Krixtu kwiñi ka neꞌ kanꞌ. Kwiꞌ ngwañaꞌan, kan la chinꞌ nten kwiñi nu chkwiꞌ chaꞌ ntsaꞌ neꞌ chaꞌ nu ykwiꞌ Ndiose loꞌo nten; chaꞌ kwiñi ti kuꞌni neꞌ kanꞌ chaꞌ tnun, chaꞌ kuwe ꞌa tiꞌ nten. Kuꞌni neꞌ kwiñi kanꞌ ngwañaꞌan, chaꞌ kwiñi lyoꞌo neꞌ ꞌwan, chaꞌ nchka tiꞌ neꞌ kwiñi lyoꞌo neꞌ ꞌin nchga nten nu wa ngulo suwi Ndiose chaꞌ ka neꞌ nten ꞌin Ni.
EFESIOS 6:11 - Chatino Zona Alta Occidental11 Nchga bra tyaꞌan chaꞌ tiye wan chaꞌ ꞌin nchga chaꞌ nu wa ykwiꞌ Ndiose loꞌo wan, chaꞌ ka kuꞌni wan kwenta ꞌwan, ti ykwiꞌ ti wan, chaꞌ ja kwiñi lyoꞌo kuneꞌ xaꞌan ꞌwan. Faic an caibideil |
EFESIOS 6:11
30 Iomraidhean Croise
Sa ñaꞌan lka xa tla, ngwañaꞌan lka chalyuu seꞌen ndiꞌian, chaꞌ xaꞌan ꞌa nka tiye nten. Loꞌo ni, wa tyii ti tla kanꞌ, wa kan ti Krixtu chaꞌ kulo tsuꞌ Ni chaꞌ xaꞌan kanꞌ. Bra kanꞌ ka chalyuu kwi ꞌñaan sa ñaꞌan lka si suꞌwe ꞌa mbiꞌya xaa, chaꞌ luwi ꞌa xaa bra kanꞌ. Kanꞌ chaꞌ chalyuu re ni, ndiꞌin chaꞌ kula yaanꞌ ꞌin chaꞌ xaꞌan nu ngiꞌni nten nu ndiya tiꞌ tyiꞌin lo tla kanꞌ. Kuꞌni xuꞌwean tyukwi ñaꞌaan sikwa, chaꞌ ngula ꞌa kuꞌnian tñan ꞌin Krixtu lo chalyuu re, ñaꞌan tiꞌ sndaru ꞌin Krixtu.
Nchga bra nu tyukwa wan ska chaꞌ kuxi, ja kuwe tiꞌ wan bra kanꞌ; ndiya bra nu ngwañaꞌan ndyukwa nchga nten chalyuu chaꞌ kuxi kanꞌ. Ja kuwe tiꞌ wan, ñaꞌan Ndiose ꞌñaan; nchga tñan nu ndukwin Ni chaꞌ kuꞌni Ni chaꞌ ꞌñaan, kuꞌni Ni tñan kanꞌ. Ja ta Ni chabiyaꞌ chaꞌ tyijin lyo ska chaꞌ kuxi ꞌwan sa ñaꞌan yaꞌ nu ja ka kulaa tiꞌin wan ꞌin ran. Ti kwiꞌ bra nu wa kwiñi lyoꞌo ti chaꞌ kuxi kanꞌ ꞌwan, bra kanꞌ suꞌwa yaꞌ Ni ꞌwan chaꞌ ja kuꞌni wan chaꞌ kuxi kanꞌ, loꞌo kanꞌ ka tyoꞌo laa wan ꞌin chaꞌ kuxi kanꞌ.
nduwe ꞌa tiǎnꞌ si wa ñuꞌun ti kasiya ꞌwan. Ti ngwa sꞌni ni, wa mñi lyoꞌo kunan ꞌin Eva, chaꞌ nchka ꞌa nchkwiꞌ kuneꞌ xaꞌan kanꞌ. Loꞌo ja nchka tiǎnꞌ chaꞌ ñuꞌun chaꞌ ꞌwan loꞌo Krixtu ngwañaꞌan, ja nchka tiǎnꞌ chaꞌ kwiñi lyoꞌo kuneꞌ xaꞌan ꞌwan chunꞌ chaꞌ nu nchkwiꞌ xka ta nten nu kwiñi; suꞌwe ꞌa si tyukwi ti tiye wan msñi wan chaꞌ ꞌin Krixtu.
Ja xlyaa nten nu kuxi kanꞌ xñi chaꞌ kanꞌ siꞌya kuneꞌ xaꞌan nu nñi lyoꞌo ꞌin nten chalyuu. Ndukunꞌ nu kuxi kanꞌ chaꞌ ꞌin neꞌ chaꞌ ja kunan ꞌa neꞌ chaꞌ suꞌwe nu ꞌin Krixtu, kanꞌ chaꞌ ja nchka kanun xaa luwi ꞌin Krixtu niꞌ kasiya ꞌin neꞌ kanꞌ. Tnun ꞌa chaꞌ lka chaꞌ nu ꞌin Krixtu; nchga chaꞌ nu ndiꞌin ꞌin Ni, suꞌwa ndiꞌin chaꞌ ꞌin Ni loꞌo Ndiose Sti Ni nde seꞌen ndiꞌin Ni.
chaꞌ nu ñi ꞌa chaꞌ ꞌin Ndiose nu nchkwiꞌ ba loꞌo nten, chaꞌ kwiꞌ ngwañaꞌan tyukwi chabiyaꞌ ꞌin Ndiose ndiꞌin loꞌo ba. Kanꞌ chaꞌ bra nu ñaꞌan neꞌ sa ñaꞌan nu ngiꞌni ba, bra kanꞌ ka biyaꞌ tiꞌ neꞌ chaꞌ tñan ꞌin Ndiose ndaꞌan ba. Wa ngwa suꞌwe kasiya ꞌwa ni chaꞌ ꞌin Ndiose, kanꞌ chaꞌ wa mjwi jwersa ꞌwa chaꞌ xuun ba loꞌo kuneꞌ xaꞌan; kwiꞌ ngwañaꞌan, ka tyijin lyo ba ꞌin nu kanꞌ, chaꞌ ja kuꞌni ñuꞌun nu kanꞌ ꞌwa.
Bra kanꞌ ja kuꞌnian sa ñaꞌan nu ngiꞌni nu xuwe ti nu taꞌa ti nxaꞌan tñan ꞌin, bra nu ndiꞌin jya neꞌ; ja taan chabiyaꞌ chaꞌ tsaa loꞌo neꞌ ꞌñaan xka tuwiin, bra nu chkwiꞌ neꞌ loꞌoan ska chaꞌ nu ja ya kunaan. Nsuꞌwi ꞌa chaꞌ kwiñi nu nchkwiꞌ nten loꞌoan, kwiꞌ nten nu nchka ꞌa nchkwiꞌ, nten nu nchka ꞌa tiꞌ chaꞌ tsaa loꞌo ꞌñaan tuwiin kuxi.
Chaꞌ nu wa ykwiꞌ Ndiose loꞌoan ni, sa ñaꞌan lka steꞌ sndaru nu ndaꞌan wsuun, ngwañaꞌan lka chaꞌ kanꞌ ꞌin Ndiose; xkwiꞌ chkwan lka steꞌ sndaru, chaꞌ kunanjoꞌo ꞌin yu xa nu nxuun yu. Kwiꞌ ngwañaꞌan ꞌwan, tukwa wan nchga chaꞌ nu nchkwiꞌ Ndiose, xñi suꞌwe wan chaꞌ kanꞌ ni; loꞌo xa nu tiya bra nu kuxi kanꞌ, ka talo wan chaꞌ xuun wan loꞌo kuneꞌ xaꞌan bra kanꞌ. Si ngwañaꞌan kuꞌni wan, xa wa mdyii chaꞌ wsuun kanꞌ ti tyiꞌin suꞌwe kasiya ꞌwan sa ñaꞌan nu mdiꞌin wan ti kulo.
Nan ni, nsuꞌwi xaa ꞌin Ndiose niꞌ kasiya ꞌñaan, kanꞌ chaꞌ ndii ti tianꞌ tyiꞌian lo chalyuu; xñian suꞌwe chaꞌ ꞌin Ndiose, kwiꞌ ngwañaꞌan suꞌwe xuꞌwi tiyean ñaꞌaan ꞌin taꞌa ntean chabiyaꞌ ꞌin Jesús, ngwañaꞌan ñaꞌansiin ꞌñaan ti ykwiinꞌ tian chaꞌ ja kuꞌnian chaꞌ kuxi. Ñaꞌan tiꞌ ska sndaru, ndaꞌa yu ꞌin tiye yu loꞌo chunꞌ yu loꞌo chkwan nu nchkuꞌ yu. Ndiꞌin taan ꞌin Ndiose, ñaꞌan bra kuꞌni tyii ji Ni nchga chaꞌ kuxi nu ndiꞌin ꞌñaan, kanꞌ chaꞌ ndiꞌin chaꞌ kuꞌnian kwenta ꞌñaan, ti ykwiinꞌ tian, sa ñaꞌan ndaꞌa sndaru ꞌin yu loꞌo chkwan nu ndyukwa ke yu.
Ska ti Ndiose nsuꞌwi lo chalyuu. Loꞌo kulaa Ni ꞌñaan chabiyaꞌ ꞌin Jesucristo nu nka Xꞌnaan; ska ti Ndiose nchka ꞌin Ni xñi Ni kwenta ꞌñaan, bra nu ndaꞌaan tuwiin suꞌwe nu ngwaꞌu Ni ꞌñaan. Tayaꞌ Ni ꞌñaan chaꞌ ja tyijin snan kiyaanꞌ, chaꞌ ja tyoꞌo tsuanꞌ tuꞌwa tuwiin kanꞌ, sa ñaꞌan bra nu kalaan suꞌwe ti seꞌen luwi ꞌa xaa, seꞌen ndiꞌin Ndiose. Luwi siyaꞌ ti ka kasiya ꞌñaan bra nu wa ngalaan seꞌen ndiꞌin Ni; kwiꞌ ngwañaꞌan, suꞌwe ꞌa ka tiyean bra kanꞌ. Kanꞌ chaꞌ ni, kuꞌniin tnuan ꞌin Ndiose nu ndukwa seꞌen tlyu la nde niꞌ kwan, chaꞌ ska ti Ndiose nsuꞌwi nu tlyu ꞌa lka; ska ti Ndiose lka ndloo la ꞌin nchga loo nan nu nsuꞌwi lo chalyuu, kwiꞌ ngwañaꞌan ska ti Ndiose nchka ꞌin Ni kuꞌni Ni nchga loo chaꞌ tnun siyaꞌ ti. Luꞌu Ndiose ti bra nu ja ya tyaꞌ chalyuu, kwiꞌ ngwañaꞌan ti luꞌu Ni sa bra ni; loꞌo ja tsaa tii ꞌa chaꞌ luꞌu Ni nde loo la. Ngwañaꞌan ka sikwa.
wa ngulo Ni ꞌin angajle nu mduun chaꞌ ꞌin kunan kanꞌ bra kanꞌ. Sꞌni ndaꞌan kunan kanꞌ lo chalyuu re, ti kwiꞌ kuneꞌ xaꞌan lka nu kunan kanꞌ; kwiꞌ nu naan Satanás. Xkwiꞌ nan nñi lyoꞌo yu ꞌin nten tyukwi ñaꞌaan chalyuu bra kanꞌ. Nan wa ngulo Ndiose ꞌin kunan kanꞌ loꞌo sndaru ꞌin iꞌ nu ngwa sꞌni, mdiyan iꞌ lo chalyuu re bra kanꞌ.
Msuun neꞌ msuun neꞌ, loꞌo mskanꞌ neꞌ ꞌin ꞌni chen ñaꞌan kanꞌ chaꞌ lka iꞌ presu; kwiꞌ ngwañaꞌan yu nu kwiñi, nu nchkwiꞌ chaꞌ chabiyaꞌ ꞌin Ndiose nchkwiꞌ, loꞌo yu kanꞌ ngwa yu presu bra kanꞌ. Ti kwiꞌ nu kwiñi, kanꞌ lka nu yꞌni chaꞌ tnun tloo ꞌni chen ñaꞌan kanꞌ ti ngwa sꞌni, chaꞌ xitsen ꞌin nten chalyuu bra kanꞌ; wa mñi lyoꞌo kanꞌ ꞌin nchga nten, kanꞌ chaꞌ nda neꞌ chabiyaꞌ tyaꞌan biyaꞌ ꞌin ꞌni chen ñaꞌan kanꞌ chkan neꞌ, kwiꞌ yꞌni tnun neꞌ ꞌin nkwin iꞌ bra kanꞌ. Xa wa mdyii chaꞌ mxkwan Ndiose ꞌin ꞌni chen ñaꞌan kanꞌ loꞌo nu kwiñi kanꞌ, ndyaa neꞌ ñaꞌan luꞌu ti neꞌ lo tiyuꞌ kiiꞌ, seꞌen ndiꞌin kiiꞌ tnun nu tiꞌí ꞌa nsuwenꞌ ꞌin nten chaꞌ loꞌo yuu sufri nchkin bra kanꞌ.
“Chkwiǐnꞌ la chinꞌ loꞌo wan taꞌa msñi wan chaꞌ ꞌñaǎn, nu nganun wan nde Tiatira, ꞌwan nu ja msñi wan chaꞌ kuxi nu nduꞌu nu kunaꞌan kuxi kwa. Ja jlyo tiꞌ wan kuꞌni wan chaꞌ kuxi nu nchkwiꞌ neꞌ kanꞌ, chaꞌ ska chaꞌ tukwi ꞌa nu ndiꞌin ꞌin Satanás lka chaꞌ kuxi kanꞌ. Suꞌwe ꞌa ngiꞌni wan sikwa. Ja taǎn xka tñan nu kuꞌni wan” ndukwin Ni,
Sanasan