GÁLATAS 4:1 - Chatino Zona Alta Occidental

¹ Nde ndiya ska chaꞌ nu nchka tiǎnꞌ chkwiǐnꞌ loꞌo wan: Ndiya ska nu xuwe ni, nu mxnun ayman sti nchga chaꞌ suꞌwe ꞌin yu bra nu ngujwi yu; nan ꞌin yu xuwe kanꞌ lka nchga nan ꞌin sti yu bra kanꞌ. Sa kanꞌ ti chaꞌ, bra nu ti ji ka kula yu, suꞌwa ñaꞌan nchka tiꞌ nu xuwe kanꞌ loꞌo ska msu nu wa msiꞌi sti yu.

GÁLATAS 4:1 Iomraidhean Croise

GÁLATAS 3:29

Bra nu xñian chaꞌ ꞌin Krixtu, kwiꞌ ngwañaꞌan lkaan nten ꞌin Abraham, ni siya kulo ndukwa la yan yu chalyuu, chunꞌ ndiꞌin la mdiyaan. Xa wa mdyii chaꞌ, bra kanꞌ kanun chaꞌ ꞌñaan, nchga chaꞌ nu wa mskanꞌ Ndiose loꞌo Abraham nu ngwa sꞌni chaꞌ kaja ꞌñaan bra kanꞌ.

GÁLATAS 4:2

Ñaꞌan bra nu wa ndukwin ayman sti yu xuwe kanꞌ ꞌin yu, xka nten ndlo tñan ꞌin yu xuwe, xka nten kuꞌni kwan ꞌin yu bra kanꞌ.

GÁLATAS 4:23

Sñiꞌ nu kunaꞌan nu nka msu kanꞌ ni, kwañaꞌan ti ngula kanꞌ, sa ñaꞌan nu ndlya nchga nu xuwe chalyuu; sñiꞌ ykwiꞌ kwilyoꞌo yu ni, ngula kanꞌ chunꞌ chaꞌ mskanꞌ Ndiose ska chaꞌ loꞌo sti yu loꞌo jyaꞌan yu sꞌni la, bra nu ndukwin Ni chaꞌ kala sñiꞌ neꞌ.

GÁLATAS 4:29

Bra nu mdiꞌin ayman Abraham kanꞌ lo chalyuu, sñiꞌ msu ꞌin yu nu ngula kwañaꞌan ti, kanꞌ ngwa nu liyeꞌ tiꞌ ꞌin Isaac, sñiꞌ kwilyoꞌo yu, ni siya ngula Isaac kanꞌ xa wa yꞌni Tyiꞌi Ndiose ska chaꞌ niꞌ kasiya ꞌin neꞌ. Kwiꞌ ngwañaꞌan lka ni, chaꞌ nxuun neꞌ kanꞌ loꞌoan, chaꞌ siꞌi sñiꞌ Ndiose lka neꞌ kanꞌ.

1 SAN JUAN 5:10

Nten nu ndyaa ñaꞌan tiꞌ ꞌin Ni chaꞌ lka Ni ska ti nu lka Sñiꞌ ykwiꞌ Ndiose, jlyo tiꞌ neꞌ niꞌ kasiya ꞌin neꞌ chaꞌ chañi ꞌa lka chaꞌ kanꞌ; nten nu ja xlyaa tukwa chaꞌ ꞌin Ni, chaꞌ Jesucristo lka Sñiꞌ ykwiꞌ Ni, kanꞌ nten lka nu ja siyaꞌ ndyaa ñaꞌan tiꞌ chaꞌ nu wa ykwiꞌ Ndiose chaꞌ ꞌin Sñiꞌ ykwiꞌ Ni. Kwiñi ꞌa Ndiose, nxkeꞌ tiꞌ neꞌ kanꞌ.