GÁLATAS 2:17 - Chatino Zona Alta Occidental

¹⁷ Suꞌwe sikwa. Ni siya neꞌ judío lka ba, wa jlyo tiꞌ ba chaꞌ chunꞌ tñan nu wa yꞌni Krixtu chaꞌ ꞌñaan, kanꞌ chaꞌ ka luwi kasiya ꞌwa chaꞌ ꞌin Ndiose. Ti kwiꞌ ti chaꞌ, jlyo tiꞌ ba chaꞌ loꞌo ykwiꞌ ba loꞌo nchga neꞌ judío taꞌa ba ndukwi ba kiꞌya, kwiꞌ sa ñaꞌan nu ndukwin ba chaꞌ ndukwi neꞌ xka laꞌa tsuꞌ kiꞌya. ¡Loꞌo siꞌi Krixtu nu yꞌni chaꞌ lka ba nten nu kuxi ngiꞌni!

GÁLATAS 2:17 Iomraidhean Croise

SAN MATEO 1:21

Bra nu kala sñiꞌ nu kunaꞌan kanꞌ, kuwiꞌ kiꞌyu kala ꞌin. Loꞌo xa nu tyijin nin kuwiꞌ kanꞌ, bra kanꞌ ka naan kuwiꞌ Jesús. Loꞌo Jesús ni, kanꞌ lka nu kulaa ꞌin nten chalyuu nu ndiꞌin chaꞌ ꞌin loꞌo Ndiose, chaꞌ ka katin kiꞌya nu ndukwi neꞌ kanꞌ.

SAN LUCAS 20:16

Kan ykwiꞌ xꞌnan tñan chaꞌ kujwi ꞌin neꞌ kuxi kanꞌ, bra kanꞌ ta tñan kanꞌ ꞌin xka ta nten chaꞌ kuꞌni neꞌ tñan loꞌo ran. Bra wa ynan neꞌ chaꞌ kanꞌ, bra kanꞌ ndukwin neꞌ: ―¡Ja kuꞌni Ndiose ngwañaꞌan!

ROMANOS 11:7

Ngwañaꞌan ngwa bra kanꞌ. Ja ngwa ꞌin neꞌ Israel kuꞌni neꞌ chaꞌ ka suꞌwe kasiya ꞌin neꞌ loꞌo Ndiose, sa ñaꞌan nu ngwa tiꞌ neꞌ chaꞌ kuꞌni neꞌ. Ska ta ti nten nu ngulo suwi Ndiose ꞌin, mjwi ñaꞌan ka suꞌwe kasiya ꞌin neꞌ; xka la taꞌa neꞌ Israel kanꞌ, ska yaꞌ ti nchkunꞌ tunskan neꞌ.

ROMANOS 15:8

Wa yan Krixtu chaꞌ kulaa yu ꞌin neꞌ judío, ti kwiꞌ ti chaꞌ nu ykwiꞌ Ndiose sꞌni loꞌo ayman kula ꞌwa chaꞌ ka; ngwañaꞌan ka biyaꞌ tianꞌ chaꞌ ñi ꞌa chaꞌ nu ykwiꞌ Ni loꞌo ayman kula kanꞌ.

ROMANOS 3:4

¡Ja nchka tiꞌ Ni kuꞌni Ni ngwañaꞌan! Xkwiꞌ ñi ꞌa ngiꞌni Ndiose loꞌo nten ꞌin Ni, ni siya kwiñi ꞌa ngiꞌni nchga nten chalyuu. Nde ndukwa ska chaꞌ ꞌin Ndiose nu nchkwiꞌ: Bra nu chkwiiꞌ, bra kanꞌ ka biyaꞌ tiꞌ neꞌ chaꞌ ñi ꞌa ngiꞌnii; bra nu ka biyaꞌ ꞌiin tloo neꞌ nu nka tñan, ka kuloo luwi ꞌiin bra kanꞌ.

ROMANOS 3:6

Ñi ꞌa ngiꞌni Ndiose. Ja ta Ndiose nu tiꞌí ꞌin nten chalyuu siꞌya kiꞌya nu ndukwi neꞌ, si ja ñi ngiꞌni biyaꞌ Ni ꞌin nchga nten.

GÁLATAS 2:11

Bra kanꞌ mdiyan Tyu nde kichen Antioquía bra nu mdiꞌiǐn kichen kanꞌ bra kanꞌ. Chunꞌ ndiꞌin la yiꞌaǎn seꞌen ndiꞌin yu, yꞌniǐn tláǎn ꞌin yu chunꞌ nu wa mdiya ska chaꞌ kuxi nu ngiꞌni yu.

GÁLATAS 2:15

Bare ni, neꞌ judío lka ba ti xa nu ngula ba chalyuu, kwiꞌ ndukwa ba nchga chaꞌ nu nchkwiꞌ Ndiose loꞌo ba; ja ngiꞌni ba ya ñaꞌan ti chaꞌ kuxi sa ñaꞌan nu ngiꞌni neꞌ xka laꞌa tsuꞌ.

GÁLATAS 3:21

Suꞌwe si kunaan chaꞌ nchkwiꞌ kityi kula sikwa. Ti kwiꞌ ti chaꞌ, nꞌni ꞌa chaꞌ tsaa ñaꞌan tianꞌ nchga chaꞌ nu mskanꞌ Ndiose loꞌo nten. Kwiꞌ ngwañaꞌan, ni siya tukwaan nchga chaꞌ kula kanꞌ, siꞌi ngwañaꞌan ka kaja chalyuu kwi nu ta Ndiose ꞌñaan; ja ka suꞌwe kasiya ꞌñaan tloo Ndiose chunꞌ ngiꞌniin tian nchga tñan nu ndukwa lo kityi kula kanꞌ; ja ka ꞌñaan siyaꞌ ti.

GÁLATAS 6:14

Naꞌ ni, ska ti chaꞌ suꞌwe nsuꞌwi chalyuu, nxkeꞌ tiǎnꞌ, chaꞌ nu ngujwi Jesucristo nu nka Xꞌnaan lo wsi chaꞌ ꞌñaan; kanꞌ chaꞌ ja nchka ꞌa tiǎnꞌ chkwiǐnꞌ xka chaꞌ loꞌo nten. Loꞌo ngwañaꞌan, chunꞌ nu wa ngujwi Krixtu, ja ka ꞌa tatsaa nu xaꞌan nu nsuꞌwi chalyuu ꞌñaǎn, chaꞌ ja ndiꞌin ꞌa chaꞌ ꞌñaǎn loꞌo chaꞌ kuxi nu nsuꞌwi chalyuu ni.

HEBREOS 8:2

Kti ꞌa seꞌen lka, kwiꞌ Ndiose ngwiñan seꞌen nu ngiꞌni Jesús tñan ni; siꞌi nten chalyuu nu ngwiñan ꞌin ran, chaꞌ lka ran sa ñaꞌan nu ngwa tiꞌ Ndiose chaꞌ ka ran.

1 SAN JUAN 3:5

Wa jlyo tiꞌ wan chaꞌ wa yan Jesucristo lo chalyuu chaꞌ kuꞌni tyii Ni kiꞌya nu ndukwi nten; loꞌo Krixtu ni, ja mdiꞌin kiꞌya ꞌin yu siyaꞌ ti.