chaꞌ kanꞌ. Loꞌo ngiꞌni Ni chaꞌ ndii tianꞌ niꞌ kasiya ꞌñaan, chaꞌ suꞌwe ꞌa nka tiye Ndiose ñaꞌan Ni ꞌñaan; ngwañaꞌan ngiꞌni Ndiose bra nu nda Ni Tyiꞌi ykwiꞌ Ni ꞌñaan.

ROMANOS 8:9

ꞌWan, siꞌi ngwañaꞌan ndiꞌin wan ni; ja ndiya ꞌa tiꞌ wan chaꞌ xaꞌan nu nsuꞌwi chalyuu. Suꞌwa ndiꞌin chaꞌ ꞌwan loꞌo Ndiose ni, chaꞌ mda Ndiose Tyiꞌi ykwiꞌ Ni chaꞌ kanun niꞌ kasiya ꞌwan. Loꞌo ja ndiꞌin chaꞌ ꞌñaan loꞌo Krixtu siyaꞌ ti si ja ya kanun Tyiꞌi Ndiose niꞌ kasiya ꞌñaan, ti kwiꞌ Tyiꞌi nu mdoꞌo ꞌin Krixtu.

1 CORINTIOS 15:45

Nde ndiya xka chaꞌ nu ndukwa lo kityi ꞌin Ndiose: “Nten nu luꞌu ngwa Adán nu mdiꞌin lo chalyuu ti kulo, loꞌo Ndiose lka nu mda kasiya ꞌin yu.” Ngwañaꞌan nchkwiꞌ kityi kula. Chunꞌ ndiꞌin la msuꞌwa Ndiose xka nu yan lo chalyuu; sa ñaꞌan nu ngwa Adán nten, kwiꞌ ngwañaꞌan ngwa Jesús nten, ni siya xka lo nten nu suꞌwe la ti ngwa Jesús; nda yu xka kasiya nu suꞌwe la ꞌin nten, chaꞌ suꞌwa chaꞌ ꞌin yu loꞌo Ndiose.

2 CORINTIOS 1:22

Sa ñaꞌan lka si ykwiꞌ Ni wa mstya Ni ska biyaꞌ nu ꞌin Ni chuanꞌ, ngwañaꞌan lka chaꞌ bra nu nda Ni Tyiꞌi ykwiꞌ Ni chaꞌ nganun niꞌ kasiya ꞌñaan. Nan wa ndla la nda Ni Tyiꞌi Ni ꞌñaan, chaꞌ ka ꞌñaan ka biyaꞌ tianꞌ chaꞌ chañi kuꞌni Ni loꞌoan nchga chaꞌ nu wa ndukwin Ni chaꞌ kuꞌni Ni.

2 CORINTIOS 3:17

Seꞌen nu tka nchkwiꞌ ti kityi re chaꞌ ꞌin “Xꞌnaan”, kanꞌ nchka tiꞌ chkwiꞌ chaꞌ Tyiꞌi Ndiose lka nu kanꞌ. Kwiꞌ ngwañaꞌan, bra nu ka Tyiꞌi Ndiose Xꞌnaan, ja ka ꞌa ꞌin nten kuxi tatsaa la ꞌñaan chaꞌ kuꞌnian tñan nu kuxi bra kanꞌ.

EFESIOS 1:13

Loꞌo ti kwiꞌ ngwañaꞌan ngwa ꞌwan bra kanꞌ. Ti kulo ynan wan chaꞌ nu ñi nu ndiꞌin ꞌin Krixtu; suꞌwe ꞌa ngwa tiye wan xa nu ytsaꞌ neꞌ chaꞌ kanꞌ ꞌwan, chaꞌ wa ngulaa Ni ꞌwan ꞌin chaꞌ kuxi. Msñi wan chaꞌ ꞌin Krixtu, bra kanꞌ mda Ndiose Tyiꞌi ykwiꞌ chaꞌ kanun niꞌ kasiya ꞌwan, ñaꞌan tiꞌ si wa mjiꞌin kaꞌan Ni biyaꞌ nu ꞌin ykwiꞌ Ni chunꞌ wan chaꞌ lka wan nten ꞌin Ni; ti kwiꞌ tñan nu ndukwin Ni chaꞌ kuꞌni Ni, kwiꞌ kanꞌ yꞌni Ni bra kanꞌ.

EFESIOS 2:18

Loꞌo ni, ja nꞌni chaꞌ ni siya neꞌ judío lka ba, ni siya xka ta nten lka wan, ska ti nten lkaan loꞌo nchga taꞌaan chabiyaꞌ ꞌin Krixtu, ska ti Tyiꞌi Ndiose ngiꞌni chaꞌ xuꞌwi lyoan ꞌin Ni;

EFESIOS 4:30

Ja kuꞌni wan chaꞌ ka xiꞌin tiꞌ Tyiꞌi Ndiose; nu lka Tyiꞌi Ndiose ni, sa ñaꞌan lka si wa mstya Ndiose biyaꞌ ꞌin Ni chuanꞌ, chaꞌ lkaan nten ꞌin Ni, ngwañaꞌan ndyoꞌo chaꞌ kanꞌ. Loꞌo kanun chaꞌ kanꞌ chuanꞌ sa ñaꞌan bra nu tsaa tii chalyuu ꞌñaan, bra nu tiya tsan nu kulaa ji Ni ꞌñaan.

EFESIOS 6:18

Chkwiꞌ wan loꞌo Ndiose bra nu xuun wan loꞌo nu kuxi, jñan wan chabiyaꞌ ꞌin Ni; nchga bra tayaꞌ Tyiꞌi Ndiose ꞌwan chaꞌ ka chkwiꞌ wan loꞌo Ni. Kwiꞌ ngwañaꞌan ndiꞌin chaꞌ chkwiꞌ wan loꞌo Ni chaꞌ ꞌin nchga nten nu wa msñi chaꞌ ꞌin Ni. Kanꞌ chaꞌ sikwa, ndii ti tiꞌ wan chkwiꞌ wan loꞌo Ni, chaꞌ ja ka ndaja tiꞌ wan.

FILIPENSES 1:19

Nxkeꞌ tiǎnꞌ chaꞌ ndla ti ka suꞌwe la chaꞌ ꞌñaǎn re, chaꞌ jlyo tiǎnꞌ sa ñaꞌan njñan ꞌa wan chaꞌ ꞌin Ndiose chaꞌ tyoꞌoǔn niꞌ ñaꞌan chkwan re, chaꞌ wa lyaǎn; jlyo tiǎnꞌ chaꞌ ti kwiꞌ Tyiꞌi ykwiꞌ Jesucristo lye ꞌa nsuꞌwa yaꞌ ꞌñaǎn.

1 TESALONICENSES 4:8

Siꞌi ska chaꞌ nu nchkwiꞌ nten chalyuu ti lka chaꞌ nu nchkwiǐnꞌ loꞌo wan ni; ska chaꞌ nu ñi nu wa ykwiꞌ Ndiose loꞌoan lka chaꞌ re; kanꞌ chaꞌ si ja tukwa wan chaꞌ re, kulaa yaꞌ wan ꞌin Ndiose nu nda Tyiꞌi ykwiꞌ Ni chaꞌ kanun niꞌ kasiya ꞌñaan.

1 SAN PEDRO 1:11

Tyiꞌi Krixtu ngwaꞌu nchga chaꞌ kanꞌ ꞌin neꞌ, sa ñaꞌan nu ka ꞌin Krixtu nde loo la, sa ñaꞌan nu tiꞌí ndiꞌin chaꞌ tyijin yu lo chalyuu, sa ñaꞌan chaꞌ suꞌwe nu tlyu ꞌa ka ꞌin yu bra nu tyaa yu nde seꞌen ndiꞌin Ndiose Sti yu xiyaꞌ. Ti ngwa sꞌni kanꞌ mnaan ꞌa ayman kanꞌ, sa ñaꞌan ka biyaꞌ tiꞌ neꞌ ti ka nu ka Krixtu kanꞌ, ni tsan tiyan yu lo chalyuu.

SAN JUDAS 1:20

ꞌWan neꞌ taꞌa suꞌwe nsuꞌwiǐn, xka ñaꞌan kuꞌni wan; ndiꞌin chaꞌ tayaꞌ wan ꞌin taꞌa wan chaꞌ nchga wan ka talo wan kuꞌni wan tñan ꞌin Ndiose lo chalyuu. Ka talo wan chunꞌ wa msñi suꞌwe wan chaꞌ ꞌin Ni. Kwiꞌ ngwañaꞌan, ta Tyiꞌi Ni jwersa ꞌwan chaꞌ ka chkwiꞌ wan loꞌo Ni.

EL APOCALIPSIS 19:10

Bra kanꞌ mduǔn xtyiǐnꞌ mdyistiǐn lyuu tloo angajle kanꞌ, chaꞌ kuꞌniǐn tnuǔn ꞌin, nka tiyeěn, loꞌo ja mda chabiyaꞌ ꞌñaǎn bra kanꞌ: ―Ja kuꞌnii ngwañaꞌan loꞌoǔn ―ndukwin angajle kanꞌ ꞌñaǎn―. Ti kwiꞌ taꞌa ngiꞌniin tñan ꞌin Ndiose lkaan taꞌaan. Ti kwiꞌ taꞌaan lka nchga wan nu wa yten wan chaꞌ suꞌwe nu wa ykwiꞌ Jesús loꞌo wan. Ska ti ykwiꞌ Ndiose nsuꞌwi chabiyaꞌ ꞌwan kuꞌni tnun wan ꞌin Ni ―ndukwin angajle ꞌñaǎn. Chaꞌ suꞌwe nu ykwiꞌ Jesús loꞌo nten, kanꞌ lka ti kwiꞌ chaꞌ nu nchkwiꞌ Ndiose loꞌo nten nu nchkwiꞌ chaꞌ ꞌin Ni lo chalyuu.