EFESIOS 6:8 - Chatino Zona Alta Occidental

⁸ Ja nꞌni chaꞌ ni siya msu nu msiꞌi ti nten lka wan, ni siya msu nu ndiꞌin suꞌwe ti lka wan; wa jlyo tianꞌ chaꞌ nda Xꞌnaan chaꞌ suꞌwe ꞌin nchga nten nu suꞌwe ngiꞌni tñan chaꞌ ꞌin Ni.

EFESIOS 6:8 Iomraidhean Croise

SAN MATEO 16:27

Chañi chaꞌ bra nu kaǎn xiyaꞌ, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten, suꞌwa ti kaǎn loꞌo nchga angajle; ka nduwi ꞌa tyukwi ñaꞌaǎn loꞌo xaa ꞌin Stiǐn Ndiose bra kanꞌ. Tsan kanꞌ taǎn siyaꞌ nten kwenta tñan nu wa yꞌni skaa neꞌ xa nu yan neꞌ lo chalyuu.

SAN MATEO 20:7

“Ja ndiya ꞌa nten nu nchka tiꞌ msu tsan ni” ndukwin neꞌ ꞌin yu. “Yaa lya wan kuꞌni wan chinꞌ tñan niꞌ lyoꞌoo ꞌñaǎn sikwa” ndukwin xꞌnan msu kanꞌ ꞌin neꞌ bra kanꞌ.

SAN MATEO 5:12

Ka suꞌwe nka tiye wan bra kanꞌ, suꞌwe ꞌa tyiꞌin wan chaꞌ wa lka ndiꞌin ska chaꞌ suꞌwe nu tlyu chinꞌ nu ta Ndiose ꞌin nchga wan nde seꞌen ndiꞌin Ni. Kwiꞌ ngwañaꞌan ngwa tiꞌí ꞌa tiꞌ ayman sꞌni ꞌin ayman nu ykwiꞌ loꞌo nten chaꞌ ꞌin Ndiose bra kanꞌ.

SAN MATEO 6:1

’Nde ndiya xka chaꞌ chkwiǐnꞌ loꞌo wan ni: Ja ta wan ska xuꞌwe ꞌin neꞌ tiꞌi bra nu ñaꞌan xka ta nten ꞌwan. Ja ndiꞌin chaꞌ ñaꞌan nten sa ñaꞌan chaꞌ suꞌwe nu ngiꞌni wan chaꞌ ꞌin Ndiose. Ja ta Stian Ndiose ska chaꞌ suꞌwe ꞌwan nde seꞌen ndiꞌin Ni, xa nu ñaꞌan xka la nten ꞌwan chaꞌ ngiꞌni wan chaꞌ suꞌwe kanꞌ.

SAN MATEO 6:4

Ska ti Stian Ndiose, ka biyaꞌ tiꞌ Ni sa ñaꞌan chaꞌ suꞌwe nu ngiꞌni wan mnan ti, loꞌo bra kanꞌ ta Ndiose chaꞌ suꞌwe nu tlyu chinꞌ ꞌwan nde loo la.

SAN LUCAS 14:14

Bra kanꞌ suꞌwe ꞌa tyiꞌin wan lo chalyuu si ngwañaꞌan kuꞌni wan, chaꞌ nu kicha kanꞌ ni, ja kaja ñaꞌan tya neꞌ chaꞌ suꞌwe kanꞌ ꞌwan. Chunꞌ ndiꞌin la kaja chaꞌ suꞌwe ꞌwan, bra nu tyuꞌu wan xiyaꞌ loꞌo nchga ayman nu ngwa suꞌwe kasiya ꞌin neꞌ loꞌo Ndiose bra nu mdiꞌin neꞌ lo chalyuu nu ngwa sꞌni.

SAN LUCAS 6:35

Kanꞌ chaꞌ ꞌwan ni, suꞌwe ti xuꞌwi tiye wan ñaꞌan wan ꞌin taꞌa kusuun wan, kuꞌni wan chaꞌ suꞌwe loꞌo neꞌ kanꞌ. Ta wan nan jñan neꞌ, ja kuwe tiꞌ wan si tya neꞌ xuꞌwe ꞌwan, si ja tya neꞌ ꞌwan. Tlyu ꞌa chaꞌ suꞌwe kaja ꞌwan nde seꞌen ndiꞌin Ndiose si suꞌwe nka tiye wan ñaꞌan wan ꞌin nchga nten, chaꞌ ngwañaꞌan ngiꞌni nten nu lka sñiꞌ Ndiose. Loꞌo Ndiose, nchka tꞌnan ꞌa tiꞌ Ni ꞌin nten, ni siya xaꞌan tiye neꞌ, ni siya ja ndya ꞌa neꞌ xuꞌwe ꞌin Ni;

1 CORINTIOS 12:13

Nchga neꞌ taꞌaan, ni siya neꞌ judío lkaan, ni siya neꞌ xka laꞌa tsuꞌ lkaan, ni siya msu nu msiꞌi nten lkaan, ni siya msu nu ndiꞌin suꞌwe ti lkaan, wa mdukwatyaan chabiyaꞌ ꞌin Tyiꞌi Ndiose; wa nganun Tyiꞌi Ndiose niꞌ kasiya ꞌin taꞌaan, chaꞌ suꞌwa ndiꞌin tiyean loꞌo ya ñaꞌan ti nten nu msñi chaꞌ ꞌin Krixtu.

2 CORINTIOS 5:10

Taꞌaan ndiꞌin chaꞌ tsaan nde seꞌen ndukwa Krixtu chaꞌ kuꞌni biyaꞌ Ni ꞌñaan. Loꞌo bra kanꞌ kaja chaꞌ ꞌñaan kwenta skaan, nchga chaꞌ nu ndiꞌin chaꞌ kaja ꞌñaan chunꞌ tñan nu wa yꞌnian kwenta skaan lo chalyuu, ni siya chaꞌ nu suꞌwe, ni siya chaꞌ nu kuxi.

GÁLATAS 3:28

Kwiꞌ ñaꞌan bra nu ngwa suꞌwa chaꞌ ꞌñaan loꞌo Jesucristo, ti kwiꞌ bra kanꞌ ngwa suꞌwa chaꞌ ꞌñaan loꞌo taꞌa ntean; kanꞌ chaꞌ ja chkwianꞌ chaꞌ neꞌ judío lka ba, chaꞌ neꞌ xka laꞌa tsuꞌ lka wan; ja chkwianꞌ chaꞌ msu nu msiꞌi nten lka wan, chaꞌ nten nu ndiꞌin suꞌwe ti lkaan; ja chkwianꞌ chaꞌ kiꞌyu lkaan, ta kunaꞌan lkaan. Taꞌaan, suꞌwa chaꞌ ꞌñaan loꞌo taꞌaan ni.

COLOSENSES 3:11

Kanꞌ chaꞌ ni, ja ndloo ꞌa chaꞌ ꞌñaan loꞌo taꞌaan, ni siya ti kwiꞌ neꞌ judío lkaan, ni siya siꞌi neꞌ judío lka wan; ja nꞌni chaꞌ ꞌñaan ni siya wa nkwaan, ni siya ja ya lkwaan; ja nꞌni chaꞌ ꞌñaan ni siya neꞌ xka laꞌa tsuꞌ tujoꞌo lkaan, ni siya lye ꞌa nsuꞌwian niꞌ kixinꞌ, ni siya neꞌ nu ndiꞌin suꞌwe ti lkaan, ni siya msu nu msiꞌi nten ti lka wan chaꞌ kuꞌni wan tñan ꞌin nten xuꞌwe ti. Ja ndloo ꞌa chaꞌ kanꞌ ꞌñaan ni, chaꞌ ska ti Krixtu lka nu ndloo la ꞌñaan. Loꞌo ndiꞌin Krixtu loꞌo nchga nten ꞌin Ni, sa ñaꞌan nu nchka tiꞌ neꞌ, loꞌo nchga seꞌen ndiꞌin neꞌ.

COLOSENSES 3:24

Wa jlyo tiꞌ wan chaꞌ nu nka Xꞌnaan ndiya chaꞌ suꞌwe nu kaja ꞌin skaa wan bra wa tyii ti chaꞌ. Loꞌo Krixtu lka Xꞌnan wan nu chañi ka; chaꞌ ꞌin Krixtu lka tñan nu ngiꞌni wan.

COLOSENSES 3:25

Loꞌo ta Ndiose nu tiꞌí ꞌin nchga nten nu ngiꞌni chaꞌ kuxi; suꞌwa ti ngiꞌni biyaꞌ Ni ꞌin nchga nten, ni siya nten nu tnun nchka, ni siya nten xuwe ti.

HEBREOS 10:35

Ja kulaa yaꞌ wan chaꞌ ꞌin Jesús sikwa. Lye la kuꞌni wan chaꞌ ka ngula tiꞌ kasiya ꞌwan, chaꞌ suꞌwe ꞌa chaꞌ nu kaja ꞌwan chunꞌ ndiꞌin la tloo Ndiose, si ti xñi suꞌwe wan chaꞌ ꞌin Ni bra kanꞌ.

HEBREOS 11:26

suꞌwe la chaꞌ suꞌwa ti tyiꞌin yu loꞌo taꞌa kichen tyi yu, ni siya chen ñaꞌan ka tiye xka ta nten ñaꞌan ꞌin yu, nka tiye yu. Sa ñaꞌan mdijin ykwiꞌ Krixtu nu tiꞌí nde loo la, kwiꞌ ngwañaꞌan mdijin Moisés nu tiꞌí nu ngwa bra kanꞌ; ja nduwe tiꞌ yu chaꞌ kuliyaꞌ ꞌa neꞌ Egipto, mxnun tiꞌin yu nchga chaꞌ suꞌwe nu nsuꞌwi ꞌin neꞌ, chaꞌ ndyaa ñaꞌan tiꞌ yu chaꞌ suꞌwe la ka ꞌin nten ꞌin yu nde loo la chunꞌ Ndiose.