GÁLATAS 3:12 - Chatino Zona Alta Occidental

¹² Loꞌo ja suꞌwe ꞌa lee kula kanꞌ ni, chunꞌ nu ndiya ska chaꞌ nu nchkwiꞌ lee kula kanꞌ: “Ska ti si kuꞌnian ñian nchga tñan nu kulo Ndiose ꞌñaan siyaꞌ ti, ka tyiꞌiin suꞌwean lo chalyuu bra kanꞌ” ndukwin kityi kanꞌ. Loꞌo ja nchka ꞌñaan kuꞌnian ñian tñan kanꞌ.

GÁLATAS 3:12 Iomraidhean Croise

SAN MATEO 19:17

Ykwiꞌ Jesús loꞌo yu bra kanꞌ: ―¿Ni chaꞌ nchkwiiꞌ chaꞌ suꞌwe ꞌa ngiꞌniǐn? ―ndukwin Jesús ꞌin yu kanꞌ―. Ska ti Ndiose nu chañi chaꞌ suꞌwe ꞌa ngiꞌni. Kunaan nchga tñan nu ngulo Ndiose ꞌin nten, si nchka tiiꞌ kaja chalyuu nu ja tsaa tii ꞌa ꞌiin.

ROMANOS 11:6

Chunꞌ nu nchka tꞌnan ꞌa tiꞌ Ndiose ꞌñaan, kanꞌ chaꞌ suꞌwe ꞌa ngiꞌni Ni loꞌoan. Ja lyaan ꞌaan ꞌin nu xaꞌan chunꞌ tñan nu kuꞌnian, ti ykwiinꞌ tian; ja ka chkwianꞌ chaꞌ Ndiose ngulaa ꞌñaan si wa lka ngulaan ꞌñaan, ti ykwiinꞌ tian, nxkeꞌ tianꞌ.

ROMANOS 4:14

Ja nchka tiꞌ Ndiose chaꞌ sa kwa ti nten kaja chalyuu kwi ꞌin neꞌ, nten nu kunan nchga chaꞌ nu ngwaꞌu ayman kula ꞌin neꞌ; nchka tiꞌ Ni chaꞌ sten nchga nten chalyuu chaꞌ ꞌin Jesús, chaꞌ ngwañaꞌan ti ka ska ti chaꞌ ꞌin neꞌ loꞌo Ndiose bra kanꞌ. Kanꞌ lka chaꞌ nu ndloo la ꞌñaan.

ROMANOS 4:16

Mskanꞌ Ndiose chaꞌ loꞌo ayman Abraham chunꞌ nu msñi yu chaꞌ nu ykwiꞌ Ni, chaꞌ ka biyaꞌ tiꞌ nchga nten taꞌaan chaꞌ xkwiꞌ suꞌwe ꞌa nsuꞌwi tiye Ni ꞌñaan; kanꞌ chaꞌ ykwiꞌ Ni chaꞌ kanꞌ loꞌoan. Nganun chaꞌ kanꞌ chaꞌ ꞌin nchga nten ꞌin Abraham nu kan lo chalyuu nde loo la. Siꞌi sa kwa ti nten nu kunan chaꞌ kula kanꞌ, kanun chaꞌ suꞌwe kanꞌ ꞌin neꞌ; kwiꞌ ngwañaꞌan, kanun chaꞌ suꞌwe kanꞌ ꞌin nchga nten taꞌaan nu xñian chaꞌ ꞌin Ndiose sa ñaꞌan msñi yu kula Abraham chaꞌ ꞌin Ni, ngwañaꞌan ndyoꞌo chaꞌ bra nu nchkwianꞌ chaꞌ sti nchga neꞌ taꞌaan ngwa ayman Abraham kanꞌ, chabiyaꞌ ꞌin Ndiose.

ROMANOS 7:10

Ngwa tiꞌ Ndiose chaꞌ kaja chalyuu ꞌñaǎn, chaꞌ tukwaǎn nchga tñan nu ngulo Ni ꞌñaǎn ti kulo. Loꞌo siꞌi ngwañaꞌan ngwa ꞌñaǎn, wa kanaꞌ ti chalyuu ꞌñaǎn bra kanꞌ, chunꞌ mgii tiǎnꞌ chaꞌ kaꞌan ꞌa kiꞌya mdiꞌin ꞌñaǎn bra kanꞌ.