GÁLATAS 3:7 - Chatino Zona Alta Occidental

⁷ Loꞌo ngwañaꞌan, ndiꞌin chaꞌ ka biyaꞌ tiꞌ wan chaꞌ nchga nten nu xñi chaꞌ ꞌin Krixtu, chañi chaꞌ ka neꞌ kanꞌ ñaꞌan tiꞌ sñiꞌ steꞌ ayman Abraham, chunꞌ ngiꞌni neꞌ kanꞌ nchga chaꞌ sa ñaꞌan nu yꞌni ayman kanꞌ, ni siya bra ni.

GÁLATAS 3:7 Iomraidhean Croise

SAN LUCAS 19:9

―Loꞌo ni, wa ngulaa neꞌ nu ndiꞌin naꞌan re ꞌin chaꞌ kuxi nu ndiꞌin ꞌin neꞌ ―ndukwin Jesús bra kanꞌ―, chaꞌ yu re ni, taꞌa nten ꞌin ayman Abraham nu yuꞌwi ti sꞌni lka yu.

SAN LUCAS 21:31

Ti kwiꞌ ngwañaꞌan ka loꞌo nchga chaꞌ nu nchkwiǐnꞌ re, ka biyaꞌ tiꞌ wan chaꞌ wa kan ti Ndiose chaꞌ ka ndloo la bra kanꞌ.

SAN JUAN 8:39

Mxkwen neꞌ ꞌin Jesús bra kanꞌ: ―Ayman Abraham, kanꞌ ngwa ayman kula ꞌwa, nu yuꞌwi chalyuu nu ngwa sꞌni ―ndukwin neꞌ. ―Si chañi chaꞌ lka wan nten taꞌa ayman Abraham kanꞌ, kuꞌni wan ti kwiꞌ tñan nu yꞌni Abraham ―ndukwin Jesús ꞌin neꞌ kanꞌ―.

ROMANOS 4:24

ni siya loꞌo chaꞌ ꞌñaan ndukwa chaꞌ ngwañaꞌan; nchkwiꞌ Ndiose loꞌoan chaꞌ ka suꞌwe ka kasiya ꞌñaan loꞌo Ndiose si stean chaꞌ ꞌin Ni, ti kwiꞌ Ndiose nu yꞌni chaꞌ ndyuꞌu Jesús nu nka Xꞌnaan xiyaꞌ xa wa ngujwi yu.

GÁLATAS 3:9

Suꞌwe ngwa tiye Ni loꞌo Abraham nu ngwa sꞌni, chaꞌ msñi yu kula kanꞌ chaꞌ nu ykwiꞌ Ni loꞌo yu; kanꞌ chaꞌ ka jlyo tianꞌ chaꞌ suꞌwe nka tiye Ni loꞌoan, taꞌaan nu xñian chaꞌ ꞌin Krixtu.

GÁLATAS 6:16

Nchga nten nu kuꞌni ngwañaꞌan chabiyaꞌ ꞌin Jesús laja nu ndiꞌin neꞌ lo chalyuu, ka tyiꞌin tiin ti neꞌ bra kanꞌ, loꞌo ngwañaꞌan chka tꞌnan tiꞌ Ndiose ꞌin neꞌ kanꞌ bra kanꞌ; kwiꞌ ngwañaꞌan kuꞌni Ni loꞌo taꞌaan nu chañi chaꞌ lkaan nten ꞌin Ni.

HEBREOS 13:23

Loꞌo xka chaꞌ nchka tiǎnꞌ katsaǎnꞌ ꞌwan ni, chaꞌ wa ngulaa neꞌ ꞌin Timu, taꞌaan ndaꞌaan tñan, seꞌen yuꞌwi yu niꞌ ñaꞌan chkwan; bra nu tsaꞌaǎn, tsaꞌaǎn loꞌoǔn ꞌin yu bra kanꞌ, si ndla ti kala yu seꞌen ndiꞌiǐn.