EFESIOS 5:11 - Chatino Zona Alta Occidental

¹¹ Ja xuꞌwi chaꞌ ꞌwan loꞌo nten nu xkwiꞌ chaꞌ ndiꞌin jya ti, nten nu ngiꞌni xkwiꞌ chaꞌ tintu ti, siꞌya chaꞌ tla ꞌa chalyuu nu ndiꞌin neꞌ; chkwiꞌ wan loꞌo neꞌ kanꞌ, chaꞌ ka biyaꞌ tiꞌ neꞌ chaꞌ kuxi ꞌa ngiꞌni neꞌ.

EFESIOS 5:11 Iomraidhean Croise

SAN MATEO 18:15

’Bra nu ndiya ska nten taꞌa wan nu wa yꞌni ska chaꞌ kuxi loꞌo wan, bra kanꞌ tsaa wan seꞌen ndiꞌin yu taꞌa wan kanꞌ, chaꞌ mnan ti katsaꞌ wan ꞌin yu kanꞌ sa ñaꞌan lka chaꞌ kuxi nu yꞌni yu loꞌo wan. Suꞌwe ꞌa bra kanꞌ si xlyaa yu taꞌa wan kanꞌ kunan yu chaꞌ nu chkwiꞌ wan loꞌo yu. Ka xiꞌin tiꞌ yu bra kanꞌ, siꞌya chaꞌ kuxi kanꞌ nu wa yꞌni yu, chka suꞌwe chaꞌ ꞌwan loꞌo yu taꞌa wan kanꞌ xiyaꞌ.

SAN LUCAS 3:19

Loꞌo kanꞌ mstya Xuwa kiꞌya ꞌin gobernador Herodes chaꞌ yꞌni yu kunan ꞌin Herodías kwilyoꞌo taꞌa yu nu naan Felipe. Loꞌo ti ndiꞌin xka la chaꞌ kuxi nu yꞌni yu kula Herodes kanꞌ.

LOS HECHOS 26:18

chunꞌ ñaꞌan tiꞌ nten nu kwityiinꞌ, ngwañaꞌan ndiꞌin neꞌ kanꞌ lo chalyuu; ñaꞌan tiꞌ si xkwiꞌ tla ꞌa seꞌen ndiꞌin neꞌ, ngwañaꞌan ngiꞌni neꞌ kanꞌ chaꞌ xaꞌan. Kanꞌ chaꞌ ndiꞌin chaꞌ kwaꞌuu chaꞌ ꞌñaǎn ꞌin neꞌ kanꞌ, chaꞌ sten neꞌ chaꞌ ꞌñaǎn. Ja tyiꞌin ꞌa neꞌ seꞌen tla bra kanꞌ, sa ñaꞌan lka si kwityiinꞌ neꞌ; ka tyaꞌan neꞌ tuwiin ꞌin Ndiose seꞌen nu xaa ꞌa, ka biyaꞌ tiꞌ neꞌ nchga chaꞌ ꞌin Ni bra kanꞌ. Satanás lka nu ndlo tñan ꞌin neꞌ kanꞌ ni, loꞌo chunꞌ ndiꞌin la ka neꞌ kanꞌ nten ꞌin Ndiose. Ndiꞌin chaꞌ sten neꞌ kanꞌ chaꞌ ꞌñaǎn, chaꞌ ka kuꞌni Ndiose chaꞌ tlyu tiꞌ ꞌin neꞌ ꞌin chaꞌ kuxi nu ndiꞌin ꞌin neꞌ kanꞌ. Bra kanꞌ ka suꞌwa chaꞌ ꞌin neꞌ kanꞌ loꞌo nchga nten nu ka luwi kasiya ꞌin neꞌ chunꞌ ngujwiǐn lo wsi” ndukwin Jesús kanꞌ ꞌñaǎn.

ROMANOS 13:12

Sa ñaꞌan lka xa tla, ngwañaꞌan lka chalyuu seꞌen ndiꞌian, chaꞌ xaꞌan ꞌa nka tiye nten. Loꞌo ni, wa tyii ti tla kanꞌ, wa kan ti Krixtu chaꞌ kulo tsuꞌ Ni chaꞌ xaꞌan kanꞌ. Bra kanꞌ ka chalyuu kwi ꞌñaan sa ñaꞌan lka si suꞌwe ꞌa mbiꞌya xaa, chaꞌ luwi ꞌa xaa bra kanꞌ. Kanꞌ chaꞌ chalyuu re ni, ndiꞌin chaꞌ kula yaanꞌ ꞌin chaꞌ xaꞌan nu ngiꞌni nten nu ndiya tiꞌ tyiꞌin lo tla kanꞌ. Kuꞌni xuꞌwean tyukwi ñaꞌaan sikwa, chaꞌ ngula ꞌa kuꞌnian tñan ꞌin Krixtu lo chalyuu re, ñaꞌan tiꞌ sndaru ꞌin Krixtu.

ROMANOS 16:17

ꞌWan taꞌa ndiꞌin chaꞌ ꞌñaan loꞌo Krixtu, lye ꞌa chkwiǐnꞌ loꞌo wan ni, chaꞌ tiya ti tiꞌ tyiꞌin wan lo chalyuu, chaꞌ ja kan ꞌa nten nu suꞌwa chaꞌ wsuun ꞌwan loꞌo taꞌa wan, chaꞌ ja tukunꞌ neꞌ kanꞌ chaꞌ nu ñi ꞌin Krixtu nu wa ynan wan. Ja xñi wan chaꞌ nchkwiꞌ neꞌ kanꞌ,

ROMANOS 6:21

Loꞌo ni, njyuꞌu ꞌa tiꞌ wan siꞌya chaꞌ xaꞌan nu yꞌni wan. Xa nu ndyaa toꞌo chaꞌ xaꞌan kanꞌ, ngiꞌni tyii ran ꞌin nchga nten nu kuꞌni chaꞌ kuxi kanꞌ; ja ka tyiꞌin chaꞌ ꞌñaan loꞌo Ndiose si ngwañaꞌan ngiꞌnian.

GÁLATAS 6:8

Kwiꞌ ngwañaꞌan nchka tianꞌ bra nu ndiꞌian lo chalyuu re. Bra nu ti ngiꞌnian ya ñaꞌan ti chaꞌ kuxi nu ndiya tianꞌ kuꞌnian, ja ska chaꞌ suꞌwe kaja ꞌñaan bra nu tyii chalyuu re. Sa kanꞌ ti chaꞌ nganun chaꞌ kajaan, loꞌo ngwañaꞌan ti tyii nchga chaꞌ suꞌwe nu nsuꞌwi ꞌñaan. Bra nu kuꞌnian nchga tñan nu nchka tiꞌ Tyiꞌi Ndiose chaꞌ kuꞌnian, suꞌwe ꞌa tsaa toꞌo chaꞌ ꞌñaan bra kanꞌ; kaja chalyuu nu ja tsaa tii ꞌa ꞌñaan. Ja tyii tñan ꞌñaan ngwañaꞌan ti.

EFESIOS 4:22

kanꞌ chaꞌ kuꞌni tyii wan chaꞌ kuxi nu yꞌni wan nu ngwa sꞌni. Kaꞌan ꞌa chaꞌ ndatsaa chaꞌ kuxi kanꞌ ꞌwan nu ngwa bra kanꞌ, mdiya ꞌa tiꞌ wan chaꞌ kuxi kanꞌ, loꞌo siyaꞌ ti kanaꞌ chalyuu ꞌwan siꞌya chaꞌ kuxi kanꞌ.

EFESIOS 5:12

Ndiya chaꞌ kuxi nu ngiꞌni nten mnan ti; ka jyuꞌu ꞌa tianꞌ bra nu chkwianꞌ ꞌin chaꞌ kuxi nu ngiꞌni nten kanꞌ.

EFESIOS 5:7

Kanꞌ chaꞌ nchkwiǐnꞌ loꞌo wan, chaꞌ ja sten yuꞌwi wan loꞌo nten nu ngiꞌni ngwañaꞌan.

COLOSENSES 1:12

Loꞌo tya wan xuꞌwe ꞌin Ndiose Sti wan nu nda chabiyaꞌ chaꞌ kaja chaꞌ suꞌwe ꞌwan, ti kwiꞌ chaꞌ suꞌwe nu ndiꞌin seꞌen ndiꞌin Ndiose chaꞌ kaja ꞌin nten, bra nu kala neꞌ seꞌen ndukwa Ndiose nu xaa ꞌa.

1 TESALONICENSES 5:7

Nten chalyuu nu xkwiꞌ nan kuꞌwi ti lka neꞌ ñaꞌan tiꞌ nten nu wa lajaꞌ, chaꞌ ja nduwe tiꞌ neꞌ siyaꞌ ti.

2 TESALONICENSES 3:14

Nten nu ja xlyaa kunan nchga chaꞌ nu ndaꞌan ba lo kityi re ni, kiꞌya wan kwenta ti ka nu lka neꞌ kanꞌ; bra kanꞌ ja tyaꞌan wan suꞌwa ti loꞌo neꞌ kanꞌ, chaꞌ ngwañaꞌan ka jyuꞌu tiꞌ neꞌ.

2 TESALONICENSES 3:6

ꞌWan taꞌa msñian chaꞌ ꞌin Jesús, xiyaꞌ kulo ba tñan ꞌwan chabiyaꞌ ꞌin Jesucristo nu nka Xꞌnaan: Ja tyaꞌan wan suꞌwa ti loꞌo xka ta taꞌa msñian chaꞌ kanꞌ nu ja xlyaa kuꞌni tñan, ti kwiꞌ neꞌ taꞌa wan nu ja xlyaa xñi chaꞌ nu ykwiꞌ ba loꞌo wan.

1 TIMOTEO 5:20

Si chañi chaꞌ ngiꞌni yu kula kanꞌ chaꞌ kuxi, bra kanꞌ chkwiiꞌ loꞌo yu kula kanꞌ tloo taꞌa nten ꞌin Jesucristo kanꞌ, chaꞌ kuwe tiꞌ nchga neꞌ, chaꞌ ja kuꞌni neꞌ chaꞌ kuxi ngwañaꞌan.

1 TIMOTEO 5:22

Ja xtyaa yaaꞌ ndla ꞌa ke ska nten, chaꞌ ka yu ndloo ꞌin ska ta nten ꞌin Jesucristo; kataa chinꞌ chaꞌ ñaꞌaan si chañi chaꞌ nten nu xkwiꞌ chaꞌ suꞌwe ngiꞌni lka yu, si chañi chaꞌ suꞌwe ꞌa tñan ngiꞌni yu. Ja chan si ndiya chaꞌ kuxi niꞌ kasiya ꞌin yu kanꞌ, xtya neꞌ kiꞌya ꞌñaan siꞌya yu kanꞌ. Loꞌo nuꞌwin ni, xkwiꞌ luwi kasiya ꞌiin kuꞌnii tñan.

1 TIMOTEO 6:5

Lye ꞌa nchkwiꞌ neꞌ kanꞌ, chunꞌ ja msñi suꞌwe neꞌ chaꞌ nu ñi ꞌin Ndiose, kwiꞌ ngwañaꞌan ja suꞌwe ndaꞌan chaꞌ tiye neꞌ kanꞌ; chaꞌ kwiñi ti ngiꞌni tnun neꞌ kanꞌ ꞌin Ndiose chaꞌ kaja tñi ꞌin neꞌ, nka tiye neꞌ. Ja tyaꞌaan suꞌwaan loꞌo neꞌ kanꞌ.

2 TIMOTEO 3:5

Kwiñi ꞌa neꞌ kanꞌ bra nu kuꞌni tnun neꞌ ꞌin Ndiose; nxkeꞌ tianꞌ chaꞌ suꞌwe ꞌa ngiꞌni neꞌ, loꞌo ja nda ꞌa neꞌ chabiyaꞌ nu kuꞌni chaꞌ ꞌin Ndiose tñan niꞌ kasiya ꞌin neꞌ. Nuꞌwin Timu, kulaa yaaꞌ ꞌin nchga nten nu kuꞌni ngwañaꞌan.

2 TIMOTEO 4:2

Kuloǔn tñan ꞌiin chaꞌ kwaꞌuu chaꞌ ꞌin Ndiose ꞌin nten; ñaꞌan ti kwaꞌuu chaꞌ kanꞌ ꞌin nchga nten, ni siya nchka tiꞌ neꞌ kunan neꞌ chaꞌ kanꞌ, ni siya ja nchka tiꞌ neꞌ kunan neꞌ. Tyukwi ti tiyee kwaꞌuu ꞌin neꞌ, chaꞌ kiꞌya neꞌ kwenta ꞌin nchga chaꞌ kuxi nu nsuꞌwi niꞌ kasiya ꞌin neꞌ; ngwañaꞌan ka tayaaꞌ ꞌin neꞌ chaꞌ kulaa yaꞌ neꞌ chaꞌ kuxi kanꞌ. Chan taloo ꞌin neꞌ chaꞌ suꞌwe ti kwaꞌuu chaꞌ suꞌwe kanꞌ ꞌin neꞌ.

TITO 2:15

Ngwañaꞌan lka chaꞌ nu ndiꞌin chaꞌ kwaꞌuu ꞌin nten, lye chkwiiꞌ nchga chaꞌ kanꞌ loꞌo neꞌ. Kuloo tñan ꞌin neꞌ, nchga loo tñan suꞌwe nu ndiꞌin chaꞌ kuꞌni neꞌ; ja taa chabiyaꞌ kuꞌni neꞌ tñan nu ja suꞌwe, chaꞌ nuꞌwin nkaa ndloo. Ja taa seꞌen tyukwa kiyaꞌ chaꞌ chkwiꞌ nten chaꞌ kuxi ꞌiin.

EL APOCALIPSIS 18:4

Kwiꞌ xiyaꞌ ynen nchkwiꞌ ska nten la seꞌen ndiꞌin Ndiose, nchkwiꞌ loꞌo nten nu ndiꞌin chaꞌ ꞌin Ni bra kanꞌ: ―Tyoꞌo lya wan, ꞌwan nu lka wan nten ꞌñaǎn ni, tyoꞌo tsuꞌ wan kichen tnun kwa ―ndukwin Ni―. Ja kuꞌni wan chaꞌ kuxi loꞌo neꞌ kwa suꞌwa ti, chaꞌ ja ta Ndiose nu tiꞌí ꞌwan suꞌwa ti loꞌo neꞌ xaꞌan kwa bra kanꞌ.