GÁLATAS 3:21 - Chatino Zona Alta Occidental

²¹ Suꞌwe si kunaan chaꞌ nchkwiꞌ kityi kula sikwa. Ti kwiꞌ ti chaꞌ, nꞌni ꞌa chaꞌ tsaa ñaꞌan tianꞌ nchga chaꞌ nu mskanꞌ Ndiose loꞌo nten. Kwiꞌ ngwañaꞌan, ni siya tukwaan nchga chaꞌ kula kanꞌ, siꞌi ngwañaꞌan ka kaja chalyuu kwi nu ta Ndiose ꞌñaan; ja ka suꞌwe kasiya ꞌñaan tloo Ndiose chunꞌ ngiꞌniin tian nchga tñan nu ndukwa lo kityi kula kanꞌ; ja ka ꞌñaan siyaꞌ ti.

GÁLATAS 3:21 Iomraidhean Croise

SAN LUCAS 20:16

Kan ykwiꞌ xꞌnan tñan chaꞌ kujwi ꞌin neꞌ kuxi kanꞌ, bra kanꞌ ta tñan kanꞌ ꞌin xka ta nten chaꞌ kuꞌni neꞌ tñan loꞌo ran. Bra wa ynan neꞌ chaꞌ kanꞌ, bra kanꞌ ndukwin neꞌ: ―¡Ja kuꞌni Ndiose ngwañaꞌan!

ROMANOS 3:31

Suꞌwe sikwa. Wa ndyaa ñaꞌan tianꞌ tñan nu yꞌni Jesús, sa kanꞌ ti chaꞌ ka kuꞌnian chaꞌ katin nchga kiꞌya nu ndukwian. Ja ndiꞌin chaꞌ tsaa tii chaꞌ nu ndukwa lo kityi kula nu ngwa sꞌni; suꞌwe la kunaan chaꞌ kula kanꞌ ni, xa wa ytean chaꞌ ꞌin Jesús.

ROMANOS 3:4

¡Ja nchka tiꞌ Ni kuꞌni Ni ngwañaꞌan! Xkwiꞌ ñi ꞌa ngiꞌni Ndiose loꞌo nten ꞌin Ni, ni siya kwiñi ꞌa ngiꞌni nchga nten chalyuu. Nde ndukwa ska chaꞌ ꞌin Ndiose nu nchkwiꞌ: Bra nu chkwiiꞌ, bra kanꞌ ka biyaꞌ tiꞌ neꞌ chaꞌ ñi ꞌa ngiꞌnii; bra nu ka biyaꞌ ꞌiin tloo neꞌ nu nka tñan, ka kuloo luwi ꞌiin bra kanꞌ.

ROMANOS 3:6

Ñi ꞌa ngiꞌni Ndiose. Ja ta Ndiose nu tiꞌí ꞌin nten chalyuu siꞌya kiꞌya nu ndukwi neꞌ, si ja ñi ngiꞌni biyaꞌ Ni ꞌin nchga nten.

ROMANOS 9:31

Nten nu yan lo chalyuu chunꞌ ndiꞌin la ꞌin ayman Israel, ja mjwi ñaꞌan nu ka suꞌwe kasiya ꞌin neꞌ loꞌo Ndiose; wa ynan neꞌ chaꞌ nu ykwiꞌ Ni loꞌo neꞌ nu ngwa sꞌni, loꞌo ja ndukwa neꞌ nchga chaꞌ kanꞌ.

2 CORINTIOS 3:7

Tñan ꞌin Ndiose nu ngulo Moisés ꞌin nten sꞌni ni, chunꞌ kee kwajaꞌ mdukwa chaꞌ kanꞌ; ngwaꞌan Ni letra chunꞌ kee kwajaꞌ kanꞌ, chaꞌ chkwiꞌ nten lo chaꞌ kanꞌ. Laa ꞌa mdijin xaa ꞌin Ndiose nu ngwa sꞌni kanꞌ, bra nu tka mda ti Ni chaꞌ kula kanꞌ; luwi ꞌa xaa ñaꞌaan tloo yu kula Moisés, loꞌo ja mdalo taꞌa neꞌ Israel ñaꞌan kwiꞌya neꞌ tloo yu kula kanꞌ. Bra ti mdijin chaꞌ kanꞌ, sa ndijin ti yuꞌwi xaa kanꞌ tloo yu bra kanꞌ. Loꞌo xaa luwi kanꞌ mdiyan chaꞌ kula kanꞌ sikwa, ni siya ndyiji nten chalyuu siꞌya yuweꞌ nu ndiꞌin ꞌin neꞌ chunꞌ tñan nu ndlo chaꞌ kula kanꞌ;

GÁLATAS 2:17

Suꞌwe sikwa. Ni siya neꞌ judío lka ba, wa jlyo tiꞌ ba chaꞌ chunꞌ tñan nu wa yꞌni Krixtu chaꞌ ꞌñaan, kanꞌ chaꞌ ka luwi kasiya ꞌwa chaꞌ ꞌin Ndiose. Ti kwiꞌ ti chaꞌ, jlyo tiꞌ ba chaꞌ loꞌo ykwiꞌ ba loꞌo nchga neꞌ judío taꞌa ba ndukwi ba kiꞌya, kwiꞌ sa ñaꞌan nu ndukwin ba chaꞌ ndukwi neꞌ xka laꞌa tsuꞌ kiꞌya. ¡Loꞌo siꞌi Krixtu nu yꞌni chaꞌ lka ba nten nu kuxi ngiꞌni!

GÁLATAS 2:19

Loꞌoǔn ni, ja ka kuꞌniǐn jiǐn nchga chaꞌ kula kanꞌ, kanꞌ chaꞌ wa yꞌniǐn tyiǐn chaꞌ ꞌñaǎn loꞌo chaꞌ kula kanꞌ; loꞌo ni, xkwiꞌ ndiꞌiǐn lo chalyuu chaꞌ kuꞌniǐn nchga tñan nu kulo Ndiose ꞌñaǎn.

GÁLATAS 2:21

Siꞌi nan ja nduwe tiǎnꞌ ꞌin nchga chaꞌ suꞌwe nu yꞌni Ndiose loꞌo neꞌ judío taꞌa ba; ska ti chaꞌ nduwe ꞌa tiǎnꞌ chaꞌ ja ka suꞌwe kasiya ꞌñaan tloo Ndiose, ni siya suꞌwe ꞌa ndukwaan nchga tñan nu ndlo lee kula kanꞌ ꞌñaan. Nduwe ꞌa tiǎnꞌ chaꞌ ja ngujwi Jesús chaꞌ ꞌin ti; ndiya tñan nu yꞌni yu bra nu ngujwi yu lo wsi kanꞌ; nan wa yꞌni xuꞌwe yu kasiya ꞌñaan chaꞌ ꞌin Ndiose bra kanꞌ.

GÁLATAS 6:14

Naꞌ ni, ska ti chaꞌ suꞌwe nsuꞌwi chalyuu, nxkeꞌ tiǎnꞌ, chaꞌ nu ngujwi Jesucristo nu nka Xꞌnaan lo wsi chaꞌ ꞌñaan; kanꞌ chaꞌ ja nchka ꞌa tiǎnꞌ chkwiǐnꞌ xka chaꞌ loꞌo nten. Loꞌo ngwañaꞌan, chunꞌ nu wa ngujwi Krixtu, ja ka ꞌa tatsaa nu xaꞌan nu nsuꞌwi chalyuu ꞌñaǎn, chaꞌ ja ndiꞌin ꞌa chaꞌ ꞌñaǎn loꞌo chaꞌ kuxi nu nsuꞌwi chalyuu ni.

HEBREOS 11:7

Yaa ñaꞌan tiꞌ ayman Noé ꞌin Ndiose, kanꞌ chaꞌ ynan yu chaꞌ nu ykwiꞌ Ni loꞌo yu, bra nu ykwiꞌ Ni sa ñaꞌan ka chaꞌ kuxi nu wa ndijyan ti lo chalyuu, ni siya ja mgii ꞌa tiꞌ Noé sa ñaꞌan ka chaꞌ kanꞌ. Msñi yu chaꞌ ꞌin Ndiose, loꞌo ngwiñan yu ska yka naꞌan seꞌen tyiꞌin yu loꞌo nchga taꞌa ndiꞌin yu bra kanꞌ; ngwañaꞌan ngwa chaꞌ wa lka ti neꞌ kanꞌ mdoꞌo laa neꞌ ꞌin tyoo tlya kanꞌ bra kanꞌ. Jlyo tianꞌ ni, chaꞌ kuxi ꞌa ngwa chalyuu kula kanꞌ; ska ti Noé yaa ñaꞌan tiꞌ yu chaꞌ nu ykwiꞌ Ndiose loꞌo yu, kanꞌ chaꞌ yꞌni Ni chaꞌ suꞌwe ꞌa nganun kasiya ꞌin yu bra kanꞌ.

HEBREOS 7:18

Kanꞌ chaꞌ wa ngulo ntan Ndiose ꞌin nchga chaꞌ kula nu lye ꞌa ndatsaa ꞌñaan, chunꞌ ja nnanjoꞌo ꞌa chaꞌ kula kanꞌ ꞌñaan ni; ja ka tyii kiꞌya nu ndiꞌin ꞌñaan loꞌo Ndiose ngwañaꞌan.

HEBREOS 7:19

Ti ji ꞌa ka suꞌwe kasiya ꞌñaan chaꞌ ꞌin Ndiose, ni siya wa yꞌnian nchga tñan nu ngulo ayman Moisés ꞌin neꞌ taꞌaan nu ngwa bra kanꞌ, chunꞌ ja ngwa kulaa chaꞌ kula kanꞌ ꞌñaan ꞌin chaꞌ kuxi. Loꞌo ni, ka tsaa ñaꞌan suꞌwe tianꞌ ꞌin Ndiose chaꞌ kwiꞌ seꞌen ti ndiya Ndiose ꞌñaan ni chunꞌ Jesús; suꞌwe la siyaꞌ ti chaꞌ nu yan loꞌo Jesús chaꞌ chkwiꞌ loꞌoan.