EFESIOS 6:9 - Chatino Zona Alta Occidental

⁹ ꞌWan xꞌnan msu ni, kwiꞌ ngwañaꞌan ndiꞌin chaꞌ ñaꞌansiin suꞌwe wan ꞌin msu ꞌwan. Ja xitsen wan ꞌin neꞌ, ja kuꞌni tlá wan ꞌin neꞌ kanꞌ; tyaa yuꞌwi tiꞌ wan chaꞌ ska ti Xꞌnaan nu nduun loo la ꞌwan loꞌo neꞌ kanꞌ, loꞌo ska ti biyaꞌ ngiꞌni Ni loꞌo nchga nten.

EFESIOS 6:9 Iomraidhean Croise

SAN MATEO 22:10

Kanꞌ chaꞌ mdoꞌo msu kanꞌ ndyaa neꞌ tuꞌwa tuwiin; ykwiꞌ neꞌ loꞌo nchga nten nu ndyukwa taꞌa neꞌ loꞌo, ni siya nten suꞌwe, ni siya nten kuxi. Ndyoꞌ tiꞌin nchga nten kanꞌ seꞌen ndiꞌin ree sa ñaꞌan yaꞌ nu msaꞌan naꞌan ꞌin ree bra kanꞌ.

SAN MATEO 22:8

Loꞌo ykwiꞌ ree loꞌo msu ꞌin xiyaꞌ: “Wa yꞌniǐn xuꞌweěn skwa chaꞌ ka taꞌa mjwi kwilyoꞌo sñiěnꞌ” ndukwin ree kanꞌ, “loꞌo nten nu wa ykwiǐnꞌ loꞌo tsan chaꞌ kan neꞌ taꞌa seꞌen ndiꞌiǐn, ja mslyaa neꞌ kan neꞌ, kanꞌ chaꞌ ja ku ꞌa neꞌ kanꞌ siyaꞌ ti skwa suꞌwe nu nsuꞌwi ꞌñaǎn.

SAN MATEO 24:48

Ska msu nu ndaja tiꞌ ni, nsuꞌwi tñan nu ngulo xꞌnan yu ꞌin yu, loꞌo ja nduwe tiꞌ yu. “Ja kan ndla xꞌnaǎn” nxkeꞌ tiꞌ yu, kanꞌ chaꞌ bra ti kiꞌya ska chaꞌ kuxi ke yu.

SAN MATEO 24:51

Lye ꞌa ta xꞌnan yu nu tiꞌí ꞌin yu kanꞌ bra kanꞌ, sa ñaꞌan yaꞌ nu kaja yu. Kulo xꞌnan yu tñan ꞌin yu, chaꞌ tsaa yu lo jwlyaa seꞌen ja tyii chaꞌ tyijin neꞌ nu tiꞌí. Lye ꞌa xiꞌya neꞌ, kwiꞌ lye ꞌa ku liꞌya neꞌ chaꞌ kasinꞌ tiꞌ neꞌ. Suꞌwa ti tsaa yu loꞌo neꞌ kwiñi nu tukwa chaꞌ nka tiye ―ndukwin Jesús―.

SAN MATEO 7:12

’Ndiꞌin chaꞌ kuꞌni wan chaꞌ suꞌwe loꞌo xka la nten si nchka tiꞌ wan chaꞌ suꞌwe ti kuꞌni neꞌ loꞌo wan. Ti kwiꞌ tñan kanꞌ ngulo Ndiose lo kityi nu ngwaꞌan ayman Moisés, ti kwiꞌ ti chaꞌ ngwaꞌan xka la ayman nu ykwiꞌ chaꞌ ꞌin Ndiose loꞌo nten nu ngwa sꞌni; ska ñaꞌan ndyoꞌo ti chaꞌ nu ykwiꞌ nchga neꞌ kanꞌ lo kityi.

SAN LUCAS 6:31

Ndiꞌin chaꞌ kuꞌni wan chaꞌ suꞌwe loꞌo nten, si nchka tiꞌ wan chaꞌ suꞌwe ti kuꞌni nten loꞌo wan.

SAN JUAN 13:13

“Mstru” ndukwin wan ꞌñaǎn; “Xꞌnan ba” ndukwin wan ꞌñaǎn, loꞌo chañi ꞌa chaꞌ kanꞌ. Ti kwiꞌ ngwañaꞌan lkaǎn chaꞌ ꞌwan ―ndukwin yu―.

LOS HECHOS 10:34

Kanꞌ mdyisnan Tyu ngwaꞌu yu ꞌin neꞌ kanꞌ: ―Wa nchka biyaꞌ tiǎnꞌ ni, chaꞌ suꞌwa ꞌa ngiꞌni Ndiose loꞌo nchga nten chalyuu ―ndukwin―.

ROMANOS 2:11

Siꞌi wa lka ti nten nu nchka tꞌnan tiꞌ Ndiose ꞌin, ska ti biyaꞌ nchka tꞌnan tiꞌ Ni ꞌin nchga nten chalyuu.

1 CORINTIOS 1:2

Naꞌ ndaꞌaǎn kityi re chaꞌ tsaa seꞌen ndiꞌin wan, nchga nten ꞌin Jesucristo nu ndiꞌin wan kichen Corinto. Chabiyaꞌ ꞌin Jesucristo wa ngulo suwi Ndiose ꞌwan, loꞌo ni, lka wan nten ꞌin Ni; ndiꞌin chaꞌ tyuꞌwi tiꞌ wan ꞌin Ni nchga loo tñan nu kuꞌni wan seꞌen ndiꞌin wan lo chalyuu. Suꞌwa ndiꞌin chaꞌ ꞌwan loꞌo nchga nten nu ngiꞌni tnun ꞌin Jesucristo nu nka Xꞌnaan tyukwi ñaꞌaan chalyuu, chaꞌ sa ñaꞌan lka Ni Xꞌnaan, ngwañaꞌan lka Ni Xꞌnan neꞌ kanꞌ.

1 CORINTIOS 7:22

Loꞌo nten nu wa nsuꞌwi xꞌnan neꞌ bra nu ngulo suwi Ndiose ꞌin neꞌ, bra wa ni ka tyiꞌin suꞌwe neꞌ kanꞌ, chaꞌ nu wa yten neꞌ kanꞌ chaꞌ ꞌin Jesús; ni siya ñaꞌan ti ndiya xꞌnan neꞌ kanꞌ, loꞌo ndukwa neꞌ kanꞌ chaꞌ nu nchkwiꞌ Ndiose ni. Kwiꞌ ngwañaꞌan nten nu ndiꞌin suꞌwe ti ni, bra nu kulo suwi Krixtu ꞌin neꞌ kanꞌ, loꞌo ka neꞌ kanꞌ msu ꞌin Ndiose.

COLOSENSES 3:25

Loꞌo ta Ndiose nu tiꞌí ꞌin nchga nten nu ngiꞌni chaꞌ kuxi; suꞌwa ti ngiꞌni biyaꞌ Ni ꞌin nchga nten, ni siya nten nu tnun nchka, ni siya nten xuwe ti.

COLOSENSES 4:1

ꞌWan nu lka wan xꞌnan msu, nchga chaꞌ nu nchka ꞌwan loꞌo msu ꞌwan, ñi ti kuꞌni wan, suꞌwe ti kuꞌni wan loꞌo neꞌ kanꞌ. Tyuꞌwi tiꞌ wan chaꞌ loꞌo wan, ndiya xka nu tnun la nchkwiꞌ ke ꞌwan, kanꞌ nu ndukwa seꞌen tlyu ꞌa la seꞌen ndiꞌin Ndiose.

SANTIAGO 2:13

Loꞌo kanꞌ si ja ngwa tꞌnan tianꞌ ꞌin taꞌa ntean, ja ka chka tꞌnan tiꞌ Ni ꞌñaan bra nu kuꞌni biyaꞌ Ni ꞌñaan; nten nu chka tꞌnan tiꞌ ꞌin taꞌa nten, kanꞌ lka nu suꞌwe la ka chaꞌ ꞌin bra nu kuꞌni biyaꞌ Ni ꞌin nten chalyuu.

SANTIAGO 2:8

Suꞌwe ꞌa si chañi chaꞌ ndukwa wan tñan nu ngulo Ndiose ti kulo, ti kwiꞌ chaꞌ nu ndukwa lo kityi kula re: “Ndiꞌin chaꞌ chka tꞌnan tiꞌ wan ꞌin taꞌa nten wan, sa ñaꞌan lka si chka tꞌnan tiꞌ wan ꞌwan, ti ykwiꞌ ti wan” ndukwin kityi.

SANTIAGO 5:4

Ja nda wan siyaꞌ msu nu ngiꞌni tñan ꞌwan, kanꞌ chaꞌ ni, kunan suꞌwe wan chinꞌ kiꞌya nu njñan msu kanꞌ ꞌwan; nde seꞌen ndiꞌin Ndiose nu nka Xꞌnan nchga chalyuu, sa la kwa wa ynan Ni chaꞌ nu nchkwiꞌ nten nu wa yꞌni kwa ꞌwan.