EFESIOS 5:4 - Chatino Zona Alta Occidental

⁴ Ja ndiꞌin chaꞌ chkwiꞌ wan chaꞌ kuxi. Ti kwiꞌ ti chaꞌ, ja chkwiꞌ wan chaꞌ tintu, chaꞌ wxtye, ja chkwiꞌ wan ska chaꞌ nu mnaꞌ loꞌo taꞌa nten wan; suꞌwe la si tya wan xuꞌwe ꞌin Ndiose.

EFESIOS 5:4 Iomraidhean Croise

SAN MARCOS 7:22

kuꞌni neꞌ kunan chaꞌ nu nsuꞌwi ꞌin taꞌa nten neꞌ, xitukwi tiꞌ neꞌ ꞌin ska nan nu nsuꞌwi ꞌin xka nten, ka tiꞌí tiꞌ neꞌ ꞌin taꞌa nten neꞌ, tukwa chaꞌ ka tiye neꞌ, xaꞌan ꞌa kuꞌni neꞌ, ka liyeꞌ tiꞌ neꞌ, kwentu ꞌa ka neꞌ, siyeꞌ ꞌa chkwiꞌ neꞌ, loꞌo ja ska chaꞌ kuwe tiꞌ neꞌ siyaꞌ ti.

SAN JUAN 6:23

Chunꞌ ndiꞌin la mdiyan xka ta yka naꞌan nu mdoꞌo kichen Tiberias. Ndukwi ran tuꞌwa tyiꞌa kwiꞌ seꞌen ti seꞌen yku neꞌ jaxlya kanꞌ, bra nu ndya Xꞌnaan xuꞌwe ꞌin Ndiose chaꞌ ꞌin ran.

ROMANOS 1:28

Ngwañaꞌan ndiꞌin chaꞌ ꞌin nten chalyuu, chaꞌ ja nchka tiꞌ neꞌ xuꞌwi lyo neꞌ ꞌin Ndiose; kanꞌ chaꞌ ngulaa yaꞌ Ndiose ꞌin neꞌ chaꞌ kuꞌni neꞌ chaꞌ xaꞌan kanꞌ, nda Ni chinꞌ tyempu ꞌin neꞌ chaꞌ kuꞌni neꞌ ñaꞌaan chaꞌ kuxi nu nchka tiꞌ neꞌ kuꞌni neꞌ.

2 CORINTIOS 1:11

Loꞌo ngwañaꞌan, ka tayaꞌ wan ꞌwa bra nu chkwiꞌ wan loꞌo Ndiose chaꞌ ꞌware. Kunan Ni chaꞌ nu chkwiꞌ wan loꞌo Ni, chaꞌ kaꞌan wan; bra kanꞌ kuꞌni Ni chaꞌ ka suꞌwe ꞌwa. Bra kanꞌ kaꞌan wan tya wan xuꞌwe ꞌin Ndiose chaꞌ ꞌwa, chaꞌ nu wa mdoꞌo laa ba ꞌin chaꞌ kuxi.

2 CORINTIOS 9:15

¡Tyaan xuꞌwe ꞌin Ndiose sikwa, chaꞌ tnun ꞌa chaꞌ suꞌwe nu wa nda Ni ꞌñaan, loꞌo ja nchka ꞌa ka biyaꞌ tianꞌ chaꞌ kanꞌ!

EFESIOS 1:16

Kanꞌ chaꞌ ni, taꞌa ti ndyaǎn xuꞌwe ꞌin Ndiose chaꞌ ꞌwan; ndyuꞌwi tiǎnꞌ ꞌwan bra nu ndiꞌiǐn ngiꞌni tnuǔn ꞌin Ndiose.

EFESIOS 4:29

Ja chkwiꞌ ꞌa wan chaꞌ tiꞌí loꞌo taꞌa nten wan, kunaan wan chaꞌ suꞌwe ti nu chkwiꞌ wan loꞌo taꞌa wan; kunaan wan sa ñaꞌan nu ka tayaꞌ wan ꞌin neꞌ chaꞌ sten la neꞌ chaꞌ ꞌin Ndiose, chaꞌ kanun ska chaꞌ suꞌwe niꞌ kasiya ꞌin neꞌ bra nu kunan neꞌ chaꞌ nu chkwiꞌ wan.

FILIPENSES 4:6

Ja ska chaꞌ kuwe tiꞌ wan seꞌen, jñan wan chaꞌ ꞌin Ndiose chaꞌ ꞌin ya ñaꞌan ti chaꞌ nu ka ꞌwan. Loꞌo ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan, bra nu chkwiꞌ wan loꞌo Ni.

COLOSENSES 3:8

loꞌo ni, ndiꞌin chaꞌ kulaa yaꞌ wan nchga chaꞌ kuxi kanꞌ; ni siya taꞌa ti msinꞌ ꞌa tiꞌ wan nu ngwa sꞌni, ni siya liyeꞌ tiꞌ wan ꞌin taꞌa nten wan nu ngwa bra kanꞌ, ja kuꞌni ꞌa wan ngwañaꞌan ni. Kwiꞌ ngwañaꞌan, ja chkwiꞌ ꞌa wan kwentu ꞌin taꞌa nten wan, ja chkwiꞌ wan chaꞌ chen ñaꞌan loꞌo taꞌa nten wan.

1 TESALONICENSES 3:9

Loꞌo ja nchka tyii chaꞌ tyaa ba xuꞌwe ꞌin Ndiose Stian chaꞌ ꞌwan, chaꞌ suꞌwe ꞌa nka tiye ba chaꞌ ꞌwan.

1 TESALONICENSES 5:18

Kwiꞌ ngwañaꞌan, tya wan xuꞌwe ꞌin Ndiose chaꞌ ꞌin nchga chaꞌ nu nchka ꞌwan. Nchka tiꞌ Ni chaꞌ kuꞌni wan ngwañaꞌan si chañi chaꞌ msñi wan chaꞌ ꞌin Jesucristo.

FILEMÓN 1:8

Loꞌo ni, njñaǎn ska chaꞌ tlyu tiꞌ ꞌiin. Jlyo tiǎnꞌ sa ñaꞌan suꞌwe ꞌa nka tiyee ñaꞌaan ꞌin nten, kanꞌ chaꞌ siꞌi ska tñan nu kuloǔn ꞌiin lka re, ni siya ndiya chabiyaꞌ ꞌñaǎn chaꞌ chkwiǐnꞌ ngwañaꞌan loꞌoo. Palyu lkaǎn, wa kulaǎn ni, kwiꞌ ngwañaꞌan, ndiꞌiǐn niꞌ ñaꞌan chkwan, chunꞌ chaꞌ nchkwiǐnꞌ chaꞌ ꞌin Jesucristo loꞌo nten.

HEBREOS 13:15

Kanꞌ chaꞌ nchga tsan kuꞌniin tnuan ꞌin Ndiose chaꞌ ꞌin Jesús; ñaꞌan tiꞌ si taan lomstan ꞌin Ni, kwiꞌ ngwañaꞌan lka xa nu tyukwi ti tiyean kuꞌniin tnuan ꞌin Ni. Loꞌo ngwañaꞌan, ¡suꞌwe ꞌa si nchga tsan chkwianꞌ chaꞌ tnun ꞌa chaꞌ nu ndiꞌin ꞌin Ndiose Stian!

2 SAN PEDRO 2:18

Jlyo ꞌa tiꞌ neꞌ kwiñi kanꞌ chaꞌ chkwiꞌ loꞌo nten sa ñaꞌan ka kwiñi lyoꞌo neꞌ kanꞌ ꞌin nten nu tka msñi ti chaꞌ suꞌwe ꞌin Jesucristo. Nchka ꞌa tiꞌ neꞌ kwiñi kanꞌ chaꞌ loꞌo nten kanꞌ kuꞌni chaꞌ chen ñaꞌan. Sa ñaꞌan yꞌni neꞌ chaꞌ kuxi ti kulo, bra nu ja ya kunan neꞌ chaꞌ suꞌwe ꞌin Ndiose, kwiꞌ ngwañaꞌan nchka tiꞌ neꞌ kwiñi kanꞌ kuꞌni neꞌ xiyaꞌ.

2 SAN PEDRO 2:7

Ska ti ayman Lot, ngulaa Ni ꞌin yu chaꞌ mdoꞌo yu kichen Sodoma kanꞌ; kanꞌ chaꞌ ska ti yu kula Lot kanꞌ ja ngujwi yu bra nu mdyii chaꞌ ꞌin kichen Sodoma kanꞌ. Nten suꞌwe ngwa Lot; kanꞌ chaꞌ mdaꞌan ꞌa chaꞌ tiye yu, lye ꞌa ngwa xiꞌin tiꞌ yu, chaꞌ ꞌin nchga chaꞌ chen ñaꞌan, nchga chaꞌ kuxi nu yꞌni nchga nten kichen kanꞌ.

SAN JUDAS 1:10

Nchkwiꞌ neꞌ kwiñi kanꞌ chaꞌ kuxi ꞌin nchga chaꞌ ꞌin Jesús, ni siya ja siyaꞌ nchka biyaꞌ tiꞌ neꞌ chaꞌ kanꞌ; ngiꞌni ñuꞌun neꞌ kanꞌ ꞌin neꞌ, ti ykwiꞌ ti neꞌ, chaꞌ ngiꞌni neꞌ sa ñaꞌan ngiꞌni ꞌni nu ja nduwe tiꞌ.

SAN JUDAS 1:13

Ñaꞌan tiꞌ kulooꞌ tujoꞌo, ngatsa kulooꞌ ndlo tukwa ran ꞌin ngoꞌ tuꞌwa tyiꞌa, ngwañaꞌan lka chaꞌ kuxi nu ngiꞌni neꞌ kanꞌ; ñaꞌan tiꞌ kwii kulasiin nu ndukwi nde niꞌ kwan nu mnaꞌ tuwiin ꞌin ran, msnan ndyaa xka tuwiin, ngwañaꞌan lka neꞌ kwiñi kanꞌ. Wa yꞌni xuꞌwe Ndiose ska seꞌen nu tla yta siyaꞌ ti seꞌen tyaa neꞌ kwiñi kanꞌ.