EFESIOS 6:13 - Chatino Zona Alta Occidental

¹³ Chaꞌ nu wa ykwiꞌ Ndiose loꞌoan ni, sa ñaꞌan lka steꞌ sndaru nu ndaꞌan wsuun, ngwañaꞌan lka chaꞌ kanꞌ ꞌin Ndiose; xkwiꞌ chkwan lka steꞌ sndaru, chaꞌ kunanjoꞌo ꞌin yu xa nu nxuun yu. Kwiꞌ ngwañaꞌan ꞌwan, tukwa wan nchga chaꞌ nu nchkwiꞌ Ndiose, xñi suꞌwe wan chaꞌ kanꞌ ni; loꞌo xa nu tiya bra nu kuxi kanꞌ, ka talo wan chaꞌ xuun wan loꞌo kuneꞌ xaꞌan bra kanꞌ. Si ngwañaꞌan kuꞌni wan, xa wa mdyii chaꞌ wsuun kanꞌ ti tyiꞌin suꞌwe kasiya ꞌwan sa ñaꞌan nu mdiꞌin wan ti kulo.

EFESIOS 6:13 Iomraidhean Croise

SAN LUCAS 21:36

Kanꞌ chaꞌ, chaꞌ tiya ti tiꞌ tyiꞌin wan lo chalyuu. Nchga bra chkwiꞌ wan loꞌo Ndiose chaꞌ tayaꞌ Ni ꞌwan, chaꞌ taloo wan bra nu ka chaꞌ kuxi kanꞌ lo chalyuu. Loꞌo bra kanꞌ kaja ñaꞌan kala wan seꞌen tyukwaǎn ykwiǐnꞌ seꞌen nu kuꞌni biyaǎnꞌ chaꞌ ꞌwan, naꞌ nu wa msuꞌwa Ndiose ꞌñaǎn ndijyaǎn chaꞌ kaǎn nten ―ndukwin Jesús ꞌin neꞌ.

SAN LUCAS 8:13

Sa ñaꞌan lka xka ta mta nu ngalu lo yuu seꞌen lti ti tuꞌwa yuu chunꞌ kee kanꞌ, ngwañaꞌan lka nten nu suꞌwe ꞌa nka tiye neꞌ bra nu ynan neꞌ chaꞌ suꞌwe kanꞌ ti kulo. Bra kanꞌ sa ñaꞌan lka kala xuwe kanꞌ, chaꞌ ja kiꞌñi yaa suun ran lo kee kanꞌ, ngwañaꞌan lka nten kanꞌ, chaꞌ chinꞌ ti bra ndalo neꞌ chaꞌ msñi neꞌ chaꞌ suꞌwe kanꞌ; bra nu ñaꞌan xka ta nten ꞌin neꞌ kanꞌ, ndla ti kulaa yaꞌ neꞌ chaꞌ suꞌwe kanꞌ bra kanꞌ.

ROMANOS 13:12

Sa ñaꞌan lka xa tla, ngwañaꞌan lka chalyuu seꞌen ndiꞌian, chaꞌ xaꞌan ꞌa nka tiye nten. Loꞌo ni, wa tyii ti tla kanꞌ, wa kan ti Krixtu chaꞌ kulo tsuꞌ Ni chaꞌ xaꞌan kanꞌ. Bra kanꞌ ka chalyuu kwi ꞌñaan sa ñaꞌan lka si suꞌwe ꞌa mbiꞌya xaa, chaꞌ luwi ꞌa xaa bra kanꞌ. Kanꞌ chaꞌ chalyuu re ni, ndiꞌin chaꞌ kula yaanꞌ ꞌin chaꞌ xaꞌan nu ngiꞌni nten nu ndiya tiꞌ tyiꞌin lo tla kanꞌ. Kuꞌni xuꞌwean tyukwi ñaꞌaan sikwa, chaꞌ ngula ꞌa kuꞌnian tñan ꞌin Krixtu lo chalyuu re, ñaꞌan tiꞌ sndaru ꞌin Krixtu.

EFESIOS 5:16

Kunaan wan chaꞌ suꞌwe nu kuꞌni wan xa nu ndiꞌin wan lo chalyuu, chaꞌ ja xuꞌwi chaꞌ ꞌwan loꞌo chaꞌ kuxi nu ngiꞌni xka ta nten chalyuu;

EFESIOS 5:6

Ja ta wan chabiyaꞌ chaꞌ tyijin lyo nten ꞌwan loꞌo ya ñaꞌan ti chaꞌ kwiñi. Siꞌya chaꞌ kuxi kanꞌ msinꞌ ꞌa tiꞌ Ndiose ꞌin nten chalyuu nu ja nnan chaꞌ nchkwiꞌ Ni; loꞌo lye ꞌa ta Ni nu tiꞌí ꞌin neꞌ kanꞌ bra nu tyii chalyuu.

COLOSENSES 4:12

Loꞌo Epafras taꞌa kichen tyi wan, nchka tiꞌ yu chkwiꞌ suꞌwe yu loꞌo wan; suꞌwa ti ndaꞌan yu tñan ꞌin Jesucristo loꞌo ba. Nchga tsan njñan ꞌa yu chaꞌ tlyu tiꞌ ꞌin Ndiose chaꞌ ꞌwan, njñan yu chabiyaꞌ ꞌin Ndiose chaꞌ ja kulaa yaꞌ wan chaꞌ ꞌin Ni siyaꞌ ti. Nde lka chaꞌ nu nchka tiꞌ yu, chaꞌ tyukwi ti tiye wan kuꞌni wan nan lka nu nchka tiꞌ Ni chaꞌ kuꞌni wan lo chalyuu.

SANTIAGO 4:7

Tukwa wan chaꞌ ꞌin Ndiose sikwa. Xuun taꞌa wan loꞌo kuneꞌ xaꞌan, loꞌo kanꞌ xnan nu kuxi kanꞌ, tyoꞌo chaꞌ kuxi kanꞌ seꞌen ndiꞌin wan bra kanꞌ.

1 SAN PEDRO 4:1

Bra nu ndyuꞌwi tiꞌ wan sa ñaꞌan mdijin Krixtu nu tiꞌí lo chalyuu, bra kanꞌ ka ngula la tiꞌ niꞌ kasiya ꞌwan chaꞌ talo wan bra nu tyijin wan nu tiꞌí; sa ñaꞌan nu mdalo Krixtu, kwiꞌ ngwañaꞌan ka talo wan bra nu tyijin wan nu tiꞌí. Loꞌo ja ka tyijin lyo chaꞌ kuxi ꞌwan si loꞌo wan tyijin wan nu tiꞌí ngwañaꞌan.

EL APOCALIPSIS 3:10

Wa ndyaa yuꞌwi tiꞌ wan chaꞌ nu ykwiǐnꞌ loꞌo wan nu ngwa xkanꞌ, chaꞌ taloo wan tyiꞌin ta wan ꞌñaǎn ñaꞌan bra nu ndijyaǎn xiyaꞌ; kanꞌ chaꞌ ni, kuꞌniǐn chaꞌ ja ska ka ꞌwan bra nu tiya tyempu kuxi lo chalyuu re. Wa tiya ti chaꞌ kuxi kanꞌ, chaꞌ ñaꞌan biyaꞌ Ni ꞌin nchga nten chalyuu bra kanꞌ.

EL APOCALIPSIS 6:17

Wa mdiya tsan chaꞌ ta Ndiose nu tiꞌí ꞌin nten, loꞌo ja talo neꞌ siyaꞌ ti ꞌin chaꞌ kanꞌ bra kanꞌ.