GÁLATAS 3:24 - Chatino Zona Alta Occidental

²⁴ Chaꞌ kula kanꞌ ngwa ndloo ꞌñaan sa ñaꞌan si lkaan ska nu xuwe; ngwaꞌu chinꞌ chaꞌ kula kanꞌ chaꞌ nu ñi ꞌñaan laja nu ti ji kan Krixtu. Loꞌo Krixtu ni, suwi Ni kasiya ꞌñaan siyaꞌ ti chabiyaꞌ ꞌin Ndiose bra nu tsaa ñaꞌan tianꞌ ꞌin Ni.

GÁLATAS 3:24 Iomraidhean Croise

ROMANOS 10:4

Wa yan Jesús lo chalyuu ni, wa ytean chaꞌ ꞌin yu, kanꞌ chaꞌ ka suꞌwe kasiya ꞌñaan loꞌo Ndiose; loꞌo ja ndiꞌin chaꞌ lye ꞌa tukwaan chaꞌ kula nu ngwaꞌan ayman Moisés kanꞌ, chaꞌ ka suꞌwe kasiya ꞌñaan loꞌo Ndiose.

ROMANOS 9:30

Nde ñaꞌan chkwianꞌ sikwa. Wa ngwa suꞌwe kasiya ꞌin neꞌ xka laꞌa tsuꞌ loꞌo Ndiose, chunꞌ wa yten neꞌ chaꞌ ꞌin Jesús, ni siya ja lka neꞌ kanꞌ judío; nchka suꞌwe kasiya ꞌin neꞌ chunꞌ ndyaa ñaꞌan tiꞌ neꞌ chaꞌ nu ykwiꞌ Ndiose, siꞌi chaꞌ ngiꞌni ꞌa neꞌ tñan chaꞌ ka suꞌwe kasiya ꞌin neꞌ, ti ykwiꞌ ti neꞌ.

1 CORINTIOS 4:15

Ndiya kaꞌan ꞌa taꞌa ndiꞌin chaꞌ ꞌñaan loꞌo Krixtu nu ka kwaꞌu la chaꞌ kanꞌ ꞌwan, ni siya skaǎn tiǎn nu ngiꞌniǐn loꞌo wan sa ñaꞌan si lkaǎn sti wan, chaꞌ wa mdyii ytsaǎnꞌ ꞌwan nchga chaꞌ suꞌwe nu wa ykwiꞌ Jesucristo loꞌoǔn; chunꞌ chaꞌ nu wa ykwiǐnꞌ loꞌo wan, yten wan chaꞌ ꞌin Jesús.

GÁLATAS 2:16

Ni siya ngwañaꞌan, jlyo tiꞌ ba chaꞌ ja ka suꞌwe kasiya ꞌwa loꞌo Ndiose, ni siya ngiꞌni ba nchga tñan nu ngulo ayman Moisés ꞌwa chaꞌ kuꞌni ba; ska ti si tsaa ñaꞌan tiꞌ ba ꞌin tñan nu yꞌni Jesucristo chaꞌ ꞌin nchga nten chalyuu, kanꞌ nu ka suꞌwe kasiya ꞌwa bra kanꞌ. Kanꞌ chaꞌ loꞌo bare wa msñi ba chaꞌ ꞌin Jesucristo, chaꞌ ka suꞌwe kasiya ꞌwa chaꞌ ꞌin Ndiose, chunꞌ nu tsaa ñaꞌan ti tiꞌ ba ꞌin Jesús, siꞌi chunꞌ chaꞌ nu ngiꞌni ba tñan nu ngulo ayman Moisés ꞌwa. Ja tukwin ka suꞌwe kasiya ꞌin tloo Ndiose chaꞌ ndukwa yu lee nu mda ayman ꞌñaan.

GÁLATAS 2:19

Loꞌoǔn ni, ja ka kuꞌniǐn jiǐn nchga chaꞌ kula kanꞌ, kanꞌ chaꞌ wa yꞌniǐn tyiǐn chaꞌ ꞌñaǎn loꞌo chaꞌ kula kanꞌ; loꞌo ni, xkwiꞌ ndiꞌiǐn lo chalyuu chaꞌ kuꞌniǐn nchga tñan nu kulo Ndiose ꞌñaǎn.

GÁLATAS 3:25

Loꞌo ni, ka tsaa ñaꞌan suꞌwe tianꞌ ꞌin Ndiose chunꞌ tñan nu yꞌni Jesucristo, loꞌo siꞌi chaꞌ kula nu nka ndloo la ꞌñaan ni.

COLOSENSES 2:17

Sꞌni la xkwiꞌ taꞌa kanꞌ ngiꞌni nten lo chalyuu, chaꞌ ka biyaꞌ tiꞌ neꞌ nchga chaꞌ nu ngwa tiꞌ Ndiose chkwiꞌ loꞌo neꞌ nu ngwa bra kanꞌ; loꞌo ni, wa yan ykwiꞌ Krixtu lo chalyuu, kanꞌ chaꞌ ja ndiꞌin chaꞌ tukwaan chaꞌ kula kanꞌ. Wa naꞌaan ꞌin Krixtu, kanꞌ lka nu chañi ka.