FILEMÓN 1:22 - Chatino Zona Alta Occidental

²² Loꞌo xka chaꞌ ni, wa ynan Ndiose chaꞌ taꞌa ti njñan wan ska chaꞌ ꞌñaǎn ꞌin Ni, kanꞌ chaꞌ suꞌwe si kuꞌni xuꞌwe wan ska seꞌen tyiꞌiǐn; nxkeꞌ tiǎnꞌ chaꞌ xuꞌwe ti tyoꞌoǔn niꞌ ñaꞌan chkwan re, tyaǎn seꞌen ndiꞌin wan bra kanꞌ.

FILEMÓN 1:22 Iomraidhean Croise

LOS HECHOS 27:24

ykwiꞌ ni loꞌoǔn: “Ja kutseen, Palyu” ndukwin angajle kanꞌ ꞌñaǎn. “Ndiꞌin chaꞌ tyituun nuꞌwin tloo ree ꞌin neꞌ romano nu nka ndloo la ti” ndukwin, “kanꞌ chaꞌ kulaa Ndiose ꞌin nchga neꞌ taꞌa ndaꞌan wan niꞌ yka naꞌan re chaꞌ ꞌin nuꞌwin, chaꞌ nuꞌwin lkaa ska nu nchkwiꞌ chaꞌ ꞌin Ni loꞌo nten chalyuu” ndukwin angajle.

LOS HECHOS 28:23

Loꞌo mskanꞌ neꞌ chaꞌ loꞌo taꞌa neꞌ ni tsan tyoꞌ tiꞌin neꞌ seꞌen ndiꞌin Palyu xiyaꞌ. Tsan kanꞌ kaꞌan ꞌa nten ndyoꞌ tiꞌin seꞌen ndiꞌin yu. Tyukwi tsan ngwaꞌu yu ꞌin neꞌ; ngwaꞌu yu sa ñaꞌan ndlo Ndiose tñan, sa ñaꞌan nu nchkwiꞌ chaꞌ nu ngwaꞌan ayman Moisés chaꞌ ꞌin Jesús, loꞌo sa ñaꞌan lka chaꞌ nu ngwaꞌan xka la ayman kula lo kityi chaꞌ ꞌin Jesús.

ROMANOS 15:24

kanꞌ chaꞌ nchka tiǎnꞌ kaǎn tyiꞌiǐn chinꞌ nde seꞌen ndiꞌin wan, tuwiin seꞌen tsaꞌaǎn nde España. Bra kanꞌ ka chkwiǐnꞌ chinꞌ loꞌo wan. Bra nu ngwa suꞌwe tiyean loꞌo taꞌaan, bra kanꞌ ka slaaꞌ wan loꞌoǔn, kwiꞌ ngwañaꞌan ka suꞌwa yaꞌ wan ꞌñaǎn tuwiin seꞌen tsaꞌaǎn nde loo la.

2 CORINTIOS 1:11

Loꞌo ngwañaꞌan, ka tayaꞌ wan ꞌwa bra nu chkwiꞌ wan loꞌo Ndiose chaꞌ ꞌware. Kunan Ni chaꞌ nu chkwiꞌ wan loꞌo Ni, chaꞌ kaꞌan wan; bra kanꞌ kuꞌni Ni chaꞌ ka suꞌwe ꞌwa. Bra kanꞌ kaꞌan wan tya wan xuꞌwe ꞌin Ndiose chaꞌ ꞌwa, chaꞌ nu wa mdoꞌo laa ba ꞌin chaꞌ kuxi.

FILIPENSES 1:19

Nxkeꞌ tiǎnꞌ chaꞌ ndla ti ka suꞌwe la chaꞌ ꞌñaǎn re, chaꞌ jlyo tiǎnꞌ sa ñaꞌan njñan ꞌa wan chaꞌ ꞌin Ndiose chaꞌ tyoꞌoǔn niꞌ ñaꞌan chkwan re, chaꞌ wa lyaǎn; jlyo tiǎnꞌ chaꞌ ti kwiꞌ Tyiꞌi ykwiꞌ Jesucristo lye ꞌa nsuꞌwa yaꞌ ꞌñaǎn.

FILIPENSES 2:24

ni siya nxkeꞌ tiǎnꞌ chaꞌ loꞌoǔn ykwiǐnꞌ kaǎn ndla ti seꞌen ndiꞌin wan, chabiyaꞌ ꞌin ykwiꞌ Xꞌnaan.

HEBREOS 13:19

Kanꞌ chaꞌ xiyaꞌ njñaǎn ꞌaǎn ꞌwan, chaꞌ taꞌa ti chkwiꞌ wan loꞌo Ndiose chaꞌ ꞌñaǎn. Ja chan kuꞌni Ni chaꞌ tyaǎn ndla la nde seꞌen ndiꞌin wan bra kanꞌ.

HEBREOS 13:23

Loꞌo xka chaꞌ nchka tiǎnꞌ katsaǎnꞌ ꞌwan ni, chaꞌ wa ngulaa neꞌ ꞌin Timu, taꞌaan ndaꞌaan tñan, seꞌen yuꞌwi yu niꞌ ñaꞌan chkwan; bra nu tsaꞌaǎn, tsaꞌaǎn loꞌoǔn ꞌin yu bra kanꞌ, si ndla ti kala yu seꞌen ndiꞌiǐn.

SANTIAGO 5:16

Kanꞌ chaꞌ sikwa, katsaꞌ wan kiꞌya ꞌwan ꞌin taꞌa wan xa nu ndiꞌin kiꞌya ꞌwan, jñan wan chaꞌ tlyu tiꞌ ꞌin neꞌ taꞌa wan loꞌo Ndiose, chaꞌ ka suꞌwe wan tyukwi ñaꞌaan wan xiyaꞌ. Kaꞌan ꞌa tñan ka ꞌin ska nten nu luwi kasiya ꞌin loꞌo Ndiose, bra nu jñan yu ska xuꞌwe ꞌin Ni.

2 SAN JUAN 1:12

Ti ndiꞌin ꞌa chaꞌ nu nchka tiǎnꞌ chkwiǐnꞌ loꞌo wan, loꞌo suꞌwe la ni siya ja loꞌo chaꞌ kanꞌ kwaꞌaǎn lo kityi re. Chunꞌ ndiꞌin la nchka tiǎnꞌ kaǎn seꞌen ndiꞌin wan, loꞌo bra kanꞌ ka chkwiǐnꞌ chaꞌ kanꞌ loꞌo wan; bra kanꞌ chañi ka chaꞌ suꞌwe ti xuꞌwi tiyean ñaꞌaan ꞌin taꞌaan.

3 SAN JUAN 1:14

Suꞌwe la si bra ti kaǎn seꞌen ndiꞌiin, chaꞌ ykwiǐnꞌ chkwiǐnꞌ loꞌoo.