GÁLATAS 4:21 - Chatino Zona Alta Occidental

²¹ ꞌWan, nu nchka tiꞌ wan sten yuꞌwi wan loꞌo lee kula kanꞌ ti, suꞌwe sikwa. ¿Ja ya kunan wan chaꞌ re, nu nchkwiꞌ sa ñaꞌan ngwa ꞌin Abraham a?

GÁLATAS 4:21 Iomraidhean Croise

SAN MARCOS 10:3

Bra kanꞌ mxkwen Jesús ꞌin neꞌ kanꞌ: ―¿Ni sa ñaꞌan tñan ngulo ayman Moisés ꞌwan nu ngwa sꞌni? ―ndukwin Jesús ꞌin neꞌ.

SAN LUCAS 16:29

Bra kanꞌ mxkwen Abraham ꞌin yu: “Wa jlyo tiꞌ neꞌ kanꞌ nchga chaꞌ nu ngwaꞌan ayman Moisés ti sꞌni; loꞌo xka la kityi ꞌin Ndiose seꞌen nu ngwaꞌan ayman nu ngwa sꞌni, ndiya kityi kanꞌ ꞌin yu taꞌaa. ¡Suꞌwe la si kunan suꞌwe neꞌ chaꞌ nu ndukwa lo kityi kanꞌ!”

SAN JUAN 10:34

Xiyaꞌ ykwiꞌ Jesús loꞌo neꞌ bra kanꞌ: ―Lo kityi seꞌen ndukwa chaꞌ kula nu ndyaa ñaꞌan ꞌa tiꞌ wan, ndiya chaꞌ re nu ykwiꞌ Ndiose: “Nchga wan lka wan ndiose”; ngwañaꞌan nchkwiꞌ kityi.

SAN JUAN 12:34

Mxkwen neꞌ ꞌin Jesús bra kanꞌ: ―Wa ynan ba chaꞌ nu ngwaꞌan neꞌ lo kityi kula ꞌñaan, chaꞌ ja tsaa tii ꞌa chalyuu ꞌin Krixtu, nten nu tnun nchka kanꞌ nu ta Ndiose chaꞌ kan lo chalyuu ―ndukwin neꞌ―. ¿Ni sa ñaꞌan ndyoꞌo chaꞌ nu tka ykwiiꞌ ti, chaꞌ ndiꞌin chaꞌ jwiꞌin kaꞌan neꞌ ꞌin Krixtu lo wsi a? ¿Ta ti kwiꞌ Krixtu nu kan lo chalyuu chaꞌ ka nten a? ¿Ni sa ñaꞌan nten lka nu lka Krixtu kanꞌ a?

SAN JUAN 15:25

Ngwañaꞌan ndiꞌin chaꞌ ka chaꞌ nu ndukwa lo kityi kula ꞌin neꞌ kanꞌ: “Liyeꞌ tiꞌ neꞌ ꞌñaǎn, ni siya ja ndiꞌin chaꞌ kuꞌni neꞌ ngwañaꞌan.” Ngwañaꞌan nchkwiꞌ lo kityi ꞌin Ndiose.

ROMANOS 3:19

Wa jlyo tianꞌ chaꞌ nchga chaꞌ kula kanꞌ, ndukwa ran chaꞌ ka kuwe tiꞌ neꞌ judío nu wa yten lo chaꞌ nu ndukwa lo kityi kanꞌ. Kwiꞌ ngwañaꞌan, ngwaꞌan ayman kula chaꞌ kanꞌ, chunꞌ nchka tiꞌ Ndiose chaꞌ ka biyaꞌ tiꞌ nchga nten ñaꞌaan chalyuu chaꞌ ja kaja ñaꞌan lyaa neꞌ ti ykwiꞌ ti neꞌ tloo Ndiose, chaꞌ ndiꞌin chaꞌ kuꞌni biyaꞌ Ni ꞌin neꞌ.

ROMANOS 6:14

Siꞌi chaꞌ xaꞌan nu nsuꞌwi chalyuu ka ndloo la ꞌwan ni. Siꞌi xkwiꞌ chaꞌ kutsen wan tyiꞌin wan lo chalyuu, sa ñaꞌan lka si ndatsaa ꞌa chaꞌ kula kanꞌ ꞌwan; ka tyiꞌin suꞌwe wan lo chalyuu, chaꞌ xkwiꞌ chaꞌ suꞌwe nu tnun ꞌa ngiꞌni Ndiose loꞌo wan.

GÁLATAS 3:10

Nchga nten nu nchka tiꞌ chaꞌ ska ti chunꞌ ndukwa ñi neꞌ nchga lee kula nu ngwaꞌan ayman Moisés ka suꞌwe neꞌ tloo Ndiose, kanun yuweꞌ chunꞌ nten kanꞌ, chaꞌ nde lka chaꞌ nu nchkwiꞌ kityi ꞌin Ndiose: “Kanun yuweꞌ chunꞌ nchga nten nu ja kuꞌni ñi nchga chaꞌ nu ndukwa lo kityi kanꞌ.”

GÁLATAS 4:9

Loꞌo ni, wa nsuꞌwi lyo wan ꞌin Ndiose; o ta suꞌwe la chkwianꞌ, wa nsuꞌwi lyo Ndiose ꞌwan. ¿Ni chaꞌ lka nchka tiꞌ wan xiꞌin chunꞌ wan ꞌin Ndiose sikwa a? Xiyaꞌ kuꞌni wan tñan nu ndatsaa ya ñaꞌan ti joꞌo nu kuxi kanꞌ ꞌwan bra kanꞌ, joꞌo nu nñan nten ti; ja suꞌwe chaꞌ kanꞌ siyaꞌ ti, ja ka kulaa joꞌo kanꞌ ꞌñaan.