GÁLATAS 3:1 - Chatino Zona Alta Occidental1 ¡Tiji ꞌa tloo wan, ꞌwan neꞌ galacia!, chaꞌ nu nnan wan chaꞌ nu nchkwiꞌ neꞌ kwiñi kanꞌ; wa lka wan ñaꞌan tiꞌ si ndiya nu wa yꞌni chaꞌ taꞌá ꞌwan. Kanꞌ chaꞌ ni, ja nchka tiꞌ wan xñi la wan chaꞌ nu ñi nu wa ykwiꞌ Krixtu loꞌoan. Bra nu ykwiꞌ ba chaꞌ ꞌin Krixtu loꞌo wan ti kulo, bra kanꞌ ngwaꞌu ꞌa ba ꞌwan sa ñaꞌan ngwa la nu ngujwi Jesucristo lo wsi siꞌyaan; ngwañaꞌan ngwaꞌu ba ꞌwan sa ñaꞌan yaꞌ nu ngwa biyaꞌ suꞌwe tiꞌ wan chaꞌ kanꞌ. Faic an caibideil |
GÁLATAS 3:1
38 Iomraidhean Croise
Suꞌwe ꞌa nka tiyeěn chaꞌ tyukwi ti tiye wan ngiꞌni wan tñan ꞌin Ndiose, ti kwiꞌ ti chaꞌ nu ngwaꞌu neꞌ taꞌa ba ꞌwan, naꞌ Palyu ndukwiǐn chaꞌ re. Chaꞌ xaꞌan kanꞌ, kanꞌ nu ngwa ndloo la ꞌwan nu ngwa sꞌni; loꞌo wa ngulaa wan ꞌin chaꞌ xaꞌan kanꞌ ni, kanꞌ mdyisnan wan ngiꞌni wan tñan chaꞌ kaja xka chalyuu ꞌwan, ska chalyuu nu ka luwi kasiya ꞌwan, chaꞌ Ndiose nka ndloo la ꞌwan ni.
Ndiꞌin chaꞌ tyijiin lyoan ꞌin nchga chaꞌ kwiñi nu nchkwiꞌ nten chaꞌ ꞌin Krixtu; kwiꞌ ngwañaꞌan, ndiꞌin chaꞌ tyijiin lyoan ꞌin nchga chaꞌ kuxi nu ndiya ꞌa tiꞌ nten, nu ndatsaa ꞌa ꞌin neꞌ chaꞌ ja xñi neꞌ chaꞌ ꞌin Ndiose. Bra nu wa ngulaa yaꞌ neꞌ ꞌin nchga chaꞌ kuxi kanꞌ, bra kanꞌ ka kuꞌnian chaꞌ tukwa neꞌ nchga chaꞌ nu nchkwiꞌ Krixtu.
nduwe ꞌa tiǎnꞌ si wa ñuꞌun ti kasiya ꞌwan. Ti ngwa sꞌni ni, wa mñi lyoꞌo kunan ꞌin Eva, chaꞌ nchka ꞌa nchkwiꞌ kuneꞌ xaꞌan kanꞌ. Loꞌo ja nchka tiǎnꞌ chaꞌ ñuꞌun chaꞌ ꞌwan loꞌo Krixtu ngwañaꞌan, ja nchka tiǎnꞌ chaꞌ kwiñi lyoꞌo kuneꞌ xaꞌan ꞌwan chunꞌ chaꞌ nu nchkwiꞌ xka ta nten nu kwiñi; suꞌwe ꞌa si tyukwi ti tiye wan msñi wan chaꞌ ꞌin Krixtu.
Bra kanꞌ bra nu ngwa biyaꞌ tiǎnꞌ chaꞌ nu ja ngiꞌni neꞌ sa ñaꞌan nka chaꞌ suꞌwe nu ngwaꞌu Krixtu ꞌñaan, bra kanꞌ ykwiǐnꞌ loꞌo Tyu tloo nchga nten nu wa msñi chaꞌ ꞌin Krixtu kichen kanꞌ. Ngwañaꞌan niǐn ꞌin Tyu bra kanꞌ: “Nuꞌwin lka yu judío” niǐn ꞌin yu bra kanꞌ. “Ti bra nu ngalaa nde re, wa yꞌnii sa ñaꞌan nu ngiꞌni neꞌ xka laꞌa tsuꞌ re, chaꞌ taꞌaan lkaan nten ꞌin Krixtu; ja yꞌnii sa ñaꞌan nu ngiꞌni neꞌ judío taꞌa kichen tyian. Kanꞌ chaꞌ ni, ja suꞌwe tatsaa nuꞌwin ꞌin neꞌ xka laꞌa tsuꞌ re, chaꞌ kuꞌni neꞌ sa ñaꞌan nu ngiꞌni neꞌ judío.” Ngwañaꞌan ykwiǐnꞌ loꞌo yu.
¿Ni chaꞌ lka ngwa kwi kasiya ꞌwan ni a? Chunꞌ tñan nu ngiꞌni Tyiꞌi Ndiose niꞌ kasiya ꞌwan, kanꞌ chaꞌ tka mdyisnan ti wan ndiꞌin chaꞌ ꞌwan loꞌo Ndiose nu ngwa xkanꞌ; loꞌo ni, chaꞌ nu lye ꞌa ngiꞌni wan tñan ti ykwiꞌ ti wan, ¿ta ngwañaꞌan xkeꞌ tiꞌ wan chaꞌ ka ꞌwan ti ykwiꞌ wan tyiꞌin suꞌwe chaꞌ ꞌwan loꞌo Ndiose a?
Loꞌo ni, wa nsuꞌwi lyo wan ꞌin Ndiose; o ta suꞌwe la chkwianꞌ, wa nsuꞌwi lyo Ndiose ꞌwan. ¿Ni chaꞌ lka nchka tiꞌ wan xiꞌin chunꞌ wan ꞌin Ndiose sikwa a? Xiyaꞌ kuꞌni wan tñan nu ndatsaa ya ñaꞌan ti joꞌo nu kuxi kanꞌ ꞌwan bra kanꞌ, joꞌo nu nñan nten ti; ja suꞌwe chaꞌ kanꞌ siyaꞌ ti, ja ka kulaa joꞌo kanꞌ ꞌñaan.
ꞌWan neꞌ taꞌaan, jlyo tiꞌ wan chaꞌ ja kasinꞌ tiꞌ neꞌ judío ꞌñaǎn si kuloǔn tñan ꞌin nchga nten nu ndyaa ñaꞌan tiꞌ ꞌin Krixtu chaꞌ lkwan neꞌ sa ñaꞌan nu ngiꞌni neꞌ judío kanꞌ; loꞌo ni, ti tiꞌí tiꞌ neꞌ kanꞌ ꞌñaǎn, chunꞌ ja xlyaǎn kuloǔn tñan kanꞌ ꞌwan, chaꞌ ska ti chaꞌ nchkwiǐnꞌ loꞌo wan sa ñaꞌan nchka chaꞌ, chaꞌ ngujwi Jesús lo wsi bra kanꞌ.
ni siya ja suꞌweěn siyaꞌ ti. Suꞌwe la ya ñaꞌan ti nten nu msñi chaꞌ ꞌin Ndiose ti kulo la, nxkeꞌ tiǎnꞌ, loꞌo nda Ni chabiyaꞌ ꞌñaǎn chaꞌ tsaꞌaǎn seꞌen ndiꞌin nten nu ndiꞌin xka laꞌa tsuꞌ. Suꞌwe ꞌa tñan nda Ni ꞌñaǎn, chaꞌ katsaǎnꞌ chaꞌ suꞌwe kanꞌ ꞌin nten, ni siya ti ji ꞌa ka jlyo suꞌwe tiǎnꞌ nchga chaꞌ suꞌwe nu ngiꞌni Krixtu loꞌo nten.
Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.
Nduꞌu neꞌ kanꞌ xka chaꞌ, chaꞌ ja ska chaꞌ jlyo tiꞌ neꞌ, chaꞌ siyeꞌ ꞌa neꞌ. Ja suꞌwe tiye neꞌ kanꞌ, chaꞌ xkwiꞌ ndiya la tiꞌ neꞌ xuun neꞌ siꞌya ska chaꞌ nu nchkwiꞌ ti neꞌ; ja suꞌwe tñan nu ngiꞌni neꞌ kanꞌ, chaꞌ tiꞌí ꞌa tiꞌ neꞌ ꞌin taꞌa nten neꞌ, kwiꞌ ngwañaꞌan nxuun neꞌ kanꞌ bra kanꞌ. Xkwiꞌ kwentu nchkwiꞌ neꞌ ꞌin taꞌa neꞌ, chaꞌ ꞌin ti neꞌ nxtya neꞌ kiꞌya ꞌin taꞌa neꞌ bra kanꞌ.
Wa ndiya bra chaꞌ tyisnan Ndiose kuꞌni biyaꞌ Ni ꞌin nchga nten; kulo tyisnan Ni loꞌo nten nu ndiꞌin chaꞌ ꞌin loꞌo Ni; kanꞌ chaꞌ si tyijian chinꞌ nu tiꞌí ni, bra nu tka mdyisnan ti nchka biyaꞌ ꞌin nten, kanꞌ ka biyaꞌ tianꞌ chaꞌ tnun la chaꞌ ka bra nu ta Ni nu tiꞌí ꞌin nten kuxi chunꞌ ndiꞌin la. Bra kanꞌ ta Ni nu tiꞌí ꞌin nten nu ja xlyaa tukwa chaꞌ suꞌwe ꞌin Ndiose.
Jlyo ꞌa tiꞌ neꞌ kwiñi kanꞌ chaꞌ chkwiꞌ loꞌo nten sa ñaꞌan ka kwiñi lyoꞌo neꞌ kanꞌ ꞌin nten nu tka msñi ti chaꞌ suꞌwe ꞌin Jesucristo. Nchka ꞌa tiꞌ neꞌ kwiñi kanꞌ chaꞌ loꞌo nten kanꞌ kuꞌni chaꞌ chen ñaꞌan. Sa ñaꞌan yꞌni neꞌ chaꞌ kuxi ti kulo, bra nu ja ya kunan neꞌ chaꞌ suꞌwe ꞌin Ndiose, kwiꞌ ngwañaꞌan nchka tiꞌ neꞌ kwiñi kanꞌ kuꞌni neꞌ xiyaꞌ.
Ti sꞌni ngwaꞌu neꞌ kichen kanꞌ ꞌin nchga nten chalyuu chaꞌ kuꞌni neꞌ chaꞌ xaꞌan, chaꞌ kuꞌni tnun neꞌ ꞌin xka ta joꞌo bra kanꞌ; lye ꞌa ndatsaa neꞌ kanꞌ ꞌin nten, chaꞌ loꞌo neꞌ kuꞌni neꞌ chaꞌ kuxi loꞌo taꞌa nten neꞌ bra kanꞌ. Chen ꞌa ñaꞌan ngiꞌni nchga nu nka ndloo chalyuu xa nu ndaꞌan neꞌ kichen kanꞌ bra kanꞌ. Loꞌo ja ya tyii chaꞌ kuxi nu ngiꞌni neꞌ kichen kanꞌ, kanꞌ chaꞌ lye ꞌa ngiꞌni nu kuliyaꞌ chalyuu kanan loꞌo chaꞌ kuxi kanꞌ bra kanꞌ.
“Ni siya ngwañaꞌan ti ndiya kiꞌya nu xtyaǎn ꞌwan” ndukwin Jesús, “chaꞌ nda wan chabiyaꞌ ꞌin nu kunaꞌan Jezabel kwa chaꞌ kwiñi lyoꞌo ꞌin taꞌa nten wan. Nchkwiꞌ nu kunaꞌan kwa chaꞌ chabiyaꞌ ꞌin Ndiose nchkwiꞌ, loꞌo ndatsaa ꞌa ꞌin nten nu ndiꞌin chaꞌ ꞌñaǎn; ndatsaa ꞌin neꞌ chaꞌ kuꞌni neꞌ chaꞌ chen ñaꞌan loꞌo xka kunaꞌan nu ja lka kwilyoꞌo neꞌ, loꞌo nduꞌu ꞌin neꞌ chaꞌ ku neꞌ lomstan nu ndukwa tloo nkwin joꞌo ꞌin neꞌ” ndukwin Ni.
Sanasan